Veðrið í Mars 2012.

Yfirlit yfir veðrið frá veðurstöðinni í Litlu-Ávík.

Suðvestanáttir eða suðlægar vindáttir voru ríkjandi í mánuðinum að mestu fram til 14. Frá 15 og framá 18 voru Norðlægar vindáttir. 19 til 21 voru breytilegar vindáttir eða suðlægar. Þann 22 snérist til Suðaustlægra eða suðlægra vindátta með hlýindum sem má segja að hafi staðið út mánuðinn,en suðvestlægar vindáttir voru mest ríkjandi í mánuðinum. Mánuðurinn verður að teljast nokkuð hlýr,og mun hlýrri en mars mánuður 2011. Samt voru nokkur snjóalög frá miðjum mánuði og fram til 23. Auð jörð á láglendi var talin síðustu fjóra daga mánaðarins.

Suðvestan hvassviðri eða stormur var frá kvöldinu 10 og fram til 11,með kviðum í 40 m/s. Einnig gerði S og síðan SV storm og rok frá seinniparts dags þann 26. og fram á 27. með kviðum sem fóru í 41 m/s. Ekki er vitað um neitt alvarlegt tjón í þessum veðrum. Talsvert snjóflóð féll úr Urðarfjalli í svonefndum Urðum efst í Stórukleifabrekku laust eftir hádegi þann 19. Snjóflóðið var um 2,50 m að hæð og 10 til 11 metra breitt. Algengt er að snjóflóð falli þarna en þetta var með stærra móti. Einnig var talsvert um snjóflóð á Kjörvogshlíðinni  inn með Reykjarfirðinum.

 

Yfirlit dagar eða vikur.

1-11:Suðvestan eða suðlægar vindáttir,gola og uppí kalda eða stinningskalda,en frá kvöldinu 10 til 11 var hvassviðri eða stormur,skúrir,él,slydda eða snjókoma,hiti frá +9 stigum niðri -3 stig.

12:Suðvestan kaldi í fyrstu síðan NA kaldi með snjókomu aðfaranótt 13.Frost -1 til -3 stig.

13-14:Suðlægar vindáttir eða breytilegar kul,stinningsgola,kaldi,snjókoma,skúrir,él,hiti +5 til 3 stig.

15-17:Norðaustan og austan síðan N,kaldi,síðan kul þ.16 ,en gola stinningsgola þ. 17,snjókoma frost -0 til -7 stig.

18:Breytilegar vindáttir,gola þurrt í veðri,frost -4 til -12 stig.

19:Austlæg átt með golu í fyrstu síðan SV allhvass,snjókoma,slydda,rigning,hiti -5 til +4 stig.

20:Breytilegar vindáttir andvari,gola eða stinningsgola,snjókoma,slydda,hiti frá 0 til +3 stig.

21:Suðvestan allhvass eða hvassviðri um morguninn síðan kaldi,stinningsgola,hiti frá +4 niðri 1 stig.

22:Suðaustan gola,snjókoma síðan rigning,hiti frá -1 stigi uppí +2 stig.Hlýnandi veður.

23-24:Breytilegar vindáttir,andvari,kul eða gola,þurrt í veðri hiti +0 til +9 stig.

25-29:Mest Suðvestanáttir stinningsgola,en hvassviðri eða stormur 26 og 27,síðan allhvass eða stinningskaldi,rigning eða skúrir,þurrt þ.29.hiti +2 til +12 stig.

30:Vestan stinningsgola síðan Austan stinningsgola,súld,hiti +6 til 0 stig.

31:Suðvestan stinningsgola í fyrstu síðan N gola með súld um kvöldið,hiti +6 neðri +1 stig,kólnandi.

 

Úrkoman mældist 92,7 mm. (í mars 2011:63,8 mm.)

Þurrir dagar voru 5.

Mestur hiti mældist 11,1 stig þann 26.

Mest frost mældist  12,0 stig aðfaranótt 18.

Alhvít jörð var í  15 daga.

Flekkótt jörð var í 12 daga.

Auð jörð var því í 4 daga.

Mesta snjódýpt mældist 38 cm þann 19.
Meðalhiti var: +2,0 stig.

