Fleiri fréttir

Jón G. Guðjónsson | mánudagurinn 17. október 2011 Prenta

Vikan hjá Lögreglunni á Vestfjörðum 10. til 17. okt. 2011.

Fjögur umferðaróhöpp tilkynnt til lögreglunnar í liðinni viku.
Fjögur umferðaróhöpp tilkynnt til lögreglunnar í liðinni viku.

Í liðinni viku voru fjögur umferðaróhöpp tilkynnt til lögreglunnar á Vestfjörðum. Fimmtudaginn 12. okt. urðu tvö óhöpp, það fyrra varð á Flateyrarvegi, þar hafnaði bifreið út fyrir veg, ekki slys á fólki og ekki miklar skemmdir á bílnum. Þann sama dag var ekið á tengikassa frá Orkubúinu á Hólmavík og daginn eftir var aftur ekið á tengikassa, í báðum þessum tilfellum urðu skemmdir á viðkomandi tengikössum.  Þá varð minniháttar óhapp á Ísafirði þann 14. okt, þar var bakkað á bifreið.

Færð á vegum síðustu daga hefur ekki verið góð og fjallsvegir illfærir, um liðna helgi varð Hrafnseyrarheiði ófær vegna snjóflóða og þurftu björgunarsveitarmenn frá Þingeyri að fara vegfarendum á Hrafnseyrarheiði til aðstoðar. Þá þurftu björgunarsveitarmenn frá Barðaströnd að fara vegfarendum, sem voru í vandræðum á Klettshálsi, til aðstoðar og komu fólkinu til byggða.

Enn og aftur vill lögregla benda  vegfarendum á að kynna sér aðstæður áður en lagt er í langferð á þessum tíma árs, þegar allra veðra er von, kynna sér veðurspá og færð áður en lagt er af stað. Í þessu sambandi má benda á upplýsingasíma Vegagerðarinnar 1777/1779,  þar geta vegfarendur fengið upplýsingar um færð og veður.

Þá vill lögregla benda eigendum/umráðamönnum ökutækja á að búa bifreiðar sína eftir aðstæðum, huga að dekkja og ljósabúnaði áður en lagt er af stað í langferðir.Segir í frétt frá lögreglunni.

Athugasemdir

Atburðir

« 2024 »
« Febrúar »
S M Þ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29    

Úr myndasafni

  • Bakdyr SA hlið.18-12-2008.
  • Fyrsti flotinn verður skilin eftir út á rúmsjó meðan að verða sóttar fleyri ferðir í fjöruna.
  • Villi og Úlfar á spjalli.
  • Frá brunanum.
  • Frá saumaklúbb á Krossnesi 18 febrúar 2012.
Vefumsjón