Veðurathugunarmaður mælir sjávarhita, ásamt Töru.Mynd Kristín Bogadóttir.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði á rólegu nótunum með mest suðlægum eða austlægum vindáttum, en allhvasst eða hvassviðri var um tíma þann áttunda, en með hlýju veðri yfir daginn, en úrkomulitlu veðri fram til og með tíunda. Þann ellefta var austlæg vindátt með mikilli rigningu, síðan suðvestanáttir með kólnandi veðri og slyddu eða snjóéljum. Loks þann sextánda gekk í norðanátt með snjókomu eða éljum fram til tuttugusta. Eftir það voru mest suðlægar vindáttir, en mánuðurinn endaði með norðaustanátt, allhvassri um tíma með rigningu og síðan slyddu.

Að morgni þann 17 var í fyrsta skipti alhvít jörð á láglendi.

Í suðvestanáttinni þann 13 um kvöldið náði vindur 41 m/s, í kviðum.

Mæligögn:

Úrkoman mældist 92,0 mm. (í nóvember 2015: 83,5 mm.)

Þurrir dagar voru 4.

Úrkomu sem varð vart en mældist ekki var í 5 daga.

Mestur hiti mældist þann 7.: +12,2 stig.

Mest frost mældist þann 23.: -4,0 stig.

Meðalhiti mánaðarins var +3,7 stig.

Meðalhiti við jörð var +0,52 stig. (í nóvember 2015: -0,47 stig.)

Alhvít jörð var í 3 daga.

Flekkótt jörð var í 7 daga.

Auð jörð var því í 20 daga.

Mesta snjódýpt mældist þann 18.: 6 cm.

Sjóveður: Í heildina gott eða sæmilegt nema í þessu eina norðanáhlaupi ,dagana 16 til 20.

Yfirlit dagar eða vikur:

1-2: Suðlægar vindáttir SA, S, kul, stinningsgola, þurrt í veðri þ. 1. enn rigning þ.2. hiti +1 til + 7 stig.

3-4: Austan eða NA gola, stinningsgola, kaldi, rigning, skúrir, hiti +4 til +7 stig.

5: Breytilegar vindáttir, andvari, kul eða gola, þurrt í veðri, hiti +1 til +5 stig.

6-8: Sunnan eða SV, stinningsgola, kaldi, stinningskaldi, en hvassviðri um tíma þ.8. rigning eða skúrir, hiti +3 til +12 stig.

9: Auslæg vindátt, gola síðan kul, þurrt í veðri, hiti +2 til +6 stig.

10: Sunnan kul eða gola, úrkomuvottur, skúr, hiti +2 til +5 stig.

11: Austan eða SA, gola,, stinningsgola, kaldi, síðan kul, rigning, hiti +5 til +8 stig.

12-15: Suðvestan stinningsgola,kaldi, stinningskaldi, allhvass, en hvassviðri eða stormur þ. 13. rigning, slyddu eða snjóél, hiti +1 til +9 stig.

16-21:Norðan allhvasst, hvassviðri, stinningsgola, gola, él, snjókoma, hiti -2 til +3 stig.

22-25: Suðælgar vindáttir, S, SA, SV, V, enn NV um kvöldið Þ.25., gola, kul, stinningsgola, allhvass, kaldi, stinningskaldi, slydda, snjókoma, rigning, él, hiti -4 til +8 stig.

26: Austan gola, kul, þurrt í veðri, hiti frá -4 til +3 stig.

27- 29: Sunnan og SV, kaldi, stinningskola, gola, stinningskaldi, lítilsáttar skúrir eða él, hiti, +0 til +9 stig.

30: Vestan kul eða gola, síðan NA allhvass, kaldi, rigning, súld, slydda, hiti frá +3 niður í +0 stig.

Tekið saman af Jóni G Guðjónssyni veðurathugunarmanni í Litlu-Ávík.

Flekkótt jörð.

Yfirlit yfir veðrið frá veðurstöðinni í Litlu-Ávík.

Það má segja að mánuðurinn hafi byrjað með kannski svölu veðri fyrsta dag mánaðar í NA lægri átt, enn fór síðan ört hlýnandi með suðlægum vindáttum alveg fram í miðjan mánuð með úrkomulitlu veðri en mjög hlýju miðað við árstíma. Frá 16 til og með 18 voru hægar breytilegar vindáttir með þurru veðri. Síðan var suðlæg vindátt, en suðsuðvestan hvassviðri aðfaranótt 20 og fram á dag. Frá 21 til 24 var suðaustlæg vindátt með hægviðri en rigningu, enn austlægur þann 25 og kólnandi veður. Þann 26 var norðlæg eða norðvestlæg vindátt og rigning. Þann 28 var ákveðin suðvestanátt með skúrum. Enn þann 29 var austan átt, fyrst með slyddu og síða rigningu. Síðan endaði mánuðurinn með suðvestanátt með skúrum, en þurru veðri þann 31. Mánuðurinn telst óvenju hlýr í heild miðað við árstíma.

