Vindaspá á miðnætti annað kvöld.

Þá eru haustlægðirnar að koma inn hver af annarri með mismunandi vindstyrk. Nú strax á morgun fer að hvessa af suðvestri. Veðurstofa Íslands er að gera ráð fyrir allhvössum vindi eða hvassviðri með miklum stormkviðum á Ströndum og austur í Skagafjörð, annað kvöld, Jafnavindur gæti verið í um 18 til 26 m/s sumstaðar og kviður allt í 40 m/s þar sem vindur er af fjöllum, sérstaklega á Ströndum og víða á þessu spásvæði. Á föstudag fer að draga jafnt og þétt úr vindi eftir því sem líður á daginn.

Á laugardag kosningardag snýst til norðlægrar vindáttar með kólnandi veðri og jafnvel að muni frysta og snjóél verða víða, ef ekki snjókoma á stöku stað.