Hitamælaskýli í Litlu-Ávík.

Meðalhiti á veðurstöðinni í Litlu-Ávík fyrir árið 2022 eftir mánuðum. Meðalhitinn er reiknaður út af Veðurstofu Íslands og eru tölurnar úr Gagnabrunni Veðurstofu Íslands. Innan sviga er meðalhitinn frá 2021:

Janúar: -0,2 stig. (-1,1 stig.)

Febrúar: -1,3 stig. (+0,7 stig.)

Mars: +0,5 stig. (+1,1 stig.)

Apríl: +2,8stig. (+1,6 stig.)

 Maí : +3,7 stig. (+3,3 stig)

 Júní: +7,0 stig. (+7,7 stig.)

 Júlí: +8,7 stig. (+11,0 stig.)

 Ágúst: +8,8 stig. (+11,4 stig.)

September: +7,3 stig. (+7,9 stig.)

 Október: +4,1 stig. (+3,5 stig.)

 Nóvember: +4,0 stig. (+1,1 stig.)

 Desember: -1,7 stig. (+0,7 stig.)

Meðalhiti ársins 2022 er +3,6 stig. (2021 var hann +4,1 stig.)

Hitinn var hæstur í ágúst +8,8 stig. En í ágúst 2021 +11,4 stig. Kaldast er í desember -1,7 stig. En 2021 var kaldast í janúar -1,1 stig.

Úrkomumælir á veðurstöðinni í Litlu-Ávík.

Heildar úrkoma fyrir veðurstöðina í Litlu-Ávík á Ströndum fyrir árið 2022, tekin saman af Veðurstofu Íslands og tekin hér úr Gagnabrunni Veðurstofunnar. En úrkoman er þessi eftir mánuðum og innan sviga er úrkoman frá árinu 2021.:

Janúar: 67,5 mm.(48,9 mm.)

Febrúar: 58,5 mm.(68,5 mm.)

Mars: 142,3 mm. (65,6 mm.)

Apríl: 34,2 mm. (44,3 mm.)

 Maí: 117,3 mm. (6,9 mm.)

Júní: 74,9 mm. (64,9 mm.)

Júlí: 42,6 mm. (44,3 mm.)

Ágúst: 74,7.mm. (43,7 mm.)

September: 45,4. mm. (188,6 mm.)

Október: 127,9.mm. (143,4 mm.)

Nóvember: 57,9 mm. (76,2 mm.)

Desember:  30,9 mm.  (38,9mm.)

Samtals úrkoma árið 2022 var 874,1 mm.

Úrkoman er dálítið meiri enn á árinu 2021 sem var 836,2 mm. Er úrkoman því 37,9 mm meiri en árið 2021. Úrkoman fer yfir hundrað millimetra í september og í október. Enn 2021 fer úrkoma yfir hundrað mm í  september og í október. Það er mjög sjaldgæft að úrkoma fari yfir þúsund mm á ársgrundvelli, en hefur skeð nokkrum sinnum.

Talsvert snjóaði síðustu daga mánaðarins.

Talsverðir skaflar voru komnir í mánaðarlok.

« 1 af 2 »

Yfirlit yfir veðrið frá veðurstöðinni í Litlu-Ávík.

1 og 2 var sunnan kul og uppí allhvassan vind, lítilsáttar skúrir. Þann 3 var hæg norðanátt með súld. Þann 4 var suðvestan gola uppí kalda með þurru veðri. 5 og 6 var suðlæg vindátt og hægviðri og úrkomulaust. 7 til 9 var norðaustanátt með stinningsgolu og uppí stinningskalda, lítilsáttar snjóél. Frá 10 til 16 voru austlægar eða breytilegar vindáttir, yfirleitt hægar, með lítilsáttar éljum. Frá 17 og út mánuðinn var norðaustan gola og uppí hvassviðri með éljum og eða snjókomu og skafrenningi og talsverðu frosti.

Mæligögn:

Úrkoman mældist 30,9 mm. (í desember 2021: 37,7 mm.)

