Séð til Norðurfjarðar.

Mjög fallegt veður var þann 30.

Reykjaneshyrnan snævi þakinn.

« 1 af 3 »

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með suðvestanáttum og hlýju veðri fyrstu tvo dagana, en síðan breytilegar vindáttir, og veður fór kólnandi. Frá 5 til 7 var norðaustan eða norðan og allhvass með éljum. Frá 8 og til og með 12 var hægviðrasamt mest í suðlægum vindáttum, og hlýnaði svolítið þann 12. Þann 13 til 15 voru austlægar og eða NA, vindáttir. En frá 16 og fram til 22 voru suðlægar vindáttir oft hvassar en ofsaveðri um tíma fyrir og eftir miðnætti 22 og 23. Þann 23 gekk svo í norðaustan með hvassviðri og snjókomu og síðan éljum, og talsverðu frosti, er stóð til 27. En þann 28 var komin hæg austanátt sem var til 30. Síðasta dag mánaðar var norðan kaldi í fyrstu og síðan vestan gola.

Mjög lítil úrkoma var fram í miðjan mánuð, síðan var úrkomusamara. Mánuðurinn var mjög kaldur.

Vindur náði 74 hnútum eða 38 m/s fyrir og eftir miðnætti 22 og 23 í suðvestan roki í kviðum.

Mæligögn:

Úrkoman mældist 61,4 mm. (í desember 2016: 115,2mm.)

Úrkomu sem varð vart en mældist ekki var í 1 dag.

Þurrir dagar voru 11.

Mestur hiti mældist þann 1. +9,1 stig.

Minnstur hiti mældist þann 30. -8,6 stig.

Meðalhiti mánaðarins var -0,2 stig. ( í desember 2016: +3,0 stig.)

Meðalhiti við jörð var -3,65 stig. (í desember 2016: -0,36. stig.)

Alhvít jörð var í 18 daga.

Flekkótt jörð var í 5 daga.

Auð jörð var því í 8 daga.

Mesta snjódýpt mældist þann 30. 29 cm.

Sjóveður: Mjög rysjótt sjóveður í heild.

Yfirlit dagar eða vikur:

1-3: Suðvestan allhvass, stinningskaldi, stinningsgola, kul, litilsáttar skúrir þ.1. enn þurrt í veðri 2 og 3. hiti 9 niður í -2 stig.

4: Breytilegar vindáttir andvari eða kul, snjó eða slydduél, hiti -1 til 4 stig.

5-7: Norðaustan eða N, allhvass, stinningskaldi, kaldi, snjóél, en þurrt. Þ.7. hiti -7 til 2 stig.

8-12: Suðlægar eða breytilegar vindáttir, andvari, kul eða gola, þurrt í veðri, en rigning þann 12. hiti -8 til 3 stig.

13-15: Austan eða NA, allhvasst, stinningskaldi, stinningsgola, gola, rigningarvottur þ.13. annars þurrt, hiti 4 niður í -3 stig.

16-22: Suðlægar vindáttir, SA, S, SV, gola, stinningsgola, kaldi, stinningskaldi, allhvass, hvassviðri, enn    

ofsaveður var um tíma frá um 23:00 þann 22 og fram til 02:00 þann 23. snjókoma, rigning, él, hiti -5 til 8 stig.

23-27: Norðaustan eða N, hvassviðri, allhvasst, stinningskaldi, kaldi, snjókoma, él, hiti 1 til -6 stig.

28-30: Austan gola eða stinningsgola, þurrt í veðri þ.28 og 30. enn snjókoma um tíma þ.29. hiti -1 til -9 stig.

31: Norðan kaldi, stinningsgola, í fyrstu síðan V gola, él um morguninn, hiti 1 til -4 stig.

Tekið saman af Jóni G Guðjónssyni veðurathugunarmanni í Litlu-Ávík.

Svona skóf snjó að bílskúrsdyrum í Norðurfirði í norðanbylnum í mánuðinum. Eins og pússað þunnu lagi efst upp á hurð. Mynd Þórólfur Guðfinnsson.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með umhleypingum og var umhleypingasamt í mánuðinum, en hægviðri á milli og góðir dagar, með hita yfir frostmarki í fyrstu en yfirleitt með frosti, en talsverð sveifla í hitastigi. Þann 20 gekk í ákveðna norðanátt eða norðaustanátt með hvassviðri eða stormi og snjókomu eða éljum, sem gekk síðan niður eftir hádegið þann 25. Síðan var hægviðri í þrjá daga. En síðustu tvo daga mánaðarins var suðvestan og SV hvassviðri þann 30. með hlýju veðri, og tók þennan litla snjó upp sem var, enn nokkuð svellað. Mánuðurinn var mun kaldari en nóvember 2016 í fyrra.