Vindur þann 20 í SSV áttinni náði í kviðum 35 m/s sem er fárviðri.

Það var mikil slydda þann 29. frá því um 10:30 og fram á hádegi og gerði allt vel grátt í sjó fram, en þann snjó tók strax upp um miðjan dag. Þetta var ekki á mælingatíma, því kemur þetta ekki fram í veðurbókum sem flekkótt jörð. Auð jörð því talin allan mánuðinn.

Mæligögn:

Úrkoman mældist 66,7 mm. (í október 2015:126,3 mm.)

Úrkomu sem varð vart var í 1 dag.

Þurrir dagar voru 10.

Mestur hiti mældist þann 20.: +14,5 stig.

Minnstur hiti mældist þann 25 og 29.: +1,0 stig.

Meðalhiti mánaðarins var +7,8 stig.

Meðalhiti við jörð var +3.90 stig. (í október 2015:+1,73 stig.)

Sjóveður: Gott eða sæmilegt nema frá 26 og út mánuðinn heldur verra í sjóinn.

Yfirlit dagar eða vikur:

1: Norðaustan eða A andvari, kul eða stinningsgola, þurrt í veðri, hiti +3 til +7 stig.

2-15: Suðlægar vindáttir, kul, gola, stinningsgola, kaldi, stinningskaldi, en allhvasst eða hvassviðri þann 12. rigning eða skúrir, en þurrt í veðri dagana 5, 7, 10, 14, og 15, hiti +3 til +14 stig.

16-18: Breytilegar vindáttir, logn, kul eða gola, þurrt í veðri, hiti +3 til + 9 stig.

19-20: Suðaustan stinningsgola eða kaldi, síðan SSV hvassviðri með stormkviðum, rigning síðan skúrir, hiti +6 til +15 stig.

21-24: Suðaustan andvari, kul eða gola, rigning, skúrir, hiti +4 til +13 stig.

25: Austan gola, stinningsgola, rigning, hiti +1 til +6 stig.

26-27: Norðan eða NV og V, gola, stinningsgola, kaldi, rigning, hiti +3 til +7 stig.

28: Suðvestan stinningskaldi síðan kaldi, skúrir, hiti +2 til +5 stig.

29: Austan gola eða stinningsgola, slydda, rigning, hiti +1 til +6 stig.

30-31: Suðvestan stinningsgola, kaldi síðan gola og kul, skúrir en þurrt í veðri þ.31. hiti +1 til +8 stig.

Tekið saman af Jóni G Guðjónssyni veðurathugunarmanni í Litlu-Ávík.

Mikil úrkoma var í mánuðinum.

Yfirlit yfir veðrið frá veðurstöðinni í Litlu-Ávík.

Septembermánuður byrjað með hægum suðlægum vindáttum og hlýju veðri og úrkomu rétt vart fyrstu fjóra dagana, skiptust á suðlægar eða norðlægar vindáttir fram til níunda með aukinni úrkomu. Þann tíunda gekk í ákveðnar hvassar norðlægar vindáttir oft með mikilli úrkomu og sérlega þann 10 og 11., síðan lægði þann 13. Þann fjórtánda til 19. voru suðlægar eða breytilegar vindáttir og með hlýju veðri og úrkomu litlu veðri. Þá snerist til norðlægra vindátta þann 20 sem stóðu til 26, með nokkurri úrkomu. Enn frá 27 og 28 voru hægar suðlægar eða breytilegar vindáttir með þurru veðri. Þann 29 var skammvinn norðanátt með úrkomu og kólnandi veðri. Síðasta dag mánaðar var hæg breytileg vindátt og svalt í veðri.

Nokkrar aurskriður féllu á vegi í Árneshreppi það var á Kjörvogshlíð við Naustvík og í Urðunum veginum til Norðurfjarðar,í vatnavöxtunum aðfaranótt sunnudagsins 11 og lokaðist vegur um tíma.

Það snjóaði í fjöll aðfaranótt 26. í fyrsta sinn í haust.

Lítil sem engin berjaspretta var í Árneshreppi þetta sumarið, sem mörgum þykir stórfurðulegt,í sæmilega góðu sumri.

