Oft var þokuloft í mánuðinum.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með hlýindum og með suðlægum vindáttum fyrstu tvo dagana, síðan voru hafáttir fram til 23. en með hægviðri og oft með þoku og eða þokulofti og lítilsáttar úrkomu, heldur var svalara í þokuloftinu og hiti fór tvívegis niður í +4 stig. Þann 24 gerði ákveðna suðvestanátt sem aðeins var í tvo daga, og hlýnaði þá mikið. Þá fór í sama gírinn aftur með hafáttum með þoku eða þokulofti, súld eða rigningu. Talsverð rigning var 26, 27. og 28. Mánuðurinn verður að teljast mildur og góðviðrasamur þrátt fyrir allt.

Tún eru orðin sæmilega sprottin þótt mjög þurrt hafi verið fram til 25. Rakin í þokuloftinu hefur haft sín áhrif. Síðan var úrkomusamt síðustu daga mánaðar.

Mæligögn:

Úrkoman mældist 38,8 mm. (í júní 2015: 15,4 mm.)

Úrkomu sem varð vart en mældist ekki var í 4 daga.

Þurrir dagar voru 14.

Mestur hiti mældist þann 3: +15,6 stig.

Minnstur hiti mældist þann 23: +4,0 stig.

Meðalhiti mánaðarins var +8,6 stig.

Meðalhiti við jörð var +6,95 stig. (í júní 2015: +3,58 stig.)

Sjóveður: Mjög gott, en sæmilegt þrjá síðustu daga mánaðar.

Yfirlit dagar eða vikur:

1-2: Suðvestan stinningsgola, eða gola, skúrir, hiti +9 til +15 stig.

3-23: Norðan eða norðlægar vindáttir, andvari, kul, gola eða stinningsgola, þoka, þokumóða, súld, þ.4.10.11.12.13.18.og 19. rigning, þ 16, annars þurrt í veðri. Hiti +4 til +13 stig.

24-25:Suðvestan kaldi, stinningskaldi, gola, skúrir Þ.24. en þurrt í veðri þ.25. Hiti +9 til +16 stig.

26-30: Norðan, NA, NNV, kul, gola, stinningsgola, kaldi, stinningskaldi, þoka, súld, rigning, hiti +5 til 13 stig.

Tekið saman af Jóni G Guðjónssyni veðurathugunarmanni í Litlu-Ávík.

Örkin alhvít.

Yfirlit yfir veðrið frá veðurstöðinni í Litlu-Ávík.

Maí byrjaði með norðlægum vindáttum og köldu veðri og nokkurri úrkomu, snjókomu, rigningu eða éljum. Þessi norðlæga átt var ríkjandi fram til sjöunda. Þá breytti í suðlægar vindáttir með hlýju veðri. Þann tíunda var allhvass af suðvestri, síðan breytilegar vindáttir, og eða suðlægar fram til og með 15. Næturfrost var þann 12. Aðfaranótt 16 gekk í norðlæga vindátt með kólnandi veðri og gerði slyddu á láglendi, og snjóaði langt niður í fjöll, norðlæg átt var svo fram til og með 17. Þá voru hægar norðlægar eða breytilegar vindáttir fram til 23. oft með köldu veðri og slydduéljum og snjóaði þá talsvert í fjöll. Loks þann 24. gekk til suðlægra vindátta með hlýju veðri, en oft var allhvass í suðvestanáttinni. Þann 30. kólnaði dálítið í breytilegri vindátt og gerði þokuloft. Mánuðurinn endaði síðan með suðlægri vindátt og hlýju veðri. Mjög úrkomusamt var með köflum í mánuðinum.

Lambfé fór snemma út á tún hjá bændum á Ströndum á þessu vori, þótt hafi gert slydduél og fremur kalt hafi verið um tíma var gróður fljótur að taka við sér, og ekkert varð úr þessu Hvítasunnuhreti að ráði á þessu vori. Sem dæmi var alhvít jörð í fyrra (2015) í 3 daga og flekkótt í 13 daga og mesta snjódýpt mældis í maí í fyrra var 20 cm.

Mæligögn:

Úrkoman mældist 69,4 mm. (í maí 2015: 48,0 mm.)

Úrkomu sem var vart en mældist ekki var í 1 dag.

Þurrir dagar voru 13 dagar.

Mestur hiti mældist þann 28. +15,0 stig.

Mest frost mældist þann 12. -1,5 stig.

Meðalhiti mánaðarins var +5,5 stig.

Meðalhiti við jörð var +2,05 stig. (í maí 2015: 0,84 stig.)

Alhvít jörð var í 1 dag.

Flekkótt jörð var í 1 dag.

Auð jörð var því í 29 daga.

Mesta snjódýpt mældist þann 3. 3 cm.

Sjóveður: Var slæmt 2 til 7, annars sæmilegt eða gott.

Yfirlit dagar eða vikur:

1-7: Norðan NV, NA, gola, stinningsgola, en allhvass þ. 2 og fram á 3. stinningskaldi, kaldi, rigning,skúrir,snjókoma, él, súld, þurrt þann 7. hiti 0 til +5 stig.

