Veðrið í Nóvember 2008.

Yfirlit yfir veðrið frá Veðurstöðinni í Litlu-Ávík.

Mánuðurinn var mjög umhleypingasamur eins og fyrri mánuður á undan,en sæmilega hlýtt fystu 9 daga mánaðar,síðan yfirleitt frost nema,16-18 og 19 var hlýtt.

Vindur náði 12 vindstigum eða 34 m/s að morgni þann 5 mánaðar.

Mikil ísing var fimmtudaginn 13.

Sauðfé var almennt komið á gjöf uppúr 20.

 

Yfirlit dagar vikur.

1:SV allhvass í fyrstu síðan kaldi,þurrt,hiti hiti 1 til 5 stig.

2:Breytileg vindátt hægviðri,gola,rigning,hiti 3 til 5 stig.

3-5:Suðlægar vindáttir allhvass þann 3 og hvassviðri fram á hádegi þann 5,annars kaldi,rigning,skúrir eða slydduél,hiti 2 til 10 stig.

6-8:Breytileg vindátt,kul,andvari eða logn,þurrt þann 6 annars smá rigning,hiti 2 til 6 stig.

9-11:NA og N allhvass þann 9 annars stinníngskaldi eða kaldi,súld þann 9 síðan snjókoma eða él,hiti frá 6 stigum niðrí 2 stiga frost.

12:Suðlæg vindátt,gola,úrkomulaust,frost 1 til 5 stig.

13:NA kaldi eða stinníngskaldi,él síðan frostrigning,hiti frá 2 stigum niðrí 2 stiga frost.

14:Breytileg vindátt kul eða gola,úrkomulaust,hitastig um frostmark.

15:SV stinníngskaldi um morgunin síðan NV og N hvassviðri um tíma frameftir degi,V gola um kvöldið,snjóél,hiti frá 2 stigum niðrí 5 stiga frost.

16:SV allhvass síðan rok um kvöldið og stormur fram á nótt,rigning,hiti 1 til 6 stig.

17:Mest NV kaldi síðan gola,él,frostúði,snjókoma,hiti frá 5 stigum niðrí 2 stiga frost.

18:Breytileg vindátt í fyrstu síðan SV allhvass ,snjókoma um morgunin,hlínar í veðri hiti frá 1 stigi uppí 8 stig.

19:Vestan stinníngskaldi síðan NA kaldi,snjóél,hiti frá 5 stigum niðrí 0 stig kólnar.

20-21:Vestan kaldi síðan gola,snjókoma um morgunin þann 20,frost 2 til 6 stig.

22-23:Austan gola í fyrstu með smá snjókomu síðan SV kaldi og NV allhvass með éljum,hiti frá 6 stigum niðrí 3 stiga frost.

24-25:Suðlæg vindátt,gola,stinníngsgola,síðan V lægur,hvassviðri um tíma þann 25 síðan gola um kvöldið,smá skúrir,hiti frá 7 stigum niðrí 2 stiga frost.

26:Vestan kul um morguninn síðan NA stinníngskaldi,snjókoma fram undir hádegið,og N allhvass um kvöldið með snjókomu,frost 3 til 5 stig.

27-29:Norðan stormur í fyrstu síðan,allhvass,eða stinníngslaldi,snjókoma síðan él,frost 0 til 9 stig.

30:V gola í fyrstu síðan SV stinníngskaldi og NV kaldi um kvöldið með snjókomu,frost 1 til 9 stig.

 

Úrkoman mældist:62,5 mm.(í nóvember 2007:78,5 mm.)

Úrkomulausir dagar voru 3.

Mestur hiti var þann 5: +10,5 stig.

Mest frost var þann 30: -8.8 stig.

Jörð alhvít í 15 daga.

Jörð flekkótt í 2 daga.

Auð jörð því í 13 daga.

Mesta snjódýpt mældist dagana 29 og 30 þá:12 cm.