Fallþungi dilka hjá bændum var mun betri en í fyrra.

Mæligögn:

Úrkoman mældist 170,2 mm. (í september 2015: 58,6 mm.)

Þurrir dagar voru 8.

Úrkomu sem varð vart en mældist ekki var í 1 dag.

Mestur hiti mældist þann 4: +14,5 stig.

Minnstur hiti mældist þann 1: +2,5 stig.

Meðalhiti mánaðarins var +7,7 stig.

Meðalhiti við jörð var +4,37 stig. (í september 2015: +5,40 stig.)

Sjóveður: Var ágætt fyrstu sjö dagana og frá 14 til 19, síðan mjög rysjótt og oft slæmt.

Yfirlit dagar eða vikur:

1-4: Suðlægar vindáttir, SV, S, SA, kul eða gola,skúrir þann 2. ,annars þurrt í veðri, hiti +3 til +14,5 stig.

5-6: Norðan og NNA, andvari, gola, stinningsgola, kaldi, þoka, súld, hiti, +6 til +10 stig.

7: Suðaustan andvari, kul, gola, þokumóða, súldarvottur, hiti +6 til +10 stig.

8: Norðaustan gola, stinningskaldi, allhvass, rigning, hiti +7 til +10 stig.

9: Sunnan og SA, gola, stinningsgola, skúrir, hiti +8 til +14 stig.

10- 13: Norðaustan eða N og NV, kaldi, stinningskaldi en allhvasst eða hvassviðri um tíma þ. 10. og 12 og fram á morgun þ.13.,rigning og mikil rigning 10 og fram á morgun þ.11.,hiti +5 til +12,5 stig.

14-19: Suðlægar vindáttir eða breytilegar, SA, SV, kul, gola, stinningsgola, stinningskaldi, rigning, súld eða skúrir, þurrt í veðri þann 14 og 18, hiti +5 til +13 stig.

20-26: Norðaustan, N, A, kul, gola,stinningsgola, stinningskaldi, kaldi, en allhvass þann 24.,rigning, súld, þurrt í veðri þann 23., hiti +4 til +11 stig.

27-28: Suðlægar eða breytilegar vindáttir, andvari eða kul, þurrt í veðri, hiti 4 til 12 stig.

29: Norðan stinningsgola, kaldi, rigning og súld, hiti +4 til +9 stig.

30: Breytileg vindátt kul, lítilsáttar súld eða rigning, hiti +3 til +6 stig.

Tekið saman af Jóni G Guðjónssyni veðurathugunarmanni í Litlu-Ávík.

Litla-Ávík.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með norðlægum vindáttum og voru hafáttir fram í miðjan mánuð og hægviðri, með úrkomu fyrstu dagana, en síðan var þurrt í veðri 5. til og með 10. en síðan var nokkuð úrkomusamt. Þann 16 gerði loks suðaustan átt og síðan suðvestan. Síðan þann 19 voru komnar hafáttir aftur sem stóðu til 28. með þokulofti og lítilsáttar vætu. Þann 29 var suðvestanátt með þurru og hlýju veðri sem stóð aðeins þann dag. Síðan voru hafáttir síðustu tvo daga mánaðar með smá vætu.

Mánuðurinn telst góðviðrasamur og með úrkomulitlu veðri og var ótrúlega hlítt þrátt fyrir að norðlægar vindáttir væru ríkjandi að mestu. Oft var fallegt veður í mánuðinum.

Mæligögn:

Úrkoman mældist 44,6 mm. (í ágúst 2015: 250,8 mm.)

Úrkomu sem varð vart en mældist ekki var í 5 daga.

Þurrir dagar voru 12.

Mestur hiti mældist þann 16 og 18=+15,5 stig.

Minnstur hiti mældist þann 30=+4,0 stig.

Meðalhiti mánaðarins var +9,3 stig.

Meðalhiti við jörð var +5,99 stig. (í ágúst 2015: +5,62 stig.

Sjóveður: Mjög gott sjóveður nema 27, þá var talsverður sjór.

Yfirlit dagar eða vikur:

1-15: Mest norðlægar (N-NV NA,) eða breytilegar vindáttir, andvari, kul, gola, stinningsgola, en kaldi um tíma þann 7. skúrir, rigning, súld, þoka, þokuloft. Þurrt var í veðri dagana 5-6-7-8-9 og 10. Hiti +4 til +15 stig.

16: Suðaustan gola, þurrt í veðri, hiti +10 til +16 stig.