Jörð varð fyrst talin flekkótt þann 3. Og alhvít jörð var talin fyrst á veðurstöðinni þann 18.

Mæligögn:

Úrkoman mældist 72 mm. (í nóvember 2016: 92,0 mm.)

Úrkomu sem varð vart en mældist ekki var í 2 daga.

Þurrir dagar voru 10.

Mestur hiti mældist þann 30. +9,1 stig.

Minnstur hiti mældist þann 26. -5,6 stig.

Meðalhiti mánaðarins var +0,7 stig. ( í nóvember 2016: +3,7 stig.)

Meðalhiti við jörð var -3,32 stig. (í nóvember 2016: +0,52 stig.)

Alhvít jörð var í 12 daga.

Flekkótt jörð var í 16 daga.

Auð jörð var því í 2 daga.

Mesta snjódýpt mældist 16 cm þann 28.

Sjóveður: Mjög rysjótt oftast slæmt, en sæmilegt dagana 13 til 19 og síðustu þrjá daga mánaðar.

Yfirlit dagar eða vikur:

1: Norðaustan kaldi, stinningsgola, í fyrstu síðan SV gola, þurrt í veðri, hiti -1 til 2 stig.

2: Suðvestan hvassviðri, allhvasst, kaldi, stinningsgola, rigning, skúrir, hiti 1 til 8 stig.

3-4: Norðan eða NNA kaldi eða stinningskaldi, slydda, snjókoma, él, hiti -1 til 2 stig.

5: Austan gola, síðan stinningsgola, snjókoma, slydda, rigning um kvöldið og fram á nótt, hiti -2 til 3 stig.

6-7: Sunnan, stinningsgola, kaldi, gola, kul, síðan V stinningsgola, gola, él, hiti -1 til 3 stig.

8: Norðaustan stinningsgola, stinningskaldi, allhvasst, él, hiti 1 til 3 stig.

9-12: Suðlægar eða breytilegar vindáttir, kul, gola, stinningsgola, þurrt í veðri 9 og 10, annars litilsáttar él eða snjókoma, hiti -4 til 2 stig.

13-16: Suðvestan, stinningsgola, kaldi, stinningskaldi,skúrir, él, snjókoma, en þurrt í veðri þann 16.hiti -1 til 5 stig.

17-18: Vestan, SV, eða breytilegar vindáttir, gola, stinningsgola, stinningskaldi, síðan kul, snjóél, en þurrt í veðri þann 18. hiti 2 til -6 stig.

19: Austan, kaldi, stinningskaldi, snjóél, haglél, hiti -1 til 2 stig.

20-25: Norðan eða NA allhvass, hvassviðri, stormur, en V gola síðdegis þ.25. snjókoma, slydda, él, frostrigning, hiti 3 til -4 stig.

26-28: Auslægar eða breytilegar vindáttir, stinningsgola, gola, kul,snjóél þ.27, annars þurrt í veðri, hiti -6 til 2 stig.

29-30: Suðvestan stinningsgola, allhvasst, hvassviðri, þurrt í veðri þ.29. en skúrarvottur þ.30. hiti 2 til 9 stig.

Tekið saman af Jóni G Guðjónssyni veðurathugunarmanni í Litlu-Ávík.

Gjögurvatn- Reykjaneshyrna að austanverðu. 19-10-2017.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði á rólegu nótunum, mest hafáttir til fjórða. Þá gerði suðlægar vindáttir frá 5 til 10, með hægviðri og úrkomu á köflum og hlýju veðri. Þann 11 til 13 voru norðlægar vindáttir með allhvössum vindi og eða hvassviðri með rigningu, og svalara veðri. Frá 14 til 21 voru mest hægar suðlægar vindáttir, með mest hlýju veðri, miðað við árstíma. Frá 22 til 25 voru norðlægar vindáttir með súld eða rigningu og svalara veðri. Þá gerði suðvestanátt í tvo daga, þar sem vindur náði stormstyrk þann 26. Þann 28 var skammvinn norðlæg vindátt með kaldara veðri en úrkomulausu. Síðustu þrjá daga mánaðar voru suðlægar vindáttir með hlýju veðri. En um kvöldið þann 31 var komin norðan með rigningu og snarkólnandi veðri.

Fyrsti snjór í fjöllum sást að morgni þann 14.

Mæligögn:

Úrkoman mældist 61,7 mm.(í október 2016: 66,7 mm.)