Meðalhiti við jörð var:-1,89 stig.(í nóvember 2007:-1,56 stig.)

Sjóveður:Mjög rysjótt í mánuðinum.

Tekið saman af Jóni G Guðjónssyni veðurathugunarmanni í Litlu-Ávík.

Dagana 5. og 6. desember nk. mun Fræðslumiðstöð Vestfjarða í samstarfi við Húsafriðunarnefnd og VerkVest halda námskeið ætlað húsasmiðum og þeirra sem áhuga hafa á viðhaldi gamalla mannvirkja.

Með slíku námskeiði er m.a. verið að efla þekkingu á svæðinu vegna endurbóta gamalla mannvirkja. 

Á námskeiðinu verður fjallað um undirstöður og burðarvirki eldri timburhúsa. Farið er yfir frágang bæði utan- og innanhúss. Skoðuð eru gömul hús sem hefur verið gert við og hús sem þarfnast viðgerða.

 Einnig er farið yfir undirbúning viðgerða, sögu og þróun húsbygginga á Íslandi. 

 

Ávinningur:

• Lögð er áhersla á að gert sé við  gömul hús með sömu aðferðum og frágangi og þegar þau voru byggð á sínum tíma.
• Þátttakendur fá góða yfirsýn á það hvernig gömul hús voru byggð.
• Þátttakendur fá dýrmæta þekkingu sem nýtist til viðgerða og endurbóta gamalla húsa.

­­

 

Kennarar :  Magnús Skúlason arkitekt, Jón Norsteien, arkitekt og Einar Skúli Hjartarson húsasmíðameistari.
Staðsetning : Skor þekkingarsetur á Patreksfirði.

Tími : 5. desember 2008 kl. 17.00 - 20.00 og 6. desember 2008 kl. 08.00 - 15.00.

Lengd:   15 kennslustundir

 

Þeir einstaklingar sem rétt eiga á fullri endurgreiðslu síns stéttarfélags úr endurmenntunarsjóði, greiðir stéttarfélagið 75% námskeiðsgjaldsins. Hver og einn verður að kanna sína réttarstöðu.

 

Skráning fer fram á vefnum:

 

http://www.frmst.is/index.php/namskeid/texti/vihald_og_endurbaetur_eldri_timbur_og_steinhusa/

Í vikunni var tilkynnt um fjögur umferðaróhöpp á Vestfjörðum.  Þrjú þeirra voru minniháttar óhöpp innanbæjar á Ísafirði.  Um kl. 02:00, aðfaranótt þriðjudagsins, valt tengivagn á hliðina á Hrafnseyrarheiði.  Mjög mikil hálka var á veginum og rann tengivagninn út af veginum þrátt fyrir að hafa verið á keðjum.  Ökumann dráttarbifreiðar sem dró vagninn sakaði ekki en talsverðar skemmdir urðu á þessum ökutækjum. 

Að morgni miðvikudagsins kom í ljós að reynt hafði verið að brjótast inn í Shellskálann í Bolungarvík.  Tilraun hafði verið gerð til að spenna upp hurð á aðalinngangi skálanns og einnig hafði verið reynt að brjóta upp hurð á starfsmannainngangi.  Þá var brotist inn í sundlaugarbygginguna á Þingeyri þessa sömu nótt og stolið peningum úr afgreiðslu.  Þeir sem þar voru að verki brutu rúðu í húsinu til að komast inn og brutu síðan gler í afgreiðslu til að komast þar inn.   Mál þessi eru í rannsókn og eru þeir sem mögulega hafa upplýsingar varðandi þessi tvö mál beðnir um að setja sig í samband við lögreglu í síma 450-3730.

