Fleiri fréttir

Jón G. Guðjónsson | þriðjudagurinn 31. ágúst 2021

Mælitæki yfirfarin.

Mælingabíll Veðurstofunnar.
Mælingabíll Veðurstofunnar.
1 af 3

Í gærkvöldi kom Árni Sigurðsson veðurfræðingur frá Veðurstofu Íslands í Litlu-Ávík að yfirfara mælitækin á stöðinni. Í dag 31 ágúst var aðal vinnan í að fara yfir mæla og annan búnað. Hitamælar voru bornir saman og ef munaði tildæmis 0,2 til 0,5 var þeim mælum skipt út. Eins voru varamælar sem eru á stöðinni prufaðir á sama hátt. Einn mælir sýndi 0,8 stigum of mikið, það var lágmarksmælir við jörð, honum var að sjálfsögðu skipt út fyrir nýjan.Þessar athuganir eru gerðar á tveggja til þriggja ára fresti að bera saman mælana.

Ekkert var gert vegna hitamælisins á Gjögurflugvelli í þessari ferð, en mælirinn sýnir 1,5 til 2,0 stiga hita of mikið. Þótt hann sé látinn sína hitastigið, þá er hann skráður bilaður á VÍ.

Jón G. Guðjónsson | sunnudagurinn 1. ágúst 2021

Veðrið í Júlí 2021.

Oft var fallegt veður í mánuðinum.
Oft var fallegt veður í mánuðinum.
1 af 2

Yfirlit yfir veðrið frá veðurstöðinni í Litlu-Ávík.

Fyrsta dag mánaðarins var suðvestanátt hvöss fram eftir degi og þurru veðri og hlýju. Síðan voru frá 2 fram til 5 voru norðlægar vindáttir með þoku og svalara veðri. Frá 6 til 9 var suðvestanátt með hlýju veðri. Þá var norðan hægviðri með þurru veðri 10 og 11. Heldur svalara. Frá 12 til 26 voru suðlægar vindáttir, oft vindasamt og jafnvel stormkviður, en mjög hlýtt í veðri og úrkomulítið. Síðustu fimm daga mánaðarins voru hafáttir með súld og rigningu í fyrstu og svalara í veðri. Enn hlýrra aftur eftir að stytti upp.

Mæligögn:

Úrkoman mældist 44,3 mm. (í júlí 2020: 119,5 mm.)

Úrkomu sem varð vart en mældist ekki var í 2 daga.

Þurrir dagar voru 17.

Mestur hiti mældist þann 20: +19,1 stig.

Minnstur hiti mældist þann 2: +5,2 stig.

Meðalhiti mánaðarins var +11,0 stig. (í júlí 2020: +8,3 stig.)

Meðalhiti við jörð var +8,22 stig. (í júlí 2020: +5,72 stig.)

Sjóveður: Slæmt sjóveður var 1, 15, 21, 27, 28, vegna hvassviðris og sjógangs. Annars var gott sjóveður í mánuðinum, gráð eða sjólítið.

Yfirlit dagar eða vikur:

1: Suðvestan allhvasst, stinningskaldi, kaldi, úrkomulaust, hiti +10 til +17 stig.

2-5: Norðan NNV, NNA, andvari, kul, gola, úrkomulaust 2, 3, 5, en súldarvottur þ.4. Þoka 4 og 5. Hiti +5 til +13 stig.

6 til 9: Suðvestan kul, gola, stinningsgola, en stinningskaldi, eða allhvass þ.8. Skúrir þ.6. Enn úrkomulaust 7, 8 og 9. Hiti +8 til +19 stig.

10-11: Norðan andvari, kul, gola, úrkomulaust, hiti +8 til +12 stig.

12-26: Suðvestan, SA, S, kul, gola, stinningsgola, kaldi, stinningskaldi, enn allhvasst, eða hvassviðri, 15, 18, 21, með stormkviðum. Rigning, súld, skúrir, mistur. Úrkomulaust var dagana 13, 18, 19, 20, 21, 22. Úrkomu varð vart þann 15. Hiti +7 til +19 stig.