17: Norðaustan andvari eða kul, þurrt í veðri, hiti +10 til +15 stig.

18: Suðvestan stinningsgola eða kaldi, skúrir, hiti +9 til +15,5 stig.

19-28: Norðan, NNA, NNV, andvari, kul, gola, stinningsgola en kaldi eða stinningskaldi þann 26 og 27, þoka, súld, rigning, þurrt í veðri 19, 23 og 28, hiti +6 til +15,5 stig.

29: Suðvestan gola,þurrt í veðri, hiti +4,5 til +13,5 stig.

30-31: Norðan eða NNA, kul, gola, stinningsgola eða kaldi, súld, skúrir, hiti +4 til +9,5 stig.

Tekið saman af Jóni G Guðjónssyni veðurathugunarmanni í Litlu-Ávík.

Svarta þoka.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með norðlægum vindáttum sem stóðu út mánuðinn. Úrkomusamt var fyrstu þrjá dagana, síðan var þurrt í veðri næstu þrjá dagana, síðan gekk aftur í úrkomusamt veður þann 8 og talsverð þann 9. Síðan var að mestu þurrt veður frá 12 og fram til 19, en áframhaldandi norðlægar vindáttir. Síðan var rigning eða súld út mánuðinn. Úrkomusamt verður að teljast í mánuðinum.

Vegaskemmdir urðu á veginum norður í Árneshrepp á laugardaginn 9. júlí, þegar miklir vatnavextir urðu við Kaldbaksvík.

Heyskapur hófst yfirleitt þann 3. og gátu bændur heyjað talsvert þessa þurrviðrisdaga 4 til 7. Síðan var allt stopp í heyskap fram til 12. þegar loks stytti upp, enn þokuloft og súldarvottur með köflum. Heyskapur var langt komin um 19, nema þar sem ílla var sprottið og þar bíður heyskapur enn.

Mæligögn:

Úrkoman mældist 112,5 mm. (í júlí 2015: 70.0 mm.

Úrkomu sem varð vart en mældist ekki var í 2 daga.

Þurrir dagar voru 6.

Mestur hiti mældist þann 17: +16,0 stig.

Minnstur hiti mældist þann 6: +3,4 stig.

Meðalhiti mánaðarins var +7,6 stig.

Meðalhiti við jörð var +6,53 stig. (í júlí 2015: +5,42 stig.)

Sjóveður: Að mestu gott eða sæmilegt, nema 8,9 og 10, þá talsverður eða allmikill sjór.

Yfirlit dagar eða vikur:

1-3: Norðan stinningsgola, kaldi, gola, súld, mikil rigning, aðfaranótt þ.2. hiti +5 til +14 stig.

4: Norðaustan kul eða gola, súldarvottur, þokuloft, hiti +6 til +8 stig.

5-7: Norðan eða NV, kul eða gola, þurrt í veðri, hiti +3 til +10 stig.

8-12: Norðan, stinningsgola, kaldi, stinningskaldi, allhvass, súld, rigning, en mikil rigning þ.9. hiti +4 til +8 stig.

13-19: Norðan eða NV, kul,gola, stinningsgola, kaldi, þoka, þokuloft, súldarvottur, 13, 14 og 19, annars þurrt, hiti +6 til +16 stig.

20-31: Áframhaldandi norðan eða NNV, gola eða stinningsgola, rigning, súld, hiti +6 til +10 stig.

Tekið saman af Jóni G Guðjónssyni veðurathugunarmanni í Litlu-Ávík.

Oft var þokuloft í mánuðinum.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með hlýindum og með suðlægum vindáttum fyrstu tvo dagana, síðan voru hafáttir fram til 23. en með hægviðri og oft með þoku og eða þokulofti og lítilsáttar úrkomu, heldur var svalara í þokuloftinu og hiti fór tvívegis niður í +4 stig. Þann 24 gerði ákveðna suðvestanátt sem aðeins var í tvo daga, og hlýnaði þá mikið. Þá fór í sama gírinn aftur með hafáttum með þoku eða þokulofti, súld eða rigningu. Talsverð rigning var 26, 27. og 28. Mánuðurinn verður að teljast mildur og góðviðrasamur þrátt fyrir allt.

Tún eru orðin sæmilega sprottin þótt mjög þurrt hafi verið fram til 25. Rakin í þokuloftinu hefur haft sín áhrif. Síðan var úrkomusamt síðustu daga mánaðar.

Mæligögn:

Úrkoman mældist 38,8 mm. (í júní 2015: 15,4 mm.)

Úrkomu sem varð vart en mældist ekki var í 4 daga.