Um kl. 17:00 á föstudeginum var björgunarsveit frá Reykhólum kölluð út til að aðstoða vegfaranda á Þorskafjarðarheiði en hann hafði fest bifreið sína í snjó.  Þá fór björgunarsveitin frá Hólmavík til að aðstoða mann sem svipað var ástatt fyrir á veginum um Eyrarfjall í Ísafjarðardjúpi að kvöldi laugardagsins.  Þessir aðilar voru aðstoðaðir til byggða og varð ekki meint af.

Flugfélagið Ernir eru búnir að fljúga á Gjögur í dag.
Ekki var hægt að fljúga í gær vegna veðurs.
Norðan stinníngskaldi er í dag smá él og frost 2 til 4 stig.
Spáð er Norðanátt áfram um helgina og dregur úr vindi fram á helgi og áfram talsvert frost.

Atvinnuþróunarfélag Vestfjarða óskar eftir Nafnsamkeppni vegna Matartengdrar ferðaþjónustu.
Atvinnuþróunarfélag Vestfjarða ásamt aðilum frá ferðaþjónustunni, verslunum, veitingahúsum, framleiðendum og bændum hafa að undanförnu unnið að verkefni er snýr að matvælaframleiðslu í fjórðungnum og matartengdri ferðaþjónustu. Eitt af markmiðum verkefnisins er að gera vestfirsk matvæli sýnileg og aðgengileg fyrir bæði heimamenn og ferðamenn og verður hannað vörumerki sem mun einkenna vestfiskar afurðir og verða notað í allri kynningu og markaðssetningu. Svipuð verkefni hafa verið unnin á landinu og má þar nefna Matarkistuna Skagafjörður.

Verkefninu vantar nú nafn og hefur þvi verið ákveðið að efna til nafnasamkeppni!
Nafnið þarf að hafa skírskotun til svæðisins og að sjálfsögðu til matar og mun það eins og áður segir vera notað í kynningarefni fyrir verkefnið og allri umræðu sem því fylgir.

Hugmyndir skulu sendast á netfangið atvest@atvest.is eða í síma 450 3000 fyrir mánudaginn 8.desember n.k.

Í Vísindaporti Háskólaseturs Vestfjarða föstudaginn 28. nóvember kl 12.10 munu Albertína Friðbjörg Elíasdóttir og Íris Hrund Halldórsdóttir kynna niðurstöður könnunar sem gerð var meðal ferðamanna á Vestfjörðum sumarið 2008. Albertína og Íris stunda meistaranám við Líf- og umhverfisvísindadeild Háskóla Íslands ásamt því að starfa við Rannsókna- og fræðasetur Háskóla Íslands á Vestfjörðum.

 

Könnunin var unnin í samstarfi Rannsókna- og fræðaseturs Háskóla Íslands og Markaðsstofu Vestfjarða og var styrkt af Vaxtasamningi Vestfjarða. Starfsmenn setursins fóru víða um Vestfirði og lögðu fyrir ferðamenn spurningalista þar sem meðal annars var spurt um ástæður komu, upplýsingaöflun, nýtingu og ánægju með þjónustu á Vestfjörðum sem og ánægju með ferðina í heild.

 

Niðurstöðurnar gefa mynd af því hvernig ferðamenn koma til Vestfjarða, hvar þeir eru líklegir til að leita sér upplýsinga og hverju þeir hafa helst áhuga á að kynnast eða upplifa á ferð sinni um Vestfirði. Þá er leitast við að skýra hvaða þættir hafa helst áhrif á upplifun eða ánægju ferðamannanna. Vonast er til að nýta megi niðurstöður þessarar könnunar til að greina styrkleika Vestfjarða sem ferðamannastaðar, skilgreina möguleika í kynningu svæðisins og  greina frekari möguleika á uppbygginu afþreyingar og þjónustu fyrir ferðamenn. Þá leggur könnunin grunn fyrir frekari rannsóknir á ferðamönnum og uppbyggingu ferðaþjónustu á Vestfjörðum sem eru fyrirhugaðar hjá Rannsókna- og fræðasetri Háskóla Íslands á Vestfjörðum.

