Í dag var byrjað að klæða þakið.

Nú í dag var hægt að byrja að klæða þakið á hinu nýja húsi að Finnbogastöðum.

Vegna veðurs um helgina var það ekki hægt vegna,hvassviðris og leiðindaveðurs og í gær snjókomu,en eftir hádegi var veður farið að ganga niður og minkandi éljaveður,og var þá byrjað að klæða þakið.

Um helgina var ýmislegt gert og undirbúið og fyrir utan að píparar tengdu hitatúpu,var rotþróin sett niður og lagnir að henni,enn búið var að grafa fyrir henni löngu áður,og frostlaust var og auð jörð á sunnudag til að tengja hana við lagnir og moka yfir.

Í dag tók fréttaritari Litlahjalla nokkrar myndir og eru þær komnar í Myndasafn vefsíðunnar undir,Finnbogastaðir-Bruninn og Uppbygging.

 

Ég vil minna á Áfram Finnbogastaðir þar sem Hrafn Jökulsson hefur bætt inn um ferli uppbyggingarinnar á Finnbogastöðum, á netfanginu http://www.trekyllisvik.blog.is/

Og minnt er á söfnunina Áfram Finnbogastaðir sem enn er í fullum gangi:

Söfnunarnúmerið er.=1161-26-001050-ke 451089-2509.

Flugfélagið Ernir eru búnir að fljúga á Gjögur í morgun,en ekki var hægt að fljúga á Gjögur í gær vegna veðurs.
Flugvélin kom á Gjögur kl um 09:10 í morgun.

Nú er verið að moka veginn norður í Árneshrepp frá Bjarnarfirði,þúngfært var orðið ef ekki ófært á stöku stað eftir snjókomuna í gær.

Húmorsþing Þjóðfræðistofu -14. og 15. nóvember 2008

Þjóðfræðistofa, í samstarfi við Háskóla Íslands, stendur fyrir málþingi um

húmor sem fræðilegt viðfangsefni. Á málþinginu, sem haldið verður á

Hólmavík, munu bæði innlendir sem erlendir fræðimenn og gamanleikarar stíga

á stokk. Varpað verður ljósi á nýjustu rannsóknir á húmor og hlutverk þess

t.d. í munnlegri hefð, fjölmiðlum, söfnum og í samskiptum fólks a óliku

þjóðerni. Fram koma meðal annarra Þorsteinn Guðmundsson gamanleikari og

rithöfundur og Elliott Oring prófessor við Kaliforníuháskóla. Rætt verður um

hin ýmsu form húmors, svo sem brandara, uppistand, satírur og kaldhæðni

ásamt margvíslegri iðkun þeirra í daglegu lífi. Þá verður boðið til veislu

og skemmtunar en á boðstólum verða m.a. gamanmál, glens, skens og hvers

kyns fyndni. Auk þess verða móttökur á ljósmynda- og skopteikningasýningu og

efnt verður til brandarakeppni.

Áhugasamir hafi samband í netfangið www.icef.is.

Á meðal þátttakenda eru:

Elliott Oring, California State University

Kristinn Schram, Þjóðfræðistofu

Kristín Einarsdóttir, Háskóli Íslands

Kolbeinn Proppé, Fréttablaðið

Jón Jónsson, Sögusmiðjan

Sigurjón Baldur Hafsteinsson, Safnahúsið á Húsavík

Enn má senda inn tillögur að fyrirlestrum (og góða brandara) í www.icef.is.

Gisting á Hólmavík og nágrenni

Ferðaþjónustan Kirkjuból: S: 451 3474

Gistiheimilið Borgabraut, Hólmavík 4: S: 451 3136

Malargisting, Drangsnesi: S: 451 3238

Hótel Laugarhóll, Bjarnarfirði: S: 451 3380 -

Að sögn Sveindísar Guðfinnsdóttur flugvallarvarðar á Gjögurflugvelli hefur flugi verið aflýst á Gjögur í dag.
Snjókoma er og mikið dimmviðri og hiti um frostmark.
Athugað verður með flug á morgun.

Nú í dag eru pípulagningarmennirnir Hilmar Hjartarson og Gunnlaugur Jóhannesson að tengja hitatúpu,og verður hún til bráðabirgða þar til varmadæla kemur,ætlunin er að geta hitað upp þegar búið er að klæða þakið,allar hitalagnir eru í gólfinu(Plötunni),en plast er nú yfir hluta bílskúrsþaks til að verja tengigrind og túpu.

