Dufl rak á fjöru í svonefndri Akurvík í Reykjaneslandi rétt norðan við Gjögurflugvöll.
Duflið fanns í gær og fór undirritaður þangað í dag að taka myndir.
Ekki er vitað hverslags dufl þetta er en sennilega einhverslags rannsóknardufl.
Landhelgisgæsla og Siglingastofnun verða látin vita af dufinu sem er gult að lit og um 2,70 m að lengd,eins eru rafmagnskaplar úr öðrum endanum og í tengi í kúlulaga hlutann.

Föstudagur 17. ágúst

Matseðill kvöldsins verður með hefðbundnum hætti, ásamt öðrum föstum liðum.
Kl. 21.00 Setning Djúpavíkurdaga hefst með kaffisopa í boði hótelsins eins og venjan hefur verið síðustu ár.
Kl. 22.00 Tónleikar. Heiða Ólafs heldur tónleika í matsal hótelsins, undirleikari er Ari Björn. Aðgangseyrir kr. 1.500, -.

Laugardagur 18. ágúst

Kl. 14:00 Skoðunarferð um síldarverksmiðjuna, leiðsögumaður verðu Héðinn Birnir Ásbjörnsson.

Kl. 14:30 Djúpvíkingurinn. Keppni barna í ýmsum þrautum og leikjum sem nú er haldin í fjórða sinn; umsjón hefur Kristjana María Ásbjörnsdóttir.

Að lokinni keppni um Djúpvíkinginn verður bryddað upp á nýjung sem ákveðið hefur verið að reyna að koma í Heimsmetabók Guinnes á næsta ári. Þá eiga börn og fullorðnir að fara niður í fjöru og "fleyta kerlingar" í ca. 10 mín.
Líta má á þetta fyrsta skipti sem aðalæfingu fyrir næsta ár.

Kl. 16:30 verður boðið upp á stutta útsýnissiglingu með bátnum Djúpfara sem flutti frá höfuðborgarsvæðinu í vor. Allt að 6 manns geta farið út í einu, allir fá björgunarvesti.
Kl. 19:00-21:00 Sjávarréttahlaðborð. Hlaðborð Hótel Djúpavíkur hafa alltaf verið vinsæl í gegnum árin og nú er röðin komin að sjávarréttunum aftur.
Verð kr. 3.000,- fyrir manninn. Lifandi tónlist verður á meðan á borðhaldi stendur.


Kl. 22:00 Tónleikar. Trúbadúrinn Halli Reynis heldur tónleika í matsal hótelsins, aðgangseyrir kr. 1.500, -.

Sunnudagur 19. ágúst

Kl. 14:00 Síðasta kaffihlaðborð sumarsins, gómsætt að venju. Kr. 1.200, - fyrir manninnn.

Yfirlit yfir veðrið í júlí 2007 frá veðurstöðinni í Litlu-Ávík.
Mánuðurinn var frekar kaldur fram í miðjan mánuð síðan hlýnaði.
Úrkoman var talsvert undir meðaltali í mánuðinum eða 32,6 mm.
Sláttur hófst almennt um 10 júlí og var lokið að mestu fyrir mánaðarlok.
1-Breytilegvindátt gola þurrt hiti 6 til 13 stig.
2-15-Hafáttir yfirleitt gola eða stinningsgola,rigning eða súld með köflum,frekar svalt,hiti frá 3 stigum upp í 10 stig.
16-20-Breytilegar vindáttir eða suðlægar,Kul,Gola,Stinningsgola,smá rigning 19 og 20,hlýnaði verulega í veðri hiti 7 til 18 stig.
21-28-Norðan eða hægar hafáttir,Kul upp í Stinningsgolu,úrkomulítið aðeins súld eða smá rigning,heldur kólnaði aftur,hiti 7 til 16 stig.
29-30-Suðlægar vindáttir,stinningsgola,smá skúrir,7 til 15 stig.
31- Norðan stinningskaldiaðeins súld,hiti 9 til 11 stig.
Úrkoman mældist 32.6 mm og er það talsvert undir meðallagi.
Mestur hiti mældist 17,6 stig þann 20.
Minnstur hiti mældist 3,1 stig að morgni 16.
Sjóveður var gott allan mánuðinn nema 31,þá dálítill sjór.
Tekið saman af Jóni G Guðjónssyni veðurathugunarmanni í Litlu-Ávík.

Bílvelta varð á þriðjudaginn 31 júlí á svonefndum hálsum fyrir ofan Gjögur um miðjan dag.
Ökumaður og farþegi sem voru útlendingar slösuðust ekki.
Talið er að þeyr hafi lent í lausamöl.
Þetta er önnur bílveltan á tæpri viku í Árneshreppi.

