Tækjamótið í Trékyllisvík.
Nú í dag eru björgunarsveitir víða af landinu að koma á Tækjamótið í Trékyllisvík,en einhverjar deildir komu í gær. Reiknað er með að komi hátt í þrjú hundruð manns á um 50 til 60 bílum,og með 70 snjósleða. Einnig koma 4 snjóbílar og sex fjórhjól eru skráð. Fólksfjöldi í Árneshreppi mun margfaldast um helgina. Ferðin norður á Strandir hefst á morgun á Eyrarhálsi og keyrt á bílum til Ófeigsfjarðar og eða á vélsleðum,farið verður á Drangajökul.
Á verkefnalista á tildæmis að fara norður í Furufjörð á Ströndum og setja skýlið sem fauk þar af grunni á dögunum,en er mikið til heilt,á grunninn aftur. Einnig verður farið í Bolungarvík á Ströndum og athuga þar með foktjón og loka ef eitthvað er opið,en vitað er um eitthvert foktjón þar. Og fara í Barðsvík og athuga með björgunarskýli þar. Og einnig að athuga með hús og búnað í Hornvík,og einnig í Hrafnfjörð að athuga með björgunarskýli og hús á svæðinu. Farið verður í Reykjarfjörð niðri og jafnvel farið í sund þar. Á Laugardagskvöld verður matur í félagsheimilinu.
Feisbóksíða Tækjamót Slysavarnarfélagsins Landsbjargar er hér:
https://www.facebook.com/groups/365457266983528/368169620045626/?notif_t=group_activity