Meðalhiti við jörð var -1,47 stig.(í mars 2011: -4,96 stig.)

Sjóveður:Nokkuð rysjótt en margir dagar sæmilegir á milli.

Tekið saman af Jóni G Guðjónssyni veðurathugunarmanni í Litli-Ávík.

Yfirlit yfir veðrið frá veðurstöðinni í Litlu-Ávík.

Mánuðurinn var mjög umhleypingasamur þar sem skiptust á hafáttir og eða suðlægar vindáttir oft hvassar. Svell á túnum minkuðu mikið í mánuðinum,en nokkuð hlítt var frá byrjun mánaðar og fram í miðjan mánuð,en eftir það skiptust á hiti og frost. Þann 6.um kvöldið gerði Sunnan storm og fóru kviður í 30m/s,eða ofsaveður og stóð veðrið fram yfir miðnættið. Einnig kvöldið eftir þann 7, gerði enn verra veður af Suðri í fyrstu og síðan SSV,og var vindur í jafnavind 26 m/s en kviður fóru þá í 41 m/s,og stóð þetta veður svipað fram á nótt en dróg mikið úr vindi með morgninum. Vindur fór því langt yfir 12 vindstig eða fárviðri í kviðum sem er gamalt mæligildi. Þann 13 var SV hvassviðri eða stormur og kviður allt uppi 31 m/s,einnig var oft mjög kviðótt í SV áttinni sem stóð frá 10 til 16. Mánuðurinn var frekar snjóléttur.

Yfirlit dagar eða vikur:

1-3:Suðvestan eða suðlægar vindáttir,kul,gola og upp í kalda,rigning,slydda,skúrir,hiti +5 neðri 0 stig.

4:Norðvestan gola,stinningsgola og upp í stinnings kalda,súld,slydda,snjókoma,hiti +3 stig og neðri 1 stig.

5:Suðvestan og síðan SA gola,þurrt í veðri,hiti frá +2 stigum niðri -1 stiga frost.

6-8:Sunnan eða SV kaldi,stinningskaldi,allhvasst,hvassviðri og stormur eða rok um bæði kvöldin þ.6. og 7.og fram á morguninn þ.8,enn andvari seinni partinn,rigning eða skúrir,hiti frá +10 stigum neðri +1 stig.

9:Suðaustlæg vindátt,kul eða gola,snjókoma seinni partinn og mikil snjókoma um kvöldið,hiti +2 til -1 stig.

10-16:Suðvestan eða V,stinningsgola,kaldi,en hvassviðri eða stormur þ.13 og þ.15 var allhvasst eða hvassviðri,rigning eða skúrir 12 og 15,en él og snjókoma þ.16 um kvöldið,annars þurrt. Hiti +8 og niðri -1 stig.

17:Breytileg vindátt í fyrstu síðan NA og N gola síðan allhvass,snjókoma,él,frost -2 til -5 stig.

18-19:Suðvestan gola,stinningsgola,kaldi,stinningskaldi,él,slydda,rigning,hiti frá -9 stigum og uppi +4 stig.

20-24:Norðaustan eða breytilegar vindáttir,gola,kaldi,allhvass um tíma um kvöldið þ.23,snjókoma,él,slydda,hiti -4 til +3 stig.

25-29:Suðvestan eða suðlægar vindáttir,andvari,kul gola,en oftast kaldi,rigning,snjókoma,skúrir eða él,hiti frá +5 stigum niðri -3 stig.

Úrkoman mældist 76,3 mm.(í febrúar 2011:90,4 mm.)

Þurrir dagar voru 6.

Mestur hiti mældist þann 6= +10,5 stig.

Mest frost mældist þann 18= -8,5 stig.

Alhvít jörð var í 11 daga.

Flekkótt jörð var í 18 daga.

Auð jörð var því í 0 dag.

Mesta snjódýpt mældist dagana 1 og 2= 16 cm.
Meðalhiti var: +1,7 stig.

Meðalhiti við jörð var -1,42 stig. (í febrúar 2011:-2,78 stig.)

Sjóveður:Mjög rysjótt,en sæmilegir dagar á milli.

Tekið saman af Jóni G Guðjónssyni veðurathugunarmanni í Litlu-Ávík.

