Samgöngu- og sveitarstjórnarráðherra, Samband íslenskra sveitarfélaga og Fjórðungssamband Vestfirðinga (FV) boða til sameiginlegs kynningarfundar á Ísafirði föstudaginn 15. janúar um nýjar leiðir til að efla sveitarstjórnarstigið.

Fundurinn er haldinn í kjölfar þess að nýlega undirrituðu samgöngu- og sveitarstjórnarráðherra og formaður Sambands íslenskra sveitarfélaga yfirlýsingu um að skipa samstarfsnefnd til að ræða og meta sameiningarkosti sveitarfélaga í hverjum landshluta. Nefndin skal kynna sér stöðu mála í einstökum landshlutum og viðhorf sveitarstjórnarmanna og almennings til sameiningar. Að því loknu skal hún leggja fram drög um sameiningarkosti í hverjum landshluta og verði þau lögð fyrir landsþing Sambands íslenskra sveitarfélaga árið 2010 til umræðu og álits. Að því loknu mun ráðherra leggja fyrir Alþingi áætlun um sameiningar sveitarfélaga til ársins 2014 sem byggist á umræðum og áliti landsþingsins.

Meira

Talsverður erill var hjá lögreglunni  á Vestfjörðum um liðna helgi,talsvert bar á ölvun,bæði í heimahúsum og á veitingastöðum,lögregla kölluð til í nokkrum tilvikum og voru málin yfirleitt afgreidd á staðnum.

Þrjú umferðaróhöpp urðu í vikunni.Þann 5 jan varð bílvelta við Ketileyri í Dýrafirði,þar fór bíll útaf veginum og valt og gat ökumaður hringt og látið vita en honum gekk erfiðlega að komast út úr bílnum,en tókst þó að komast sjálfur út.Ökumaður var fluttur með sjúkrabíl á Sjúkrahúsið á Ísafirði til skoðunar,bifreiðin óökuhæf, flutt af vettvangi með krana.Þá urðu tvö umferðaróhöpp sunnudaginn 10 jan,bifreið ekið út af í bæði skiptin, annað á Hnífsdalsvegi og hitt á Djúpvegi,ekki slys á fólki.

Í vikunni var tilkynnt um skemmdarverk á golfvellinum í Tungudal, þar hafi greinilega verið ekið yfir völlinn á vélsleða og umtalsverðar skemmdir á vellinum,málið er í rannsókn lögreglu og allar upplýsingar væru vel þegar vegna þessa.  Upplýsingasími lögreglunnar, varðstofa Ísafirði er 450-3730.

Fimm voru teknir fyrir of hraðan akstur í vikunni, einn á ísafirði, þrír í nágrenni við Hólmavík og einn á Holtavörðuheiðinni.Sá sem hraðast ók, var mældur á 133 Km/klst, þar sem leyfður hámarshraði er 90 km/klst.

Vefurinn strandir.is hefur nú ákveðið að standa fyrir kosningu á Strandamanni ársins sjötta árið í röð. Tilgangurinn með því er að vekja fólk til umhugsunar um allt það sem vel er gert í samfélaginu. Gefst tækifæri til að skila inn tilnefningu fram að klukkan 12:00 á hádegi föstudaginn 15. janúar. Þeir sem vilja tilnefna Strandamann ársins 2009 fylla út formið sem er að finna undir þessum tengli eða undir tengli hér vinstra megin þar sem þeir tilgreina hver fær þeirra atkvæði og hvers vegna. Allir Strandamenn nær og fjær eru hvattir til að taka þátt, en í síðari umferð verður valið á milli þeirra þriggja sem flestar tilnefningar fá.

Strandamaður ársins hefur verið valinn fimm sinnum á vefnum strandir.is, en fyrsta árið var valið unnið í samvinnu við blaðið Fréttirnar til fólksins og árin 2008 og 2009 í samvinnu við Gagnveg, enda átti Kristín S. Einarsdóttir hugmyndina að þessum skemmilega leik. 

Þeir sem hafa verið valdir eru Sverrir Guðbrandsson eldri árið 2004, Guðbrandur Einarsson frá Broddanesi var Strandamaður ársins 2005, Sandra Dögg Guðmundsdóttir á Drangsnesi var kjörin árið 2006, hjónin Ásbjörn Magnússon og Valgerður Magnúsdóttir á Drangsnesi unnu kosninguna árið 2007 og Strandamaður ársins 2008 var Ingibjörg Sigvaldadóttir frá Svanshóli.
Þetta kemur fram á www.strandir.is

Þyrla Landhelgisgæslu Íslands TF-Eir fór í ískönnunarflug í gær úti fyrir Vestfjörðum eftir hádegið.
Ísröndin var næst landi sem hér segir:53 sjómílur VNV af Barða,25 sjómílur NV frá Straumnesi og 26 sjómílur NNV frá Horni.
Ísmynd frá Jarðvísindadeild Háskólans,fylgir hér með þar sem Ingibjörg Jónsdóttir hefur teiknað inn ísröndina.
Stakir jakar geta verið mun nær landi en myndin sýnir og mikil ferð er á ísnum.
Sjófarendur eru beðnir um að fara varlega á siglingaleiðum fyrir Vestfjörðum.

