Nú eru framundan ýmis námskeið í fjarfundabúnaði sem Endurmenntunarstofnun Háskóla Íslands bíður upp á. Hér fyrir neðan er listi yfir þau og tenglar í skráningu á netinu (þegar smellt er á bláa tengilinn lendir maður á skráningarsíðu þess námskeiðs). Eins má hafa samband beint við mig til að skrá sig eða spyrjast fyrir um þessi námskeið.

• Leiðtogahæfni í lífi og starfi. Ætlað hjúkrunarfræðingum.
• Gunnlaugs saga ormstungu og Heiðarvígsaga.
• Kína: Menning, land og saga.
• Konurnar í Biblíunni: Frá Evu til Maríu móður Guðs.
• Tímastjórnun.
• Íþróttasálfræði. Ætlað íþróttafræðingum, sálfræðingum, þjálfurum og öðrum áhugasömum.
• Þekkingarmiðlun og tengsl milli kynslóða. Einkum ætlað fagfólki á sviði öldrunar og stjórnendum í öldrunarþjónustu en öllum opið.
• Biblían - ekki bara ein bók.
• Hjarta- og æðasjúkdómar. Einkum ætlað fagfólki á heilbrigðissviði.
• Lausnamiðuð nálgun. Ætlað fagfólki í félags-, mennta- og heilbrigðisstéttum.
• Lög og réttur fyrir 50+.
• Svartfugl eftir Gunnar Gunnarsson.

Kristín Sigurrós Einarsdóttir
Verkefnastjóri.
--------------------------------------------------------------
Fræðslumiðstöð Vestfjarða, kt. 511199-2049
Höfðagata 3
510- Hólmavík
Sími: 451-0080
Fax: 456-5066
Netfang: kristin@frmst.is
Veffang: http://www.frmst.is/

Fjórar Álftir sáust fyrir hádegið hér í Ávíkinni og synda þar fram og til baka og uppí vörina í Litlu-Ávík.
Mjög líklegt er að þessar Álftir hafi aldrei farið héðan í haust og séu eftirlegusvanir.
En ekki er það vitað samt.

Opnaður var vegurinn frá Kjörvogi til Djúpavíkur í gær.Að sögn Guðlaugs Ágústssonar var þetta talsverður mokstur,en hann mokaði með hjólaskóflu hreppsins en hún er útbúin með snjótönn.
Þetta fékkst í gegn enn kostnaðurinn er helmingaskipti á milli Vegagerðar og sveitarfélagssins Árneshrepps.
Þannig að hjónin Ásbjörn og Eva komust í gær að sækja póstinn sinn og í verslun.

Í nóvember síðastliðnum auglýsti stjórn Kaupfélags Steingrímsfjarðar á Hólmavík (KSH) eftir nýjum kaupfélagsstjóra þar sem fyrir liggur að núverandi kaupfélagsstjóri, Jón E. Alfreðsson, mun láta af störfum með vorinu eftir 41 ára farsælan starfsferil sem kaupfélagsstjóri.
 Stjórn KSH hefur nú ákveðið að ganga til viðræðna við Jón Eðvald Halldórsson og verður leitast við að ganga frá ráðningu sem fyrst.

Jón E Halldórsson er fæddur og uppalinn Strandamaður og bjó lengi vel á Drangsnesi. Árið 2005 útskrifaðist Jón frá Háskólanum á Akureyri með B.Sc gráðu í sjávarútvegsfræðum viðskiptatengt  og mun nú í vor ljúka meistaranámi í sjávarútvegsfræðum frá sama skóla. Undanfarin 5 ár hefur Jón átt fasta búsetu á Akureyri og á hann sambýliskonu og tvö börn.
Nánar á www.strandir.is

RÚV.
Íbúar í Árneshreppi á Ströndum eru ósáttir með þá ákvörðun Vegagerðarinnar að ætla einungis að moka eftir hörðustu snjómokstursreglum. Heimamenn hafa skipað samgöngunefnd til að knýja á um úrbætur.