Úrkomu sem varð vart en mældist ekki var í 2 daga.

Þurrir dagar voru 8.

Mestur hiti mældist þann: 1 +10,3 stig.

Mesta frost mældist þann: 24 -10,0 stig.

Meðalhiti mánaðarins var -1,7 stig.  (í desember 2021: +0,7 stig.)

Meðalhiti við jörð var -5.12 stig. (í desember 2021: 2,70 stig.)

Sjóveður: Sæmilegt eða gott sjóveður var frá 1 til 12. Gráð, sjólítið, dálítill sjór. Annars slæmt sjóveður. Dálítill sjór, talsverður sjór, allmikill sjór, mikill sjór

Alhvít jörð var í 17 daga.

Flekkótt jörð var í 3 daga.

Auð jörð var því í 11 daga.

Mesta snjódýpt mældist þann 31: 32 CM.

Yfirlit dagar eða vikur:

1-2: Sunnan allhvass, stinningskaldi, kaldi, stinningsgola, kul, úrkomulaust þ.1. Enn skúrir.þ.2. hiti +4 til +7 stig.

3: Norðan, NA, gola, kul, súld, hiti +0,5 til +5 stig.

4:Suðvestan, gola, kaldi, úrkomulaust, hiti frá -2 til +6 stig.

5-6: Suðaustan, S, andvari, kul, gola, úrkomulaust, hiti frá -1 til +2 stig.

7-9: Norðaustan, NNA, stinningsgola, kaldi, stinningskaldi, snjóél, úrkomulaust þ.9. Og úrkomu vart þ.8. Hiti frá -2 til +2 stig.

10-16: Austan, NA, SA, andvari, kul, gola, stinningsgola, kaldi, úrkomulaust 10, 11, 12, annars snjóél, hiti, frá +3 niður í -8 stig

17-31: Norðaustan, ANA, N, gola, stinningsgola, kaldi, stinningskaldi, allhvass, hvassviðri, úrkomu varð vart þ.17, snjóél, snjókoma, skafrenningur. Hiti +0 niður í -10 stig.

Tekið saman af Jóni G Guðjónssyni veðurathugunarmanni í Litlu-Ávík.

Nýja sjálfvirka veðurstöðin, mannaða stöðin í baksýn.

Vilhjálmur og Hákon settu stöðina upp.

Hákon setur vindmælir upp.

« 1 af 3 »

Veðurstofa Íslands setti upp sjálfvirka veðurstöð í Litlu-Ávík á Ströndum í dag, enn mönnuð stöð er þar fyrir frá 12 ágúst 1995. Þetta þýðir ekki að veðurathugunarmaður þurfi ekkert að gera, hann verður að taka skýjahæð og skýjasort og veðurlýsingu, hvort sé rigning él og svo framvegis. Og skyggni mæla úrkomu og gefa upp sjólag og mæla sjávarhita og mæla lágmarkshita við jörð og mæla snjódýpt og fleira. Sjálfvirka stöðin sendir vindátt og vindhraða og einnig hitastig og rakastig á 10 mínútna fresti. Sem almenningur sér á klukkutíma fresti. Einnig er loftvog.

Vilhjálmur Þorvaldsson sérfræðingur í mælarekstri hjá Veðurstofunni og Hákon Halldórsson settu mælana upp. Stöðin byrjaði að senda rétt klukkan 16:00 í dag. Stöðin sendi klukkan 15:00 en þá voru vindmælar ekki tengdir, aðeins hitastig.

Lítill snjór í fjöllum.

Yfirlit yfir veðrið frá veðurstöðinni í Litlu-Ávík.

Frá 1 til 11 voru norðlægar vindáttir með vindi frá golu og uppí hvassviðri þann 10. Slydda, rigning eða súld. Frá 12 til 22 voru breytilegar vindáttir og hægviðri og með úrkomulitlu veðri. Frá 23 til 27 voru norðlægar vindáttir með stinningskalda og uppí hvassviðri. Þann 28 var suðvestan kaldi með lítiláttar slydduéljum. 29 og 30 var suðaustan og hægviðri með rigningu þann 30.