27-31: Norðan, NNV, kaldi, stinningsgola, gola, kul, andvari,logn. Rigning og súld, þoka, þokuloft. Úrkomulaust var 30 og 31. Hiti +6 til +14 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | fimmtudagurinn 1. júlí 2021

Veðrið í Júní 2021.

Lítil sem engin spretta var orðin í lok mánaðarins.
Lítil sem engin spretta var orðin í lok mánaðarins.
1 af 2

Yfirlit yfir veðrið frá veðurstöðinni í Litlu-Ávík.

Suðlægar vindáttir voru fyrstu þrjá daga mánaðarins með hlýju veðri og smá vætu. 4 til 8 voru mest hafáttir, enn oft hluta dags suðlægar vindáttir og þá var hlítt yfir daginn. Þá voru hafáttir áfram frá 9 til 19 með mikilli rigningu 10 til 11, síðan voru slyddu og eða snjóél og mjög kalt í veðri. Loks snerist til suðlægra vindátta þann 20 og 21 með hlýnandi veðri í bili og úrkomulitlu veðri. Þá gerði skammvinna norðlæga vindátt aftur þann 22 og 23 með svalara veðri, en úrkomulitlu. 24 til 26 var suðvestanátt með úrkomulitlu veðri en mjög hlýju veðri. Hiti fór í 19,1 stig þann 26. Þá var hæg norðlæg eða breytileg vindátt 27 og 28 með þurru veðri. 29 og 30 var hvöss suðvestanátt með stormkviðum og hlýju veðri.

Mánuðurinn var mjög kaldur fram til 20 júní. Jörð mjög þurr og lítil sem engin spretta orðin í lok mánaðar.

Mæligögn:

Úrkoman mældist 63,3 mm. (í júní 2020) : 64,7 mm.)

Úrkomu sem varð vart en mældist ekki var í 4 daga.

Þurrir dagar voru 9.

Mestur hiti mældist þann 29. +19,6 stig.

Mest frost mældist þann 15. -0,8 stig.

Meðalhiti mánaðarins var +7,7 stig. (í júní 2020: +8,1stig.)

Meðalhiti við jörð var +4,46 stig. (í júní 2020 +5,41 stig.)

Sjóveður: Slæmt sjóveður vegna sjógangs eða mikils vinds var dagana 10, 11, 12, 13, 14, 15, 16, 24, 25, 26, 29 og 30. Það er dálítill sjór, talsverður sjór, allmikill sjór. Annars gott eða sæmilegt sjóveður, það er gráð, sjólítið eða dálítill sjór.

Yfirlit dagar eða vikur:

1-3: Suðvestan eða breytileg vindátt, kul, gola, stinningsgola, skúrir, rigning, hiti +5 til +12 stig.

4-8: Norðan, NV, NA, Breytileg vindátt, rigning, súld, þoka, þokuloft, hiti, +5 til +14 stig.

9-19: Norðan NA, kul, gola, stinningsgola, kaldi, en stinningskaldi eða allhvasst 11 og 13.Súld, rigning, slydduél, snjóél, skúrir. Úrkomulaust var 12, 15 og 19. ‚úrkomu varð vart þ. 18. Hiti -1 til +7 stig.

20-21: Suðvestan, S kul, gola, kaldi, stinningskaldi, rigning, úrkomulaust þ.20. Hiti +2 til +13 stig.

22-23: Norðan stinningskaldi, kaldi, stinningsgola, gola, kul, súld, rigning, hiti +5 til +11 stig.

24-26: Suðvestan kaldi, stinningskaldi, allhvasst, hvassviðri, lítilsáttar skúrir þ.25. En úrkomu vart þ.24. Úrkomulaust þ.26. hiti +6 til +19 stig.

27-28: Norðan eða breytileg vindátt, andvari, kul eða gola, úrkomulaust, hiti +8 til +19 stig.

