Tveir menn frá Símanum voru í dag að vinna við lagfæringar á fjarskiptastöðinni í Reykjaneshyrnu og telja að nú sé búið að komast fyrir þessar bilanir að stöðin detti út í tíma og ótíma,og það allt kerfið. Enn endurvarp er á milli Hnjúka sem er rétt við Blönduós og stöðvarinnar í Reykjaneshyrnu,þar hafa líka orðið bilanir sem virka á stöðina í Reykjaneshyrnu,en þar var líka unnið að viðgerð og eða endurbótum. Nú telja símamennirnir Kjartan Sigurjónsson og Jóhann Styrmir,sem voru að vinna í dag í stöðinni, að allt eigi að vera í lagi með 3.G netið og 3.G farsíma einnig. Net og símasambandslaust var við Árneshrepp í um þrjá tíma í dag á meðan á viðgerð stóð.