Gleðilegt Ár.
Veðrið á miðnætti var:
Norðnorðvestan 3 m/s snjókoma skyggni 3 til 5 km skýahæð um 300 m frost 1 stig allmikill sjór.
Jörð var alhvít snjódípt um 5 cm.
Skotið var upp flugeldum um miðnætti í gríð og elg ekki sást milli bæja að neinu ráði.
Við bræður hér í Litlu-Ávík skutum upp flugeldum að sjálfsögðu enn við sáum ekki á Krossnes hné til Norðurfjarðar nema um eina mínútu eða svo,enda snjókoma og fjarðlægð þangað 4 til 7 km beint yfir.
Enn það er ekki hægt annað enn kalla þetta frábært áramótaveður.

Kæru lesendur heimasíðan litlihjalli.it.is óskar ykkur Gleðilegra Áramótahátíðar.
Gangið nú hægt um gleðinnar dyr og farið varlega með flugeldana í kvöld og gætið sem mestrar aðgæslu.
Guð gefi ykkur Gleðilegt nýtt ár.
Jón Guðbjörn
Litlu-Ávík.

Vefnum hefur borist fréttir um áætlun flugfélagssins Ernis til Gjögurs.
Fyrsta flug til Gjögurs verður á annan í nýári.
Síðan verður flogið á mánudögum og fimmtudögum eins og hefur verið.
Áætluð brottför þessa áætlunardaga úr Reykjavík er kl 13:00.
Aðsetur flugfélagsins er á bak við Loftleiðir,þar er mæting flugfarþega og einnig er þar vöruafgreiðsla(pakkaafgreisla).
Siminn hjá flugfélaginu Erni er 5624200.

Bæarins Besta segir frá því í dag að Ernir séu að fá nýja flugvél af gerðinni Jetstream 32 sem er bresk 19 sæta skrúfuþota af fullkominni gerð og er hún með jafnþrýstibúnaði.Ætlunin er að nota hana á milli Sauðarkróks,Hafnar í Hornafirði í innanlandsflugið.
Einnig er haft eftir Herði Guðmundssyni að draumurinn sé að fá aðra 19 sæta vél fyrir vestfjarðaflugið Bíldudal og Gjögur.
Áætlað er að hin nýja flugvél lendi á Reykjavíkurflugvelli um kvöldmatarleytið,enn henni er flogið frá Danmerku.Sjáið nánar á www.bb.is

Félagsvist verður í félagsheimilinu Árnesi í kvöld kl 21:00.

Séra Sigríður Óladóttir sóknarprestur Hólmavíkur prestakalls messaði í Árneskirkju í dag.Gunnlaugur Bjarnason lék á orgel og kór Árneskirkju söng.
Góð mæting var.

Ég óska ykkur lesendur góðir Gleðilegra Jólahátíðar Guð veri með ykkur öllum.
Jólakveðja
Jón Guðbjörn
Litlu-Ávík.

Nú lítur út fyrir að verði rauð jól hér á Ströndum sem og víðast hvar annarsstaðar.
Hiti var rúmlega ellefu stig kl níu morgun.

Um kl hálf fjögur hefur dreigið mikið úr veðurhamnum,og nú um kl 16:00 er vindur komin niðrí um 22 til 25 m/s það er nú að verða þolanlegt.
Þannig að hættuástandi er aflýst hér á þessum slóðum.
Ég nota hér með tækifærið og þakka Fréttastofu Ríkisútvarpsins fyrir alla aðstoð vegna nettruflana í morgun og að fylgjast vel með veðrinu og veðurmanni hér í morgun við slæmar aðstæður þótt ekki meira sé sagt.
Jón Guðbjörn Guðjónsson
Veðurathugin
Litlu-Ávík.
Ströndum.

Veður um kl 15:00.
Það eru eingin lát á þessu ofsaveðri og eða fárviðri.
Ekkert hefur frést af verulegu tjóni í þessum
veðurham enn sem betur fer,undirritaður hefur haft samband við nokkur heimili í sveitinni,eitthvað hefur verið um það að loftnet hafi snúist eða horfið út í buskann,heyrúlla hefur fokið hér úr stæðu í Litlu-Ávík.
Á Krossnesi hafði bóndinn ekki treyst sér út í fjárhús að gefa féinu,ekki var það um eittleytið í dag.
Nú það má seygja sem svo að netsamband hafi fokið út í veður og vind um tíma hér fyrir vestan,enn það voru rafmagnstruflanir á vesturlínu.
Nú um þrjú leytið er svipað veður og um hádeygið.
Jafnavindur um 35 m/s og kviður hafa aðeins minnkað eru nú um 44 m/s.