Talað hefur verið um að vernda þurfi menningu þessa fámennasta hrepps landsins. Árið 2003 var stofnuð nefnd á vegum alþingis sem átti að skila tillögum um aðgerðir til verndunar búsetu þar. Fyrir tveimur árum var stofnað Vinafélag Árneshrepps. Meðal stofnfélaga eru ráðherrarnir Einar K.Guðfinnssson og Össur Skarphéðinsson.

 

Nú óttast menn einangrun ef Vegagerðin hættir að moka yfir vetrartimann Ingólfur Benediktsson, í Árnesi 2, segir menn afar ósátta.
Þó svo reglurnar segir að aðeins eigi að moka tvisvar í viku vor og haust ef snjóalög leyfi., hefur Vegagerðin haldið opnu framyfir áramót síðustu tíu ár. En nú er ekki til peningur og þá hefur verið gefið út að farið verði eftir reglunum.
Þetta kom fram í fjögur fréttum Ríkisútvarpsins nú í dag.
www.ruv.is

Snjómokstur var í morgun frá Norðurfirði til Gjögurs og er sleipt á vegum,klammi sem myndaðist áður enn snjóaði.
Ekki var um mikinn snjó að ræða enn talsverðir skaflar sumstaðar,enn lítið frá Ávíkum og til Gjögurs.
Einnig þurfti að moka flugbrautina á Gjögurflugvelli.Og var flug á eðlilegum tíma í dag.
Ekki var mokað til Djúpavíkur,enn það er ekki á dagskrá hné að opna út úr hreppnum.
Talsvert snjóaði í þessu Norðaustan hvassviðri um helgina.

Í síðustu viku urðu þrjú umferðaróhöpp í umdæmi lögreglunnar á Vestfjörðum.  Um kl. 13:30 á mánudeginum valt bifreið út af Djúpvegi 61 skammt frá Hólmavík.  Ökumaður var einn í bifreiðinni og var hann fluttur á heilsugæslustöð á Hólmavík til skoðunar en reyndist ekki alvarlega slasaður. Bifreiðin var mikið skemmd og var flutt með kranabifreið af vettvangi.  Þá valt bifreið út af veginum skammt frá Súðavík rétt fyrir hádegi á þriðjudeginum.  Tvennt var í bifreiðinni og sluppu þau án meiðsla.  Bifreiðin var mikið skemmd.  Þá fór bifreið út af Tálknafjarðarvegi á laugardaginn.  Ökumaður var einn í bifreiðinni og slapp hann án meiðsla.  Bifreiðin var óökuhæf eftir óhappið.  Talið er að orsök þessara þriggja óhappa hafi verið hálka og erfið akstursskilyrði. 

Tveir ökumenn voru kærðir fyrir of hraðan akstur í vikunni.  Annar var stöðvaður á Mikladal ofan Patreksfjarðar á 113 km hraða þar sem hámarkshraði er 90/km.klst.  en hinn var stöðvaður innanbæjar á Tálknafirði á 57 km hraða þar sem hámarkshraði var 35 km/klst.

Þrettándagleði var haldinn víðsvegar í umdæminu með brennum og flugeldasýningum á þriðjudagskvöldið.  Mesti mannsfjöldinn var í Bolungarvík þar sem Bolvíkingar og Ísfirðingar komu saman við álfabrennu og gekk þar allt áfallalaust.

Á miðvikudagskvöldið var ökumaður stöðvaður við umferðareftirlit í Seyðisfirði í Ísafjarðardjúpi og var hann grunaður um akstur undir áhrifum fíkniefna.  Hald var lagt á 2 gr. af meintu marihuana sem maðurinn viðurkenndi að hafa ætlað til eigin neyslu.    

Þorrablót Átthagafélagsins verður haldið í Gullhömrum, Grafarholti laugardagskvöldið 17. janúar 2009.

