Flugfélagið Ernir flugu á Gjögur í dag,en ekkert hefur verið flogið síðan á þriðjudag vegna veðurs,en þá var mánudagsflugið flogið en ófært var á mánudaginn 20 október vegna veðurs.

Þannig að nú fengu Árneshreppsbúar viku póst.

Vatnið 65 gráðu heitt.

Það er hægt að seigja að vel hafi gengið að bora á Krossnesi með jarðbornum Klaka.

En nú er hætt borun þegar komið er á 90 metra dýpi og komið 64,8 stiga heitt vatn og rennslið er 14 sekúndulítrar.

Ætlunin var að bora niðrá allt að 200 metra dýpi en Haukur Jóhannesson jarðfræðingur lét stoppa nú þegar þessi árangur er komin svona fljótt.

;Hann segir þetta duga fyrir hitaveitu seinna meyr ef farið verður í að leggja hitaveitu inn í Norðurfjörð og hita upp bæina þar;.

Nú eru bormennirnir frá Vatnsborun ehf að flytja borinn út á Ytra Skarð þar sem ætlunin er að bora könnunarholu eða hitstigulsholu.

Í sjóganginum og óveðrinu síðustu daga stórskemmdist bryggjan á Gjögri,ef hún er ekki þá ónýt.

Stærðar gat er í bryggjugólfið rétt ofan við kranann sem stendur eins og minnismerki ennþá.

Allur fremri endi bryggjunnar er mjög ílla farin.

Meðfylgjandi myndir lýsa best skemmdunum.

Ekki er vitað enn um aðrar meiri háttar skemmdir af völdum sjógangs nema víða hefur myndast rof í jarðveg við ströndina,og grjót og rusl á veginum í Árneskróknum.

Nú undanfarna daga hefur verið mikill sjógangur hér við ströndina.

Veðurstöðvar hér við Húnaflóa og á Sauðanesvita hafa verið að gefa upp sjólag Stórsjó eða Hafrót.Í Stórsjó er ölduhæð áætluð 6 til 9 metrar.

Í Hafróti er ölduhæð áætluð 9 til 14 metrar.

Allt ber þetta saman við mælingar öldudufla á þessum slóðum.

Hér í Litlu-Ávík hefur sjór gengið inn í fjárhúskjallara sem skeður ekki nema í mestu sjóum.
Þetta er örugglega mesti sjógangur sem hefur komið síðan haustið 1995.
Myndin hér með er tekin um kl 10:30 í gær en háflæði var þá kl 06:00

Viðbúnaði vegna snjóflóðahættu í þéttbýlisstöðum aflétt.
Snjóflóðadeild Veðurstofunnar hefur aflétt viðbúnaði vegna snjóflóðahættu fyrir þéttbýlisstaði á Norðurlandi.  Næsta sólarhringinn er áfram búist við norðanátt með snjókomu eða éljum Norðanlands þannig að rétt er að vegfarendur sem fara um þekkt snjóflóðasvæði hafi vara á sér.

Almannavarnardeild vill minna á viðvörun frá Veðurstofu Íslands.
Viðbúnaðatstig vegna snjóflóðahættu.
Veðurstofan hefur gefið út viðvörun um að búist sé við norðan stórhríð Norðanlands í kvöld og nótt með norðvestan 18-25 m/s.  Snjóflóðadeild Veðurstofunnar hefur lýst yfir viðbúnaðarstigi vegna snjóflóðahættu Norðanlands.

Þegar undirritaður vaknaði 05:40 til að senda veður var komið rafmagn,en það hafði slegið út lekaliði og því ekki vaknað þegar rafmagn komst á.
Bilunin reyndist svo vera fyrir neðan Bólstað.
Rafmagn komst á rétt um kl 02:00 í nótt,eftir margar ferðir Orkubúsmanna upp á Trékyllisheiði og víðar.
Enn er keirð dísivél á Drangsnesi en þar er brotinn staur og slitið.

Nú eru viðgerðarmenn frá Orkubúinu á Hólmavík að útbúa sig aftur til að fara upp á Trékyllisheiði og þá norður fyrir björgunarskýlið og í norður til Djúpavíkur,

en áður voru þeyr búnir að fara frá skýlinu og til Bólstaðar í Selárdal.

Í dag var talið að línan væri heil fyrir norðan Djúpavík.

En og aftur er slitið til Drangsnes og nú brotnuðu staurasamstæður,en miklar bilanir hafa verið á Drangsneslínu frá því snemma í morgun.Mikil ísing er á þessum slóðum.

Vefurinn Litlihjalli lætur vita þegar rafmagn kemur á aftur í nótt eða á morgun.

Rafmagn fór af Árneshreppi um kl 10:25 í morgun.

 

Almannavarnadeild ríkislögreglustjóra vekur athygli á viðvörun um slæma veðurspá frá Veðurstofu Íslands.
Vakin er athygli á viðvörun frá veðurstofunni vegna slæmrar veðurspár þar sem varað er við norðan og norðvestan 20-25 m/s á Vestfjörðum síðdegis, suðvestanlands undir kvöld og norðanlands á morgun.  Íbúar á þessum svæðum eru hvattir til að huga að lausum munum sem geta fokið.  Einnig er rétt að vara við því að færð getur spillst með skömmum fyrirvara og þeir sem eru á ferðinni ættu að fylgjast vel með upplýsingum um færð á vegum.

Búið er að aflýsa flugi til Gjögurs í dag vegna veðurs,bullandi slydda er og mikið dimmviðri.
Ílla lítur út með flug þangað næstu daga miðað við veðurspána næstu daga sjá veðurspá hér til vinstri fyrir Strandir og Norðurland vestra.