Snjómokstur (snjóblástur) í Kúvíkurdal.

Kort Vegagerðin.

« 1 af 2 »

Nú í morgun byrjaði Vegagerðin að opna veginn norður í Árneshrepp. Mokað er beggja megin frá, það er norðan frá og sunnan frá. Talsverðan snjó er um að ræða, hefur snjóað mikið frá því á Þorláksmessa og alla hátíðisdagana og nú síðast í gær þó nokkuð í éljum. Ekki er vitað hvenær vegurinn opnast í dag ennþá. Mokað var innansveitar í gær, Gjögur- Norðurfjörður.

Flogið var á Gjögur í gærdag, næsta flug er á morgun föstudag, ef veður leifir. Veðurspá frá Veðurstofu Íslands fyrir Strandir og Norðurland vestra í dag og á morgun: Suðaustan gola og léttskýjað. Austlæg eða breytileg átt 3-8 á morgun og él á annesjum, en áfram bjart til landsins. Frost 3 til 14 stig, kaldast í innsveitum.