Þurrir dagar voru 14.

Mestur hiti mældist þann 3: +15,6 stig.

Minnstur hiti mældist þann 23: +4,0 stig.

Meðalhiti mánaðarins var +8,6 stig.

Meðalhiti við jörð var +6,95 stig. (í júní 2015: +3,58 stig.)

Sjóveður: Mjög gott, en sæmilegt þrjá síðustu daga mánaðar.

Yfirlit dagar eða vikur:

1-2: Suðvestan stinningsgola, eða gola, skúrir, hiti +9 til +15 stig.

3-23: Norðan eða norðlægar vindáttir, andvari, kul, gola eða stinningsgola, þoka, þokumóða, súld, þ.4.10.11.12.13.18.og 19. rigning, þ 16, annars þurrt í veðri. Hiti +4 til +13 stig.

24-25:Suðvestan kaldi, stinningskaldi, gola, skúrir Þ.24. en þurrt í veðri þ.25. Hiti +9 til +16 stig.

26-30: Norðan, NA, NNV, kul, gola, stinningsgola, kaldi, stinningskaldi, þoka, súld, rigning, hiti +5 til 13 stig.

Tekið saman af Jóni G Guðjónssyni veðurathugunarmanni í Litlu-Ávík.

Örkin alhvít.

Yfirlit yfir veðrið frá veðurstöðinni í Litlu-Ávík.

Maí byrjaði með norðlægum vindáttum og köldu veðri og nokkurri úrkomu, snjókomu, rigningu eða éljum. Þessi norðlæga átt var ríkjandi fram til sjöunda. Þá breytti í suðlægar vindáttir með hlýju veðri. Þann tíunda var allhvass af suðvestri, síðan breytilegar vindáttir, og eða suðlægar fram til og með 15. Næturfrost var þann 12. Aðfaranótt 16 gekk í norðlæga vindátt með kólnandi veðri og gerði slyddu á láglendi, og snjóaði langt niður í fjöll, norðlæg átt var svo fram til og með 17. Þá voru hægar norðlægar eða breytilegar vindáttir fram til 23. oft með köldu veðri og slydduéljum og snjóaði þá talsvert í fjöll. Loks þann 24. gekk til suðlægra vindátta með hlýju veðri, en oft var allhvass í suðvestanáttinni. Þann 30. kólnaði dálítið í breytilegri vindátt og gerði þokuloft. Mánuðurinn endaði síðan með suðlægri vindátt og hlýju veðri. Mjög úrkomusamt var með köflum í mánuðinum.

Lambfé fór snemma út á tún hjá bændum á Ströndum á þessu vori, þótt hafi gert slydduél og fremur kalt hafi verið um tíma var gróður fljótur að taka við sér, og ekkert varð úr þessu Hvítasunnuhreti að ráði á þessu vori. Sem dæmi var alhvít jörð í fyrra (2015) í 3 daga og flekkótt í 13 daga og mesta snjódýpt mældis í maí í fyrra var 20 cm.

Mæligögn:

Úrkoman mældist 69,4 mm. (í maí 2015: 48,0 mm.)

Úrkomu sem var vart en mældist ekki var í 1 dag.

Þurrir dagar voru 13 dagar.

Mestur hiti mældist þann 28. +15,0 stig.

Mest frost mældist þann 12. -1,5 stig.

Meðalhiti mánaðarins var +5,5 stig.

Meðalhiti við jörð var +2,05 stig. (í maí 2015: 0,84 stig.)

Alhvít jörð var í 1 dag.

Flekkótt jörð var í 1 dag.

Auð jörð var því í 29 daga.

Mesta snjódýpt mældist þann 3. 3 cm.

Sjóveður: Var slæmt 2 til 7, annars sæmilegt eða gott.

Yfirlit dagar eða vikur:

1-7: Norðan NV, NA, gola, stinningsgola, en allhvass þ. 2 og fram á 3. stinningskaldi, kaldi, rigning,skúrir,snjókoma, él, súld, þurrt þann 7. hiti 0 til +5 stig.

8: Breytileg vindátt, kul, þurrt í veðri, hiti +0 til +8 stig.

9-10: Suðvestan stinningsgola, stinningskaldi, allhvass, þurrt í veðri, hiti +1 til 9 stig.

11: Suðvestan í fyrstu síðan, norðan og NA, kaldi, stinningsgola, gola, súld, hiti +3 til +10 stig.

12-13: Breytilegar vindáttir, kul, gola, stinningsgola, þurrt þ. 12. úrkomuvottur þ.13. hiti -2 til +11 stig.

