Rafmagn fór af Árneshreppi um kl 10:25 í morgun,samkvæmt viðtali við Orkubú Vestfjarða á Hólmavík er verið að athuga línur og spennistöð í Selárdal í Steingrímsfirði áður en athugað er með Trékyllisheiði ef það er hægt vegna veðurs.
Dísil vélar eru keyrðar víða í hreppnum,í Litlu-Ávík er keyrt inná rafgeyma fyrir fjarskiptastöð Símans,svo sími detti ekki út því aldrei er sími  eins mikið notaður og í rafmagnsleysi og eins fyrir veðurstöðina.

Á gervihnattamyndum frá því 21. október sést að hafís er kominn inn á norðanvert Grænlandssund, eða suður af Scorebysundi. Þetta er heldur meiri hafís á þessu svæði, en í meðalári í október.

Undanfarna daga hefur hafísinn verið að færast heldur suður á bóginn og má búast við að sú þróun haldi áfram.

Á meðfylgjandi mynd má sjá hafísinn meðfram austurströnd Grænlands og hvernig hann teygir sig suður fyrir Scorebysund.  Hafísröndin var 21. október u.þ.b. 190 km norðvestur af Vestfjörðum. 
Einnig er hér með kort frá Jarðvísindastofnun Háskólans frá því í gær þar sem Ingibjörg Jónsdóttir hefur sett inn strandlínur.

Úlfar Eyjólfsson bóndi á Krossnesi er að láta bora fyrir heitu vatni á jörð sinni rétt hjá þar sem heita uppsprettan er við sundlaugina.

Er ætlunin að fá meira heitt vatn allt uppí 70 gráðu heitt.

Ætlunin er að bæta heitavatnið á bænum að Krossnesi til upphitunar,en þar hefur verið hitað upp með hveravatni í nokkur ár. Og ekki síst að bæta heita vatnið fyrir sundlaugina og heita pottinn,en ekki hefur reynst nóg heitt vatn þar síðan heiti potturinn kom.Og jafnvel ef nógu heitt og nóg rennsli verður að nota það til upphitunar húsa á Norðurfjarðarbæjunum seinna meir.

Meira

Kórinn á 50 ára starfsafmæli í ár. Af því tilefni heldur hann afmælishátíð í Langholtskirkju laugardaginn 25. október kl. 16.

Stjórnandi kórsins er Krisztína Szklenár. Einsöngvari með kórnum er Jóhann Friðgeir Valdimarsson.

 

Ásamt Kór Átthagafélags Strandamanna koma eftirtaldir kórar fram:

Kvennakórinn Norðurljós frá Hólmavík

Landsvirkjunarkórinn

Karlakór Kjalnesinga

Kvennakór Garðabæjar

Húnakórinn

 

Allir eru hjartanlega velkomnir til að fagna þessum tímamótum.

Aðgangseyrir 1000 kr.

Nú er verið að moka norður í Árneshrepp frá Bjarnarfirði,mjög þungfært hefur verið síðustu daga.
Einnig er hreinsað innansveitar þar sem þarf.
Leiðindaveðri er spáð næsta fimmtudag og föstudag,með norðan eða norðaustan hvassviðri með ofankomu og frosti.

Nú er búið að aflýsa flugi á Gjögur í dag vegna veðurs.
Mjög dimm él eru og hvassviðri.
Athugað verður á mogrun kl 13:00.

Eins og frá var greynt í gærkvöldi var alveg rafmagnslaust fyrir norðan Mela,en menn frá Orkubúinu á Hólmavík komu norður og fundu bilunina sem var í múffu við inntakið við Krossnes,sem hafði brunnið í sundur,einnig var smá ísing og sjávarselta á línum sem olli útslætti.

Rafmagn fór alveg af Krossnesi og Felli uppúr kl 18:30 í kvöld,síðan um 19:45 fór rafmagn af allri sveitinni til um kl 20:40,en þá kom ekkert rafmagn á aftur fyrir norðan Mela,en rafmagn á öllu frá Trékyllisvík og innúr.
Orkubúsmenn eru á leið norður frá Hólmavík að athuga hvað er að.
Norðnorðaustanátt er um 13 til 15 m/s með smá éljum og hiti um frostmark.

Átthagafélag Strandamanna auglýsir dansleik 18 október.

Haustballið verður haldið í Breiðfirðingabúð Faxafeni 14, 2.hæð laugardaginn 18 október.

Hin frábæra hljómsveit KLASSÍK með hinum frábæra Hauki Ingibergssyni leikur fyrir dansi,

Frá kl .22:00 til kl .02:00.

Miðaverðið er aðeins 1.500 krónur.

Skemmtinefnd hvetur alla félagsmenn að koma og dusta rykið af dansskónum og taka með sér gesti.Mætum öll hress og kát og í dansstuði.

 

Einingahúsið kom í gærkvöld í tveim 40 feta gámum,tveir bílar komu að sunnan með þá.

Nú í dag er verið að losa gámana nokkrir menn eru við það auk Ágústs Guðjónsson frá Hólmavík sem kom með vörubíl með krana til að hífa þyngstu einingarnar.

Smiðir koma kannski næsta mánudag og hefjast handa við að reisa húsið ef veður leyfir.

Dalkó ehf í Kópavogi flytur þessi kanadiskuhús inn.