Bæjarins besta.
Ögmundur Jónasson innanríkisráðherra sagði á Alþingi í gær að ekki hafi verið tekin ákvörðun um að endurskoða G-regluna varðandi snjómokstur í Árneshreppi. Eftir umræðu um snjómokstur í hreppnum sagði ráðherra að honum fyndist sjálfsagt að verða við óskum um endurskoðun eða yfirferð á þessum reglum til að sjá hvort ástæða sé til að breyta þeim að einhverju leyti, almennt eða með tilliti til einstakra sveitarfélaga. Kom þetta fram í fyrirspurnartíma þar sem ráðherra svaraði fyrirspurn Einars Kristins Guðfinnssonar, þingmanns Sjálfstæðisflokksins í Norðvesturkjördæmi, um snjómokstursreglur í Árneshreppi. Nánar hér á bb.is