8: Breytileg vindátt, kul, þurrt í veðri, hiti +0 til +8 stig.

9-10: Suðvestan stinningsgola, stinningskaldi, allhvass, þurrt í veðri, hiti +1 til 9 stig.

11: Suðvestan í fyrstu síðan, norðan og NA, kaldi, stinningsgola, gola, súld, hiti +3 til +10 stig.

12-13: Breytilegar vindáttir, kul, gola, stinningsgola, þurrt þ. 12. úrkomuvottur þ.13. hiti -2 til +11 stig.

14-15: Suðvestan stinningsgola, kaldi, stinningskaldi, þurrt í veðri, hiti +3 til 13 stig.

16-17: Norðaustan og N, stinningskaldi, kaldi, stinningsgola,gola, rigning, slydda, þurrt þ. 17, hiti +1 til +5 stig.

18-23: Norðlægar eða breytilegar vindáttir, andvari, kul eða gola, skúrir, slydduél, þurrt 19 og 21. hiti +0 til +9 stig.

24-28: Suðvestan eða S, kaldi, stinningskaldi en oftast allhvass, rigning eða skúrir, þurrt í veðri 24 og 28. hiti +6 til +15 stig.

29-31: Breytilegar vindáttir, kul eða gola, en Sunnan kaldi um kvöldið þ.31. þurrt í veðri þann 29. annars súld, rigning, hiti +2 til +15 stig.

Tekið saman af Jóni G Guðjónssyni veðurathugunarmanni í Litlu-Ávík.

Það snjóaði niður í byggð þann 27.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með vorveðri og nokkrum hita miðað við árstíma og var að mestu gott veður fram til og með sextánda, enn næturfrost var stundum. Enn þann sautjánda snerist veður í norðanátt, með hvassviðri eða stormi með snjókomu og síðan éljum, norðanáttin gekk svo niður um kvöldið þann átjánda. Eftir það voru suðlægar vindáttir eða breytilegar oftast með hlýju veðri en næturfrost stundum. Þann 27. gekk til norðlægra vindátta og veður fór kólnandi og var norðlæg vindátt út mánuðinn og snjóaði niður í byggð. Mánuðurinn verður að teljast nokkuð góðviðrasamur í heild. Úrkomulítið var í mánuðinum í.

Mæligögn:

Úrkoman mældist 25,3 mm. (í apríl 2015: 46,3 mm.)

Úrkomu sem varð vart en mældist ekki var í 4 daga.

Þurrir dagar voru 13.

Mestur hiti mældist þann 23: +10,1 stig.

Mest frost mældist þann 15: -3,4 stig.

Meðalhiti mánaðarins var +2,9 stig.

Meðalhiti við jörð var -0,49 stig. (í apríl 2015: -1,26 stig.)

Alhvít jörð var í 4 daga.

Flekkótt jörð var í 9 daga.

Auðjörð var því í 17 daga.

Mesta snjódýpt mældist þann 1: 15 cm.

Sjóveður: Sæmilegt eða gott nema 1-2-8-17-18, og síðustu þrjá daga mánaðar.

Yfirlit dagar eða vikur:

1-2: Austlæg vindátt, stinningskaldi, kaldi,gola, rigning,,hiti +1 til 5 stig.

3-5: Norðan eða NNV, kul eða gola, súld, slydda, hiti +0 til +5 stig.

6-9: Austlæg vindátt, kaldi, stinningsgola, rigning þ.8. annars þurrt í veðri, hiti +2 til +6 stig.

10: Norðan eða NV, gola eða kul, snjóél, hiti +0 til 5 stig.

11-13: Sunnan eða suðlægar vindáttir, andvari, kul eða gola, stinningskaldi, þurrt í veðri, hiti frá +10 niður í -1 stig.

14: Norðaustan, gola eða stinningsgola, þurrt í veðri, hiti 1 til 5 stig.

15-16: Suðvestan gola,stinningsgola, kaldi, stinningskaldi, þurrt þ. 15. en lítilsáttar rigning þ.16. hiti frá -3 stigum upp í +7 stig.

17-18: Norðan hvassviðri eða stormur fyrri daginn, en síðan kaldi, stinningsgola, snjókoma eða él, hiti frá +1 niður í -3 stig.

19: Suðaustan andvari, kul eða gola, snjókoma, slydda, skúrir, hiti -2 til +3 stig.

20-25: Suðvestan eða breytilegar vindáttir, kul, gola, sinningsgola, kaldi,skúrir 20 og 21. annars þurrt í veðri, hiti frá -2 uppí +10 stig.

26-30: Norðaustan eða N og eða NV, gola, stinningsgola, kaldi, stinningskaldi, þurrt í veðri þ.26. annars snjóél, skúrir, slydda eða rigning, hiti frá +5 niður í -1 stig.

Tekið saman af Jóni G Guðjónssyni veðurathugunarmanni í Litlu-Ávík.

Fjarskiptahús Mílu við Reykjaneshyrnu eins og sandblásið.