Mæligögn:

Úrkoman mældist 57,9 mm.  (í nóvember 2021. 78,4 mm.)

Úrkomu sem varð vart en mældist ekki var í 1 dag.

Þurrir dagar voru 8.

Mestur hiti mældist þann 30: +10,8 stig.

Minnstur hiti mældist þann 7 og 30: -0,5 stig.

Meðalhiti mánaðarins var +4,0 stig. (í nóvember 2021. +1,1 stig.)

Meðalhiti við jörð var +0,79 stig. (í nóvember 2021. -2,32 stig.)

Sjóveður: Sjóveður var oftast slæmt í mánuðinum enn þó voru nokkrir góðir dagar eða sæmilegir: Sjólítið eða dálítill sjór dagana 15,16, 17, 18, 19, 20, 21, 22, 29, 30. Annars var slæmt sjóveður.Dálítill sjór, talsverður sjór, allmikill sjór, eða mikill sjór.

Alhvít jörð var í 0 dag.

Flekkótt jörð var í 1 dag.

Auð jörð var því í 29 daga.

Mesta snjódýpt: Mældist ekki.

Yfirlit dagar eða vikur:

1-11: Norðan, Norðaustan, ANA, gola, stinningsgola, kaldi, stinningskaldi, allhvasst, en hvassviðri þ.10. Slydda, rigning, súld, úrkomulaust 5, 6 og 8. Hiti frá -1 uppí +5 stig.

12-22: Austan SA, eða breytilegar vindáttir, andvari, kul, gola, súld, rigning, skúrir, enn úrkomulaust, 19, 20, 21, 22. Hiti +1 til +10 stig.

23- 27: Norðaustan, N, stinningskaldi, allhvasst, hvassviðri, rigning, súld, slydda, slydduél, úrkomu vart.Þ. 23. Hiti +2 til +6 stig.

28: Suðvestan stinningskaldi, kaldi, stinningskaldi, slydduél, hiti +1 til +4 stig.

29-30: Suðaustan andvari, kul, gola, stinningsgola, úrkomulaust þ.29. Rigning þ.30. Hiti frá -0,5 til +11 stig.

Tekið saman af Jóni G Guðjónssyni veðurathugunarmanni í Litlu-Ávík.

Örkin alhvít 10-10.

Sjávarlöður eftir brim þann 16-10.

« 1 af 2 »

Yfirlit yfir veðrið frá veðurstöðinni í Litlu-Ávík.

Þann 1 var norðan hvassviðri með rigningu. 2 og 3 voru suðlægar vindáttir með rigningu. Þann 4 gerði norðan áhlaup með rigningu á laglendi, en slyddu eða snjókomu á hálendi, norðlæg átt var fram til sjöunda, en minni vindur. Þann 8 var austanátt með rigningu. Þann 9 gekk í norðan hvassviðri með slyddu eða rigningu á lálendi, enn snjókomu til fjalla. Norðanáttin gekk svo niður þann 10. Þann 11 var suðaustan hægviðri með talsverðri rigningu. Þann 12 var suðvestan kaldi, síðan hægari, skúrir. 13 til 16 var norðanátt með kalda og uppí hvassviðri, með rigningu, slyddu og snjókomu, festi snjó á láglendi. Þann 17 var hægviðri og úrkomulaust. 18 og 19 var suðvestan kaldi og uppí allhvassan vind og þurru veðri. Þann 20 var hægviðri og úrkomulaust. Og þann 21 var norðaustan kaldi í fyrstu og rigning. 22 og 23 var hæg austlæg vindátt með þurru veðri. 24 til 27 var norðlæg vindátt með lítiláttar súld. 28 og 29 var suðvestan kaldi með úrkomulausu veðri. Þann 30 var suðlæg vindátt og síðan NV með rigningu. Þann 31 var suðlæg vindátt í fyrstu með rigningu, og síðan norðan með súld.