29-30: Suðvestan stinningskaldi, allhvasst, hvassviðri, úrkomulaust Þ.29. Úrkomu varð vart Þ. 30. Hiti +9 til +20 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | þriðjudagurinn 1. júní 2021

Veðrið í Maí 2021.

Mikið þurrviðri var og jörð þurr og skorpin.
Mikið þurrviðri var og jörð þurr og skorpin.
1 af 2

Yfirlit yfir veðrið frá veðurstöðinni í Litlu-Ávík.

Norðlægar vindáttir voru ríkjandi frá byrjun mánaðar og fram til 27. Mikið þurrviðri var og jörð orðin mjög þurr og skorpin, (eða skrælnuð). Eins var mjög kalt og oft frost. Veður fór hlýnandi um og eftir Hvítasunnu eða 23 og 24, fór veður svo ört hlýnandi eftir það þótt hafáttir væru.

Loks snérist til suðlægra vindátta þann 28 og voru suðlægar vindáttir út mánuðinn, með lítilsáttar vætu, og hlýju veðri.

Ræktuð tún voru í lok mánaðar farin að taka aðeins lit eftir vætuna.

Mæligögn:

Úrkoman mældist 8,3 mm. (í maí 2020.) : 28,2 mm.)

Úrkomu sem varð vart en mældist ekki var í 6 daga.

Þurrir dagar voru 20.                                                                                 

Mestur hiti mældist þann 28: +15,0 stig.

Mest frost mældist þann 11: -5,0 stig.

Meðalhiti mánaðarins var +3,3 stig. (í maí 2020.) : +5,2 stig,)

Meðalhiti við jörð var -0,19 stig. (í maí 2020: +1,10 stig.)

Sjóveður: Slæmt sjóveður var 1, 2, 6, 7, 9, 16, 17, 22, 23. Og 29. SV allhvasst. Það er dálítill sjór, talsverður sjór. Annars ágætt sjóveður, gráð, sjólítið eða dálítill sjór.

Alhvít jörð var í 1 dag.

Flekkótt jörð var í 1 dag.

Auð jörð var því í 29 daga.

Mesta snjódýpt mældist þann 1= 3 CM.

Yfirlit dagar eða vikur:

1-27: Norðan, NA, ANA, andvari, kul, gola, stinningsgola, kaldi, stinningskaldi. Snjóél, Þ. 1, 6 og 22. Lítilsáttar súld þ.22. Úrkomu vart, 6, 9, 10, 14 og 23. Úrkomulaust var dagana, 2, 3, 4, 5, 8, 11, 12, 13, 15, 16, 17, 18, 19, 20, 21, 24, 25, 26 og 27. Hiti frá -5 stigum til +12 stig.

28-31: Suðaustan, S, SSV, stinningsgola, kaldi, stinningskaldi, allhvasst þ.29. Úrkomulaust Þ.28. Úrkomu varð vart Þ.29. Annars lítilsáttar rigning eða skúrir. Hiti +4 til +15 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | sunnudagurinn 2. maí 2021

Veðrið í Apríl 2021.

Sæmilegt eða gott sjóveður var í 17 daga.
Sæmilegt eða gott sjóveður var í 17 daga.
1 af 2

Yfirlit yfir veðrið frá veðurstöðinni í Litlu-Ávík.

Suðvestanátt var fyrstu 3 daga mánaðarins með þíðviðri og tók snjó upp. Enn þann 3. klukkan 16.45 snérist til norðanáttar með snjókomu og snarkólnandi veðri. Þann 4 var norðanátt með snjókomu. Þann 5 og 6 voru hægar suðlægar vindáttir með hörkufrosti. Frostið fór niður í -12,8 stig sem er almesta frost í vetur. Síðan voru austlægar vindáttir með hvassviðri og snjókomu eða éljum. 9 og 10 var hægviðri með úrkomulausu veðri. 11 og 12 var austlæg átt með snjókomu eða slyddu þann 11. Þá gerði suðvestanátt með hlýnandi veðri 13 til 14. Dagana 15 og 16 var suðaustlæg vindátt með hlýju veðri. Frá 17 til 21 var suðvestanátt með kólnandi veðri. 22 til 30 voru hægar hafáttir að mestu með rigningu eða súld og þokulofti, en snjóéljum síðasta dag mánaðar, og varð jörð flekkótt, enn auð jörð var búin að vera síðan 21.