Úrkomu sem varð vart en mældist ekki var í 1 dag.

Þurrir dagar voru 12.

Mestur hiti mældist þann 8. +11,7 stig.

Minnstur hiti mældist dagana 17 og 29. 0,0 stig.

Meðalhiti mánaðarins var +6,1 stig. ( í október 2016: 7,8 stig.)

Meðalhiti við jörð var +2,94 stig. (í október 2016: + 3,90 stig.)

Sjóveður: Vont eða slæmt sjóveður dagana 4,11,12,13,14,15,24,25. Þessa daga var talsverður, allmikill eða mikill sjór. Annars sæmilegt eða gott sjóveður.

Yfirlit dagar eða vikur:

1: Breytilegar vindáttir, andvari eða kul, lítilsáttar súld, hiti 6 til 10 stig.

2-4: Norðlægar vindáttir, gola, stinningsgola, kaldi, súld, eða rigning, hiti 3 til 9 stig.

5-10: Suðlægar vindáttir, kul, gola, stinningsgola, skúrir rigning, þurrt í veðri,6,8 og 10, hiti 2 til 12 stig.

11-13: Norðlægar vindáttir, stinningsgola, stinningskaldi, allhvass, hvassviðri, rigning,súld, hiti 4 til 8 stig.

14-21: Suðlægar vindáttir eða breytilegar, andvari, kul, gola, stinningsgola, rigning, en þurrt í veðri 15,16,17,18 og 21.,hiti 0 til10 stig.

22-25: Norðaustan eða norðan, kul, gola, stinningsgola eða kaldi, súld eða rigning, hiti 4 til 9 stig.

26-27: Suðvestan stinningsgola, kaldi, allhvass, hvassviðri, stormur, þurrt í veðri þ. 26. enn rigning þ.27. hiti 3 til 11 stig.

28: Norðan eða NA gola, stinningsgola, þurrt í veðri, hiti 3 til 8 stig.

29-31: Suðvestan, hvassviðri, allhvass, kaldi, síðan Norðan stinningskaldi um kvöldið þann 31. þurrt í veðri 29 og 30 en rigning um kvöldið þann 31. hiti frá 11 niður í 0 stig.

Tekið saman af Jóni G Guðjónssyni veðurathugunarmanni í Litlu-Ávík.

Borgarísjakar sáust í mánuðinum.

Jakinn 28-09-2017.

Jakinn 30-09-2017.

« 1 af 3 »

Yfirlit yfir veðrið frá veðurstöðinni í Litlu-Ávík.

Fyrstu tvo dagana var suðlæg vindátt með hlýindum, síðan voru norðlægar vindáttir með kólnandi veðri, og var fremur kalt fram til 14. þegar snérist í suðlægar vindáttir aftur með hlýindum fram til og með 17. Þá gerði hæga norðlæga vindátt þann 18 með kólnandi veðri. Síðan var skammvinn suðaustanátt þann 19 með hlýrra veðri aftur í bili. Þá gekk í norðaustan þann 20 með mikilli rigningu fram á dag. Síðan voru mest hægar suðlægar vindáttir yfirleitt með úrkomu. Og síðustu þrjá daga mánaðarins voru norðlægar vindáttir með vætu. Mánuðurinn verður að teljast óvenju hlýr.

Tveir borgarísjakar sáust frá veðurstöðinni útaf Reykjaneshyrnu, sá fyrri þann 21. Sá jaki lenti í straumi suður og austur í Húnaflóa. Seinni jakinn sást fyrst frá skipi 25 en þá var jakinn austur af Óðinsboða í Húnaflóa. Jakinn sást svo frá Litlu-Ávík daginn eftir, útaf Nestanga, og var þar og færðist nær landi eftir því hvað hann bráðnaði og brotnaði. Sá jaki var á svipuðum slóðum út mánuðinn og var að brotna niður.

Mæligögn:

Úrkoman mældist 116,6 mm. (í september 2016: 170,2 mm.)

Úrkomu sem varð vart en mældist ekki var í 1 dag.

Þurrir dagar voru 7.

Mestur hiti mældist 17,0 stig þann 16.

Minnstur hiti mældist 2,0 stig þann 14.

Meðalhiti mánaðarins var +8,6 stig. ( í september 2016: +7,7 stig.)

Meðalhiti við jörð var +5,75 stig. (í september 2016: +4,37. stig.)

Sjóveður: Oftast sæmilegt eða gott, en frekar slæmt í sjóinn dagana 4,5,10, 20 og 21.