Eins og málningin hafi verið skafin af þann 13.

« 1 af 2 »

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með hægviðri yfirleitt og var frekar rólegt veður fram til níunda. Þann tíunda gekk í suðaustan með hlýnandi veðri og síðan suðvestan og kólnandi veðri á víxl og voru umhleypingar alveg fram til og með 14. Enn hluta úr dögunum 12, 13 og 14, eða allan sólarhringinn var rok,ofsaveður eða fárviðri. Suðlægar vindáttir voru svo ríkjandi áfram með hlýju veðri fram til 20. Eftir það fór heldur kólnandi, enn þann 25. gekk í norðaustlægar eða norðlægar og síðan austlægar vindáttir, og frysti og var fremur svalt út mánuðinn, en heldur fór að hlína um kvöldið þann 31.

Miklar leysingar voru eftir að hlýnaði í veðri þann 10 en mest í ofsaveðrinu þann 13.og 14. og sérstaklega þann dag og síðan voru leysingar fram til 25. og jörð varð fljótt flekkótt.

Í suðsuðvestanáttinni þann 12 var alversta veðrið frá því um 19:00 og fram til 22:00, og náði jafnavindur 31m/s (ellefu vindstig gömul) og kviður í 46 m/s. Og frá því um kvöldmat skóf mikinn skara upp, á rúður og hús. Mesta mildi að ekkert hafi skeð.

Og í sunnan og SSV áttinni þann 13. var veðurhæð þessi klukkan 21:00: SSV 38 m/s eða 137 km (klst í jafnavind og í kviðum 55 m/s eða 196 km/klst. Svipað veður var fram á miðnættið þegar veðurathugunarmaður fór að reyna að leggja sig. Lítilsháttar foktjón varð í Árneshreppi, hurðir á hlöðu splundruðust og eitthvað annað smotterí fauk. Talsvert tjón varð á mörgum húsum vindmegin, þar sem má segja að málning hafi flagnað af eða hreinlega eins og skafin af heilu veggjunum, það er varla orð yfir það. Almennarómur í Árneshreppi segir það mildi að ekkert mjög alvarlegt hafi skeð í hreppnum í þessu fárviðri.

Mæligögn:           

Úrkoman mældist 59,7 mm. (í mars 2015: 88,9 mm.)

Úrkomu sem varð vart en mældist ekki var í 1 dag.

Þurrir dagar voru 9.

Mestur hiti mældist þann 13: +12,5 stig.

Mest frost mældist þann 31: -5,6 stig.

Meðalhiti mánaðarins var +1,7 stig.

Meðalhiti við jörð var -1,38 stig. (í mars 2015: -2,18 stig.)

Alhvít jörð var í 19 daga.

Flekkótt jörð var í 12 daga.

Auð jörð var því í 0 dag.

Mesta snjódýpt mældist þann 1: 51 cm.

Sjóveður: Sjóveður var allsæmilegt og oft gott, enn slæmt dagana, 1, 2, og 24 til 28.

Yfirlit dagar eða vikur:

1: Norðan og NA, kul síðan stinningskaldi, slydda, hiti 0 til 3 stig.

2-9: Mest suðlægar vindáttir eða breytilegar, kaldi, stinningsgola, gola eða kul, lítilsáttar úrkoma, snjókoma, slydda, rigning eða él, þurrt í veðri 3,4,7 og 9, hiti frá +4 niður í -5 stig.

10-12: Sunnan eða SV, stinningsgola, kaldi, allhvass enn ofsaveður um kvöldið og fram á nótt þ. 12. rigning, slydda, él, snjókoma, hiti, +9 niður í -1 stig.

13-14: Sunnan eða SV, gola, kaldi, stormur, rok, ofsaveður eða fárviðri, snjókoma, slydda, él, skúrir, miklar leysingar 14. hiti frá +0 til 13 stig.

15-20: Suðlægar vindáttir, S, SV, kul, gola, stinningsgola, kaldi,rigning, skúrir, þurrt í veðri, 17, 19 og 20, hiti frá +2 til +9 stig.

21-24: Austlægar eða breytilegar vindáttir, andvari, kul, stinningsgola, rigning, slydda,súld, þoka, hiti frá +1 til +5 stig.

25-29: Norðaustan, allhvass, stinningskaldi, kaldi, stinningsgola, gola, slydda, slydduél, snjókoma, él, hiti frá +3 niður í -4 stig.

30-31: Austlægar eða suðlægar vindáttir, andvari, kul, gola, úrkomulaust, hiti frá -6 til +2 stig.

Tekið saman af Jóni G Guðjónssyni veðurathugunarmanni í Litlu-Ávík.

