Anna Jónsdóttir verður með tónleika Laugardaginn 10. ágúst, kl. 22:00 í gamla lýsistanknum í Djúpavík! Á dagskrá tónleikanna eru íslensk þjóðlög. Þar er að finna lýsingar á fólki, börnum, fuglum, dýrum, fegurð náttúrnnar, óblíðum náttúruöflum, ástinni, veðrinu, draugum, þar eru vögguvísur, heilræðisvísur, eftirmæli, bænir og Guð. Milli atriða mun Anna segja frá lögunum og kvæðunum.
Anna Jónsdóttir er fædd í Reykjavík. Hún lærði við Nýja Tónlistarskólann hjá Alinu Dubik og lauk þaðan burtfararprófi vorið 2003. Árið eftir stundaði hún nám við Tónlistarháskólann í Búkarest þar sem aðalkennari hennar var Maria Slatinaru. Hún lauk svo einsöngvaraprófi frá Nýja Tónlistarskólanum í nóvember 2004 undir handleiðslu Alinu Dubik. Anna hélt debut-tónleika í Hafnarborg haustið 2006. Árið 2008 gaf hún út sinn fyrsta hljómdisk, Móðurást, en á honum eru íslensk sönglög sem fjalla öll á einhvern hátt um móðurkærleikann. Sumarið 2010 tók Anna þátt í alþjóðlegu tónlistarsamstarfi á vegum Music Art Omi International í Ghent í New York fylki, þar sem hún dvaldi sem gistilistamaður. 2012 tók hún þátt í tónlistarhátíðinni SonicExchange í Kassel í Þýskalandi.
Meira

Í vor eftir sauðburð og önnur útiverk var farið að saga í Litlu-Ávík að fullu í pantanir sem borist höfðu. Sigursteinn Sveinbjörnsson var beðinn að saga efni í miðaldabát sem fer að Reykhólum til Hjalta Hafþórssonar sem er að gera upp báta og smíðar einnig nýja báta og heldur þar með þessari þekkingu við að smíða báta úr rekaviði eins og tíðkaðist áður fyrr allt frá fornöld.

Sigursteinn hafði talsvert fyrir því að finna rétt efni til að saga í bátinn,kjölur og stefni þurftu að vera úr harðviði helst úr rauðaviði,en í byrðingsborðin úr furu og nokkuð sveiganlegu efni. Allt náðist þetta nú fyrir rest. Sigursteinn sagaði líka efni í bátaefni í fyrra fyrir Hjalta.

Meira

Í ýmsu var að snúast hjá Lögreglunni á Vestjörðum um liðna helgi,verslunarmannahelgina. Tvö umferðaróhöpp urðu um helgina  í umdæmi lögreglunnar á Vestfjörðum.  Um var að ræða bílveltu á Bjarnafjarðarhálsi í Strandasýslu um kl.14:00 og önnur við bæinn Ögur í Ísafjarðardjúpi um kl.17:00 í gærdag (5. ágúst).  Meiðsl ökumanna og farþega reyndust ekki alvarleg í þessum tilvikum, enda allir með öryggisbelti spennt.  Í öðru tilvikinu virðist ökumaður hafa sofnað við aksturinn. Hér
Meira

Rafmagn verður tekið af Árneshreppi í kvöld klukkan 23:00. (klukkan ellefu). Rafmagn fer af öllum bæjum nema Djúpavík og Reykjarfirði,rafmagnslaust verður eitthvað fram eftir nóttu. Menn frá Orkubúi Vestfjarða á Hólmavík eru að fara að vinna við níu jarðstrengina og tengja þá að hluta inn á kerfið í stað stauralínanna. Einnig verður rafmagnslaust næstu daga á nokkrum bæjum í senn þegar tengdir verða bæjir við nýja kerfið,jarðkapalskerfið allt frá Melum og að Kjörvogi. Engar truflanir ættu
Meira

Ingibjörg Jónsdóttir hjá Jarðvísindastofnun Háskóla Íslands hefur sent vefnum kort og myndir af hafísjökum sem eru við Horn og úti fyrir Húnaflóa.  Það var auðvelt að finna jakann við Horn því hann kom einnig fram sem hitafrávik á hitamyndum,segir Ingibjörg,en því miður eru ekki  nógu gott kort af skerjum á þessu svæði til að vita hvað er sker og hvað er lítill jaki,þeir minnstu ná sennilega ekki að koma fram á hitamyndinni. Sem sagt,ef sjást þarna ljósir blettir á sjónum sem ekki er kannast við sem sker,gæti verið um jaka að ræða. Ingibjörg setti spurningamerki inn á yfirlitskortið til öryggis.
Meira

