Enn er keyrt á búfénað,lögregla hvetur ökumenn að fara með gát.

Í liðinni viku voru fjórir ökumenn stöðvaðir fyrir of hraðan akstur í og við Ísafjörð,sá sem hraðast ók,var mældur á 108 km/klst, þar sem leyfilegur hámarkshraði er 90 km/klst. Tvö umferðaróhöpp voru tilkynnt til lögreglu í vikunni það fyrra þriðjudaginn 17, minniháttar óhapp á Ísafirði og það síðara miðvikudaginn 18 á Djúpvegi, Steingrímsfjarðarheiði. Ekki var um slys að ræða í þessum tilfellu, en eignartjón. Einn ökumaður var stöðvaður vegna grun um ölvun við akstur. Enn og aftur eru ökumenn að aka á lömb og vill lögregla benda ökumönnum á að þegar rökkvar og orðið dimmt sjást lömb og fénaður illa,því vill lögregla brýna fyrir ökumönnum að gæta varúðar,því víða er fé farið að koma af fjalli og stutt í smalanir. Ökumenn/umráðamenn ökutækja, hugið að ljósabúnaði og hafið þessa hluti í lagi. Skemmtanahald í umdæminu gekk vel og án teljandi afskipta lögreglu. Segir í tilkynningu frá lögreglunni á Vestfjörðum.