Í suðvestan veðrinu þann 2 fór vindur í kviðum í 34 m/s eða yfir 12 vindstig gömul.

Auð jörð á láglendi talin í fyrsta sinn þann 21.

Mæligögn:

Úrkoman mældist 44,4 mm. (í apríl 2020) : 44,9 mm.)

Úrkomu sem varð vart en mældist ekki var í 1 dag.

Þurrir dagar voru 12.

Mestur hiti mældist þann 16: +11,2 stig.

Mesta frost mældist þann 5: -12,8 stig.

Meðalhiti mánaðarins var +1,6 stig. (í apríl 2020: +2,4stig,)

Meðalhiti við jörð var -1,52 stig. (í apríl 2020: -1,20 stig.)

Sjóveður: Slæmt sjóveður var frá 1 til 9 og 14, 18, og 30. Dálítill sjór, talsverður sjór, allmikill sjór. Annars var sæmilegt eða gott sjóveður. Það er gráð, sjólítið eða dálítill sjór.

Alhvít jörð var í 6 daga.

Flekkótt jörð var í 15 daga.

Auð jörð var því í 9 daga.

Mesta snjódýpt mældist þann 8: 29 CM.

Yfirlit dagar eða vikur:

1-3: Suðvestan kaldi, allhvasst, hvassviðri, stormur, úrkomulaust 1 og 2, annars, skúrir, slydda, rigning. Hiti +8 niður í -4 stig. Enn um 16.45 snérist til norðanáttar með snjókomu og frosti.

4: Norðaustan, N, stinningsgola, stinningskaldi, allhvass, snjókoma, él, skafrenningur, frost, -7 til -10 stig.

5-6: Suðvestan, S, kul eða gola, snjókoma, úrkomulaust þ. 5. Frost -3 til -13 stig.

7-8: Suðaustan gola í fyrstu síðan ANA og NA, allhvasst, hvassviðri, snjókoma, él frost -1 til -6 stig.

9-10: Breytilegar vindáttir, V, NA, SA, kul eða gola, úrkomulaust, frost frá -8 til +3 stig.

11-12: Suðaustan ANA, gola eða stinningsgola í fyrstu, síðan N gola eða kul, slydda, snjókoma, úrkomulaust þ. 12. Hiti +0 til +5 stig.

13-14: Suðvestan stinningsgola, kaldi, stinningskaldi, smá skúrir þ. 14. Annars úrkomulaust. Hiti +3 til +8 stig.

15-16: Suðaustan, A, kul. gola, stinningsgola, stinningskaldi, rigning, skúrir, hiti +3 til +11 stig.

17-21: Suðvestan, gola, stinningsgola, kaldi, stinningskaldi, skúrir, rigning, úrkomulaust þ.20. Hiti -2 til +6 stig.

22-30: Norðan, NA, eða breytilegar vindáttir, andvari, kul, gola, stinningsgola, kaldi þ.30.rigning, súld, þoka, snjóél þ.30. Úrkomulaust, 26, 27, 28, 29. Hiti +8 niður í -3 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | laugardagurinn 3. apríl 2021

Veðrið í Mars 2021.

Ávíkuráin ruddi sig í leysingum þann 17.
Ávíkuráin ruddi sig í leysingum þann 17.
1 af 2

Yfirlit yfir veðrið frá veðurstöðinni í Litlu-Ávík.

