Tólf ökumenn voru stöðvaðir í liðinni viku fyrir of hraðan akstur í umdæmi lögreglunnar á Vestfjörðum. Sá sem hraðast ók var mældur á  120 km/klst., þar sem leyfilegur hámarkshraði er 90 km/klst. Eitt minniháttar umferðaróhapp var tilkynnt til lögreglu á Patreksfirði. Þar var ekið utan í bíl, ekki vitað um tjónvald. Skráningarnúmer voru tekin af fimm bifreiðum í vikunni, þar sem tryggingar voru ekki í gildi.

Á sunnudag var bifreið stöðvuð við reglubundið eftirlit lögreglu  og í framhaldinu vaknaði grunur um að ökumaður væri undir áhrifum fíkniefna og í framhaldi farið í húsleit í íbúð á Ísafirði. Við leit fundust ætluð lítil ræði að efnum, kannabis og amfetamín.