Reykjaneshyrna-Örkin.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með norðaustanátt með hvassviðri og stormi um kvöldið þann fyrsta, þá hlýnaði aðeins í veðri þannig að úrkoman varð slydda og síðan snjókoma, eftir það voru ríkjandi hafáttir áfram með frosti og éljum. Þann fjórða og fram á dag þann fimmta gerði austan hvell, hvassviðri eða storm með mikilli ofankomu og snjóaði og skóf þá mikið í byggð. Siðan áframhaldandi norðaustlægar vindáttir með éljum fram til og með tíunda. Dagana ellefta til fimmtánda voru suðlægar eða austlægar áttir, og með rigningu og spilliblota þann 15. Síðan kólnaði strax daginn eftir í suðvestanóveðrinu þann 16. Næstu þrjá daga voru mest suðlægar vindáttir, með éljum, en snjóaði talsvert í austlægri vindátt snemma morguns þann 19. Þann 20 gekk í N hvassviðri með slyddu og síðan snjókomu. Frá 22 voru suðlægar vindáttir og hægviðri, oft með léttskýjuðu veðri. Þann 26 og 27 gerði síðan skammvinna norðauslæga eða austlæga vindátt, með mjög dimmum éljum þann 26. Síðan voru hægar suðlægar vindáttir út mánuðinn. Úrkomusamt var í mánuðinum.

Í austan óveðrinu 4. til 5. náði vindur í kviðum að fara í 34 m/s í kviðum sem er yfir tólf gömul vindstig.

Í suðvestanóveðrinu að morgni 16. náði vindur að fara í 33 m/s í jafnavind, en það er fárviðri,og í kviðum í 47 m/s , eða 169. Km/klst, alvesta veðrið var frá sjö og fram undir hálf tíu um morguninn.

Mæligögn:

Úrkoman mældist 103,9 mm. (í febrúar 2015: 78,9 mm.)

Úrkomu vart sem mældist ekki var í 0 dag.

Þurrir dagar voru 8.

Mestur hiti mældist +5,5 stig þann 15.

Mest frost mældist -6,0 stig þann 9.

Meðalhiti mánaðarins var -0,3 stig.

Meðalhiti við jörð var -4,11 stig. (í febrúar 2015: -3,70 stig.)

Alhvít jörð var í 29 daga.

Flekkótt jörð var í 0 dag.

Auð jörð var því í 0 dag.

Mesta snjódýpt mældist þann 5: 60 cm.

Sjóveður: Mjög rysjótt en nokkrir góðir eða sæmilegir dagar.

Yfirlit dagar eða vikur:

1: Norðaustan stinningskaldi, hvassviðri og síðan stormur,slydda, snjókoma, hiti frá -0 til +3 stig.

2-3: Norðaustan og A stinningskaldi, kaldi, stinningsgola, él enn þurrt þ. 3. hiti +3 til -3 stig.

4-5: Austan og NA kaldi en síðan hvassviðri og stormur með mikilli snjókomu, hiti frá +1 til -2 stig.

6-10: Norðaustan allhvass, stinningskaldi, kaldi, stinningsgola, él, skafrenningur, hiti -6 til +3 stig.

11-15: Suðaustan eða A, kul, eða suðlæg vindátt, gola, stinningsgola, kaldi, þurrt í veðri þ. 11. og 14. annars él, rigning þ. 15. hiti -4 til + 6 stig.

16: Suðvestan ofsaveður eða fárviðri fram á dag, rigning síðan él, hiti frá +5 niður í -4 stig.

17-19: Mest suðlægar vindáttir eða breytilegar, kul, gola, stinningsgola, kaldi, él, en talsverð snjókoma eða slydda í austlægri vindátt snemma morguns þann 19. hiti -3 til +3 stig.

20-21: Norðan hvassviðri, allhvass, stinningskaldi, slydda, snjókoma, hiti frá +2 niður í -2 stig.

22-25: Suðlæg vindátt eða breytileg, andvari, kul eða gola, él um morguninn þann 22. annars úrkomulaust, hiti frá -5 til +0,5 stig.

26-27: Norðaustan eða A, stinningsgola, kaldi, gola, kul, mikil él þ. 26, þurrt þ. 27. hiti +1 til -4 stig.

28-29: Suðlægar vindáttir, kul eða gola, þurrt í veðri þ. 28, en él um morguninn þ.29. hiti -5 til +4 stig.

Tekið saman af Jóni G Guðjónssyni veðurathugunarmanni í Litlu-Ávík.

Yfirlit yfir veðrið frá veðurstöðinni í Litlu-Ávík.

Árið byrjaði með suðlægri vindátt og frekar hægum vindi og úrkomulausu veðri fyrstu tvo dagana, síðan frá 3 og fram til 13 voru austlægar eða norðaustlægar og eða norðlægar vindáttir með úrkomulitlu veðri, enn snjóaði talsvert aðfaranótt 14 og fram á dag. Frá 15 og fram til 21 var hægviðri eða sem mætti kalla stillur með úrkomulausu veðri. Þann 22 á þorradag skipti yfir í austlæga átt í fyrstu með hlýnandi veðri og rigningu, síðan voru suðlægar vindáttir með lítilsáttar rigningu eða skúrum fram til 25. Eftir það fór að kólna í veðri, en áfram suðlægar vindáttir með éljum fram til 27. Þann 28 gekk í norðaustan og norðanáttir sem voru út mánuðinn, með frosti og éljum.

