Nú er verið að moka norður í Árneshrepp frá Bjarnarfirði,mjög þungfært hefur verið síðustu daga.
Einnig er hreinsað innansveitar þar sem þarf.
Leiðindaveðri er spáð næsta fimmtudag og föstudag,með norðan eða norðaustan hvassviðri með ofankomu og frosti.

Nú er búið að aflýsa flugi á Gjögur í dag vegna veðurs.
Mjög dimm él eru og hvassviðri.
Athugað verður á mogrun kl 13:00.

Eins og frá var greynt í gærkvöldi var alveg rafmagnslaust fyrir norðan Mela,en menn frá Orkubúinu á Hólmavík komu norður og fundu bilunina sem var í múffu við inntakið við Krossnes,sem hafði brunnið í sundur,einnig var smá ísing og sjávarselta á línum sem olli útslætti.

Rafmagn fór alveg af Krossnesi og Felli uppúr kl 18:30 í kvöld,síðan um 19:45 fór rafmagn af allri sveitinni til um kl 20:40,en þá kom ekkert rafmagn á aftur fyrir norðan Mela,en rafmagn á öllu frá Trékyllisvík og innúr.
Orkubúsmenn eru á leið norður frá Hólmavík að athuga hvað er að.
Norðnorðaustanátt er um 13 til 15 m/s með smá éljum og hiti um frostmark.

Átthagafélag Strandamanna auglýsir dansleik 18 október.

Haustballið verður haldið í Breiðfirðingabúð Faxafeni 14, 2.hæð laugardaginn 18 október.

Hin frábæra hljómsveit KLASSÍK með hinum frábæra Hauki Ingibergssyni leikur fyrir dansi,

Frá kl .22:00 til kl .02:00.

Miðaverðið er aðeins 1.500 krónur.

Skemmtinefnd hvetur alla félagsmenn að koma og dusta rykið af dansskónum og taka með sér gesti.Mætum öll hress og kát og í dansstuði.

 

Einingahúsið kom í gærkvöld í tveim 40 feta gámum,tveir bílar komu að sunnan með þá.

Nú í dag er verið að losa gámana nokkrir menn eru við það auk Ágústs Guðjónsson frá Hólmavík sem kom með vörubíl með krana til að hífa þyngstu einingarnar.

Smiðir koma kannski næsta mánudag og hefjast handa við að reisa húsið ef veður leyfir.

Dalkó ehf í Kópavogi flytur þessi kanadiskuhús inn.

Óbreytt vetraráætlun flugfélagssins Ernis á Gjögur.

Flogið er á mánudögum og fimmtudögum,brottför frá Reykjavík er kl 13:00 og brottför frá Gjögri kl 14;10.

Gildistími vetraráætlunar er frá 1 september 2008 til 31 maí 2009.

Flugafgreyðslan á Gjögri er opin frá kl 11:00 til kl 15.00 á flugdögum.

Afgreyðsan hjá Ernum í Reykjavík opin alla daga.

Bókanir á Gjögurflugvelli er í síma 4514033 og hjá Sveindísi Guðfinnsdóttur umboðsmanni í síma 4514041 og hjá Ernum í Reykjavík 5622640.

Strandir.ÍS
Greyn eftir Ingibjörgu Rósu Auðunsdóttur.
Þriðjudagurinn 30. september 2008  er síðasti opnunardagur Sparisjóðsins á Borðeyri, sem ég kýs að kalla svo. Er þar skarð fyrir skildi, enda mikil eftirsjá að rétt tæplega aldar gamalli stofnun sem alla tíð hefur stutt íbúa byggðarlagsins í sókn til betri lífskjara. Sparisjóðurinn tók til starfa árið 1910. Fyrstu 28 árin með aðsetur í Sýslumannshúsinu á Borðeyri og var Halldór Kr. Júlíusson sýslumaður formaður sjóðsstjórnar og gjaldkeri á þeim árum, að því er talið er, en engar gjörðabækur hafa varðveist frá stofnfundi til ársins 1923
Meira

Byrjaðar eru endurbætur á Járnsmiðjunni (Gömlu smiðjunni) á Bíldudal sem reist var í kringum 1894 af athafnamanninum Pétri J. Thorsteinsson. Smiðjan var útbúin á þeim tíma nýtísku tækjum svo að ekki þyrfti að sækja neinskonar járnsmíði út fyrir staðinn. Var Smiðjan talin ein fullkomnasta vélsmiðja landsins.

 

Grafið hefur verið fyrir drenlögnum og lokið verður við að ganga frá þaki og gluggum Smiðjunnar fyrir veturinn.

 

Fleiri verk af svipuðum toga eru í farvatninu. Á næstu dögum verður byrjað á að styrkja burðarvirki Pakkhússins á Patreksfirði og gert verður við þak þess fyrir veturinn.

Þá er einnig stefnt að því að halda áfram endurbótum innandyra á Vatneyrarbúðinni á Patreksfirði.
Myndir Magnús Ólafs Hansson verkefnastjóri Skor þekkingarsetur.

Veðrið í September 2008.

Yfirlit yfir veðrið frá veðurstöðinni í Litlu-Ávík.

Mánuðurinn var oft hvassviðrasamur eftir miðjan mánuð og nokkuð úrkomusamur enn hlýr.

Mjög mikil berjaspretta var og eldra fólk man ekki annað eins til margra ár.

Uppskera úr matjurtagörðum(kartöflur-rófur og annað)mjög góð..

Fé kom mjög vænt af fjalli og fallþúngi mjög góður.

Fyrsti snjór í fjöllum var morgunin 21,(í fyrra 11september) eða 10 dögum seinna nú.

 

Yfirlit dagar vikur.

1-4:Norðan og Norðaustan gola eða stinníngsgola,smá rigning eða súld,hiti 5 til 10 stig.

5:Breytileg vindátt gola,skúrir,hiti 5 til 11 stig.

6-9:Suðlægar vindáttir stinníngsgola upp í stinníngskalda enn 8 og 9 gola og síðan kul,úrkomulítið en þurrt þann 7 og 8,hiti 6 til 14 stig.

10-11:Norðaustan gola í fyrstu síðan kaldi,rigning eða súld,hiti 9 til 12 stig.

12-13:Suðlæg eða breytileg vindátt,gola smá rigning,hiti 9 til 13 stig.

14-25:Suðlægar vindáttir oft kaldi eða stinníngskaldi,en hvassviðri og upp í storm 18 og 19,gola þann 23,rigning eða skúrir,hiti 4 til 14 stig.

26:Norðan og Norðvestan stinníngskaldi,rigning,hiti 5 til 7 stig.

27-28:Suðvestan stinníngsgola,skúrir eða rigning,hiti 3 til 10 stig.

29-30:Norðaustan kaldi eða stinníngskaldi,skúrir síðan slydduél,hiti 1 til 6 stig.

 

Úrkoman mældist 122,2 mm.(Í september 2007=105,5 mm).

Þurrir dagar voru 2.

Mestur hiti var þann 17=14,5 stig.

Minnstur hiti var þann 30 =1,3 stig.

Meðalhiti við jörð var:5,65 stig(í september 2007=3,75 stig).

Sjóveður:Oftast sæmilegt fram í miðjan mánuð,en síðan rysjótt oft vegna hvassviðra.

Tekið saman af Jóni G Guðjónssyni veðurathugunarmanni í Litlu-Ávík.

Sjá yfirlit yfir veður hér til vinstri.