Samkvæmt heimildum frá Veðurstofu Íslands var hætt veðurathugunum á Hrauni á Skaga nú um áramótin síðustu. Veðurathugun hefur verið þar allt frá árinu 1952 og út árið 2011. Einhverjar mælingar fóru þar fram áður á árunum 1942 til 1952 þá aðallega á vindi. Heimild Saga Veðurstofa Íslands gefin út 1999 vegna áttatíu ára afmælis Veðurstofu Íslands.

´‘Þetta er mjög slæmt að missa þessa veðurstöð segir Þóranna Pálsdóttir verkefnastjóri veðurgagnaúrvinnslu hjá Veðurstofu Íslands,en veðurathugunarmaðurinn þar hefur oft beðið um lausn frá störfum og varð það úr nú um síðastliðin áramót,enn þar munu úrkomumælingar fara fram áfram og snjódýptarmælingar og Hraun mun því halda áfram sem úrkomustöð, einnig er þar sjálfvirk veðurathugunarstöð með vindstefnu og vindhraða og hitastigi. Einnig segir Þórunn að slæmt sé að missa athuganir á skyggni og skýjahæð frá þessu svæði. Stöðin þjónaði sjómönnum með sjólagi og vindstefnu og vindhraða sem sjómenn fóru mikið eftir,einnig með hafísfréttir sem komu æði oft fyrst frá Hrauni og varaði sjófarendur við þeirri vá.‘‘ Jón Guðbjörn veðurathugunarmaður í Litlu-Ávík tekur undir það að mikill missir sé af að missa veðurstöðina á Hraun á Skaga úr kortunum,enda hefur honum fundist alltaf að Hraun og Litla-Ávík,hafi unnið mikið saman sem útverðir veðurathuganna sitt hvoru megin við Húnaflóann,Hraun að austanverðu og Litla-Ávík að vestanverðu,og veðurfræðingar hafa getað unnið nákvæmari veðurspá fyrir Húnaflósvæðið.  Jón segir einnig að mikið skarð verði nú vegna veðurathugana við Húnaflóann ef ekki verður sett upp önnur mönnuð stöð að austanverðu við flóann.

Rok og ofsaveður af suðri og síðan suðsuðvestri skall á seinni partinn hér í Árneshreppi. Veðrið var verst í gærkvöldi en stormur var í alla nótt en það dróg mikið úr veðri með morgninum.

Á veðurstöðinni í Litlu-Ávík klukkan níu um kvöldið var veður alveg í hámarki og mældist þá jafnavindur 26 m/s en kviður fóru upp í 41 m/s eða í ofsaveður og langt yfir gamla veðurgildið 12 vindstig. Einnig sá veðurathugunarmaður vindhraðamæli fara í 95 hnúta eða 49 m/s tvívegis á milli níu og tíu um kvöldið. Daginn áður þann 6. gerði einnig hvassviðri og rok um tíma um kvöldið og fram yfir miðnættið en stóð miklu styttra yfir og ekki eins rosalegar kviður. Þetta er eitt af verstu sunnan veðrum sem komið hafa í langan tíma. Ekki er vitað um neitt alvarlegt tjón hér í hreppnum,enn fréttamaður hefur haft samband við allnokkra bændur en ekkert er vitað um eyðibýli þar sem ekki sést til frá öðrum bæjum.

Veðrið í Janúar 2012.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með Norðlægum vindáttum eða Austlægum fram til 8. Síðan Suðlægar vindáttir fram til 17.

Smá blota gerði dagana 6. 7 og 8,og seig snjór þá talsvert og allt hljóp í svell sérstaklega á vegum og þar sem þunnt snjóalag var.

Talsverðan blota gerði einnig frá 13 til 17.Snjó tók mikið upp enn mikil svellalög urðu á vegum,og eins urðu tún mjög svelluð.

Enn og aftur gerði blota frá kvöldinu 28 og fram á kvöld 29. Snjó tók talsvert upp enn en eru mikil svellalög á túnum en minnkuðu mikið á vegum. Síðan voru suðlægar vindáttir síðustu tvo daga mánaðarins með hita yfirleitt yfir frostmarki.