Í þiðviðrinu 22. til 25. tók snjó ótrúlega mikið upp og að morgni 25. var jörð á láglendi lítilsáttar flekkótt, með snjó og lítilsáttar svellum, og ómælanlegri snjódýpt. Mánuðurinn var úrkomulítill í heild, enda þurrir dagar 14 sem er óvenjulegt í janúar mánuðum.

Mæligögn:

Úrkoman mældist 45,2 mm. (í janúar 2015: 97,5 mm.)

Úrkomu sem varð vart en mældist ekki var í 0 dag.

Þurrir dagar voru 14.

Mestur hiti var þann 24 +7,7 stig.

Mest frost var þann 28 -5,8 stig.

Meðalhiti mánaðarins var +0,1 stig.

Meðalhiti við jörð var -3,53 stig. ( í janúar 2015: -0,44 stig.)

Alhvít jörð var í 17 daga.

Flekkótt jörð var í 14 daga.

Auð jörð var því í 0 dag.

Mesta snjódýpt mældist þann 15: 30 cm.

Sjóveður: Slæmt í sjóinn dagana, 6-7-8-12 og fjóra síðustu daga mánaðar, annars sæmilegt eð gott, sérlega gott sjóveður í stillunni fimmtánda til tuttugusta og firsta.

Yfirlit dagar eða vikur:

1-2: Suðvestan eða S, kaldi í fyrstu, síðan stinningsgola eða kul, úrkomulaust, hiti frá +2 niður í -4 stig.

3: Austan eða NA, stinningsgola eða kaldi, lítilsáttar rigning seint um kvöldið, hiti -4 til +3 stig.

4: Breytileg vindátt, kul síðan A stinningsgola, rigning, hiti +1 til 3 stig.

5-8: Austan og NA stinningsgola,kaldi, stinningskaldi, en allhvass þ.7 og fram á þ.8. þurrt í veðri þ.5. annars él, rigning, hiti +6 niður í -0 stig.

8-12: Veðurathugunarmaður í fríi frá um hádegi þ.8 og fram á miðjan dag, þ.12. Hægviðri var og þurrt í veðri 8-9 og 10, að sögn heimamanna.

12-14: Norðlæg vindátt kaldi eða stinningskald, og síðan vestan, kul, él en mikil snjókoma aðfaranótt 14. og fram yfir hádegið, hiti +1 stig og niður í -5 stig.

15-21: Suðlægar eða breytilegar vindáttir, logn,andvari,kul eða gola, raunverulega stillur, úrkomulaust þessa daga, hiti frá -5 stigum, upp í +3 stig.

22:Norðaustan kul, síðan NV gola, síðan A kul og rigning, hiti frá -2 til +4 stig.

23-27: Sunnan, SV, SA, kaldi, stinningskaldi, allhvasst, stinningsgola, gola, skúrir, rigning,él, en þurrt í veðri þann 27, hiti frá +8 stigum niður í -5 stig.

28-31: Norðaustan eða norðan, kaldi, stinningskaldi, allhvass, él, skafrenningur, hiti 0 til -6 stig.

Tekið saman af Jóni G Guðjónssyni veðurathugunarmanni í Litlu-Ávík.

Séð til Norðurfjarðar.

Yfirlit yfir veðrið frá veðurstöðinni í Litlu-Ávík.

Austanátt var fyrsta dag mánaðar allhvass og með snjókomu og jafnvel slyddu um kvöldið. Næstu þrjá daga voru frekar hægar suðlægar vindáttir. Um nónleitið þann fjórða gekk í hvassa austnorðaustanátt með éljum og síðan snjókomu, og var norðan stormur þann fimmta með snjókomu. Þessi norðlæga vindátt var fram á þann 6. enn þá gerði hægar suðlægar vindáttir. En seint um kvöldið þann 7. var kominn austan stormur með hlýnandi veðri í bili. Siðan voru umhleypingar út mánuðinn. Miklir umhleypingar voru í veðrinu yfirleitt í mánuðinum. Nokkra spilliblota gerði í mánuðinum, og gerði mikla hálku á vegum.

Talsvert tjón varð að bænum Steinstúni við Norðurfjörð í austan hvellinum aðfaranótt 8. Nokkrar þakplötur fuku af aðalfjárhúsunum og gömul fjárhús fuku, veggur fauk inn og þakið féll niður, fé sem var þar inni slapp, það þótti mildi, því féið stóð í brakinu. Einnig fuku nokkrar plötur af veggklæðningu á íbúðarhúsinu þar.

Vindur náði 36 m/s í austan veðrinu að morgni þann 8. Og í suðvestanáttinni þann 30. náði vindur í 39 m/s í kviðum.

Mæligögn:

Úrkoman mældist 74,8 mm. (í desember 2014: 117,2 mm.)

Úrkomu sem varð vart en mældist ekki var í 2 daga.

Þurrir dagar voru 5.

Mestur hiti mældist þann 28: +8,9 stig.