14-15: Suðvestan stinningsgola, kaldi, stinningskaldi, þurrt í veðri, hiti +3 til 13 stig.

16-17: Norðaustan og N, stinningskaldi, kaldi, stinningsgola,gola, rigning, slydda, þurrt þ. 17, hiti +1 til +5 stig.

18-23: Norðlægar eða breytilegar vindáttir, andvari, kul eða gola, skúrir, slydduél, þurrt 19 og 21. hiti +0 til +9 stig.

24-28: Suðvestan eða S, kaldi, stinningskaldi en oftast allhvass, rigning eða skúrir, þurrt í veðri 24 og 28. hiti +6 til +15 stig.

29-31: Breytilegar vindáttir, kul eða gola, en Sunnan kaldi um kvöldið þ.31. þurrt í veðri þann 29. annars súld, rigning, hiti +2 til +15 stig.

Tekið saman af Jóni G Guðjónssyni veðurathugunarmanni í Litlu-Ávík.

Það snjóaði niður í byggð þann 27.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með vorveðri og nokkrum hita miðað við árstíma og var að mestu gott veður fram til og með sextánda, enn næturfrost var stundum. Enn þann sautjánda snerist veður í norðanátt, með hvassviðri eða stormi með snjókomu og síðan éljum, norðanáttin gekk svo niður um kvöldið þann átjánda. Eftir það voru suðlægar vindáttir eða breytilegar oftast með hlýju veðri en næturfrost stundum. Þann 27. gekk til norðlægra vindátta og veður fór kólnandi og var norðlæg vindátt út mánuðinn og snjóaði niður í byggð. Mánuðurinn verður að teljast nokkuð góðviðrasamur í heild. Úrkomulítið var í mánuðinum í.

Mæligögn:

Úrkoman mældist 25,3 mm. (í apríl 2015: 46,3 mm.)

Úrkomu sem varð vart en mældist ekki var í 4 daga.

Þurrir dagar voru 13.

Mestur hiti mældist þann 23: +10,1 stig.

Mest frost mældist þann 15: -3,4 stig.

Meðalhiti mánaðarins var +2,9 stig.

Meðalhiti við jörð var -0,49 stig. (í apríl 2015: -1,26 stig.)

Alhvít jörð var í 4 daga.

Flekkótt jörð var í 9 daga.

Auðjörð var því í 17 daga.

Mesta snjódýpt mældist þann 1: 15 cm.

Sjóveður: Sæmilegt eða gott nema 1-2-8-17-18, og síðustu þrjá daga mánaðar.

Yfirlit dagar eða vikur:

1-2: Austlæg vindátt, stinningskaldi, kaldi,gola, rigning,,hiti +1 til 5 stig.

3-5: Norðan eða NNV, kul eða gola, súld, slydda, hiti +0 til +5 stig.

6-9: Austlæg vindátt, kaldi, stinningsgola, rigning þ.8. annars þurrt í veðri, hiti +2 til +6 stig.

10: Norðan eða NV, gola eða kul, snjóél, hiti +0 til 5 stig.

11-13: Sunnan eða suðlægar vindáttir, andvari, kul eða gola, stinningskaldi, þurrt í veðri, hiti frá +10 niður í -1 stig.

14: Norðaustan, gola eða stinningsgola, þurrt í veðri, hiti 1 til 5 stig.

15-16: Suðvestan gola,stinningsgola, kaldi, stinningskaldi, þurrt þ. 15. en lítilsáttar rigning þ.16. hiti frá -3 stigum upp í +7 stig.

17-18: Norðan hvassviðri eða stormur fyrri daginn, en síðan kaldi, stinningsgola, snjókoma eða él, hiti frá +1 niður í -3 stig.

19: Suðaustan andvari, kul eða gola, snjókoma, slydda, skúrir, hiti -2 til +3 stig.

20-25: Suðvestan eða breytilegar vindáttir, kul, gola, sinningsgola, kaldi,skúrir 20 og 21. annars þurrt í veðri, hiti frá -2 uppí +10 stig.

26-30: Norðaustan eða N og eða NV, gola, stinningsgola, kaldi, stinningskaldi, þurrt í veðri þ.26. annars snjóél, skúrir, slydda eða rigning, hiti frá +5 niður í -1 stig.

Tekið saman af Jóni G Guðjónssyni veðurathugunarmanni í Litlu-Ávík.

Fjarskiptahús Mílu við Reykjaneshyrnu eins og sandblásið.

Eins og málningin hafi verið skafin af þann 13.

