Ferðamálastofa auglýsir styrki til úrbóta í umhverfismálum fyrir árið 2010. Sérstök áhersla verður lögð á verkefni tengd sjálfbærri ferðaþjónustu fyrir alla sem hafa heildrænt skipulag og langtímamarkmið að leiðarljósi.

Íslensk náttúra er eitt helsta aðdráttarafl Íslands í hugum ferðamanna. Stefna íslenskra stjórnvalda er að ferðaþjónustan í landinu starfi sem mest í anda sjálfbærni. Liður í því er markviss uppbygging og fyrirbyggjandi aðgerðir til verndunar íslenskrar náttúru.

Styrkir skiptast í tvo meginflokka:

1. STYRKIR TIL SMÆRRI VERKEFNA ER VARÐA ÚRBÆTUR Á FERÐAMANNASTÖÐUM:
Veittir verða styrkir til smærri verkefna til úrbóta í umhverfismálum. Hámarksupphæð hvers styrks verður 500 þúsund krónur og er hann ætlaður fyrir efniskostnaði. Ekki er veittur styrkur vegna vinnuframlags. Styrkþegi er ábyrgur fyrir eðlilegu viðhaldi svæðis og mannvirkja er tengjast viðkomandi verkefni eftir að framkvæmdum lýkur.

Umsókn skal innihalda:
Nánar á vef Ferðamálasamtaka Vestfjarða.

BB.ÍS
Arnór Magnússon hefur verið ráðinn umdæmisstjóri Flugstoða á Vestfjörðum frá og með 1. janúar 2010. Arnór starfaði hjá Flugstoðum frá 1984 til 2007 og vann þá í flugturninum. Síðastliðið sumar kom hann svo inn í afleysingar og er nú orðinn umdæmisstjóri. Hann segir nýja stafið leggjast vel í sig, enda sé hann á heimavelli, þótt hann hafi ekki verið þarna megin við borðið áður.
Hermann Halldórsson var settur umdæmisstjóri síðastliðið vor þegar Guðbjörn Charlesson lét af störfum, en hann hefur nú horfið til annarra starfa.
www.bb.is

Upplýsingafulltrúi Vegagerðarinnar G.Pétur Matthíasson hefur nú svarað fyrirspurn fréttasíðunnar Litla-Hjalla um fækkun styrktra ferða á flugleiðinni Reykjavík-Gjögur-Gjögur-Reykjavík.
"Hann segir að sú ákvörðun hafi  verið tekin að styrktum ferðum verður fækkað um eina að sumri til þ.e.a.s. frá júní og út september eða í 4 mánuði. Áfram verða 2 ferðir á viku aðra mánuði ársins."
Það er að segja að styrktar flugferðir verða áfram frá október og til maí loka,mánuðina júní,júlí ágúst og september verða ekki styrktar nema ein ferð.
En flugfélaginu Ernir sem sér um flug til Gjögurs sé heimilt að fljúga tvær eða fleiri ferðir ef þeyr vilja.
Þetta eru slæmar fréttir fyrir Árneshrepp og er reiknað með að sveitarstjórn muni kvarta og senda Samgönguráðuneyti-Vegagerð um að þetta gangi ekki,því hvergi er talað um póstinn sem Ísandspóstur sendir í Árneshrepp tvisvar í viku,hvað þá með hann í þessa fjóra mánuði,á að senda hann landleiðina yfir sumarið frá Hólmavík,það er spurning sem þarf að fá svör við.
Áður var sveitarstjórn Árneshrepps búin að senda kvörtun til Samgönguráðuneytis þegar stóð til að hætta flugferðum alveg á Gjögur í fjóra mánuði yfir sumartímann.

Nafngiftir á hinni nýju leið og breyttum Djúpvegi hafa nokkuð verið til umræðu, jafnt innan Vegagerðarinnar sem utan og eru ekki allir á einu máli, svo sem vænta má.

Vegagerðin hefur að undanfönu nefnt hinn nýja veg Djúpveg um Arnkötludal og einnig Djúpveg um Þröskulda en svo heitir hæsti hluti vegarins og sá sem helst þarfnast þjónustu að vetri til. Arnkötludalurinn liggur norðan Þröskulda en Gautsdalur að sunnanverðu á þessari leið.

Þegar vegurinn var tekinn í notkun var talað um Djúpveg (61) um Arnkötludal þótt leiðin liggi um tvo dali, Gautsdal og Arnkötludal með Þröskulda á milli.