Mest frost mældist þann 26: -9,8 stig.

Meðalhiti mánaðarins var +0,2 stig.

Meðalhiti við jörð var -2,85 stig. (í desember 2014: -2,7 stig.)

Alhvít jörð var í 18 daga.

Flekkótt jörð var í 13 daga.

Auð jörð var því í 0 dag.

Mesta snjódýpt mældist þann 2: 35 cm.

Sjóveður:Mjög rysjótt í þessum umhleypingu.

Yfirlit dagar eða vikur:

1: Austan stinningskaldi, allhvass, snjókoma, slydda, hiti frá -1 til +2 stig.

2: Vestan kaldi, stinningsgola, snjókoma um morguninn síðan skafrenningur, hiti +2 niður í -3 stig.

3-4: Suðaustan eða S kul, enn gekk í Austnorðaustan nónleitið þann 4. með skafrenningi í fyrstu og éljum, hiti frá -3 til +2 stig.

5: Norðan stormur, snjókoma, hiti +0 til -2 stig.

6-7: Norðan stinningskaldi, stinningsgola í fyrstu síðan suðlægar vindáttir með kuli eða golu, enn um kvöldið þ.7. gekk í Austan storm. hiti frá-7 stigum upp í +4 stig.

8: Austan stormur fram á hádegi, síðan S og SSV kaldi eða allhvass, rigning, skúrir, hiti 3 til 6 stig.

9: Sunnan kul eða gola, en síðan NA stinningskaldi um kvöldið og él, hiti +4 til -1 stig.

10-11: Norðlægar vindáttir, gola, stinningsgola, kaldi, stinningskaldi, él, hiti +3 til -2 stig.

12-13: Breytilegar vindáttir, kul eða gola,þurrt í veðri, hiti 0 til -6 stig.

14-16: Sunnan eða SV, kaldi, stinningskaldi, allhvass, þurrt þ. 16. annars skúrir, hiti frá -1 til +6 stig.

17: Norðaustan allhvass eða hvassviðri, slydda, snjókoma, hiti +1 til -4 stig.

18-25: Mest Norðaustlægar vindáttir, hvassviðri, allhvass, stinningskaldi, él, snjókoma, slydda, hiti,+3 til -8 stig.

26: Austlæg eða breytileg vindátt eða gola, aðeins snjókoma um miðjan dag, frost -1 til -10 stig.

27-29: Suðlægar vindáttir, gola, stinningsgola, kaldi, allhvass, rigning, él, hiti +9 til 0 stig.

30: Norðaustlæg vindátt í fyrstu, kaldi, allhvass, síðan suðvestan stinningskaldi og síðan stormur og rok, súld, rigning, él, hiti +5 og niður í 0 stig.

31: Suðvestan og S, allhvasst, hvassviðri, síðan stinningskaldi en kul um kvöldið, él, snjókoma um tíma um kvöldið, hiti frá +4 niður í -0 stig.

Tekið saman af Jóni G Guðjónssyni veðurathugunarmanni í Litlu-Ávík.

Oft var svartabilur seinnihluta mánaðar. Litla-Ávík.

Sjóveður var mjög rysjótt í mánuðinum.

« 1 af 2 »

Yfirlit yfir veðrið frá veðurstöðinni í Litlu-Ávík.

Fyrsti dagur mánaðar var með hægri breytilegri vindátt, síðan skiptust á austlægar eða suðlægar vindáttir fram til 12 með skúrum eða rigningu. Frá 13 til 19 voru norðaustlægar vindáttir með kólnandi veðri og éljum. Eftir það voru suðlægar vindáttir aftur með hlýnandi veðri í bili, en kólnaði aftur með umhleypingum. Um miðjan dag þann 26 gekk í ákveðna norðaustanátt yfirleitt með hvassviðri og með nokkru frosti og snjókomu eða éljum það sem eftir lifði mánaðar. Talsverður snjór er nú komin á láglendi.

Mæligögn:

Úrkoman mældist 83,5 mm. (í nóvember 2014: 54,6 mm.)

Úrkomu sem varð vart enn mældist ekki var í 2 daga.

Þurrir dagar voru 5.

Mestur hiti mældist þann 22: +9,0 stig.

Mest frost mældist þann 20: -8,3 stig.

Meðalhiti mánaðarins var +2,5 stig.

Meðalhiti við jörð var -0,47 stig. (í nóvember 2014: +0,85 stig.)

Alhvít jörð var í 7 daga.

Flekkótt jörð var í 3 daga.

Auð jörð var því í 20 daga.

Mesta snjódýpt mældist þann 30: 25 cm.

Sjóveður: Mjög rysjótt.

Yfirlit dagar eða vikur:

1: Breytileg vindátt, kul eða gola, lítilsháttar rigning um kvöldið, hiti +1 til +5 stig.

2-4: Suðvestan eða Sunnan, stinningskaldi, kaldi, stinningsgola, skúrir, þurrt þ.4. hiti +2 til +6,5 stig.

5: Austlæg vindátt, stinningsgola eða kaldi, rigning, hiti +2 til +8 stig.