Nokkuð úrkomusamt var fram í miðjan mánuð, eða 115 mm. (Frá 1 til 15.)

Mæligögn:

Úrkoman mældist 125,7 mm. (í október 2021: 144,4 mm.)

Úrkomu sem varð vart en mældist ekki var í 2 daga.

Þurrir dagar voru 9.

Mestur hiti mældist þann 2: +10,2 stig.

Mest frost mældist þann 17: -2,1 stig.

Meðalhiti mánaðarins var +4,1 stig.  (í október 2021: +3,5 stig.

Meðalhiti við jörð var +0,47 stig. (í október 2021: +0,67 stig.)

Sjóveður: Sjóveður var oftast slæmt í mánuðinum, þó voru nokkrir dagar sæmilegir, 18, 19, 20, 23, 27, 28, 29, 30. Sjólítið eða dálítill sjór. Annars slæmt eða vont eða ekkert sjóveður, dálítill sjór, talsverður sjór, allmikill sjór, mikill sjór, stórsjór.

Alhvít jörð var í 0 dag.

Flekkótt jörð var í 3 daga.

Auð jörð var því í 28 daga.

Mesta snjódýpt mældist þann 16: 2 CM.

Yfirlit dagar eða vikur:

1: Norðan, ANA, allhvasst, rigning, súld, hiti +6 til +8,5 stig.

2-3: Suðvestan, S, rigning, skúrir, hiti +6 til +10 stig-

4-7: Norðan, NA, NNV, allhvasst, hvassviðri, stormur, stinningskaldi, kaldi, rigning, hiti +2 til +7 stig.

8: Austan ANA, stinningskaldi, kaldi, stinningskaldi, rigning, hiti +4 til +5 stig.

9-10: Norðan allhvasst, hvassviðri, stinningskaldi, gola, slydda, rigning, úrkomulaust þ.10. Hiti +1 til +3 stig.

11: Suðaustan kul, rigning, hiti frá -1 til +6 stig.

12: Suðvestan, kaldi, stinningsgola, síðan gola, skúrir, hiti +4 til +6,5 stig.

13-16: Norðan, kaldi, stinningskaldi, allhvasst, hvassviðri,skúrir, rigning, slydda, snjókoma, hiti +1 til +4 stig.

17: Breytilegar vindáttir, kul eða gola, úrkomulaust, frost frá -2 stig uppí +4 stiga hita.

18-19: Suðvestan kaldi, stinningskaldi, allhvasst, úrkomulaust, hiti +1 til +7,5 stig.

20: Breytileg vindátt, gola, úrkomulaust, hiti +2 til 7 stig.

21: Norðaustan, NNA, NV, kaldi, stinningsgola, kul, rigning, skúrir, hiti +2 til +5 stig.

22-23: Suðaustan eða breytileg vindátt, andvari, kul, gola, úrkomulaust, hiti frá -1 til +7 stig.

24-27: Norðan, NAN, NV, gola, stinningsgola, kaldi, súld, úrkomu vart þ.24 og 26. Hiti +1 til +5 stig.

28-29: Suðvestan, stinningsgola, kaldi, stinningskaldi, úrkomulaust, hiti +1 til +7 stig.

30: Sunnan, SSA, kul í fyrstu, síðan NV, gola, rigning, hiti +1 til +4 stig.

31: Breytileg vindátt í fyrstu, kul, rigning, síðan norðan gola og súld, hiti +3 til +7 stig.

Tekið saman af Jóni G Guðjónssyni veðurathugunarmanni í Litlu-Ávík.

Mýrarhnjúkur og Mýrarhnjúksvatn.

Yfirlit yfir veðrið frá veðurstöðinni í Litlu-Ávík.