Meira

Nú eykst sala í Kaupfélagi Steingrímsfjarðar á Norðurfirði nú fyrir jól,og er talsvert að gera að sögn Eddu Hafsteinsdóttur útibústjóra.

Þegar myndatökumaður Litla-Hjalla var þar á ferð í dag að setja á póstinn bréf og pakka voru menn frá RÚV þar á ferð,þeyr Gísli Einarsson fréttamaður og Jóhann Jónsson tæknimaður með viðtöl og myndatöku.

Áður voru þeyr búnir að vera í Finnbogastaðaskóla með viðtöl og myndatökur.

Síðan héldu þeyr til Drangsnes og verður þaðan bein útsending nú seinnipartinn hjá Svæðisútvarpi Vestfjarða.

Hitamælir á sjálfvirku veðurstöðinni á Gjögurflugvelli hjá Veðurstofu Íslands er bilaður og sínir tölur eitthvað út í loftið.

Veðurathugunarmaðurinn í Litlu-Ávík tók eftir þessu í gærmorgun þegar hann sá lestrarlista Veðurstofu fyrir lágmarkshita eftir nóttina,þar kom fram að lágmarkshiti hefði verið mínus -8,1 stig,sem engan vegin gat staðist.

Haft var síðan samband við veðurfræðing á Veðurstofu og bornar saman tölur frá Litlu-Ávík og Gjögurflugvelli nokkra daga á undan og kom sú niðurstaða strax út að þetta gæti á engan veginn staðist,því í mælaskýli í Litlu-Ávík sömu nótt fór hitinn aðeins niðrí +3,2 stig,þar er einnig lágmarksmælir við jörð í 5 cm hæð og sýndi hann +1,5 stig.

Þetta er nú í athugun hjá tæknimönnum Veðurstofu Íslands og hvort þurfi að senda mann norður til að skipta um hitamælinn kemur í ljós fljótlega,hvenær það yrði er ekki vitað enn.

Það er líka annað að sem er að stöðin sendir ekki alltaf á klukkutímafresti eins og hún á að gera.

Þannig að engin ætti að taka mark á hitastigi frá stöðinni á Gjögurflugvelli í bili.

Fréttatilkynning frá Ríkislögreglustjóra-Almannavarnadeild.
Í dag var tekin í notkun vefmyndavél, sem sýnir beint frá eldfjallinu Heklu. Vefmyndavélin er á Búrfelli, sem er 12 km norð-vestan við Heklu.  Búrfell er 700 m hátt fjall rétt ofan við Búrfellsvirkjun í Rangárvallasýslu.
Það er Öryggismálanefnd RÚV, sem stendur fyrir uppsetningu vefmyndavélarinnar í samstarfi við almannavarnadeild ríkislögreglustjóra, Fjaska, Gagnaveitu Reykjavíkur og Mílu. Unnt verður að fylgjast með útsendingum frá vefmyndavélinni á heimasíðum samstarfsaðilanna, hjá Ríkisútvarpinu www.ruv.is/hekla og á heimasíðu almannavarnadeildarinnar http://almannavarnir.is/

Verkefnið er í almannaþágu og hluti af vöktun Heklu.  Gert er ráð fyrir að með myndavélinni megi sjá fyrir hugsalega leið hraunrennslis, gosmökks og annað sem getur skipt máli komi til eldgoss.

Í síðustu gosum hefur aukin skjálftavirkni verið helsti forboði Heklugosa. Vísindamenn vakta Heklu og sáust forboðar Heklugosanna árin 1991 og 2000 á mælitækjum um 30 - 80 mínútum fyrir gosbyrjun. 

Í vikunni sem var að líða urðu fjögur umferðaróhöpp í umdæmi lögreglunnar á Vestfjörðum.Tvö óhöpp urðu þriðjudaginn 8 des, bæði í Örlygshöfn á Kolsvíkurvegi.  Annað óhappið varð með þeim hætti að jeppabifreið var bakkað harkalega á aðra jeppabifreið með þeim afleiðingum að hún kastaðist á þá þriðju og eru allir bílarnir talsvert skemmdir.  Hitt óhappið varð skömmu seinna, en þá átti í hlut sami bíll og varð valdur af fyrra óhappinu, þegar sá bíll lenti framan á slökkvibíl á blindbeygju.  Báðir bílarnir urðu óökufærir og varð að flytja þá af vettvangi með kranabíl.