Yfirlit dagar eða vikur:

1-2: Suðvestan allhvass, stinningskaldi, kaldi, þurrt í veðri þ.1. en rigning þ.2. hiti 11 til 17 stig.

3: Breytileg vindátt andvari eða kul, rigning, skúrir, hiti 9 til 15 stig.

4-13: Norðlægar vindáttir, N, NA, NV, gola, stinningsgola, kaldi, stinningskaldi, súld, rigning, þurrt í veðri þ.11. hiti 4 til 10 stig.

14-17: Suðvestan eða S, kul, gola, kaldi, stinningskaldi, allhvasst, þurrt í veðri 15,16 og 17, lítilsáttar skúrir þann 16. hiti 2 til 17 stig.

18:Norðaustan og síðan breytileg vindátt, kul, andvari, rigning, hiti 9 til 15 stig.

19: Suðaustan kul eða gola, rigning, súld, hiti 8 til 13 stig.

20: Norðaustan, stinningsgola, kaldi eða stinningskaldi, mikil rigning, hiti 6 til 8 stig.

21-23:Suðaustan eða breytilegar vindáttir, andvari, gola, stinningsgola, þurrt í veðri þ. 21. annars rigning, hiti 4 til 11 stig.

24: Suðaustan gola í fyrstu síðan SSV allhvass, rigning, skúrir, hiti 6 til 13 stig.

25-27: Suðlægar eða breytilegar vindáttir, gola, kul eða andvari, þurrt í veðri þ.25. annars rigning, hiti 5 til 15 stig.

28-30: Norðlægar vindáttir, stinningsgola, gola, rigning, súld, hiti 3 til 9 stig.

Tekið saman af Jóni G Guðjónssyni veðurathugunarmanni í Litlu-Ávík.

Drangajökull-Hrolleifsborg. Oft var fallegt veður í ágúst.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með hægum hafáttum, fyrstu sjö dagana, með lítilsáttar súld með köflum. Þann 8 gerði skammvinna suðlæga vindátt. Síðan voru hægar norðlægar vindáttir aftur eða breytilegar vindáttir, með lítilsáttar úrkomu á köflum. Þann 17 fór að bæta í vind með norðanátt áfram og fór að kólna í veðri með talsverðri rigningu þann 18. Norðanáttin gekk svo niður þann 19. Þann 20 fór að hlýna vel í veðri aftur, enn svalara á nóttinni, með breytilegum vindáttum eða suðlægum og var blíðviðri fram til 27. Þann 28 gekk til norðlægra vindátta með súld og kólnandi í veðri fram til 29. Síðan voru suðlægar vindáttir tvo síðustu daga mánaðar með hlýju veðri. Mánuðurinn verður að teljast mjög góðviðrasaman í heild.

Mæligögn:

Úrkoman mældist 47,1 mm. (í ágúst 2016: 44,6 mm.)

Úrkomu sem varð vart en mældist ekki var í 5 daga.

Þurrir dagar voru 14.

Mestur hiti mældist +15,0 stig þann 21.

Minnstur hiti mældist +3,5 stig þann 20.

Meðalhiti mánaðarins var +9,0 stig. (í ágúst 2016: 9,3 stig.)

Meðalhiti við jörð var +5,35 stig. (í ágúst 2016: 5,99 stig.)

Sjóveður: Mjög gott mest allan mánuðinn nema 18 og 19.

Yfirlit dagar eða vikur:

1-7: Norðan, NA, eða breytilegar vindáttir, andvari, kul eða gola, súld, þurrt í veðri 2, 3, 4 og 5. hiti 7 til 11 stig.

8: Suðlæg vindátt, SA, SSV, kul, stinningsgola, rigning, hiti 6 til 10 stig.

9 -16: Norðlægar vindáttir eða breytilegar, andvari, kul, gola,stinningsgola, súld, þokuloft, skúrir, þurrt í veðri þann 12,14 og 15, hiti 4 til 13 stig.

17-19:Norðan stinningsgola, kaldi, stinningskaldi, gola, súld, rigning, þurrt í veðri þann 19. hiti 6 til 9 stig.

20: Breytileg vindátt, andvari eða kul, þurrt í veðri, hiti 4 til 10 stig.

21-27: Suðlægar eða breytilegar vindáttir, andvari, kul, gola, stinningsgola, þurrt í veðri 21,22,23 og 24, rigning eða súld 25, 26 og 27, hiti 4 til 15 stig.

28-29: Norðan gola, stinningsgola, kul, súld, hiti 7 til 11 stig.