Hvassviðri og stormur var af Suðvestri 9. og 10.með kviðum uppí ofsaveður. Þann 25 skall á Norðan 20 til 26 m/s með stórhríð með hitastigi í fyrstu fyrir ofan frostmarki,þannig að snjókoman var blaut en síðan kólnaði,og var ísing um tíma. Rafmagnslaust varð í Árneshreppi á annan sólarhring,þegar staur brotnaði við bæinn Mela og rafmagnslínur slitnuðu á Gjögurlínu. Þannig að janúar mánuður var mjög umhleypingarsamur í heild sinni.

 

Yfirlit dagar eða vikur:

1-4:Norðan og NA áttir,stinningsgola,kaldi eða stinningskaldi,snjókoma eða él,hiti -1 til -3 stig.

5-7:Mest Austlægar vindáttir gola eða stinningsgola,él,snjókoma,slydda,rigning eða skúrir,hiti frá -5 uppí +4 stig.

8-10:Suðaustan í fyrstu síðan SV,kaldi,allhvasst,en hvassviðri og stormur þ.10.Rigning en snjóél 9 og 10.Hiti frá +7 niður í -7 stiga frost.

11-12:Suðlægar vindáttir kul eða gola,smá él seint um kvöldið þ.11.,þurrt þ.12.Frost -2 til -7 stig.

13-17:Sunnan og SV kul,gola,stinningsgola,kaldi og uppí stinningskalda,slydda,rigning,hiti frá+9 stigum niðri +0 stig.

18-19:Norðvestan eða V,gola uppí stinningskalda,snjókoma,hiti frá -2 stigum uppí +1 stig.

20-24:Norðlægar eða austlægar vindáttir,gola,stinningsgola,kaldi eða stinningkaldi,él slydda eða snjókoma,hiti frá +2 stigum neðri -2 stig.

25-26:Norðan stinningskaldi síðan stormur,hvassviðri,síðan datt vindur niður um kvöldið 26 með SV sinningsgolu,slydda,snjókoma,hiti frá +2 stigum niðri -6 stiga frost.

27-31:Suðlægar vindáttir gola,stinningsgola,kaldi,enn allhvasst um kvöldið þ.27, og um morguninn þ.29.Rigning,slydda,snjókoma,skúrir,hiti frá +11 stigum niðri -7 stiga frost.

 

Úrkoman mældist 111,5 mm.(í janúar 2011=83,2 mm.)

Þurrir dagar voru 3.

Mestur hiti mældist aðfaranótt 29.=+11,4 stig.

Mest frost mældist aðfaranótt 27.=-7,0 stig.

Alhvít jörð var í 22 daga.

Flekkótt jörð var í 9 daga.

Auð jörð því í  0 dag.

Mesta snjódýpt mældist þann 6.= 55 cm.
Meðalhiti var: +0,7 stig.

Meðalhiti við jörð var -2,22 stig.(í janúar 2011= -1,90 stig.)

Sjóveður:Mjög rysjótt.

Tekið saman af Jóni G Guðjónssyni veðurathugunarmanni í Litlu-Ávík.

Úrkoman á veðurstöðinni í Litlu-Ávík hefur aldrei mælst eins mikil og á nýliðnu ári (2011),eða 1153,8 mm. Úrkoman hefur aldrei náð því að fara yfir þúsund millimetra fyrr á einu ári. Næst þessu meti kom árið 2009 með 994,6 mm,og árið 2006 með 993,2 mm. Enn minnsta úrkoma á veðurstöðinni í Litlu-Ávík var árið 2010 með 633 mm. Og var það í eina skiptið sem úrkoma er undir sjöhundruð millimetrum á ársgrundvelli. Fjóra mánuði í röð fór úrkoman 2011 yfir hundrað millimetra og tvívegis rétt undir 200 mm. Munurinn á úrkomu ársins 2010 og 2011 er 520,3 mm.

