Fleiri fréttir

| sunnudagurinn 14. júní 2009 Prenta

Vel lukkað Strandhögg í Árneshreppi

Sól í Ávík. Viðar Hreinsson spjallar um Jón lærða, sem bjó um skeið í Stóru-Ávík.
Sól í Ávík. Viðar Hreinsson spjallar um Jón lærða, sem bjó um skeið í Stóru-Ávík.
1 af 2
Rútufylli af þjóðfræðingum, sagnfræðingum og fleiri góðum gestum gerðu Strandhögg í Árneshreppi um helgina og nutu blessunar veðurguða, enda skartaði sveitin okkar sínu fegursta.

Dagskrá var fjölbreytt og fróðleg. Rakel Valgeirsdóttir frá Árnesi var leiðsögumaður hópsins, sem skoðaði síldarverksmiðjuna í Djúpavík, hlýddi á fyrirlestra á Gjögri, Stóru-Ávík, Kistuvogi og Kört. Síðan brá hópurinn sér í Krossneslaug og loks var slegið upp gleðskap í Hótel Djúpavík á laugardagskvöldið.

Fréttaritari hlýddi á fyrirlestur Más Jónssonar sagnfræðings í flutningi Sigurðar Gylfa Magnússonar. Erindið var flutt í Kistuvogi, í landi Stóru-Ávíkur, en þar voru þrír bændur í Árneshreppi brenndir á báli í september 1654. Már hefur hinsvegar látið í ljósi eindregnar efasemdir um að Kistuvogur sé hinn raunverulegi aftökustaður. Þessi sjónarmið komu fram í bók hans Galdrar og siðferði í Strandsýslu á síðari hluta 17. aldar, sem Strandagaldur gaf út á síðasta ári, og voru áréttuð í fyrirlestrinum í Kistuvogi.

Hér er ekki tóm til að rekja röksemdir Más, sem telur að brennan hafi farið fram í Árnesi, en óhætt er að segja að sjónarmið hans falli í grýttan jarðveg á Ströndum og meðal áhugafólks um galdrafárið á 17. öld. Jón Jónsson þjóðfræðingur flutti andmæli í Kistuvogi, þar sem hann hrósaði bók Más, fyrir utan tilraun hans til að flytja brennuna milli staða. Sagði Jón að þar hefði Már komist að "stórkostlega fáfengilegri niðurstöðu", sem á engum rökum væri reist. Jón færði mjög sannfærandi rök fyrir því að Kistuvogur hefði einmitt verið aftökustaðurinn og benti þar að auki á meinlega villu í útreikningum Más.

Atburðir

« 2020 »
« September »
S M Þ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Úr myndasafni

  • Kort Árneshreppur.
  • Elísa Ösp Valgeirsdóttir skólastjóri frá 2010 til 2016.
  • Gunnsteinn Gíslason og Reimar Vilmundarson skálar fyrir afmælisbarninu og gestum.
  • Hafísjaki ca 4 til 5 km NNA af Reykjaneshyrnu eðu um 6 km A af Selskeri.18-01-2010.
  • Garðarshús Gjögri-05-07-2004.
Vefumsjón