Veðrið í Október 2007.
Mánuðurinn var umhleypingasamur í heild.
Úrkomulausir dagar í mánuðinum voru 3.
Mikil úrkoma var aðfaranótt 6 og mældist úrkoman þá 29,5 mm og er það met í Litlu-Ávík síðan mælingar hófust þar í ágúst1995.Enn sólarhringsúrkoman mældist 38 mm.
Mikil úrkoma var í mánuðinum og hefur aldrei mælst eins mikil úrkoma í október síðan mælingar hófust eða 204,5 mm,enn 1995 og 1996 mældist úrkoma í október 183,3 og 179,9 mm,og er þetta í fyrsta sinn sem úrkoma fer yfir 200 mm í einum mánuði.
Fyrst í haust var alhvít jörð að morgni 6/10 og mældist snjódýpt þá 6 cm.
1-Suðlæg vindátt kaldi síðan allhvass,rigning síðan skúrir,hiti 5 til 12 stig.
2-Norðvestan,kul eða gola,rigning eða súld,kólnandi í bili hiti frá 9 stigum niðrí 3 stig.
3-Sunnan kaldi og stinningskaldi,smá skúrir,hlínaði í veðri hiti 5 til 10 stig.
4-Breytilegar vindáttir og hægviðri,kul,smávegis súld og rigning,6 til 10 stig.
5-6-Norðlæg vindátt,kaldi í fyrstu síðan allhvass og hvassviðri,rigning og mikil slydda og snjókoma aðfaranótt 6,kólnaði verulega í veðri,hiti frá 6 stigum niðrí 0 stig.
7-Norðvestan og vestan,kaldi eða stinningskaldi,þurrt,hiti 4 til 7 stig.
8-Breytilgar vindáttir,kul eða gola,þurrt í veðri,hiti 4 til 7 stig.
9-Norðaustan,allhvass síðan kaldi,súldarvottur,hiti 2 til 3 stig.
10-11-Norðvestan eða breytilegar vindáttir,gola,rigning eða súld,hiti 3 til 5 stig.
12-13-Suðlægar vindáttir,stinníngsgola,kaldi,rigning eða skúrir,hlýnaði í veðri,hiti 5 til 13 stig.
14-16-Norðaustan í fyrstu síðan norðan,stinningskaldi og allhvass um tíma þann 15,rigning í fyrstu síðan slydda og snjókoma,þurrt þann 16,kólnaði í veðri hiti frá 4 stigum niðrí frostmark.
17-Suðaustan hægviðri,kul,þurrt,frost 1 til 4 stig.
18-20-Suðaustan og sunnan,kaldi upp í allhvassan vind,rigning eða skúrir,hlínandi veður hiti 1 til 12 stig.
21-Breytilegar vindáttir,kul eða gola,rigning,hiti frá 7 og niðrí 4 stig.
22-Austan stinningsgola síðan stinningskaldi,slydda,snjókoma ,rigning,hiti frá 0 stigum upp í 6 stig.
23-27-Suðlægar vindáttir,kaldi,stinningskaldi,enn allhvass og hvassviðri um tíma þann 27,rigning,slydda,skúrir,hiti 1 til 8 stig.
28-Norðvestan stinningsgola,snjóél,hiti 1 niðrí 0 stig.
29-31-Norðaustan og austan og síðan norðan,kaldi,allhvass og hvassviðri enn stormur um tíma að morgni 31,él,slydda,snjókoma,hiti frá 2 stigum niðrí 2 stiga frost.
Úrkoman mældist 204,5 mm.
Mestur hiti var þann 12 þá 13,0 stig.
Mest frost var þann 17 þá -4,4 stig.
Mesta snjódýpt var 19 cm þann 31.
Alhvít jörð var í 8 daga.
Flekkótt jörð var í 4 daga.
Auð jörð var því í 19 daga.
Sjóveður var rysjótt í mánuðinum.
Tekið saman af Jóni G Guðjónssyni veðurathugunarmanni í Litlu-Ávík.