Frá Atvinnuþróunarfélagi Vestfjarða.
Atvinnuþróunarfélag Vestfjarða hefur verið að vinna að og móta verkefni er varðar matartengda ferðaþjónustu. Markmið með þeirri vinnu er að efla
samstarf innan svæðis er varðar staðbundna matvælaframleiðslu og leiða saman aðila frá veitingahúsum, verslunum, ferðaþjónustu og matvælaframleiðendur í þeim tilgangi að vinna saman að vöruþróun, sameiginlegri markaðssetningu og ýmislegt fleira. Það er alveg ljóst að möguleikarnir eru miklir og ýmis tækifæri vannýtt t.a.m. hvað varðar matvælaframleiðslu á Vestfjörðum.

Nú leitum við af aðilum í þessum greinum sem vilja koma að undirbúningi og þróun með okkur að verkefninu. Það er mikilvægt að bæði reynslumiklir og áhugasamir aðilar komi að þróuninni í upphafi og hafi þar með áhrif á verkefnið og vinnuna sem framundan er. Verkefnið mun svo vera opið öllum til þátttöku þegar undirbúningsferli er lokið.

Markmið verkefnisins eru m.a.:
- Byggja á sérstöðu svæðisins til að skapa virðisauka
- Efla samstarf innan og utan svæðis
- Gera vestfirsk matvæli sýnileg
- Nýjungar í framreiðslu
- Safna og vernda vinnuaðferðir og hefðir
- Auka gæðaímynd
- Hvetja veitingastaði til að nota staðbundið hráefni 


Við hvetjum fyrirtæki til að hafa samband við starfsmenn Atvest á Ísafirði, Hólmavík og Patreksfirði til að kynnast verkefninu og skrá sig til þátttöku í undirbúningshópinn.

Starfsmenn Atvest,

Ásgerður Ísafirði, sími 450 3053,
Viktoría Hólmavík, sími 451 0077
Guðrún Patreksfirði, sími 490 2350

Seint í gær og í gærkvöld var byrjað að klæða þakið á Finnbogastöðum með þakpappa,síðan átti að halda áfram við það í morgun en varla vinnandi uppá þaki vegna ísingar.

Gífurleg ísing hefur verið í dag og allt fljúgandi sleipt og ísað.

Menn frá Orkubúi Vestfjarða á Hólmavík voru að tengja rafmgnskassa(skáp)við húsið fyrir nýtt rafmagnsinntak og láta upp nýjan ljósastaur og tengja.

Kristján Guðmundsson sá um að grafa fyrir köplum og staur fyrir Orkubúið.

Eins og kom fram í gær fara smiðirnir í frí seint í dag í helgarfrí.

Fleiri myndir í myndasafni. 

Unnið í þaki.

Í dag var verið að vinna við að klæða þakið á Finnbogastöðum í góðu veðri en talsverðu frosti.

Í dag verður langt komið með að klæða þakið og nú undir kvöld má segja að húsið sé fokhelt,enn vantar útihurðir en búið er að setja plötur til bráðabyrgða í bílskúrsdyr þar sem stóra hurðin á að vera.

Nú er jafnvel byrjað að setja tjörupappa á þakið.

Kristján Guðmundsson var mættur nú seinnipartinn með gröfu fyrir Orkubú Vestfjarða á Hólmavík til að grafa fyrir rafmagnsinntaki úr endastaur og í hús.

Um komandi helgi fara smiðirnir í frí,en þeyr taka frí aðra hvora helgi.

Átta nýjar myndir settar inn í Myndaalbúm.

 

Í gærdag handtók lögreglan á Vestfjörðum tvo menn sem voru að koma með áætlunarflugi til Ísafjarðar frá Reykjavík.  Þeir voru grunaðir um að hafa fíkniefni í fórum sínum. Við leit á mönnunum fannst lítilræði af kannabisefnum og ætluðu amfetamíni.  Mönnunum var sleppt að yfirheyrslu lokinni.  Þeir hafa báðir komið við sögu lögreglu áður.