6: Breytileg vindátt með andvara í fyrstu síðan Norðan stinningsgola, þokuloft en rigning um kvöldið, hiti +4 til +6 stig.

7-9: Suðvestan allhvasst, stinningskaldi, kaldi, stinningsgola, skúrir, rigning, hiti +2 til +7 stig.

10-11: Austlæg vindátt, kaldi, stinningsgola, gola, rigning, hiti +3 til +5 stig.

12: Suðvestan, kul, gola, kaldi, þurrt í veðri, hiti +2 til +5 stig.

13-19: Norðaustan kul, gola,stinningsgola, kaldi, en mest stinningskaldi eða allhvass vindur, skúrir, slyddu eða snjóél, slydda, hiti +5 niður í -6 stig.

20: Suðvestan kaldi eða stinningskaldi, þurrt í veðri, hiti frá -8 til +3 stig.

21: Breytilegar vindáttir, kul, gola,stinningsgola, þurrt í veðri, hiti +0 til +6 stig.

22-23: Suðvestan hvassviðri, allhvasst,stinningskaldi, rigning, en komin norðan allhvass um kvöldið þ.23. með snjókomu, hiti +9 niður í +0 stig.

24: Norðan eða NA stinningskaldi, stinningsgola, kul, slydduél, snjókoma, hiti +3 niður í -0 stig.

25: Austlæg vindátt, gola, stinningsgola, snjókoma, rigning, hiti frá -0 til +3 stig.

26: Suðvestan allhvass, stinningskaldi, en komin NA stinningskaldi um miðjan dag með slydduéljum og síðan snjóéljum, hiti +6 niður í +0 stig.

27-30: Norðaustan eða Norðan, hvassviðri, allhvass, stinningskaldi, kaldi, snjókoma eða él, skafrenningur, hiti frá +0,5 niður í -4,5 stig.

Tekið saman af Jóni G Guðjónssyni veðurathugunarmanni í Litlu-Ávík.

Að morgni þann 24. Alhvítt í Norðurfirði.

Fjallið Örkin og lágendi í Litlu-Ávík alhvít þann 26.

« 1 af 2 »

Yfirlit yfir veðrið frá veðurstöðinni í Litlu-Ávík.

Ýmsar vindáttir voru í byrjun mánaðar, suðlægar, austlægar eða breytilegar vindáttir með frekar hægum vindi en nokkurri úrkomu fram til 13. Enn eftir það voru ákveðnar suðvestlægar vindáttir fram til 18. og síðan sunnan og suðaustan fram til 20. Þá gekk í ákveðna norðaustanátt fram til 26, og kólnandi veðri með snjóéljum, og urðu fjöll þá alhvít í fyrsta sinn og alhvítt á láglendi einnig. Eftir það voru suðlægar eða austlægar vindáttir og eða breytilegar út mánuðinn, sérlega fallegur dagur þann 31. með léttskýjuðu og eða heiðskíru veðri. Mánuðurinn var mjög úrkomusamur.

Hvassviðri og eða stormur var af suðvestri 16 og 17, vindur náði 34 m/s í kviðum þann 16 og 35 m/s þann 17 í kviðum.

Mikið var um Norðurljós um kvöldið þann 6. og nutu magrir hverjir Árneshreppsbúar þess eftir vætutíð undanfarna daga, loks þegar stytti upp þann daginn og birti til seinni parts dags. Einnig var mikil Norðurljósadýrð þann 7. Norðurljós voru reyndar oftar í mánuðinum.

Mæligögn:

Úrkoman mældist 126,3 mm. (í október 2014: 134,2 mm.)

Úrkomu vart en mældist ekki var í 5 daga.

Þurrir dagar voru 4.

Mestur hiti mældist þann 17. +12,0 stig.

Mest frost mældist þann 27. -3,9 stig.

Meðalhiti mánaðarins var +4,7 stig.

Meðalhiti við jörð var +1,73 stig. (í október 2014: +0,95 stig.)

Alhvít jörð var í 2 daga.

Flekkótt jörð var í 4 daga.

Auð jörð var því í 25 daga.
Mesta snjódýpt mældist þann 26: 3 cm.

Sjóveður: Slæmt sjóveður var 4-25 og 29, þá talsverður sjór, og allmikill sjór dagana 21 og 22, og dagana 23 og 24 var mikill sjór. Annars mjög gott eða sæmilegt, gráð, sjólítið eða dálitlum sjór.

Yfirlit dagar eða vikur:

1-2: Suðaustan kul og SV stinningsgola í fyrstu, síðan N og NA stinningsgola, rigning, súld, hiti +3 til +10 stig.

3: Suðvestan og V, kul eða gola, þurrt í veðri, hiti +1 til +5 stig.

4: Austan stinningsgola eða kaldi, talsverð rigning, hiti +1 til +10 stig.

5-8: Mest suðaustlæg eða suðlægar vindáttir, kaldi, stinningsgola, gola, kul, rigning, en þurrt í veðri 7 og áttunda, hiti +3 til 12 stig.