« 1 af 2 »

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með hægviðri yfirleitt og var frekar rólegt veður fram til níunda. Þann tíunda gekk í suðaustan með hlýnandi veðri og síðan suðvestan og kólnandi veðri á víxl og voru umhleypingar alveg fram til og með 14. Enn hluta úr dögunum 12, 13 og 14, eða allan sólarhringinn var rok,ofsaveður eða fárviðri. Suðlægar vindáttir voru svo ríkjandi áfram með hlýju veðri fram til 20. Eftir það fór heldur kólnandi, enn þann 25. gekk í norðaustlægar eða norðlægar og síðan austlægar vindáttir, og frysti og var fremur svalt út mánuðinn, en heldur fór að hlína um kvöldið þann 31.

Miklar leysingar voru eftir að hlýnaði í veðri þann 10 en mest í ofsaveðrinu þann 13.og 14. og sérstaklega þann dag og síðan voru leysingar fram til 25. og jörð varð fljótt flekkótt.

Í suðsuðvestanáttinni þann 12 var alversta veðrið frá því um 19:00 og fram til 22:00, og náði jafnavindur 31m/s (ellefu vindstig gömul) og kviður í 46 m/s. Og frá því um kvöldmat skóf mikinn skara upp, á rúður og hús. Mesta mildi að ekkert hafi skeð.

Og í sunnan og SSV áttinni þann 13. var veðurhæð þessi klukkan 21:00: SSV 38 m/s eða 137 km (klst í jafnavind og í kviðum 55 m/s eða 196 km/klst. Svipað veður var fram á miðnættið þegar veðurathugunarmaður fór að reyna að leggja sig. Lítilsháttar foktjón varð í Árneshreppi, hurðir á hlöðu splundruðust og eitthvað annað smotterí fauk. Talsvert tjón varð á mörgum húsum vindmegin, þar sem má segja að málning hafi flagnað af eða hreinlega eins og skafin af heilu veggjunum, það er varla orð yfir það. Almennarómur í Árneshreppi segir það mildi að ekkert mjög alvarlegt hafi skeð í hreppnum í þessu fárviðri.

Mæligögn:           

Úrkoman mældist 59,7 mm. (í mars 2015: 88,9 mm.)

Úrkomu sem varð vart en mældist ekki var í 1 dag.

Þurrir dagar voru 9.

Mestur hiti mældist þann 13: +12,5 stig.

Mest frost mældist þann 31: -5,6 stig.

Meðalhiti mánaðarins var +1,7 stig.

Meðalhiti við jörð var -1,38 stig. (í mars 2015: -2,18 stig.)

Alhvít jörð var í 19 daga.

Flekkótt jörð var í 12 daga.

Auð jörð var því í 0 dag.

Mesta snjódýpt mældist þann 1: 51 cm.

Sjóveður: Sjóveður var allsæmilegt og oft gott, enn slæmt dagana, 1, 2, og 24 til 28.

Yfirlit dagar eða vikur:

1: Norðan og NA, kul síðan stinningskaldi, slydda, hiti 0 til 3 stig.

2-9: Mest suðlægar vindáttir eða breytilegar, kaldi, stinningsgola, gola eða kul, lítilsáttar úrkoma, snjókoma, slydda, rigning eða él, þurrt í veðri 3,4,7 og 9, hiti frá +4 niður í -5 stig.

10-12: Sunnan eða SV, stinningsgola, kaldi, allhvass enn ofsaveður um kvöldið og fram á nótt þ. 12. rigning, slydda, él, snjókoma, hiti, +9 niður í -1 stig.

13-14: Sunnan eða SV, gola, kaldi, stormur, rok, ofsaveður eða fárviðri, snjókoma, slydda, él, skúrir, miklar leysingar 14. hiti frá +0 til 13 stig.

15-20: Suðlægar vindáttir, S, SV, kul, gola, stinningsgola, kaldi,rigning, skúrir, þurrt í veðri, 17, 19 og 20, hiti frá +2 til +9 stig.

21-24: Austlægar eða breytilegar vindáttir, andvari, kul, stinningsgola, rigning, slydda,súld, þoka, hiti frá +1 til +5 stig.

25-29: Norðaustan, allhvass, stinningskaldi, kaldi, stinningsgola, gola, slydda, slydduél, snjókoma, él, hiti frá +3 niður í -4 stig.

30-31: Austlægar eða suðlægar vindáttir, andvari, kul, gola, úrkomulaust, hiti frá -6 til +2 stig.

Tekið saman af Jóni G Guðjónssyni veðurathugunarmanni í Litlu-Ávík.