Á árinu 2008 hefur lögreglunni á Vestfjörðum orðið vel ágengt í fíkniefnaeftirliti.  Það sem af er þessu ári hefur lögreglan  lagt hald á 800 grömm af fíkniefnum í 41 haldlagningu.  Til samanburðar hefur að meðalatali verið lagt hald á um 220 grömm af fíkniefnum í 22 haldlagningum, undanfarin 5 ár.   

Lögreglan á Vestfjörðum hvetur almenning til að vera vel á varðbergi og veita allar upplýsingar um fíkniefnameðhöndlun, því ekkert verður gefið eftir gagnvart fíkniefnadreifingu  í umdæminu. Þeir sem hafa slíkar upplýsingar vinsamlegast hafi samband í síma lögreglunnar á Vestfjörðum  450 3730 eða símsvara lögreglunnar og tollgæslunnar á landsvísu 800 5005. 

Vefurinn Litlihjalli hefur nú fyrir stuttu síðan gerst áskifandi að vef Lögreglunnar og fær því allar nýustu fréttir af Lögregluvefnum.
Áður var vefsíðan komin með áskrift af vef Ríkislögreglustjóra og Almannvörnum í gegnum þann vef.
Báða þessa vefi er hægt að sjá undir tenglum hér á síðunni.
Það munu verða sagðar fréttir af störfum Lögreglunnar á Vestfjörðum einu sinni eða oftar í viku ef þurfa þykir,og fréttir annarsstaðar frá ef efni standa til.
Og allar orðsendingar frá Ríkislögreglustjóra sambandi við viðvarinir,vegna veðurs eða annarra viðvarana.
Hér kemur svo fyrsta fréttin af störfum Lögregunnar á Vestfjörðum.

Þrjú umferðaróhöpp voru tilkynnt til lögreglunnar á Vestfjörðum í síðustu viku.  Á þriðjudeginum var bifreið ekið á grjót á veginum um Súðavíkurhlíð og urðu einhverjar skemmdir á bifreiðinni.  Þann sama dag var ekið á kyrrstæða bifreið á bifreiðastæði fyrir framan Landsbankann á Ísafirði.  Á miðvikudaginn varð bifreið fyrir grjóthruni úr Óshlíð.  Bifreiðin skemmdist talsvert og var flutt óökufær af vettvangi.  Ökumaður, sem var einn í bifreiðinni, hlaut minniháttar meiðsl.

Þrír ökumenn voru kærðir fyrir of hraðan akstur. Sá sem hraðast ók var stöðvaður á 115 km. hraða á Barðastrandavegi en þar er hámarkshraði 90 km/klst.

Á fimmtudaginn kl. 17:40 var tilkynnt um að eldur væri laus í rusli á bak við Faktorshúsið á Ísafirði.   Eldurinn var slökktur fljótlega og engar skemmdir urðu á húsinu.  Talið er líklegt að börn eða unglingar hafi borið eld að ruslinu og er málið í rannsókn.

Tveir menn gistu fangageymslur á Ísafirði vegna ölvunar og óspekta, aðfaranótt sunnudagsins. Þeir voru handteknir eftir að annar þeirra reyndi að sparka í lögreglubifreið sem ekið var fram hjá þeim á Hafnargötu í Bolungarvík.  Er maðurinn var handtekinn réðst félagi hans á lögreglumenn og  var sá handtekinn í kjölfarið.

Í dag var byrjað að klæða þakið.

Nú í dag var hægt að byrja að klæða þakið á hinu nýja húsi að Finnbogastöðum.

Vegna veðurs um helgina var það ekki hægt vegna,hvassviðris og leiðindaveðurs og í gær snjókomu,en eftir hádegi var veður farið að ganga niður og minkandi éljaveður,og var þá byrjað að klæða þakið.

Um helgina var ýmislegt gert og undirbúið og fyrir utan að píparar tengdu hitatúpu,var rotþróin sett niður og lagnir að henni,enn búið var að grafa fyrir henni löngu áður,og frostlaust var og auð jörð á sunnudag til að tengja hana við lagnir og moka yfir.

Í dag tók fréttaritari Litlahjalla nokkrar myndir og eru þær komnar í Myndasafn vefsíðunnar undir,Finnbogastaðir-Bruninn og Uppbygging.