Fyrsta dag mánaðar var suðvestan með lítilsáttar skúrum. Síðan þann 2 og 3 var norðlæg vindátt eða breytileg með þurru veðri. 4 og 5 var suðvestan með úrkomuvotti þann 5. 6 til 8 voru breytilegar vindáttir með hægviðri og úrkomulitlu veðri. Þann 9 snérist til norðanáttar með snjókomu og éljum, mikið var um ísingu í þessu norðan hreti. Það snjóaði mikið í þessu hreti og miklir skaflar. Þann 15 var austlæg vindátt með mikilli slyddu um kvöldið og fram á nótt. Þann 16 var komin suðvestanátt með hlýnandi veðri, oft hvassviðri, snjó tók hratt upp í þessu þíðveðri. Það dró úr vindi um morguninn þann 23. Þá kólnaði í veðri og voru él 23 og 24. Suðvestanáttin gekk síðan alveg niður þann 24. Frá 25 til 29 var norðan hvassviðri með snjókomu og skóf allt í skafla, talsverður snjór komin aftur. Frostið fór í -11 stig og er það mesta frost í vetur. 30 og 31 var suðvestan með hvassviðri þann 31 og hlýnandi veðri, og snjó fór að taka upp eftir síðasta hret.

Mæligögn:

Úrkoman mældist 64,7 mm. (í mars 2020) : 56,8 mm.)

Úrkomu sem varð vart en mældist ekki var í 5 daga.

Þurrir dagar voru 5.

Mestur hiti mældist þann 18: +10,6 stig.

Mest frost mældist þann 27: -10,9 stig.

Meðalhiti mánaðarins var +1,1 stig. (í mars 2020: -0,3 stig.)

Meðalhiti við jörð var -1,78 stig. (í mars 2020: -3,63 stig.)

Sjóveður. Sæmilegt sjóveður dagana 2, 3, 4, 6, 7, 8, 19. Það er sjólítið eða dálítill sjór. Oftast var sjóveður slæmt vegna hvassviðra eða ölduhæðar. Dálítill sjór, talsverður sjór, allmikill sjór, mikill sjór, stórsjór.

Alhvít jörð var í 15 daga.

Flekkótt jörð var í 16 daga.

Auð jörð var því í 0 dag.

Mesta snjódýpt mældist þann 14: 51 CM.

Yfirlit dagar eða vikur:

1: Suðvestan hvassviðri, stinningskaldi, síðan stinningsgola, skúrir, hiti +2 til +4,5 stig.

2-3: Norðan, NA, eða breytileg vindátt, kul, stinningsgola, kaldi, úrkomulaust, hiti -1 til +4,5 stig.

4-5: Suðvestan stinningsgola, kaldi, stinningskaldi, úrkomulaust en skúravottur þ.5. Hiti +2 til +7,5 stig.

6-8: Breytilegar vindáttir, andvari, kul, gola, súld, rigning, skúrir, hiti +6 niður í -2 stig.

9-14: Norðaustan síðan norðan, gola, stinningskaldi, allhvasst, hvassviðri, frostrigning, snjókoma, snjóél, hiti + 1,5 niður í -5 stig.

15: Austnorðaustan stinningsgola eða kaldi, mikil slydda um kvöldið, hiti-1 til +2 stig.

16-24: Suðvestan eða S, gola, stinningsgola, kaldi, stinningskaldi, allhvasst, hvassviðri, skúrir, rigning, síðan snjóél, hiti +11 niður í -3 stig.

25-29: Norðan, NA, stinningskaldi, allhvasst, hvassviðri, snjókoma, él, frost-1 til -11 stig.

30-31: Suðvestan kul, stinningsgola, kaldi, stinningskaldi, allhvasst, hvassviðri, úrkomulaust þ.30. Enn skúrir þ. 31. Hiti frá -6 til +5 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | mánudagurinn 1. mars 2021

Veðrið í Febrúar 2021.