Reykjaneshyrna-Örkin.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með norðaustanátt með hvassviðri og stormi um kvöldið þann fyrsta, þá hlýnaði aðeins í veðri þannig að úrkoman varð slydda og síðan snjókoma, eftir það voru ríkjandi hafáttir áfram með frosti og éljum. Þann fjórða og fram á dag þann fimmta gerði austan hvell, hvassviðri eða storm með mikilli ofankomu og snjóaði og skóf þá mikið í byggð. Siðan áframhaldandi norðaustlægar vindáttir með éljum fram til og með tíunda. Dagana ellefta til fimmtánda voru suðlægar eða austlægar áttir, og með rigningu og spilliblota þann 15. Síðan kólnaði strax daginn eftir í suðvestanóveðrinu þann 16. Næstu þrjá daga voru mest suðlægar vindáttir, með éljum, en snjóaði talsvert í austlægri vindátt snemma morguns þann 19. Þann 20 gekk í N hvassviðri með slyddu og síðan snjókomu. Frá 22 voru suðlægar vindáttir og hægviðri, oft með léttskýjuðu veðri. Þann 26 og 27 gerði síðan skammvinna norðauslæga eða austlæga vindátt, með mjög dimmum éljum þann 26. Síðan voru hægar suðlægar vindáttir út mánuðinn. Úrkomusamt var í mánuðinum.

Í austan óveðrinu 4. til 5. náði vindur í kviðum að fara í 34 m/s í kviðum sem er yfir tólf gömul vindstig.

Í suðvestanóveðrinu að morgni 16. náði vindur að fara í 33 m/s í jafnavind, en það er fárviðri,og í kviðum í 47 m/s , eða 169. Km/klst, alvesta veðrið var frá sjö og fram undir hálf tíu um morguninn.

Mæligögn:

Úrkoman mældist 103,9 mm. (í febrúar 2015: 78,9 mm.)

Úrkomu vart sem mældist ekki var í 0 dag.

Þurrir dagar voru 8.

Mestur hiti mældist +5,5 stig þann 15.

Mest frost mældist -6,0 stig þann 9.

Meðalhiti mánaðarins var -0,3 stig.

Meðalhiti við jörð var -4,11 stig. (í febrúar 2015: -3,70 stig.)

Alhvít jörð var í 29 daga.

Flekkótt jörð var í 0 dag.

Auð jörð var því í 0 dag.

Mesta snjódýpt mældist þann 5: 60 cm.

Sjóveður: Mjög rysjótt en nokkrir góðir eða sæmilegir dagar.

Yfirlit dagar eða vikur:

1: Norðaustan stinningskaldi, hvassviðri og síðan stormur,slydda, snjókoma, hiti frá -0 til +3 stig.

2-3: Norðaustan og A stinningskaldi, kaldi, stinningsgola, él enn þurrt þ. 3. hiti +3 til -3 stig.

4-5: Austan og NA kaldi en síðan hvassviðri og stormur með mikilli snjókomu, hiti frá +1 til -2 stig.

6-10: Norðaustan allhvass, stinningskaldi, kaldi, stinningsgola, él, skafrenningur, hiti -6 til +3 stig.

11-15: Suðaustan eða A, kul, eða suðlæg vindátt, gola, stinningsgola, kaldi, þurrt í veðri þ. 11. og 14. annars él, rigning þ. 15. hiti -4 til + 6 stig.

16: Suðvestan ofsaveður eða fárviðri fram á dag, rigning síðan él, hiti frá +5 niður í -4 stig.

17-19: Mest suðlægar vindáttir eða breytilegar, kul, gola, stinningsgola, kaldi, él, en talsverð snjókoma eða slydda í austlægri vindátt snemma morguns þann 19. hiti -3 til +3 stig.

20-21: Norðan hvassviðri, allhvass, stinningskaldi, slydda, snjókoma, hiti frá +2 niður í -2 stig.

22-25: Suðlæg vindátt eða breytileg, andvari, kul eða gola, él um morguninn þann 22. annars úrkomulaust, hiti frá -5 til +0,5 stig.

26-27: Norðaustan eða A, stinningsgola, kaldi, gola, kul, mikil él þ. 26, þurrt þ. 27. hiti +1 til -4 stig.

28-29: Suðlægar vindáttir, kul eða gola, þurrt í veðri þ. 28, en él um morguninn þ.29. hiti -5 til +4 stig.

Tekið saman af Jóni G Guðjónssyni veðurathugunarmanni í Litlu-Ávík.