Hér fer á eftir tölur yfir mælingar á úrkomu frá 12 ágúst 1995,en þá hófust mælingar í Litlu-Ávík,til ársins 2011: 1995. (358,3 mm) frá ágúst til desember. 1996. (778,0 mm). 1997. (914,9 mm). 1998. (892,9 mm). 1999. (882,0 mm). 2000. (743,8 mm).2001. (722,6 mm). 2002. (827.4 mm). 2003. (883,0 mm). 2004. (873,9 mm).2005. (763,3 mm). 2006. (993,2 mm). 2007. (972,0 mm). 2008. (864,1 mm). 2009. (994,6 mm). 2010. (633,5 mm). 2011.(1153,8 mm).

Veðrið í Desember 2011.

Yfirlit yfir veðrið frá veðurstöðinni í Litlu-Ávík.

Hafáttir voru mest ríkjandi frá byrjun mánaðar með talsverðu frosti fram til sjötta,en síðan voru umhleypingar suðlægar áttir eða hafáttir,oftast með talsverðu frosti. Spilliblota gerði í mánuðinum 11. til 14. og gerði þá mikla hálku.

Mjög hált var á vegum í mánuðinum. Talsverður snjór var komin á jörð seinnihluta mánaðar,og er mikill hluti þessa snjós sem hefur skafið niðri byggð í SV skafrenningi. Mánuðurinn var mjög kaldur í heild. Mjög mikil haglél voru í um rúman hálftíma um miðjan dag með miklum kviðum í ANA átt,fimmtudaginn 8. desember,sem yfirleitt er lítið  um á þessum slóðum,höglin hafa verið í um 6 mm til 1 cm í þvermál.

 

Yfirlit dagar eða vikur:

1:Breytilegar vindáttir andvari kul eða gola,snjókoma um morguninn,frost -3 til -7 stig.

2-6:Austan og NA,kul,gola,stinningsgola eða kaldi en stinningskaldi þ.4, snjókoma eða él,frost -0 til -7 stig.

7:Sunnan eða SV,gola eða stinningsgola,þurrt í veðri,frost frá -3 til -8 stig.

8-15:Austlægar eða norðlægar vindáttir,mest kaldi,stinningskaldi og uppí allhvassan vind,þurrt dagana 10 og 11,smá skúrir þann 12,annars él eða snjókoma,hiti frá +4 niðri -8 stig.

16-20:Suðvestan eða suðlægar vindáttir,gola,en oftast kaldi en allhvass þ.20.16 og þurrt í veðri þ.17, annars lítilsáttar snjókoma,rigning eða él,hiti frá -7 stigum uppí +5 stiga hita.

21:Austlæg vindátt,andvari eða gola,snjókoma seinni hluta dags,hiti frá +1 til -3 stig.

22-23:Suðvestan stinningsgola eða kaldi,snjókoma og skafrenningur,hiti -4 til +1 stig.

24:Austan og síðan NV,snjókoma og síðan él,hiti 0 til -3 stig.

25-27:Suðvestann eða S,gola,stinningsgola eða kaldi,snjókoma eða él,skafrenningur,þurrt þ.27.hiti frá +0,5 niðri -7,5 stig.

28-29:Austlæg vindátt,andvari en mest gola,þurrt þann.28, en snjókomuvottur þ.29,hiti +1 stigi niðri -3 stig.

30-31:Sunnan eða SA kul,gola eða stinningsgola,snjókoma,slydda,NA og snjókoma um miðnætti gamlárskvölds,hiti +4 til -3 stig.

 

Úrkoman mældist: 68,3 mm. (í desember 2010:62,3 mm.)

Þurrir dagar voru 8.

Mestur hiti mældist þann 19:+5,0 stig.

Mest frost mældist þann 9: -7,8 stig.

Alhvít jörð var í 29 daga.

Flekkótt jörð var í 2 daga.

Auð jörð því í 0 dag.

Mesta snjódýpt mældist 45 cm þann 27.
Meðalhiti var: -1,6 stig.

Meðalhiti við jörð var -5,26 stig. (í desember 2010:-2,82 stig.)

Sjóveður: Rysjótt sjóveður í mánuðinum. En mjög slæmt dagana 13 og 14.

Tekið saman af Jóni G Guðjónssyni veðurathugunarmanni í Litlu-Ávík.

Jón G Guðjónsson póstur hefur aldrei lendt í öðrum eins hagéljum í póstferðum sínum eins og í gær.