Þann 1 var hæg suðlæg vindátt og hlýtt í veðri. Þann 2 var norðan stinningskaldi með súld og rigningu, svalt í veðri. Þann 3 var breytileg vindátt og hægviðri með súldarvotti. Þann 4 var suðvestanátt með hlýu veðri. Frá 5 til 9 var hægviðri með lítilsáttar úrkomu. 10 og 11 var norðan kaldi með þokulofti og lítilsáttar súld. Þann 12 var suðvestan kaldi með hlýju veðri. Þá var norðan 13 og 14 með smá súld. Þann 15 var breytileg vindátt með hægviðri. Þann 16 var suðvestan strekkingur. 17 og 18 var norðlæg vindátt og hægviðri. Þann 19 var austan gola og rigning, hlýtt í veðri. 20 til 21 var suðlæg vindátt með rigningu um tíma og hlýtt í veðri. Þann 22 var norðaustanátt með súld og þokulofti, kalt í veðri. S3 og 24 var suðvestan hvassviðri uppí ofsaveður í jafnavind. Þann 25 var norðlæg vindátt, með lítilsáttar vætu. 26 til 28 var hægviðri og þurrviðri. 29 og 30 var austlæg vindátt en gekk síðan í norðaustan og orðin allhvass um kvöldið þ.30. Súld og rigning.

Vindur fór í kviðum uppí 43 m/s  þann 24.

Borgarísjaki sást í mánuðinum frá veðurstöðinni. Hafísfréttir sendar á VÍ 20 og 21.

Mæligögn:

Úrkoman mældist 33,0 mm. ( í september 2021 188,6 mm.)

Úrkomu sem varð vart en mældist ekki var í 2 daga.

Þurrir dagar voru 12.

Mestur hiti mældist þann 4: +17,1 stig.

Minnstur hiti mældist þann 27: 0,0 stig.

Meðalhiti mánaðarins var +7,3 stig. (í september 2021 +7,9 stig.)

Meðalhiti við jörð var +2,72 stig. (í september 2021 +4,37 stig.)

Sjóveður: Sæmilegt eða gott sjóveður var í meirihluta mánaðarins, gráð, sjólítið, dálítill sjór. Enn slæmt sjóveður var vegna ölduhæðar eða hvassviðra dagana, 2, 10, 12, 13, 16, 24, 25, 26, 27, 30. Dálítill sjór, talsverður sjór, allmikill sjór, mikill sjór.

Yfirlit dagar eða vikur:

1: Sunnan SSV, kul, gola, úrkomulaust, hiti +8 til +13 stig.

2: Norðan, NNV, stinningskaldi, kaldi,stinningsgola, súld, rigning, hiti +5 til +7 stig.

3: Breytileg vindátt, kul, stinningsgola,súld, hiti +8 til +11 stig.

4: Suðvestan, kaldi, stinningskaldi, gola, kul, úrkomulaust, hiti +9 til +17 stig.

5-9: Breytilegar vindáttir, andvari, kul, þoka, súld, rigning, úrkomulaust 5 og 6, hiti +2 til +15 stig.

10-11: Norðan, gola, kaldi, þoka, súld, hiti +3 til +8 stig.

12: Suðvestan gola, kaldi, stinningskaldi, úrkomulaust, hiti +9 til 13 stig.

13-14: Norðan kaldi, stinningsgola, kul, súld, úrkomulaust þ.14. Hiti +3 til +7 stig.

15: Breytileg vindátt kul eða gola, úrkomulaust, hiti +1 til 8 stig.

16: Suðvestan stinningskaldi, kaldi, úrkomulaust, hiti +5 til +12 stig.

17-18: Norðan, NA, kul eða gola, súldarvottur, úrkomulaust þ. 18.Hiti +3 til +10 stig.

19: Austan gola, rigning, hiti +7 til +14 stig.

20-21: Suðvestan kaldi, stinningsgola, SA, gola um tíma með rigningu, hiti +8 til +15,5 stig.

22: Norðaustan, ANA, súld og þokuloft, hiti +4 til +6 stig.