 

Ég vil minna á Áfram Finnbogastaðir þar sem Hrafn Jökulsson hefur bætt inn um ferli uppbyggingarinnar á Finnbogastöðum, á netfanginu http://www.trekyllisvik.blog.is/

Og minnt er á söfnunina Áfram Finnbogastaðir sem enn er í fullum gangi:

Söfnunarnúmerið er.=1161-26-001050-ke 451089-2509.

Flugfélagið Ernir eru búnir að fljúga á Gjögur í morgun,en ekki var hægt að fljúga á Gjögur í gær vegna veðurs.
Flugvélin kom á Gjögur kl um 09:10 í morgun.

Nú er verið að moka veginn norður í Árneshrepp frá Bjarnarfirði,þúngfært var orðið ef ekki ófært á stöku stað eftir snjókomuna í gær.

Húmorsþing Þjóðfræðistofu -14. og 15. nóvember 2008

Þjóðfræðistofa, í samstarfi við Háskóla Íslands, stendur fyrir málþingi um

húmor sem fræðilegt viðfangsefni. Á málþinginu, sem haldið verður á

Hólmavík, munu bæði innlendir sem erlendir fræðimenn og gamanleikarar stíga

á stokk. Varpað verður ljósi á nýjustu rannsóknir á húmor og hlutverk þess

t.d. í munnlegri hefð, fjölmiðlum, söfnum og í samskiptum fólks a óliku

þjóðerni. Fram koma meðal annarra Þorsteinn Guðmundsson gamanleikari og

rithöfundur og Elliott Oring prófessor við Kaliforníuháskóla. Rætt verður um

hin ýmsu form húmors, svo sem brandara, uppistand, satírur og kaldhæðni

ásamt margvíslegri iðkun þeirra í daglegu lífi. Þá verður boðið til veislu

og skemmtunar en á boðstólum verða m.a. gamanmál, glens, skens og hvers

kyns fyndni. Auk þess verða móttökur á ljósmynda- og skopteikningasýningu og

efnt verður til brandarakeppni.

Áhugasamir hafi samband í netfangið www.icef.is.

Á meðal þátttakenda eru:

Elliott Oring, California State University

Kristinn Schram, Þjóðfræðistofu

Kristín Einarsdóttir, Háskóli Íslands

Kolbeinn Proppé, Fréttablaðið

Jón Jónsson, Sögusmiðjan

Sigurjón Baldur Hafsteinsson, Safnahúsið á Húsavík

Enn má senda inn tillögur að fyrirlestrum (og góða brandara) í www.icef.is.

Gisting á Hólmavík og nágrenni

Ferðaþjónustan Kirkjuból: S: 451 3474

Gistiheimilið Borgabraut, Hólmavík 4: S: 451 3136

Malargisting, Drangsnesi: S: 451 3238

Hótel Laugarhóll, Bjarnarfirði: S: 451 3380 -

Að sögn Sveindísar Guðfinnsdóttur flugvallarvarðar á Gjögurflugvelli hefur flugi verið aflýst á Gjögur í dag.
Snjókoma er og mikið dimmviðri og hiti um frostmark.
Athugað verður með flug á morgun.

Nú í dag eru pípulagningarmennirnir Hilmar Hjartarson og Gunnlaugur Jóhannesson að tengja hitatúpu,og verður hún til bráðabirgða þar til varmadæla kemur,ætlunin er að geta hitað upp þegar búið er að klæða þakið,allar hitalagnir eru í gólfinu(Plötunni),en plast er nú yfir hluta bílskúrsþaks til að verja tengigrind og túpu.

Einnig er verið að vinna í þaki við að loka á milli sperra en þar eru loftgöt á með neti í.

Ýmislgt annað er verið að vinna við og undirbúa.

Yfirsmiðurinn Ástbjörn er frekar að lagast að eigin sögn,er farin að tylla í fótin og gengur við eina hækju,en hann snéri sig á ökla nú í vikunni.

Það skal minnt á Myndaalbúmið hér til hægri undir Finnbogastaðir Bruninn og Uppbygging þar sem myndir eru í röð og dagsettar frá brunanum 16 júní og fram til dagsins í dag vegna uppbyggingarinnar á Finnbogastöðum í réttri röð.