Húsið opnar kl. 19:00 og borðhald hefst kl. 20:00.

Veislustjóri: Karl E. Loftsson.

Á boðstólum verður hefðbundinn þorramatur ásamt saltkjöti og pottrétti.

Á skemmtidagskránni verða:

• Ø Prímadonnurnar með Abba lögin
• Ø Systurnar frá Melum í Árneshreppi koma og flytja nokkur lög
• Ø Fjöldasöngur undir öruggri stjórn Ragnars Torfasonar

 

Að borðhaldi loknu mun danshljómsveit Hauks Ingibergssonar, KLASSÍK halda okkur á dansgólfinu með gömlu og nýju danslögunum.

Miðaverð 7.800 krónur. Miðasala í Gullhömrum fimmtudaginn 15. janúar nk. frá kl. 17:00 - 19:00.

Miðar verða seldir á dansleik eftir borðhald eða frá kl. 23:30 á 1.500 krónur.

Í gærkvöld var fyrsti saumaklúbburinn haldinn í Bæ í Trékyllisvík,hjá Guðbjörgu Þorsteinsdóttur og þeim Pálínu Hjaltadóttur og Gunnari Dalkvist.

Góð mæting var og sem venjulega voru konur við hannyrðir enn karlar tóku í spil.

Ekki má gleyma að minnast á hið mikla kaffihlaðborð sem eru í restina hjá öllum sem halda þessa ágætu klúbba.
Síðan halda þessir vinsælu saumaklúbbar áfram fram á vor,yfirleitt hálfsmánaðarlega.

Á lóð Siglingastofnunar er naust sem á sér sögu sem nær aftur til áranna fyrir síðari heimsstyrjöld. Þá tilheyrði landið Guðna Jónssyni sem byggði sér þar bátaskýli og gerði vör við fjöruna þaðan sem hann stundaði trilluútgerð í fjölda ára samhliða búskap og öðrum störfum. Árið 1990, eða um svipað leyti og starfsemi Siglingastofnunar fluttist alfarið í núverandi höfuðstöðvar, samþykktu bæjaryfirvöld í Kópavogi breytingu á lóðamörkum stofnunarinnar. Innan þeirra féll þá meðal annars gamla naustið og vörin, en stækkun lóðarinnar fylgdi kvöð um viðhald hvorutveggja.

 

Þar sem naustið var mjög illa farið var það nánast endurbyggt frá grunni auk þess sem vörin var lagfærð og endurbyggð að hluta. Þessi framkvæmd Siglingastofnunar þótti takast vel og hlaut viðurkenningarskjal frá Kópavogsbæ. Við ströndina liggur nú fjölfarinn göngustígur svo margir eiga leið um þennan fallega stað.

 

Hitt vita færri að inni í bátaskýlinu leynist árabátur sem á sér enn lengri sögu en naustið sjálft. Hann ber nafnið Sendlingur, var smíðaður af Ólafi Aðalsteini Bergsveinssyni bónda og bátasmið í Hvallátrum á Breiðafirði árið 1886 og er því með elstu tréskipum á landinu. Þegar Ólafur hætti búskap gaf hann fóstursyni sínum, Jóni Daníelssyni bátinn sem aftur gaf hann frænda sínum og sonarsyni Ólafs eldri, Aðalsteini Eyjólfi Aðalsteinssyni. Fyrir nokkrum árum hóf Aðalsteinn að gera Sendling upp og fékk aðstöðu til þess í naustinu góða í Vesturvör. Raunar reyndust fáar spýtur úr gamla bátnum nothæfar í endurgerðina en þó nógu margar til að hægt er að rökstyðja það að sálin eigi þar sinn samastað áfram. Ennþá er Sendlingur í naustinu og er það vel við hæfi að uppgert hýsi það gamlan bát í nýjum búningi.
www.sigling.is
Siglingastonun Íslands.