Ekki var hægt að fljúga á Gjögur í dag vegna þoku.Svarta þoka er búin að vera í dag og svalt í hafgolunni hiti frá 2 stigum og mestur hiti í dag fór í 4,0 stig.

Fiskverkun Gunnsteins Gíslasonar á Norðurfirði er búin að verka í 70 tunnur af grásleppuhrognum.
Mest allt af þessu er af bátnum Jóni Emil ÍS 19.
Gunnsteinn á bátnum Óskari III ST 40 hefur lagt líka,enn mikil vinna er að verka hrognin hjá honum og lítið getað verið á sjó og oft slæmt í sjó fyrir hann enn það er minni bátur enn Jón Emil.
Þórður Magnússon á Drangavík ST 160 hætti við að fara á grásleppu.
Að sögn Skarphéðins Gíslasonar er gráslepputímabilið búið hjá honum 21 maí og verður þá að vera búin að draga upp.

Nú er verið að moka vegi hér innansveitar og frá Bjarnarfirði og norður í Djúpavík og Gjögurs.
Þetta er þungur og blautur snjór.

Allt var orðið alhvítt í morgun kl sex þegar veðurathugunarmaðurinn í Litlu-Ávík kom á fætur og tók veður.
Það var bullandi slydda komin kl 2100 í gærkvöld og orðið velgrátt kl 2300.
Í morgun mældist snjódípt 6 cm miðað við jafnfallin snjó.Kl níu var NNA 8 m/s hiti 0,3 stig og snjókoma og skyggni 2 km,úrkoman var eftir nóttina 10,5 mm. Enn heldur virðist vera að draga úr ofankomunni nú þegar þetta er skrifað um 0920.
Jörð var orðin alauð 28 apríl.

Í morgun kom inn á Norðurfjörð Færeykst skip Havfrakt með áburð.
Oftast eru þetta leiguskip sem koma með áburðin undanfarin ár eins og nú.
Varla sjást nú frægtskip á Norðurfirði nema þegar áburðurinn kemur.

Í gærkvöld héldu nemendur Finnbogastaðaskóla sína vorhátíð sem er orðin fastur liður í apríl.
Hátíðin byrjaði með þriggja rétta málsverði,síðan var samsöngur börnin lásu sögur súngu og ljóðalestur,kaffibrúsakarlarnir,síðan kom Sylvía Nótt fram.
Myndirnar tala sínu máli.

Enn er dálítill snjór hér í Árneshreppi,eins og fram hefur komið á vefnum www.strandir.is skiptir alveg um snjóalög við norðanmeigin Steingrímsfjörð eða fyrir alvöru frá Bjarnarfirði og norðurúr.
Nú í dag eru alhvít fjöll enn flekkótt jörð niður við sjó.
Í fyrra voru bændur hér farnir að vinna á túnum(slóðadraga)og vinna ýmis önnur vorverk.
Nú lítur ílla út með þetta allt vegna snjóa og jörð þá eftir að þorna til að verða vélgeng.
Margir góðir veðurspekingar seygja þetta veður svona annaðhvort ár.
Það er mikið til í því að svo sé enn vorkuldar eru oftast hér á þessum slóðum um sauðburð og jafnvel lángt fram í júní.

Góðir gestir komu og sóttu okkur Árneshreppsbúa heim,enn það var Leikfélag Hólmavíkur sem síndi leikritið Fiskar á þurru landi í kvöld í Félagsheimilinu hér í Trékyllisvík.
Leikritið er eftir Árna Ibsen og í leikstjórn Kolbrúnar Ernu Pétursdóttur.
Ekki var annað að heira enn áheirendur skemmtu sér vel og voru leikendur klappaðir oft upp í lok sýningar.

Gleðilegt sumar.
Hér í Árneshreppi fraus saman vetur og sumar í nótt,eftir gamalli trú er það talið vita á gott sumar.
Frotstið á veðurstöðinni í Litlu-Ávík í nótt fór niðrí mínus 1,2 stig og við jörð neðrí mínus 4,9 stig.

Nú er verið að opna norður frá Bjarnarfirði og til Gjögurs.
Sverrir Guðbrandsson hjá Vegagerðinni á Hólmavik sagði í viðtali við mig,eftir snjóruðningsmönnum að mikil snjóflóð væru á Kjörvogshlíðinni og urðu mokstursmenn að búa til slóð yfir og taka hallan af.
Tvö tæki opna norðan meigin frá enn veghefill sunnanmeigin og var hann komin á Spenan (hreppsmörk Árneshrepps og Kaldaðarneshrepps).
Ekkert er vitað um hversu mikill snjór er á Veyðileysuhálsi.
Þess má geta að allir snjómokstursmenn eru með snjóílur.
Fólk sem ætlar suður þegar opnast seint í dag eða í kvöld ætti að fylgjast með á vef Vegagerðarinnar sem hægt er að fara inná hér til vinstri á síðunni undir tenglar Vegagerðin.