Kennsl borin á lík sem fannst í Kaldbaksvík.
Eins og komið hefur fram í fréttum var lögreglunni á Vestfjörðum tilkynnt um lík sem ferðafólk hafði fundið í Kaldbaksvík á Ströndum. Lögreglan fór þá þegar á vettvang, eða að kveldi 17. maí sl. Vettvangur var rannsakaður og líkið flutt til rannsóknar hjá ID nefnd Ríkislögreglustjóraembættisins (kennslanefnd).
Nú í dag hefur kennslanefndin lokið störfum sínum hvað rannsókn þessa varðar. Niðurstaðan var ótvíræð, að líkið er af Gunnari Gunnarssyni fæddum 1962. Þann 12. desember 2012 mun Gunnar Gunnarsson hafa fallið útbyrðis af Múlabergi SI-22, djúpt út af Húnaflóa.
Ættingjum Gunnars hefur verið tilkynnt um niðurstöðu rannsóknarinnar.
Lögreglan á Vestfjörðum vill færa ferðafólkinu sem tilkynnti um líkið, kennslanefnd Ríkislögreglustjóraembættisins og lögreglunni á Akureyri þakkir fyrir aðkomu þeirra að máli þessu.
