Mikið vatnsveður.
Almannavarnadeild ríkislögreglustjóra vekur athygli  á viðvörun frá Veðurstofunni en gert er ráð fyrir stormi víða um land en þó hvassast vestanlands.  Einnig mun hlýna nokkuð um allt land ásamt því að gert er ráð fyrir rigningu um mest allt land seinnipartinn og í kvöld.  Mikilvægt er að fólk hreinsi vel frá niðurföllum og tryggi að úrkoma og leysingavatn eigi greiða leið í þau.  Búast má við að mikið hækki í ám og að einhverjar ár flæði yfir bakka sína en Vatnamælingar fylgjast grannt með þróun mála.  Björgunarsveitir Slysavarnafélagsins Landsbjargar eru í viðbragðsstöðu ef þörf krefur.  Almannavarnadeild ríkislögreglustjóra hvetur fólk auk þess til að huga vel að lausum munum, fara varlega og fylgjast vel með fréttum af veðri og færð.

Guðsþjónustur um jólin í Strandasýslu eru sem hér segir.

Hólmavíkurkirkja:Aðfangadag,kl 18:00

Drangsneskapella:Aðfangadag,kl 21:00

Kollafjarðarneskirkja:Jóladag,kl 14:00

Óspakseyrarkirkja:Jóladag,kl 16:00

Árneskirkja:Annan jóladag,kl 14:00.

Það var mikið um dýrðir í Finnbogastaðaskóla í dag. Litlu jólin voru haldin hátíðleg, með jólahangikjöti, jólagraut, jólapökkum, jólasveinum, jólaskemmtun og dansi kringum jólatré! Ásta og Júlíana fóru á kostum með söng, sögum, bröndurum og brúðuleikhúsi, vel studdar af Örnólfi Hrafnssyni, sem verið hefur gestanemandi í skólanum síðustu vikuna. Jólasveinarnir Gluggagægir og Djókaþeytir mættu glaðbeittir og juku enn á fjörið. Allir þekkja Gluggagægi, en Djókaþeytir er minna þekktur jólasveinn, sem bókstaflega þeytir gamanmálum í kringum sig. Skemmtilegri dagskrá lauk með dansi kringum jólatréð, þar sem var sungið og trallað af hjartans list. Ítarleg frásögn er af skemmtuninni á heimasíðu Finnbogastaðaskóla. Smellið hér!

Nú í dag 18 desember er Ástbjörn Jensson að klára að setja kjöljárnið á þakið,Sigursteinn Sveinbjörnsson í Litlu-Ávík hefur verið með honum í dag.

Þá er mest allt búið að utan,smiðurinn vinnur fram á hádegi á morgun síðan fer hann suður í jólafrí,ef eitthvað verður eftir við frágang að utan mun hann skreppa norður eftir áramót.

Nú er það deginum ljósara að ekki verður flutt inn í hið nýja hús á Finnbogastöðum fyrir jól,eins og sumir töldu að gæti orðið.

Guðmundur Þorsteinsson og börn hans tvö Linda og Steini sem verða fyrir norðan um jólin,munu halda til í Bæ hjá Guðbjörgu systur Guðmundar eins og verið hefur í sumar.

Nú er komið aðventuljós í einn gluggann á nýbyggingunni til að minna á jólin.

Nokkrar myndir hafa bæst við í myndaalbúm.

Langþráð tækifæri

 

Vestfirðingar láta ekki deigan síga og líta á núverandi efnahagsástand sem langþráð tækifæri til að markaðssetja íslenskar hágæða afurðir frá Vestfjörðum. Mikilvægi matvælaframleiðslunnar og áhrif hennar á hagvöxt virðist oft hafa gleymst þar til nú. Fjölmiðlar og stjórnvöld fjalla nú um raunveruleg verðmæti og grunnstoðir atvinnulífsins og vilja hlúa betur að innlendum atvinnugreinum, td. matvælaframleiðslu.
Matvælaframleiðsla er hlutfallslega stærri á Vestfjörðum í samanburði við önnur landsvæði og greiðir þriðjung launa. Þá er ótalið fiskveiðar og önnur afleidd störf s.s. hótel- og veitingahúsarekstur, verslun og flutningsþjónusta.
Veiðar og vinnsla á sjávarafurðum, landbúnaðarframleiðsla og öflun matartengdra hlunninda hafa því löngum verið undirstöðuatvinnugreinar hér á Vestfjörðum. Vestfirðingar búa yfir mikilli þekkingu á sviði matvælaframleiðslu og hafa fulla burði til að hasla sér enn frekari völl á þessu sviði. Sérstök tækifæri liggja í hrífandi náttúru, óspilltu dýralífi og kraftmikilli menningarsögu.
Atvinnuþróunarfélag Vestfjarða hefur að undanförnu tekið að sér að skoða þessa þætti sérstaklega.