30-31: Suðvestan gola, stinningsgola, kaldi, stinningskaldi, þurrt í veðri þ.30. en úrkomuvottur þ.31. hiti 5 til 14 stig.

Tekið saman af Jóni G Guðjónssyni veðurathugunarmanni í Litlu-Ávík.

Heyfengur var mikill og góður hjá bændum í Árneshreppi.

Yfirlit yfir veðrið frá veðurstöðinni í Litlu-Ávík.

Fyrstu tíu daga mánaðarins voru norðlægar vindáttir með mismikilli úrkomu. Dagana 11 og 12 voru suðlægar vindáttir, með rigningu síðari daginn. Síðan voru hafáttir aftur, með súld, þokulofti og síðan rigningu. 17 og 18 voru suðlægar vindáttir með einhverri úrkomu, en hlýju veðri. Næstu þrjá daga var norðlæg vindátt með vætu. Frá 22 til 24 voru suðlægar vindáttir með hlýju veðri. Frá 25 fór að kólna í veðri með norðlægum vindáttum, og voru hafáttir út mánuðinn. Mánuðurinn var mjög hægviðrasamur og oft með lágskýjuðu veðri, þokulofti og rakasömu veðri.

Heyskapur var mikill og góður hjá bændum í Árneshreppi.

Mæligögn:

Úrkoman mældist 49,7 mm. (í júlí 2016: 112,5 mm.)

Úrkomu sem varð vart en mældist ekki var í 4 daga.

Þurrir dagar voru 5.

Mestur hiti mældist 20,0 stig þann 22.

Minnstur hiti mældist 5,1 stig þann 2.

Meðalhiti mánaðarins var +9,4 stig.

Meðalhiti við jörð var +7,52 stig. (í júlí 2016: 6,53 stig.)

Sjóveður: Mjög gott eða sæmilegt.

Yfirlit dagar eða vikur:

1-10: Norðlægar vindáttir eða breytilegar, andvari, gola, stinningsgola, kaldi, súld, rigning, skúrir, en þurrt í veðri 10. hiti 5 til 13 stig.

11-12: Suðlægar vindáttir, SA-SV, kul, gola, stinningsgola, skúrir, rigning, hiti 8 til 17 stig.

13-16: Norðlægar vindáttir, kul, gola, stinningsgola, kaldi, súld, þoka, rigning, hiti 7 til 13 stig.

17-18: Suðlægar vindáttir SV, SA, gola og uppí kalda, skúrir, en rigning seinnipart og um kvöldið þ.18. hiti 6 til 15 stig.

19-21: Norðan eða NA, kul eða gola, súld, rigning, þurrt í veðri þ. 20. en þokumóða, hiti 8 til 17 stig.

22-24: Suðlægar eða breytilegar vindáttir, stinningsgola, gola, kul, súldarvottur, skúrarvottur, úrkoma mældist ekki, þurrt í veðri þ.24. hiti 10 til 20 stig.

25-31: Norðan NNA, kul, stinningsgola, síðan gola, súld, en þurrt í veðri 25 og 26, hiti 6 til 15 stig.

Tekið saman af Jóni G Guðjónssyni veðurathugunarmanni í Litlu-Ávík.

Smáhvalavaða í Norðurfirði.30 Grindhvalir þann 14.Reykjaneshyrna í baksýn.

Yfirlit yfir veðrið frá veðurstöðinni í Litlu-Ávík.

Norðlægar vindáttir voru ríkjandi frá byrjun mánaðar til og með 16 með svölu veðri og oftast með úrkomu. Þann 17 gerði skammvinna suðvestanátt með talsverðri rigningu og hlýnaði þá vel í veðri. En þann 18 var komið í sama horfið aftur, norðlæg átt og snarkólnaði aftur, og var svalt til 20, en þá hlýnaði vel í veðri seinnihluta dags með suðaustanátt, sem stóð í tæpa tvo daga. Síðan frá 23 til 25 voru norðlægar vindáttir aftur með svölu veðri og úrkomu. En þann 26 snérist loks til suðvestlægra vindátta, með mjög hlýnandi veðri, og var suðaustlæg vindátt síðasta dag mánaðar með hlýju veðri.

Það snjóaði í fjöll 6-7-8 og 9, niður í um 300 m hæð. Grasspretta virtist standa í stað fram yfir miðjan mánuð, en er að verða sæmileg í mánaðarlok.

Mæligögn:

Úrkoman mældist 60,7 mm. (í júní 2016: 38,8 mm.)

Úrkomu sem varð vart en mældist ekki var í 1 dag.

Þurrir dagar voru 8.