Jón sótti póst norður til Norðurfjarðar og fór með út á flugvöllinn á Gjögri um 13:25 í gær og beið þar eftir áætlunarvélinni til að taka póst sem kom að sunnan í hægri austlægri vindátt,en flugvélin kom um tvö leitið,síðan var farið til baka norður með póstinn og Edda og Jón sorteruðu póstinn að venju og þegar  pósturinn var borinn úti í bíl var komið mikið él. Síðan hélt Jón til að dreifa póstinum á bæina,en voru él,en það var ekki fyrr enn komið var í Trékyllisvík að haglél dundu svo yfir bílinn og út Hraun og alla leið til Gjögurshálsa sem haglélin voru svo mikil og dimm,að eins og skotárás væri á bílinn,í verstu hryðjunum sem voru um þrjár, Jón stóð fastur á bremsunum í dimmistu éljunum og ,og gleymdi myndavélinni sem var í farþegasætinu fram í,til að taka mynd af höglunum gegnum gluggann á bílnum. Maður gleymir bara öllu undir svona aðstæðum nema að hugsa um sjálfan sig og farkostinn sinn,segir Jón. Jón Guðbjörn sem er veðurathugunarmaður í Litlu-Ávík segist aldrei hafa séð önnur eins haglél fyrr á ævi sinni þótt hann hafi séð nokkuð stór haglél áður. Um leið og heim var komið var tilkynnt um þessi miklu haglél til spádeildar Veðurstofu og síðar í gegnum gagnabrunn Veðurstofu í skriflegu formi.

Þarna slapp flug rétt svo vegna veðurs eins og oft hefur skeð.

Veðrið í Nóvember 2011.

Yfirlit yfir veðrið frá veðurstöðinni í Litlu-Ávík. Mánuðurinn byrjaði með Norðaustan og Norðan hvelli fram til þriðja,með snjókomu eða éljum og síðan rigningu. Síðan voru mest suðlægar vindáttir fram til 22,og með nokkrum hlýindum miðað við árstíma. Síðan voru breytilegar vindáttir oftast hægur vindur en með nokkru frosti. Þann 28 snerist til Norðaustanáttar og síðan í Norðan hvassviðri og storm með snjókomu og frosti. Mánuðurinn endaði síðan austan hægviðri með frosti. Stormur var af suðri um kvöldið þann 7.og fram á morgun þann 8.Vindur náði þá meir en 12 vindstigum eða 40 m/s í kviðum. Úrkoman í mánuðinum var talsverð.

Yfirlit dagar eða vikur:

1-3:Norðaustan eða N stormur,hvassviðri,allhvass,en NNV gola um kvöldið þ.3 snjókoma eða él,síðan rigning og súld,hiti frá -3 stigum upp í +5 stig.

4:Vestlæg vindátt kul eða gola,súld og þokuloft,hiti +4 til +5 stig.

5-7:Suðvestan og Sunnan,stinningsgola,kaldi eða stinningskaldi,skúrir,síðan rigning,hiti +1 til +6 stig.

8:Sunnan stormur,hvassviðri síðan gola um kvöldið,lítilsháttar skúrir,hiti +4 til +14 stig.

9-17:Suðlægar eða breytilegar vindáttir,logn,andvari,kul,gola,stinningsgola,kaldi. Rauk upp í hvassviðri um tíma um kvöldið þann 10,rigning eða súld,þurrt þ.15,hiti +2 uppí +12 stig.

18-19:Norðaustan eða austlæg vindátt,stinningsgola síðan gola,þokuloft,þurrt þ.18,en súld þ.19 hiti frá + 3 stigum uppí +6 stig.

20-22:Sunnan eða SSV,stinningsgola,kaldi eða stinningskaldi,lítilsháttar skúrir,þurrt þ.22,hiti frá +0 til +8 stig.

23:Norðaustan kaldi í fyrstu síðan stinningsgola,en SSV gola um kvöldið,rigning,slydda,hiti +1 til +4 stig.

24-27:Suðlægar vindáttir eða breytilegar,logn,andvari eða gola,él þ.27,annars þurrt,hiti frá +2 stigum niðri -5 stig.

28-29:Norðaustan eða Norðan hvassviðri eða stormur,snjókoma,hiti frá +2 stigum niðri -5 stiga frost.

