Atvinnuvega- og nýsköpunarráðuneytið úthlutaði nýverið úr svokölluðum AVS-sjóði til atvinnuþróunar og nýsköpunar í sjávarbyggðum. Ríflega sautján milljónum króna var úthlutað að þessu sinni til níu verkefna þar af einu á Vestfjörðum, Urðartindi ehf., í Norðurfirði á Ströndum,sem fékk styrk upp á 2.milljónir króna til þróunar siglinga með ferðamenn á Hornstrandir. Í fyrra fékk Urðartindur ehf. styrk frá Ferðamálastofu upp á hálfa milljón króna vegna smíði á grillhúsi í Norðurfirði.

Urðartindur ehf., hefur á undanförnum árum staðið að uppbyggingu vandaðrar ferðaþjónustu í Norðurfirði á  Ströndum. Alls veitti AVS-sjóðurinn styrki til 50 verkefna,alls rúmlega 258 milljónir króna. Styrkirnir skiptust í rannsóknarstyrki, smá- og forverkefni auk áðurnefndra nýsköpunarstyrkja.