Mestur hiti mældist 15,0 stig þann 28.

Minnstur hiti mældist 1,6 stig þann 9.

Meðalhiti mánaðarins var +6,6 stig.

Meðalhiti við jörð var +4,38 stig. (í júní 2016: +6,95 stig.)

Sjóveður: Slæmt sjóveður, 1,2,3, 7,23 og 24. Annars sæmilegt eða gott.

Yfirlit dagar eða vikur:

1-16: Norðlægar vindáttir, NA, N, NV, stinningskaldi, kaldi, stinningsgola, gola, rigning, skúrir, súld, þoka, þurrt í veðri 6, 9 og 10, hiti 2 til 9 stig.

17: Suðvestan gola, stinningsgola, rigning, hiti 7 til 11,5 stig.

18-20: Norðan, NV, NA, stinningsgola, gola, en SA seinnipartinn, kul, súld, rigning, þurrt í veðri þann 19., enn þokumóða, hiti 4 til 10 stig.

21-22: Suðaustan og A, NA, stinningsgola, gola, kul, skúrir, rigning, hiti 7 til 13 stig.

23-25: Norðnorðaustan kaldi, stinningsgola, gola, súld, þurrt í veðri þ. 25. hiti 5 til 9 stig.

26-29: Suðvestan, kul, gola, stinningsgola,kaldi, skúrir þ.27., þurrt í veðri 26, 28 og 29, hiti 4 til 15 stig.

30: Suðaustan andvari, kul eða gola, lítilsáttar skúrir, hiti 9 til 14 stig.

Tekið saman af Jóni G Guðjónssyni veðurathugunarmanni í Litlu-Ávík.

Gífurleg úrkoma var í mánuðinum, úrkomumet í maí, 124,3 mm. Fyrra met var frá 1999, þá 102,7 mm.

Mikið var um þoku í mánuðinum.

Lambfé leitaði skjóls í votviðrinu.

« 1 af 3 »

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með hægum suðlægum vindáttum eða breytilegum og hlýju veðri, síðan hægar norðlægar vindáttir með þokulofti og nokkuð svalara veðri í þokuloftinu. Þann tíunda snérist til ákveðinnar norðaustanáttar og var stormur eða hvassviðri, með rigningu og slyddu og síðan éljum, það náði ekki að festa snjó á láglendi hér á Ströndum í þessu hreti. Síðan var frekar hægviðrasamt þokuloft og súld, og fremur svalt í veðri áfram. Þann 17 og 18 var norðanátt með rigningu og slyddu. Þann 19 fór veður ört hlýnandi með suðlægum vindáttum, og var mjög hlítt þann 20. Síðan fór veður kólnandi með hafáttum, og var kalt í veðri út mánuðinn.

Mjög mikil úrkoma var 25 og 26 og úrhelli aðfaranótt 27, voru lækir beljandi sem hefur ekki sést í maí fyrr. Lambfé sem var komið út stóð í skjóli þar sem það var að fá og höfð opin fjárhús og hlöður svo fé kæmist inn. Mánuðurinn var óhagstæður vegna sauðburðar hjá bændum. Mjög blautur og oftast kalt í veðri. Ræktuð tún eru farin að taka vel við sér og úthagi farin að grænka vel þrátt fyrir kuldann, þannig að gróður er komin vel á veg.

Úrkomumet varð fyrir maí á veðurstöðinni í Litlu-Ávík, en úrkoman mældist 124,3 mm. Fyrra metið var frá 1999 en úrkoman mældist þá 102,7 mm.

Flugsamgöngur á Gjögur gengu ílla í mánuðinum vegna þoku, þokulofts og annars dimmviðris, (láskýja.)

Mæligögn:

Úrkoman mældist 124,3 mm. (maí 2016: 69,4 mm.)

Úrkomu sem varð vart en mældist ekki var í 2 daga.

Þurrir dagar voru 5.

Mestur hiti mældist 18,1 stig þann 3.

Minnstur hiti mældist 0,9 stig þann 12.

Meðalhiti mánaðarins var +5,7 stig.

Meðalhiti við jörð var +3,05 stig. (í mái 2016: +2,05 stig.)

Sjóveður: Mjög slæmt 10 til 14 og 16-17-18 og tvo síðustu daga mánaðar, mjög gott fyrstu níu daga mánaðarins, annars sæmilegt.

Yfirlit dagar eða vikur:

1-4:Austlægar eða suðlægar vindáttir, kul, gola, stinningsgola, rigning, þurrt í veðri, 3. og 4. hiti 4 til 18 stig.