Frá Norðurfirði 26-02-2021.
Frá Norðurfirði 26-02-2021.
1 af 2

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með suðlægum vindáttum og með hægviðri og þurru veðri fram til 7. Frá 8 og til 10 var norðaustan með talsverðri snjókomu. 11 og til 13 er hægviðri og dró úr frosti smátt og smátt. 14 og 15 voru austlægar eða suðlægar vindáttir með éljum og síðan rigningu. 16 til 18 var hægviðri með talsverðri rigningu eða slyddu þann 17. Frá 19 og til 25 voru hafáttir með úrkomu alla dagana, súld, rigningu, slyddu eða snjókomu. Þann 26 fór að hlýna með suðlægum vindáttum, en snjóaði fyrst talsvert aðfaranótt 26. Síðan var rigning, skúrir og síðan él þann 28. Suðvestan hvassviðri eða stormur með miklum kviðum var 27 og 28. Snjó tók mikið til upp á láglendi.

Í suðvestan storminum þann 28 fóru kviður í 33 m/s sem eru tólf vindstig gömul.

Mæligögn:

Úrkoman mældist 69,5 mm. (í febrúar 2020: 48,3 mm.)

Úrkomu sem varð vart en mældist ekki var í 0 dag.

Þurrir dagar voru 12.

Mestur hiti mældist þann 27: +9,0 stig.

Mest frost mældist þann 10: -5,6 stig.

Meðalhiti mánaðarins var +0,7 stig. (í febrúar 2020: -02 stig.)

Meðalhiti við jörð var -2,36 stig. (í febrúar 2020: -2,80 stig.)

Sjóveður: Gott eða sæmilegt sjóveður var 2, 3, 4, 5, 6, 7, 11, 13, 15, 16, 17, 18, 19, 26. Sjólítið eða dálítill sjór. Annars var slæmt sjóveður vegna ölduhæðar eða hvassviðra. Talsverður sjór.

Alhvít jörð var í 20 daga.

Flekkótt jörð var í 8 daga.

Auð jörð var því í 0 dag.

Mesta snjódýpt mældist þann 12: 38 CM.

Yfirlit dagar eða vikur:

1: Suðvestan gola eða stinningsgola, úrkomulaust, hiti +1 til -3 stig.

2-7: Suðaustan eða A, kul, gola, stinningsgola, úrkomulaust, hiti +3 niður í -5 stig.

8-10: Norðaustan eða norðan, kaldi eða stinningskaldi, úrkomulaust þann 8 annars snjókoma, hiti +2 niður í -6 stig.

11-13: Suðlægar eða breytilegar vindáttir, andvari eða kul, snjókoma um morguninn þ.11.,annars úrkomulaust, frost -5 til +5 stig.

14: Austan stinningsgola eða kaldi, él, rigning, hiti +0 til 6 stig.

15: Sunnan, SA, stinningsgola eða kaldi, rigning, hiti +1 til +7 stig.

16-17: Norðaustan eða N, kul, gola, stinningsgola, úrkomulaust þ. 16, annars rigning eða slydda, hiti +1 til +5 stig.

18:Suðlægar eða breytilegar vindáttir, gola, úrkomulaust, hiti +1 til +4 stig.

19-25: Norðaustan, N, NV, stinningskaldi, kaldi. stinningsgola, gola, kul, súld, rigning, slydda, snjókoma, hiti -1 til +3 stig.

26-28: Suðaustan eða S kul, stinningsgola, stinningskaldi, síðan suðvestan allhvasst, hvassviðri, stormur, snjókoma, rigning, skúrir, síðan él, hiti -1 til +9 stig.

Tekið saman af Jóni G Guðjónssyni veðurathugunarmanni í Litlu-Ávík.

 

 

Jón G. Guðjónsson | mánudagurinn 1. febrúar 2021

Veðrið í Janúar 2021.

Finnbogastaðafjall. 29-01-2021.
Finnbogastaðafjall. 29-01-2021.

Yfirlit yfir veðrið frá veðurstöðinni í Litlu-Ávík.