Á vef Veðurstofu Íslands kemur fram
á gervihnattamynd  frá því í gærkvöldi (7. janúar) kl. 22.43 þar sem hafísröndin sést ágætlega að
ísröndin virðist vera um 22 sml NA af Horni og um 20 sml NV af Straumnesi.  Vegna skýjahulu er erfitt að greina hvort að einhver ís liggi nær landi. 

Sjófarendur eru beðnir að fara að öllu með gát.

Eins og kom fram hér á vefnum í desember síðastliðin var sagt frá því að sjálfvirka veðurstöðin á Gjögurflugvelli væri biluð og sendi bara stundum og sýndi ekki rétt hitastig.

Í gær kom maður frá Veðurstofu Íslands með áætlunarvélinni og tókst að laga stöðina.

Sigvaldi Árnason verkfræðingur hjá VÍ sem kom norður og sér um sjálfvirkar stöðvar Veðurstofu Íslands,sagði að tvennt hefði getað ollið þessu það er spennibreytir og batterí,en skipt var um hvort tveggja.

Nú er stöðin komin í lag og sendir stöðugt á klukkutímafresti.

Flugvél Ernis beið á meðan unnið var að viðgerð sem tók nú ekki langan tíma.

Líf, þyrla Landhelgisgæslunnar fór í gær í ískönnunar- og gæsluflug um Vestfirði og greindi hafísrönd sem var næst landi 18 sjómílur NV af Barðanum, 20 sjómílur NV af Straumnesi og 22 sjómílur NA af Horni.
Voru teknir punktar í ísröndina með radar en hún sást ágætlega í fjarska. Flogið var yfir ís-totur sem lágu frá aðal ísnum og náðist að meta þéttleikann þar. Virtist ísinn vera samfrosta en ekki sáust neinir borgarísjakar né stakir ísjakar í þessu flugi. Landhelgisgæslan hefur sent upplýsingar úr fluginu til Veðurstofu Íslands sem og til sjófarenda. Fylgst verður náið með veðri næstu daga enda mun það hafa áhrif á hvert ísinn mun stefna
Meira

Nú er verið að moka veginn frá Gjögri til Norðurfjarðar,talsverðar þiljur eru á veginum eftir að skóf talsvert eftir að herti vind í fyrrinótt.
Eftir veðurspá á að herða vind seinnipartinn í dag og heldur á að hlýna smám saman þegar líður að helgi.
Flugdagur er í dag á Gjögur.

Orkubú Vestfjarða hefur gert samning um kaup á vélbúnaði fyrir nýja 1,15 MW virkjun sem staðsett verður við Borgarhvilftarvatn fyrir ofan Mjólkárvirkjun og verður þessi nýja virkjun hluti af  Mjólkárvirkjun.

Stefnt er að útboði framkvæmda vegna þessarar nýju virkjunar á fyrstu mánuðum þessa árs og er reiknað með að hún komist í rekstur undir lok þessa árs.

Þá hefur verið tekin ákvörðun um endurnýjun 5,4 MW vélar í Mjólkárvirkjun með nýrri 7 MW vél og eru þær framkvæmdir fyrirhugaðar á árinu 2011 og er reiknað með gangsetningu nýju vélarinnar í vetrarbyrjun 2011.

Áætlaður kostnaður við þessar framkvæmdir er um 1.000 milljónir króna.

Meira

Þann 7. desember 2009 ákvað stjórn OV að hækka verðskrár fyrirtækisins frá og með 1. janúar 2010 sem hér segir:

 

Verðskrá fyrir raforkudreifingu.

Verðskrá fyrir raforkudreifingu hækkar að jafnaði um 10%. Tengigjöld eru óbreytt að sinni.

 

Hækkun þessi er m.a. rökstudd með vísan til verðlagshækkana frá síðustu breytingu verðskrárinnar 1/3 2009. Vísitala neysluverðs hefur hækkað um 6,4% síðustu 10 mánuði. Ennfremur er vísað til 10% hækkunar á flutningsgjaldskrá Landsnets 1/8 s.l. en sú hækkun kallar á rúmlega 3% hækkun á dreifigjaldskrám OV til að mæta útgjöldum af þeim sökum. Einnig er bent á að tekjur OV af raforkudreifingu hafa alla tíð verið vel undir leyfilegum tekjumörkum en með þessari hækkun færist OV örlítið nær tekjumörkunum.

Orkustofnun hefur samþykkt hina nýju verðskrá.

 

Verðskrá fyrir rafmagnssölu.

Verðskrá fyrir rafmagnssölu hækkar að jafnaði um 6%.

Hækkun þessi er rökstudd með vísan til boðaðrar hækkunar Landsvirkjunar  um 4,4% 1/1 2010 og verðlagshækkana seinni hluta árs 2009.

Miklar framkvæmdir eru fyrirhugaðar í Mjólkárvirkjun og af þeim sökum er lögð til ívið meiri hækkun en verðlagsforsendur gefa tilefni til. Þrátt fyrir þessa hækkun er OV með lægra auglýst verð en Orkusalan og HS-Orka
Verðskrá Orkubús Vestfjarða má sjá á vef þeyrra www.ov.is