30:Austlæg vindátt,stinningsgola síðan gola,smá él um morguninn,frost -4 til -6 stig.

Úrkoman mældist 100,7 mm. (í nóvember 2010:68,8 mm.)

Þurrir dagar voru 6.

Mestur hiti mældist 12,4 stig þann 15.

Mest frost mældist -5,5 stig þann 30.

Alhvít jörð var í 4 daga.

Flekkótt jörð var í 1 dag.

Auð jörð því í 25 daga.

Mesta snjódýpt mældist þann 29 og 30 = 5 cm.
Meðalhiti var:+3,0 stig.

Meðalhiti við jörð var +0,21 stig.(í nóvember 2010:-1,91 stig.)

Sjóveður:Mjög slæmt eða ekkert sjóveður 1-2 og 3 og einnig 28-29 og 30.Annars sæmilegt eða ágætt sjóveður.

Tekið saman af Jóni G Guðjónssyni veðurathugunarmanni í Litlu-Ávík.

Veðrið í Október 2011.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði þann fyrsta með Suðvestan roki sem gekk niður aðfaranótt 2. Síðan var mjög umhleypingasamt yfirleitt.

Þann 16 og 17 gerði NA og N áhlaup rigningu og síðan slyddu,það veður var gengið niður þann 18. Síðan voru suðlægar vindáttir 18 til 21. Síðan voru hafáttir út mánuðinn,og endaði mánuðurinn með NA hvassviðri. Mánuðurinn var

umhleypingasamur í heild og mjög úrkomusamur.Vindur náði meir en 12 vindstigum eða 39 m/s þann 1. í kviðum.

Alhvít jörð á láglendi var fyrst talin þann 7.

 

Yfirlit dagar eða vikur:

1:Suðvestan rok,stormur síðan hvassviðri,rigning og síðan skúrir,hiti 7 til 9 stig.

2:Suðaustan í fyrstu síðan breytileg vindátt,kaldi,stinningsgola,síðan gola,rigning,hiti frá 9 stigum niðri 7 stig,kólnandi.

3-6:Norðaustan og síðan Norðan,kaldi og uppí hvassviðri þ.5,vindur datt síðan niður þ.6,rigning,slydda,hiti frá 5 stigum og niðrí 1 stig.

7:Breytileg vindátt með andvara eða kuli,snjókoma um tíma,hiti -0,3 stigi uppí +2 stig.

8-12:Umhleypingasamt Suðvestlægur til Austlægra vindátta,
kul,kaldi,allhvass,snjókoma,slydda,rigning,él,hiti -2 til +9 stig.

13-15:Suðlægar vindáttir stinningsgola,kaldi og stinningskaldi,rigning eða skúrir,hiti +4 til +13 stig.

16-17:Norðaustan og síðan Norðan,allhvasst,hvassviðri,stormur og rok,rigning,slydda,hiti +2 til +6 stig.

18:Norðan í fyrstu síðan Vestlægur,kaldi,stinningsgola,þurrt í veðri,hiti frá -1,4 til +2 stig.

19-21:Sunnan og SV gola eða stinningsgola,þurrt þ.19 annars rigning eða skúrir,hiti frá -1 stigi til +7 stig.

22-Norðan og NA gola,stinningsgola,kaldi og stinningskaldi en allhvass og hvassviðri síðustu þrjá daga mánaðar,él,snjókoma,skúrir slydda,hiti frá -0 stigum uppí +6 stig.

 

Úrkoman mældist 194,4 mm. (í október 2010=97,2 mm).

Þurrir dagar voru 4.

Mestur hiti var 13,5 stig þann 13.

Mest frost var -1,9 stig þann 12.

Alhvít jörð var í 2 daga.

Flekkótt jörð var í 6 daga.

Auð jörð því í  23 daga.

Mesta snjódýpt mældist 2 cm þann 10.
Meðalhiti var: +3,7 stig.

Meðalhiti við jörð +1,25 stig.(í október 2010= +2,25 stig).

Sjóveður:Oftast slæmt eða mjög slæmt sjóveður í mánuðinum.

Tekið saman af Jóni G Guðjónssyni veðurathugunarmanni í Litlu-Ávík.