23-24: Suðvestan kaldi, stinningskaldi, hvassviðri, stormur, rok, ofsaveður, úrkomulaust þ.23, skúrir.þ.24. hiti +6 til +16 stig.

25: Norðan, NNV, NA, allhvasst, stinningskaldi, stinningsgola, rigningarvottur, hiti +5 til +9 stig.

26-28: Breytilegar vindáttir, kul eða gola, úrkomulaust, hiti +0 til +7,5 stig.

29-30: Suðaustan kul í fyrstu síðan ANA og NA gola, stinningsgola, kaldi, allhvasst, súld, rigning, hiti +6 til +9 stig.

Tekið saman af Jóni G Guðjónssyni veðurathugunarmanni í Litlu-Ávík.

Kvöldsól í Litlu-Ávík.

Mikil fjara.

« 1 af 2 »

Yfirlit yfir veðrið frá veðurstöðinni í Litlu-Ávík.

Fyrstu fjóra daga mánaðarins var norðan með rigningu eða súld, fremur svalt. Þann 5 var suðvestan hægviðri með hlýju veðri, og einnig þann 6. Þann 7 og 8 voru suðlægar vindáttir með vætu og hlýju veðri. 9 og 10 var vindur norðlægur með rigningu. Þann 11 var suðvestanátt með skúrum. Frá 12 til 16 voru hægar breytilegar vindáttir með lítilsáttar vætu. Þá var norðanátt frá 17 til 20, talsverð rigning þann 19 og 20. Dagana 21 og 22 var hægviðri með lítilsáttar úrkomu. Frá 23 til 26 var norðanátt með golu og upp í kalda með súld. Frá 27 til 31 voru suðlægar vindáttir með rigningu 30 og 31. Hlítt í veðri.

Mesti hiti sumarsins mældist 19,5 stig þann 30 ágúst.

Mæligögn:

Úrkoman mældist 89,2 mm. (í ágúst 2021: 43,0. mm.)

Úrkomu sem varð vart en mældist ekki var í 2 daga.

Þurrir dagar voru 8.

Mestur hiti mældist þann 30 +19,5 stig.

Minnstur hiti mældist þann 22 +2,6 stig.

Meðalhiti mánaðarins var +8,8 stig. ( í ágúst 2021: +11,4 stig.)

Meðalhiti við jörð var +4,62 stig. ( í ágúst 2021: +8,85 stig.)

Sjóveður: Ágætis sjóveður var meirihluta mánaðarins, það er gráð, sjólítið, dálítill sjór. Slæmt sjóveður var vegna vinds eða ölduhæðar dagana, 1, 2, 3, 8, 19, 20, 21, 25, 26. Það er dálítill sjór, talsverður sjór, allmikill sjór.

Yfirlit dagar eða vikur:

1-4: Norðan NNV, stinningskaldi, kaldi, stinningsgola,rigning, súld, úrkomulaust þ.4. Hiti +6 til +12 stig.

5: Suðsuðvestan gola, úrkomulaust, hiti +6 til +17 stig.

6: Breytileg vindátt, logn, andvari eða kul, úrkomuvottur, hiti +9 til +12 stig.

7-8: SA, S, SSV, kul, stinningsgola, stinningskaldi, rigning, hiti +10 til +13 stig.

9-10: Norðan, NV, kaldi, stinningsgola, rigning, hiti +7 til +11 stig.

11: Suðvestan gola, stinningsgola, skúrir, hiti +8 til +15 stig.

12-16: Breytilegar vindáttir, kul, gola, stinningsgola, skúrir, rigning, úrkomulaust þ.16. Hiti +5 til +15 stig.

17-20: Norðan, kul, gola, stinningsgola, kaldi, stinningskaldi, allhvasst, rigning, súld, hiti +4 til +13 stig..

21-22: Breytileg vindátt, kul, gola, stinningsgola, súld, úrkomulaust þ. 21. Hiti +3 til +9 stig.

23-26: Norðan NNV, gola, stinningsgola, kaldi, súld, rigning, úrkomulaust þ.26. hiti +5 til +9 stig.