Þá urðu tvö óhöpp þann 10 des. Útafakstur á Djúpvegi við Hnitbjörg, þar urðu skemmdir á ökutæki, ekki slys á fólki, um minniháttar skemmdir að ræða.  Þann sama dag var bakkað á kyrrstæða bifreið við Fjarðarstræti á Ísafirði, einhverjar skemmdir og ekki slys á fólki.

Tveir voru stöðvaðir fyrir of hraðann akstur í vikunni annar á Djúpvegi og hinn á Vestfjarðarvegi í Önundarfirði.

Tveir eldsvoðar urðu í vikunni.  Á þriðjudag 8 des kom upp eldur á bænum Neðri-Tungu í Örlygshöfn, þar var eldur í verkstæðisskúr og gömlu mjólkurhúsi, þessi hús eru sambyggð hlöðu, fjósi og fjárhúsi.  Vegfarendur sem leið áttu um náðu að bjarga út úr gripahúsunum nokkrum nautgripum og kindum sem þar voru.  Slökkviliðið í Vesturbyggð ásamt björgunarsveit var kallað á vettvang og gekk greiðlega að slökkva, en mestur eldur var í verkstæðinu og mjólkurhúsinu, hlaðan og gripahúsið sluppu, minniháttar skemmdir á þeim.  Eldsupptök eru ókunn, en málið í rannsókn lögreglu.

Aðfaranótt sunnudags 13 des  var tilkynnt um eld í ruslatunnu við Fjarðarstræti 57 á Ísafirði.Lögregla og slökkvilið kallað á staðinn og var eldur kominn í klæðningu á húsinu og mátti litlu muna að ekki yrði stór tjón vegna þessa.  Málið er í rannsókn lögreglu.

Síðasta blað Gagnvegar kemur út í vikunni, en blaðinu hefur verið dreift um allar Strandir og til áskrifenda vikulega síðustu ár,eða síðan blaðið hóf göngu sína sjötta september 2007,en blaðið var stofnað þann 24 ágúst sama ár og hlaut nafnið Gagnvegur.
Vegna jólanna verður hægt að skila inn efni og auglýsingum lengur en vanalega, eða til kl. 22:00 á miðvikudagskvöld. Blaðið verður prentað á fimmtudagsmorgun og því dreift á Hólmavík eftir hádegi á fimmtudag, en á aðra staði með póstinum á föstudaginn. Þetta blað verður það síðasta því útgáfunni verður hætt um áramótin. Kristín S. Einarsdóttir útgefandi þakkar lesendum, viðskiptavinum, pennahöfundum og öðrum sem hafa lagt útgáfunni lið kærlega fyrir sitt framlag.

Jólakveðjur verða í síðasta Gagnveginum og má senda þær til birtingar á netfangið stina@holmavik.is í síðasta lagi á miðvikudagskvöld.
Þetta eru slæmar fréttir fyrir alla Strandasýslu og nærliggjandi héruð að ekki sé hægt að halda úti einu litlu héraðsfréttablaði.
Kristín S Einarsdóttir hefur verið með margar nýungar í Gagnvegi svo sem"Pennann" sem gekk á milli Strandamanna mestallan tímann sem blaðið var og gekk og þótti mjög vinsælt meðal lesenda blaðsins.Ekki má gleyma aflatölum úr héraðinu sem birtist vikulega og margt fleira.
Litli-Hjalli þakkar Kristínu og Gagnvegi fyrir sitt framtak í fjölmiðlaheimi Strandamanna og þakkar henni ávallt góð kynni og gott samband  við að deila fréttum úr sýslunni okkar fögru.
Vegna þess hvað blaðið verður prentað seint kemur blaðið ekki til Árneshreppsbúa fyrr en á mánudaginn 21 desember.

Laugardaginn 19. desember , kl. 13, mun Þjóðfræðistofa blása til þjóðfræðiþings, útgáfuhófs og menningardagskrár. Auk þess að miðla af rannsóknum verður leikin tónlist, sýndar kvikmyndir og haldið upp á nýjar útgáfur.   Þá munu höfundar lesa upp úr nýútgefnum bókum.Jólaspjallið verður haldið í Bragganum á Hólmavík en Café Riis býður upp á létt jólahlaðborð á vægu verði.
Meira