 

Meira

Áætlun Ernis á Gjögur Jól og Áramót.

23.12 (þri) - Þorláksmessa			Ekkert flug
24.12 (mið) - Aðfangadagur			Ekkert flug
25.12 (fim) - Jóladagur			Ekkert flug
26.12 (fös) - Annar í jólum			Ekkert flug
27.12 (lau)			Ekkert flug
28.12 (sun)			Ekkert flug
29.12 (mán)	Frá Reykjavík		13:00	13:40
	Frá Gjögri		14:10	14:50
30.12 (þri)			Ekkert flug
31.12 (mið) - Gamlársdagur			Ekkert flug
01.01 (fim) - Nýársdagur			Ekkert flug
02.01 (fös)	Frá Reykjavík		13:00	13:40
	Frá Gjögri		14:00	14:40

Síðasta flug á Gjögur fyrir jól er á mánudaginn 22 desember.
Afgreiðslan Gjögurflugvelli sími 4514033.
Afgreiðsla Ernis sími 5624200.
Sjá nánar á www.ernir.is

Bíll með aftanívagn frá Srandafrakt sótti ullina til bænda í dag,ekki komst öll ullin með á þennan bíl og varð ull eftir hjá 2 bændum,og kemur Srandafrakt aðra ferð síðar.

Ullin fer í Ullarþvottastöð Ístex hf á Blönduósi.

Nú eru allar eldri fréttir af gamla vefnum komnar inn á þennan vef.

Vefsíðan byrjaði 28 nóvember 2003,og er nú búið að uppfæra á nýju útgáfu vefjarins.

Enn nýja útgáfan af Litlahjalla byrjaði 30 maí á þessu ári.

Síðast er eldri gestabókin uppfærð frá 1 desember 2003 fram til maí 2008,þar sem fólk hafði skrifað í hana fram til þess að nýja útgáfan byrjaði.

Vefsíðan www.litlihjalli.it.is er mjög létt í flettingum,tala nú ekki um fyrir þá sem eru með háhraðatengingu.

Nú í dag og um helgina er Kristján Kristjánsson rafvirki úr Reykjavík að setja upp rafmagnstöflu í nýja húsið á Finnbogastöðum,en Kristján ætlar að sjá um raflagnir í húsið hjá Guðmundi Þorsteinssyni.

Vinnutafla hefur verið og nú þegar aðaltaflan er komin upp verður hægt að keyra rafmagnstúpuna fyrir hitan á fullu eða eins og þarf.

Einnig er Kristmundur Kristsmundsson formaður Félags Árneshreppsbúa að aðstoða hann og vinna ýmislegt.

Þá kom Alexsander Hafþórsson einnig og er við að einangra loftin.

Allir þessir þrír komu saman á bíl að sunnan til að vinna í húsinu hjá Munda sem hægt er yfir helgina.Þeyr halda til í húsi Kristmundar á Gjögri.

 

Aðeins annar smiðurinn Ástbjörn,var að vinna í síðustu viku og er búið að klæða allt húsið að utan og ganga frá hornum og kringum glugga,enn er eftir að setja kjöljárn á þakið og ýmsan frágang að utan.Ástbjörn smiður er nú í fríi,enn kemur aftur að klára að utan í næstu viku ef veður leifir.

 

Nú eru komnar 113 myndir í myndaalbúmið,Finnbogastaðir-Bruninn og Uppbygging.

Bæjarins Besta.
Sérstaða Árneshrepps á Ströndum, sem m.a. felst í samfélagi og náttúru, er styrkur. Þetta kemur fram í úttekt sem Byggðastofnun hefur gert á byggðalögum með viðvarandi fólksfækkun. Mikil samheldni og samhjálp er meðal íbúa og brottfluttir sækja í að koma í heimabyggðina. Hlutfallslega eru flest störf í hreppnum í þjónustu, eða um 46%. Um 40% starfa eru í landbúnaði og fiskveiðum, en 32% að meðaltali í úttektinni og 1% í Reykjavík. Í menntun og menningu eru 12% starfa. Styrkleiki fyrir sjávarútveg er að stutt er á miðin. Landbúnaður er stærsti þátturinn í atvinnulífinu. Ferðamannastraumur er vaxandi, bæði hvað varðar innlenda og erlenda ferðamenn. Það breytti miklu fyrir byggðina að Ferðafélagið keypti jörð og gerði þar upp hús og er með ferðir á svæðið, jafnvel að vetrinum. Fastar bátsferðir eru fyrir göngufólk á Hornstrandir og Strandir, þannig skipulagðar að svæðið njóti góðs af og nýting á gistirými aukist. Verið er að reyna jeppaferðir að vetrinum.

Meira