Einnig er verið að vinna í þaki við að loka á milli sperra en þar eru loftgöt á með neti í.

Ýmislgt annað er verið að vinna við og undirbúa.

Yfirsmiðurinn Ástbjörn er frekar að lagast að eigin sögn,er farin að tylla í fótin og gengur við eina hækju,en hann snéri sig á ökla nú í vikunni.

Það skal minnt á Myndaalbúmið hér til hægri undir Finnbogastaðir Bruninn og Uppbygging þar sem myndir eru í röð og dagsettar frá brunanum 16 júní og fram til dagsins í dag vegna uppbyggingarinnar á Finnbogastöðum í réttri röð.

Hér á vefsíðunni undir Myndasafn og Finnbogastaðir Bruninn og Uppbygging,hefur vefstjóri verið að setja inn myndir frá Finnbogastöðum,frá brunanum mikla 16 júní 2008 og hreinsun þegar húsið var fellt einnig nú frá uppbyggingunni.

Nokkrar myndir koma þarna fram sem ekki hafa byrst áður undir fréttum.

Alltaf bætist við eftir því sem nýjar myndir eru teknar.

Ekki er allt komið inn núna í kvöld,en fljótlega ættu allar myndir sem til eru að vera komnar inn,þetta er seinlegt og tekur tíma.

Vonandi líkar lesendum þetta,allar Finnbogastaða myndir á einum stað.

Atvinnuþróunarfélag Vestfjarða hefur bætt við sig tveimur nýjum starfsmönnum á suðursvæði Vestfjarðakjálkans og eru þeir báðir staðsettir í Skor Þekkingarsetri á Patreksfirði.  Um er að ræða Guðrúnu Eggertsdóttur, sem nýlega var ráðin sem verkefnastjóri hjá atvest.  Guðrún er viðskiptafræðingur frá Háskólanum á Akureyri og hefur starfað undanfarið á Patreksfirði við kennslu og skrifstofustörf hjá Sýslumanninum á Patreksfirði.  Guðrún hefur komið að stofnun og rekstri fyrirtækja og unnið að markaðsáætlanagerð.  Starfssvið hennar verður nokkuð vítt og spannar m.a. hugmyndavinnu með frumkvöðlum og gerð viðskiptaáætlana auk almennrar ráðgjafar.
Meira

Smiðirnir Ástbjörn Jensson og Axel Már Smith sem eru úr Reykjavík byrjuðu aftur að vinna við húsið á Finnbogastöðum seint á þriðjudaginn eftir langt helgarfrí.

Nokkrir heimamenn eru nú að vinna með smiðunum eins og oftast hefur verið.

Kannski klárast í dag að setja sperrur,þetta er mikil vinna við minni sperrurnar og endana nóg er af hornunum á þakinu og seinleg vinna að stilla allt af.

Talsvert er enn í að húsið teljist fokhelt.

Yfirsmiðurinn Ástbjörn snéri sig á ökla og varð að fara til læknis á Hólmavík í morgun,en Ási er óbrotin að mati læknis en verður að vera með hækju.

Mjög hvasst var í gærmorgun,en hægviðri í dag bara blíða.

Veðrið í Október 2008.

Yfirlit yfir veðrið frá veðurstöðinni í Litlu-Ávík.

Mánuðurinn var umhleypingasamur og oft hvassviðri og einnig úrkomusamur.

Vindur náði 12 vindstigum eða 35 m/s í kviðum þann 31.

Miklar skemmdir urðu af völdum Hafróts(öldugangs) um helgina 24 og 25 október á Gjögurbryggju.

Sjór flæddi einnig inn í kjallara á húsi á Gjögri og braut upp kjallaradyr.

Fyrsti snjór á láglendi var að morgni þann 1,þá flekkótt jörð,enn alhvít jörð að morgni 2,dags mánaðar
Meira

Strax í morgun gekk vindur í suðvestan storm 23 m/s og eða rok 26 m/s á stundum í jafnavind.
Vindur gekk talsvert niður uppúr hádegi í um tvo tíma,sérstaklega á Gjögurflugvelli,og flugu Ernir þá á Gjögur um kl 14:00.
Síðan er þetta orðið aftur svipað,hviður fara eins og í morgun í 35 m/s eða í tólf vindstig gömul hér á veðurstöðinni í Litlu-Ávík.
Eftir veðurspá lægir ekkert að ráði fyrr enn á morgun.