27-31: Suðaustan, SSV, kul, gola, stinningsgola, stinningskaldi, rigning, úrkomulaust 27, 28, 29. Hiti +3 til +19,5 stig.

Tekið saman af Jóni G Guðjónssyni veðurathugunarmanni í Litlu-Ávík.

Hitamælaskýli í Litlu-Ávík.

Nú í dag mældist mesti hiti sumarsins á veðurstöðinni í Litlu-Ávík þegar hitinn fór í +19,5 stig.

Mesti hiti sem mælst hefur í Litlu-Ávík var 13 ágúst 2004, þegar hitinn mældist +26,0 stig. Þennan dag voru mörg hitamet slegin á landinu. Nú er að hausta og falla varla hitamet efir þetta.

Oft var þokusúld eða þokuloft eða þoka í mánuðinum.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með norðlægum vindáttum með lítilsáttar súld og þokulofti. 6 og 7 var vindur austlægur, enn síðan vestlægur með rigningu, hlítt. 8 og 9 var norðlæg vindátt með rigningu. Þann 10 og 11 var suðlæg vindátt, síðan norðlæg, smá væta og síðan þokumóða í norðanáttinni. Þann 12 var norðan stinningskaldi með súld og kalt í veðri. 13 og 14 var hægviðri og hlýtt í veðri. Frá 15 til 25 voru hægar hafáttir, oft með þoku og þokusúld, oft kalt í veðri en hlýrra þegar birti upp á milli. Frá 26 til 28 var suðlæg vindátt með rigningu eða skúrum, hlýtt í veðri. Frá 29 til 31 var norðlæg vindátt með súld eða rigningu. Fremur svalt.

Mæligögn:

Úrkoman mældist 42,8 mm. (í júlí 2021: 44,3 mm.)

Úrkomu sem varð vart en mældist ekki var í 4 daga.

Þurrir dagar voru 7.

Mestur mældist þann 13: +16,5 stig.

Minnstur hiti mældist þann 6: +3,1 stig.

Meðalhiti mánaðarins var +8,7 stig. (í júlí  2021: +8,3 stig.)

Meðalhiti við jörð var +6,0 stig. (í júlí 2021 +8,22 stig.)

Sjóveður: Ágætis sjóveður var meiri hluta mánaðarins, gráð sjólítið eða dálítill sjór. Slæmt sjóveður var dagana, 7, 12, 13, 28, 29, 30 og 31. Það var dálítill sjór, talsverður sjór eða allmikill sjór.

Yfirlit dagar eða vikur:

1-5: Norðan, andvari, kul, gola, stinningsgola, kaldi, súld, úrkomulaust þ.1 og 4. Hiti +6 til +11 stig.

6-7: Austan gola, síðan VSV stinningskaldi, rigning, hiti +3 til +15 stig.

8-9: Norðan,NV, stinningsgola, kul, rigning, hiti +5 til +14 stig.

10-11: Sunnan stinningsgola í fyrstu, síðan norðan kul, stinningsgola, skúrir þ.10. Þokumóða þ. 11. Hiti +8 til +14 stig.

12: Norðan stinningskaldi, kaldi, súld, hiti +5 til +7 stig.

13: Suðvestan kul, gola, síðan N gola, úrkomulaust, hiti +4 til +16,5 stig.

14: Breytileg vindátt kul eða gola, skúrir, hiti +7 til +12 stig.

15-25: Norðan, NV, NV, andvari, kul, gola, stinningsgola, þoka, þokumóða, súld, rigning, hiti +4 til +12 stig.

26-28: Suðaustan kul, gola, stinningsgola, síðan SV kaldi, stinningskaldi, rigning, skúrir, hiti +8 til 16 stig.

29-31: Norðan, NV, gola, stinningsgola, súld, rigning, hiti +6 til +11 stig.

Tekið saman af Jóni G Guðjónssyni veðurathugunarmanni í Litlu-Ávík.