 

Skýrslan í heild verður aðgengileg áhugasömum á vef Rannsóknasetursins, www.vest.hi.is að fyrirlestrinum loknum.

 

Vísindaport Háskólaseturs Vestfjarða er óformlegur umræðutími í hádeginu á föstudögum. Þar er fjallað í stuttu máli, 20-30 mínútur, um yfirstandandi rannsóknir eða rannsóknir sem er lokið og svo er orðið gefið laust. Vísindaportið fer fram í kaffisal Háskólaseturs Vestfjarða og eru allir velkomnir.

Flugfélagið Ernir hafa nú aflýst flugi til Gjögurs vegna veðurs.
Norðan stormur er með ofankomu,fyrst snjókomu í nótt og fram á morgun síðan mjög dimmum éljum.
Athugað verður með flug á morgun kl 13:00.

Bæjarins Besta.
Menningarfulltrúi Vestfjarða er ósáttur við frestun háhraðanettengingar í dreifbýli og hann segir að um sé að ræða mikilvægustu aðgerð í byggðamálum síðustu ára sem að landsbyggðin hafi verið margsvikin um. Samgönguráðherra segir frestunina óhjákvæmilega vegna stöðu efnahagsmála. Eins og fram hefur komið mun framkvæmdum við háhraðatengingar seinka en meirihluti bjóðenda í háhraðaútboði fjarskiptasjóðs hefur samþykkt að framlengja gildistíma útboðsins. Gildistími tilboðanna hefur verið framlengdur til 20. janúar sem þýðir töluverða seinkun á framkvæmdum. Þegar tilboð voru opnuð 4. september sagði samgöngumálaráðherra að framkvæmdir við háhraðanettengingar í dreifbýli myndu taka eitt ár. Jón Jónsson menningarfulltrú Vestfjarða segir stjórnvöld hafa margsvikið landsbyggðina í þessu máli.

Kristján Möller samgönguráðherra segir lengingu gildistíma útboðanna vera sameiginlega ákvörðun samgönguráðuneytisins og Símans sem átti lægsta tilboðið. Kristján segir verkefnið ekki í hættu en framkvæmdatíminn er þó óljós. Sjö tilboð bárust í háhraðanetþjónustu. Tilboðin voru á bilinu frá 379 milljónir króna til fimm milljarðar. Tilboð frá Símanum var lægst en það hljóðar uppá 379 milljónir króna. Gert er ráð fyrir að uppbyggingin taki 12 mánuði.
Þessi frétt er af BB.ÍS
www.bb.is

Á gervihnattamynd frá því kl. 13:46 í dag þá sést að hafísröndin er á svipuðum slóðum og hún hefur verið undanfarna daga, þ.e. ísröndin er næst landi tæplega 50 sml frá Barða. Nokkuð erfitt er að greina hafísröndina að hluta til á myndinni vegna skýjahulu, en það er ólíklegt að þéttur hafís sé nær landi en rauða línan sýnir.   Þrátt fyrir þetta eru sjófarendur beðnir um að fara að öllu með gát því stakir jakar og rastir geta verið nær landi en sést á gervihnattamyndinni.

 

Fram á sunnudag verður norðan- og norðaustanátt á Grænlandssund og því ætti hafísröndin að þokast nær Grænlandi.  Frá sunnudegi og fram eftir næstu viku verða breytilegar áttir á Grænlandssundi.
Frétt og mynd frá Veðurstofu Íslands www.vedur.is

Nú eru bændur búnir að taka fé inn á gjöf.

Bændur eru nú að rýja féið og sumir langt komnir með það.

Ásetningslömb var búið að taka á hús um og uppúr 10 þessa mánaðar og hrúta og það þá rúið.

Þeyr bændur sem láta sæða fé,er gert uppúr 10 desember,en venjulegur fengitími rétt fyrir jól og í hámarki um hátíðarnar.