Fleiri fréttir

| laugardagurinn 21. júní 2008 Prenta

Frækinn sigur Helga og frábær árangur heimamanna

Halldór Blöndal tefldi á Pálsmótinu. Hér ræðir hann málin við Jón Guðbjörn. Milli þeirra er Guðmundur í Ávík að hugsa næsta leik.
Halldór Blöndal tefldi á Pálsmótinu. Hér ræðir hann málin við Jón Guðbjörn. Milli þeirra er Guðmundur í Ávík að hugsa næsta leik.
Helgi Ólafsson stórmeistari vann frækinn sigur á Minningarmóti Páls Gunnarssonar í Djúpavík, sem lauk síðdegis á laugardag. Helgi fékk 8 vinninga í 9 skákum og var í forystu allan tímann. Næstur varð Björn Þorfinnsson, forseti Skáksambands Íslands, með 7 vinninga.

Mótið í gömlu síldarverksmiðjunni heppnaðist frábærlega. Keppendur voru alls 53 og komu úr öllum áttum. Heimamenn áttu vaska sveit, og vann Björn Torfason á Melum tvöfaldan sigur, var efstur Strandamanna og stigalausra skákmanna. Ingólfur í Árnesi hreppti annað sætið í báðum flokkum.

Guðfríður Lilja Grétarsdóttir varð efst kvenna, en gaf verðlaunafé sitt, 15 þúsund krónur, í söfnun til uppbyggingar Finnbogastaða eftir brunann mikla. Aðrir sigurvegarar létu heldur ekki sitt eftir liggja.

Helgi Ólafsson fékk 100 þúsund krónur í verðlaun fyrir sigurinn og glæsilega skál úr rekaviði eftir Valgeir Benediktsson í Árnesi.

 

Á morgun, sunnudag, verður hraðskákmót í Kaffi Norðurfirði, nýju kaffihúsi Árneshrepps sem opnaði á þjóðhátíðardaginn. Mótið hefst kl. 12 og er öllum opið.

Athugasemdir

Atburðir

« 2024 »
« Júní »
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Úr myndasafni

  • Mynd frá Skúla Alexandersyni: sem hann sendi vefnum af hafísþökum á Reykjarfirði 1965.
  • Spýtan og súlan eftir.
  • Íshrafl í Trékyllisvík 13-03-2005.
  • Borgarísjaki ca 20-22 km NNA af Reykjaneshyrnu og um 7 til 8 km A af Sæluskeri. 21-09-2017.
  • Frá brunanum.
  • Þegar snjór og sjór koma saman.08-01-2001.
Vefumsjón