9-10: Vestan gola, stinningsgola, kaldi, en NV, kul þ.10. rigning eða súld, hiti +3 til +6 stig.

11-13: Norðan eða NV, og V, stinningsgola, kaldi, rigning,skúrir, hiti +3 til +10 stig.

14-15: Suðvestan kaldi, stinningskaldi, skúrir, hiti +6 til +9 stig.

16- 18: Suðvestan allhvasst,hvassviðri eða stormur 16. og 17. síðan kaldi, skúrir, hiti +5 til +12 stig.

19-20: Sunnan og SA andvari, kul, gola, en A kaldi um kvöldið þ.20. rigning, hiti +2 til +6 stig.

21-26: Norðaustan, kaldi, stinningskald, allhvass, hvassviðri um tíma þ.23. rigning, slydda, snjóél, hiti +6 niður í -2 stig.

27-31: Suðlægar vindáttir eða austlægar og breytilegar, logn, andvari, kul, gola, stinningsgola, en kaldi um tíma þann 30. snjókoma, slydda, rigning,enn þurrt í veðri þ.31. hiti frá -4 til +10 stig.

Tekið saman af Jóni G Guðjónssyni veðurathugunarmanni í Litlu-Ávík.

Bændur voru nokkuð sáttir við fallþunga dilka eftir slæmt vor og sumar.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði að þessu sinni með suðlægum vindáttum og að mestu hlýju veðri fram til 10. ,en suðlægar eða breytilegar vindáttir frá 11.  fram til 12, en þá fór að kólna aðeins. Frá 13 og fram til 17 voru norðlægar vindáttir með súld eða rigningu og fremur svölu veðri. Eftir það voru breytilegar vindáttir eða auslægar fram til 22. Frá 23 og fram til 26 voru hafáttir. Frá 27 voru suðlægar eða austlægar vindáttir, enn mánuðurinn endaði með suðvestan stormi með miklum stormkviðum. Úrkomulítið var fyrri hluta mánaðar, talsverð úrkoma frá miðjum mánuði.

Vindur náði tólf vindstigum gömlum þann 9. eða 34 m/s í kviðum. Og einnig þann 30. náði vindur 38 m/s í kviðum í suðvestanátt.

Mæligögn:

Úrkoman mældist 58,6 mm.  (í september 2014: 91,8 mm.)

Úrkomu vart en mældist ekki var í 4 daga.

Þurrir dagar voru 7.     

Mestur hiti mældist þann 9: +15,6 stig.

Minnstur hiti mældist þann 4: +2,7 stig.

Meðalhiti mánaðarins var +8,7 stig.

Meðalhiti við jörð var +5,40 stig.  (í september 2014: +5,6 stig.)

Sjóveður: 13,14 og 15, talsverður eða allmikill sjór, 23,24, og 25, talsverður,allmikill og mikill sjór. Annars sæmilegt eða gott sjóveður.

Yfirlit dagar eða vikur:

1-2: Suðvestan, kul, gola, stinningsgola, þurrt í veðri, hiti +8 til +14 stig.

3: Suðvestan stinningskaldi, allhvass, skúrir, en norðan stinningsgola um kvöldið með súld, hiti +15 niður í +5 stig um kvöldið.

4: Suðaustan, andvari, kul, gola, í fyrstu, síðan SV, kul eða gola, þurrt í veðri, hiti +3 til +10 stig.

5-8: Suðvestan, allhvasst, stinningskaldi, skúrir, hiti +10 til +16 stig.

9-10: Suðlægar vindáttir, S, SA, kaldi, stinningskaldi eða allhvass, en vindur náði í 34 m/s í kviðum þ. 9. ,skúrir,en þurrt í veðri þann 10. , hiti +10 til +16 stig,

11-12: Breytilegar vindáttir, andvari, kul eða kul, skúr þ.11, en þurrt þ. 12. Hiti +6 til +12 stig.

13-17: Norðan NNA,NNV, gola,stinningsgola,kaldi,stinningskaldi,súld, þoka, rigning,hiti +4 til +8 stig.

18-19: Breytilegar vindáttir,andvari,kul eða gola,súld eða rigning,hiti +6 til+8 stig.

20-22: Suðaustlægar eða suðlægar vindáttir, kul, gola eða stinningsgola, rigning, þurrt þ.21. hiti +3 til +14 stig.

23-26: Norðlægar vindáttir, andvari, kul, stinningskaldi þ.24. súld eða rigning, hiti +4 til +9stig.

27: Suðvestan, stinningsgola, kaldi, stinningskaldi, skúrir, hiti +7 til +12 stig.

28-Austlæg vindátt með golu, síðan NA og N, kaldi með rigningu, hiti +6 til +11 stig.

29-30: Suðvestan, stinningsgola, kaldi, stinningskaldi, enn stormur þ. 30. með miklum stormkviðum fram eftir degi, þurrt í veðri þ.30. hiti +4 til +10 stig.

Tekið saman af Jóni G Guðjónssyni veðurathugunarmanni í Litlu-Ávík.