Í firradag (1. ágúst) voru 7 ökumenn á leið til Ísafjarðar kærðir fyrir of hraðan akstur. Flestir þeirra voru í Ísafjarðardjúpi. Sá sem hraðast ók var mældur á 128 km. hraða. Sá má búast við sekt sem hljóðar upp á 70.000.- kr. Þá var einn farþegi sem kom með áætlunarvél til Ísafjarðar tekinn með 2 gr. af kannabisefnum. Fíkniefnahundurinn Clarrissa aðstoðaði lögreglumenn í því tilviki. Einn aðili var vistaður í fangageymslu á Ísafirði í firrinótt sökum ölvunar og óláta. Einn ökumaður var kærður fyrir að aka um á negldum hjólbörðum og þrír ökumenn voru kærðir fyrir að virða ekki stöðvunarskyldu á Ísafirði. Lögreglan býst við töluverðri umferð til Ísafjarðar í tengslum við Mýrarboltamót sem þar verður haldið um verslunarmannahelgina.  Ökumenn eru hvattir til að stilla hraða í hóf og vera vel upplagðir við aksturinn.  Lögreglan mun auka umferðareftirlit alla helgina og ekki aðeins á Ísafirði og nágrenni heldur Vestfjörðum öllum. 
Meira

Borgarísjaki sást í gær norðan við Hornbjargsvita,sem og jaki norðar sem er ansi stór,tæp sjómíla á lengd (67°11'N 22°49'V) Nú í nótt birti til og þá var hægt að fá þessa góðu hitamynd sem bakgrunn. Ingibjörg Jónsdóttir landfræðingur hjá
Jarðvísindastofnun Háskóla Íslands hefur tekið saman og merkt inn á kort sem hægt var en mjög skýjað var og ekki sást vel inn á Húnaflóann. Einnig sást borgarís frá Hraunadal í Fljótum,sá jaki mjakaðist í átt að Skagafirði í gær. Hér
er kort og ísmynd. Þar sem Ingibjörg hefur bætt við tilkynningum frá Veðurstofunni og Landhelgisgæslunni,þó fjarlægð sé áætluð á sumum tilkynningunum.
Meira

Yfirlit yfir veðrið frá veðurstöðinni í Litlu-Ávík.

Mánuðurinn var umhleypingasamur í byrjun og fram til 7. Síðan oftast hafáttir eða breytilegar með fremur hægu veðri en nokkuð vætusömu og oft þokulofti. Suðlægar vindáttir voru frá 19. til 22. með litilsáttar úrkomu. Þegar suðlægar vindáttir voru hlýnaði vel í veðri,enn oft voru skúrir eða rigning í þessum suðlægu vindáttum. (sjá yfirlit dagar eða vikur). Síðan voru hafáttir aftur með þokulofti og súld með köflum út mánuðinn. Mánuðurinn var fremur kaldur í heild,miðað við árstíma,þótt nokkrir mjög hlýir dagar hafi verið. Kaldara var fyrri hluta mánaðar og einnig í seinnihluta mánaðar. Alveg úrkomu lausir dagar voru aðeins sex í mánuðinum.

Heyskapur hefur ekki gengið vel vegna vætutíðar í mánuðinum,en sprettutíð var góð í mánuðinum. Heyfengur og gæði talin góð. Enn í lok mánaðar voru margir bændur búnir að ljúka fyrri slætti og sumir alveg búnir,þeir sem slá ekki seinni slátt. Á einum bæ eru talsverðar kalskemmdir.

 

Yfirlit dagar eða vikur:

Meira

Hér með er athygli ykkar lesendur góðir vakin á því að laugardaginn 3.ágúst 2013 milli klukkan 23:00 og 03:00 verður hið landsfræga verslunarmannahelgarball haldið í samkomuhúsinu Árnesi í Trékyllisvík. Þar sem hljómsveitin Blek og byttur munu halda uppi stuðinu líkt og undanfarin ár og heilla alla í dansskóna og uppúr þeim aftur.! Aðgangseyrir er litlar 3.200.kr og það verður POSI á staðnum. Sjáumst
Meira

Mikil gleði verður í Kaffi Norðurfirði um Verslunarmannahelgina. Karl Hallgrímsson úr hljómsveitinni Blek og Byttum verður með kráarstemmdara í bland við útilegufíling föstudaginn 2. ágúst kl. 21.00. Mun hann halda uppi stuðinu ásamt gestum fram á nótt líkt og í fyrra, en þá var fullt út að dyrum og í ár verður ekkert gefið eftir. Aðgangseyrir eruörlitlar 1000.- krónur við innganginn. Matargestir greiða einnig miðaverð sitji þeir áfram.
Meira