Suðlæg vindátt var fyrstu 5 daga mánaðarins með smá vætu með köflum. Miklar stormkviður voru um kvöldið þann þriðja með úrhellisskúrum. Þann 6 var vestan eða norðvestan hægviðri og þurrt í veðri en frost. Þá var suðlæg vindátt þann 7 með smá snjómuggu um kvöldið og frost. Þann 8 var suðlæg vindátt í fyrstu með hita í +, enn síðan snérist í hæga norðanátt fyrir hádegið með snjókomu og komið hvassviðri um kvöldið með talsverðu frosti. 9 og 10 var vestlæg eða suðlæg vindátt og hægviðri og björtu veðri með talsverðu frosti. Frá 11 og fram til 17 var hægviðri með frosti í fyrstu síðan hita vel yfir frostmarki og úrkomu með köflum. Frá 18 og til 28 var norðan eða norðaustan allhvasst eða hvassviðri með slyddu, snjókomu eða éljum og talsverðu frosti. Þrjá síðustu daga mánaðarins var mest hægviðri með úrkomulausu veðri en talsverðu frosti.

Mánuðurinn var úrkomulítill og mjög kaldur.

Mæligögn:

Úrkoman mældist 49,5 mm. (í janúar 2020) : 117,5 mm.)

Úrkomu sem varð vart en mældist ekki var í 0 dag.

Þurrir dagar voru 13.

Mestur hiti mældist þann 4. +9,2 stig.

Mest frost mældist þann 10. -10,0 stig.

Meðalhiti mánaðarins var -1,1 stig. (í janúar 2020: -0,2stig,)

Meðalhiti við jörð var -4.03 stig. (í janúar 2020: -2,81 stig.)

Sjóveður. Sjóveður var gott eða sæmilegt 1, 2, 5, 6, 12, 13, 14, 15, 16, 17, 29, 30. Þá var sjólítið eða dálítill sjór. Hina dagana var slæmt eða ekkert sjóveður, það er talsverður, allmikill eða mikill sjór.

Alhvít jörð var í 20 daga.

Flekkótt jörð var í 6 daga.

Auð jörð var því í 5 daga.

Mesta snjódýpt mældist þann 27.= 23.CM.

Yfirlit dagar eða vikur:

1-5: Suðvestan, S, gola og uppí hvassviðri, en stormur um tíma um kvöldið þann 3 með miklum kviðum uppí 32 m/s. Rigning eða skúrir, úrkomulaust 1og 5. Hiti +9 til -4 stig.

6: Vestan, NV, gola og uppí kalda, úrkomulaust, hiti +1 til -6 stig.

7: Sunnan kul uppí allhvassan vind, lítilsáttar snjókoma um kvöldið frost -2 til -8 stig.

8: Suðvestan stinningsgola í fyrstu, síðan norðan gola og uppí hvassviðri með snjókomu, hiti +5 til -8 stig.

9: Norðvestan stinningsgola síðan vestan andvari, úrkomulaust, frost -4 til -10 stig.

10: Sunnan kul, úrkomulaust, frost -5 til 10 stig.

11: Norðnorðaustan stinningsgola í fyrstu, síðan suðsuðaustan kul, úrkomulaust, frost -1 til -9 stig.

12-15: Sunnan, SA eða breytilegar vindáttir, logn, kul, uppí kalda, rigning þann 13 annars úrkomulaust, hiti +6 til -7 stig.

16-17: Norðvestan eða V, andvari uppí golu, úrkomulaust, en snjókoma um kvöldið þann 17. Hiti +0 til +3 stig.

18-28: Norðan, NA, stinningskaldi, allhvasst, hvassviðri, slydda, snjókoma, él, skafrenningur, úrkomulaust þann 28. HHHHiti +2 til -6 stig.

29: Suðaustan kul, síðan vestan gola, úrkomulaust, hiti +1 til frost -6 stig.

30: Norðan eða norðnorðaustan, kaldi, stinningsgola, úrkomulaust, hiti 0 til frost -7 stig.