Um morguninn 31 júlí virkaði ekki tölvan á veðurathugunarstöðinni í Litlu-Ávík.
Jón Guðjónsson veðurathugunarmaður hefur orðið að hringja inn veðurskeytin frá kl 06;00 þann 31 júlí til 12,00 í dag enn sendi í tölvu kl 18,00 í kvöld,og einnig faxað skilaboð ef hefur þurft.
Ný tölva var sett upp í dag enn vésin er enn með ISDN tengingu,vantar að fá fyrir ISDN Plús disk fyrir Windows Vista en Síminn mun senda hann í pósti að kosnaðarlausu,þangað til verður ekki eins hröð tenging og var.
Eins hefur ekkert verið hægt að skrifa á fréttasíðuna Litla Hjalla.is,enn ein frétt liggur fyrir.

Dansleikur
Oft var þörf en nú er nauðsyn að dusta rykið af dansskónum því
hið árlega verslunarmannahelgarball verður nú haldið laugardaginn 4. Ágúst!
Hljómsveit Gunnars Tryggvasonar, sá sem kom okkur á kortið í tónlistarbransanum með disknum ,,Strandamenn í stuði",
mun sjá um fjörið með hljómsveit sinni
Danssveitinni Cantabile
Dansleikurinn verður í Félagsheimilinu Árnesi og er 16 ára aldurstakmark.

Bílvelta varð í Veiðileysuhálsi rétt sunnan við há hálsin um kvöldmatarleytið í kvöld.
Aðeins ökumaður var í bílnum og slaðaðist ekki að ráði eitthvað marin.
Bílinn sem var jeppabifreið var á norðurleið og var því á leið upp hálsinn þegar óhappið varð.
Að vettvangi að sjá hefur bíllin farið eina eða tvær veltur niðurfyrir veg.
Lögreglan á Hólmavík er búin að koma á vettváng.
Ekki er vitað ennþá að sögn lögreglu hvað olli þessum útafakstri og bílveltu.
Ökumaður bílsins fékk far norður í sveit með ferðafólki,enn ökumaður var í miklu sjokki sem von var.Myndir af slysstað fylgja hér með.

Nú hefur það gengið vel með heyskapinn,nokkrir bændur búnir með fyrrislátt og flestir af þeim búnir að koma heim rúllum líka og raða upp eða setja inn.
Þetta er í fyrra fallinu að svo margir bændur séu búnir með fyrrislátt svo snemma enn ske hefur áður að bændur séu búnir um verslunarmannahelgi,enn sú helgi er í seinni kanntinum í ár.
Nokkrir af þeim bændum sem eru búnir núna munu slá upp úr miðjun ágúst seinnislátt(HÁ)enn það verður ekki almennt.
Sigursteinn bóndi í Litlu-Ávík lauk alveg heyskap í gær og heyrúllur komnar í stæðu í dag fyrir utan hlöðu,því miklar fyrningar eru hjá honum.
Í stæðunni hér á myndinni eru 276 heyrúllur,enn að Sigursteins sögn fer rúmlega ein rúlla á kind í fóðrun yfir haust og vetrarfóðrun ef um óskemdar rúllur er að ræða.
Heyskap er ekki alveg lokið ennþá í hreppnum,einn fjármesti bóndin á eftir eina eyðijörð sem hann nitjar til heyskapar og eitthvað heimavið,annar bóndi á smávegis eftir vegna sprettuleysis,reyndar má seygja sömu ástæðu hjá þeim báðum.

Vel hefur gengið nú undanfarið með heyskap um síðustu helgi var sleygið og heyað einhver ósköp hjá þeim sem vinna saman við að rúlla og pakka,pakkaðar yfir 400 rúllur á sólarhring.
Aðeins rigning var í gær í suðvestan og sunnanátt enn nú er komin suðaustan gola með 18 stiga hita.
Þeir bændur sem nytja jarðir sem eru í eyði eiga yfirleytt eftir að slá þaug tún.
Og nú eru bændur að slá,ryfja eða hirða.
Einn bóndi hefur lokið heyskap en er að koma rúllum heim af túnum.

Skákmótið sem haldið var í Trékyllisvík var ekki vel sótt af heimamönnum nema yngri kynslóðinni,eins og kemur fram á Strandir.is,það er ekki rétt,enda mætti hvorki formaður Skákfélags Árneshrepps vegna anna við heyskap og var búið að byðja Hrafn Jökulsson að seinka skákmótinu.
Þannig að margir sem eru framarlega hér í skákinni mættu ekki.
Hrafn á miklar þakkir fyrir hvað hann er duglegur að halda mót hér í hrepnnum enn þarf aðeins að gæta að tímasetningu eins og undirritaður benti honum á.
Það er merkilegt að Strandir.is skyldi gera svona mikið úr skákmóti sem var lítið sótt nema af ferðafólki og þar ámeðal Hólmvíkingum og fólki frá Kirkjubóli.