5-9: Norðlægar vindáttir, andvari, kul, gola, stinningsgola, þoka, súld, hiti 1 til 11 stig.

10-13: Norðaustan stormur, hvassviðri, allhvass, rigning, slydda, él, hiti, 1 til 7 stig.

14: Norðaustan, stinningskaldi, stinningsgola, síðan NV kul, súld, þokumóða, hiti 4 til 7 stig.

15-16: Norðan kul, síðan NV stinningsgola, og NA stinningskaldi, allhvass, stinningsgola, og NV stinningsgola, þoka, þ.15. en síðan þokuloft og súld þ.16. hiti 4 til 7 stig.

17-18: Norðan kaldi, allhvass, stinningskaldi, stinningsgola, rigning, slydda, súld, hiti 2 til 4 stig.

19: Breytileg vindátt, kul eða gola, súld um morguninn, hiti 3 til 12 stig.

20: Suðvestan eða V, stinningsgola síðan gola, þurrt í veðri, hiti 8 til 16 stig.

21-29: Norðan, NV, NA, kul, gola, stinningsgola, þurrt í veðri 21 og 22, annars rigning eða súld, þoka, hiti 4 til 11 stig.

30-31: Norðaustan gola í fyrstu síðan ANA allhvass, stinningskaldi, kaldi, rigning, súld, hiti 4 til 8 stig.

Tekið saman af Jóni G Guðjónssyni veðurathugunarmanni í Litlu-Ávík.

Mesta snjódýpt var að morgni 6. 25 cm, sem stóð ekki lengi.

Mjög miklar sveiflur voru á hitastigi í mánuðinum.

Snjó tók fljótt upp þegar aðeins hlýnaði.

« 1 af 3 »

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með hafáttum sem stóðu fram til níunda, oftast með mikilli úrkomu, og frosti eða hita. Síðan var umhleypingasamt, mjög rysjótt tíðarfar með þíðviðri eða frosti fram yfir páskahelgi og sumardaginn fyrsta þann 20 og helgina þar á eftir, en engin ofsi í vindi, þótt nokkrum sinnum hafi verið allhvass vindur. Veður fór mjög hlýnandi þann 25 og var sæmilega hlítt út mánuðinn. Mjög mikil úrkoma var í mánuðinum, og sérstaklega fyrstu daga mánaðar, en úrkomulítið eftir miðjan mánuð. Úrkomumet varð á veðurstöðinni fyrir apríl mánuð 170,9 mm. En eldra metið var 115,9 mm í apríl 2009.

Mæligögn:

Úrkoman mældist 170,9 mm. (í apríl 2016: 25,3 mm.)

Úrkomu sem varð vart en mældist ekki var í 1 dag.

Þurrir dagar voru 7 dagar.

Mestur hiti mældist + 11,6 stig þann 27.

Mest frost mældist – 7,5 stig þann 24.

Meðalhiti mánaðarins var +1,5 stig.

Meðalhiti við jörð var -0,85 stig. (í apríl 2016: -0,49 stig.)

Alhvít jörð var í 11 daga.

Flekkótt jörð var í 13 daga.

Auð jörð var því í 6 daga.

Mesta snjódýpt mældist 25 cm þann 6.

Sjóveður: Slæmt í sjóinn fyrri hluta mánaðar síðan oftast gott eða sæmilegt.

Yfirlit dagar eða vikur:

1-2: Norðaustan og A, stinningsgola, kaldi eða stinningskaldi, súld, rigning, slydda, snjókoma, hiti 1 til 3 stig.

3: Vestan eða breytileg vindátt, andvari eða kul, en SV allhvass um kvöldið, rigning, slydda, snjókoma, hiti frá 4 stigum niður í 1 stig.

4-9: Norðaustan eða N, stinningskaldi, gola, allhvass, kaldi, snjókoma, slydda, súld, rigning, él, hiti 4 til -4 stig.

10: Breytileg vindátt andvari eða kul, þurrt í veðri, hiti -1 til -5 stig.

11-15: Norðan eða NA, kaldi, stinningskaldi, allhvass, rigning, slydda, snjókoma, él, hiti 3 til -3 stig.

16-17: Suðaustan kul eða gola, þurrt í veðri þ.16. en snjókoma, slydda, rigning, þ.17. hiti -4 til 3 stig.

18-19: Suðvestan stinningsgola, kaldi, allhvasst, stormkviður, skúrir, snjóél, hiti 6 til -0 stig.

20: Vestan allhvass síðan norðan stinningsgola, snjóél, hiti -1 til 2 stig.