31: Breytileg vindátt eða SA, kul, gola, stinningsgola, úrkomulaust, frost -3 til -6 stig.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | fimmtudagurinn 21. janúar 2021

Úrkoma árið 2020 í Litlu-Ávík.

Úrkomumælir í Litlu-Ávík.
Úrkomumælir í Litlu-Ávík.

Heildar úrkoma fyrir veðurstöðina í Litlu-Ávík á Ströndum fyrir árið 2020, tekin saman af Veðurstofu Íslands og tekin hér úr Gagnabrunni Veðurstofunnar. En úrkoman er þessi eftir mánuðum og innan sviga er úrkoman frá árinu 2019.:

Janúar: 117,1 mm. (46,0 mm.)

Febrúar: 48,8 mm. (59,2 mm.)

Mars: 55,9 mm. (52,7 mm.)

Apríl: 45,3 mm. (32,7 mm.)

Maí: 28,2 mm. (11,9 mm.)

Júní: 64,7 mm. (13,5 mm.)

Júlí: 110,9 mm. (80,7 mm.)

Ágúst: 127,3 mm. (101,8 mm.)

September: 147,2 mm. (148,6 mm.)

Október: 80,7 mm. (45,4 mm.)

Nóvember: 125,5 mm. (24,3 mm.)

Desember: 81,6 mm. (106,9 mm.)

Samtals úrkoma var því á árinu 2020: 1033,2 mm. enn árið 2019: 723,7 mm. Er úrkoman því 309,5 mm meiri en árið 2019. Úrkoman fer yfir hundrað millimetra í janúar, júlí, ágúst, september og í nóvember. Enn 2019 fer úrkoma yfir hundrað mm í ágúst, september og í desember. Það er mjög sjaldgæft að úrkoma fari yfir þúsund mm á ársgrundvelli, en hefur skeð og á liðnu ári fór hún það, enda úrkomusamt ár.

Jón G. Guðjónsson | miðvikudagurinn 20. janúar 2021

Meðalhiti í Litlu-Ávík árið 2020.

Mælaskýli í Litlu-Ávík.
Mælaskýli í Litlu-Ávík.

Meðalhiti á veðurstöðinni í Litlu-Ávík fyrir árið 2020 eftir mánuðum. Meðalhitinn er reiknaður út af Veðurstofu Íslands og eru tölurnar úr Gagnabrunni Veðurstofu Íslands. Innan sviga er meðalhitinn frá 2019.:

Janúar: -0,2 stig. (+0,5 stig.)

Febrúar: -0,2 stig. (+0,2 stig.)

Mars: -0,3 stig. (0,0 stig.)

Apríl: +2,4 stig. (+4,3 stig.)

Maí : +5,2 stig (+4,1 stig.)

Júní: +8,1 stig. (+7,3 stig.)

Júlí: +8,3 stig (+8,3 stig.)

Ágúst: +9,8 stig. (+7,0 stig.)

September: +5,9 stig. (+7,1 stig.)

Október: +5,0 stig. (+4,3 stig.)

Nóvember: +1,6 stig. (+2,2 stig.)

Desember: +0,7 stig. (+1,2 stig.)

Meðalhiti ársins er því +3,85 stig.

Í janúar, febrúar og í mars 2020 er meðalhiti rétt undir frostmarki, annars alltaf í plús. Engin frosttala er í meðalhitanum fyrir árið 2019, enn í mars er meðalhitinn 0 stig. Meðalhitinn er eins í júlí bæði árin. Hitinn var hæstur í ágúst, en í júlí 2019.

Atburðir

« 2024 »
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Úr myndasafni

  • Söngur.
  • Þessi eining komin á sinn stað.27-10-08.
  • Seljanes-06-08-2008.
  • Vignir Maríasson frá Felli.
  • Ásbjörn Þorgilsson grefur fyrir grunninum.22-08-08.
Vefumsjón