21-22: Suðlægar vindáttir síðan V og N, kul, gola, stinningsgola, þurrt í veðri þ. 21. hagél um kvöldið þann 22. hiti -5 til 3 stig.

23: Norðan eða NA, stinningsgola, snjóél, hiti -1 til-3 stig.

24-27: Suðvestan gola, stinningsgola, kaldi, allhvass, skúrir, þurrt í veðri þ.24. 26. og 27. hiti -8 til 12 stig.

28-30: Austlægar eða breytilegar vindáttir, kul eða gola,rigning, en þurrt í veðri þ.29. hiti 1 til 9 stig.

Tekið saman af Jóni G Guðjónssyni veðurathugunarmanni í Litlu-Ávík.

Oft var heiðskírt eða léttskýjað í byrjun mars. Urðarfjall. 03-03-2017.

Glifsa 673 m.

« 1 af 2 »

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með hæglætis og björtu veðri, fyrstu fimm dagana, léttskýjað eða jafnvel heiðskírt var og mikið um norðurljós, enn talsvert frost var. Síðan frá 6. voru norðaustlægar vindáttir með úrkomu fram til 10. Frá 11. til 15. voru suðlægar eða norðlægar vindáttir með einhverri úrkomu. Frá 16 til 21 voru hafáttir N, NA eða A, með snjókomu eða éljum og oft með nokkru frosti. Þá gerði suðlægar vindáttir, og hvassviðri 23 og 24 með stormkviðum. Þá gerði hægviðri í þrjá daga. Síðustu tvo dagana voru hægar hafáttir með súld.

Talsverð dægursveifla var á hitastigi í mánuðinum, það er, talsvert frost á nóttu en þegar sólin náði að skína þá hlýnaði talsvert yfir daginn, jörð er farin að taka við sér neðanfrá, hlýna. Talsvert frost var við jörð á nóttinni,(mælir er í 5 cm hæð við jörð.) eða í 23 daga, þótt lofthiti væri oft í tveggja metra hæð. Mesta frost við jörð fór niður í -10,6 stig þann 18.

Mæligögn:

Úrkoman mældist 49,5 mm. (í mars 2016: 59,7 mm.)

Úrkomu sem varð vart en mældist ekki var í 3 daga.

Þurrir dagar voru 8.

Mestur hiti mældist +8,0 stig þann 25.

Mest frost mældist -7,0 stig þann 18.

Meðalhiti mánaðarins var +0,7 stig.

Meðalhiti við jörð var -2,58 stig. (í mars 2016: -1,38 stig.)

Alhvít jörð var í 9 daga.

Flekkótt jörð var í 15 daga.

Auð jörð var því í 7 daga.

Mesta snjódýpt mældist 9 cm. dagana 1-2-3 og 4.

Sjóveður: Slæmt dagana, 8, 9, 11, 16, 19, 20. Annars sæmilegt og sérlega eftir 20 og út mánuðinn.

Yfirlit dagar eða vikur:

1-5: Suðaustan andvari eða kul, þurrt í veðri, hiti -6 til 3 stig.

6-10: Norðaustan ,gola, stinningsgola eða kaldi, súld, rigning, slydda, snjókoma, hiti -2 til 4 stig.

11: Sunnan eða SSV, stinningskaldi, kaldi, gola, skúrir, hiti 2 til 6 stig.

12: Norðvestan, gola, þokuloft, súldarvottur. hiti 0 til 4 stig.

13: Suðlæg vindátt og síðan breytileg, gola, kaldi, kul, lítilsáttar súld, hiti, 2 til 5 stig.

14: Norðvestan gola, stinningsgola, síðan SV kaldi, slydda, snjókoma, hiti, 0 til 3 stig.

15: Suðvestan kaldi, stinningsgola, gola, slydduél, hiti 0 til 3 stig.

16-21: Norðan, NA eða A, stinningskaldi, kaldi, stinningsgola, gola, snjókoma, él, þurt í veðri þ. 21. hiti -7 til 2,5 stig.

22-26: Sunnan eða SV, gola, stinningsgola, kaldi, stinningskaldi en allhvasst og hvassviðri með stormkviðum 24 og 25, él, snjókoma, skúrir, rigning, hiti, -3 til 8 stig.

27-29: Breytilegar vindáttir, andvari, kul eða gola, þurrt í veðri 27 og 28, en súld þ. 29. hiti – 2 til 5 stig.

30-31: Norðaustan eða N, gola, stinningsgola, súld, hiti 1 til 4 stig.

Tekið saman af Jóni G Guðjónssyni veðurathugunarmanni í Litlu-Ávík.