Landsflug flaug sitt áætlunarflug á Gjögur í dag annan Páskadag.
Talsvert af fólki fór suður með vélinni í dag framhaldsskólafólk og aðrir sem komu landleiðina fyrir páska enn komast ekki á bílum aftur og treysta því ekki að komast landleiðina aftur á morgun.
Það snjóaði fram á hádeygi í dag enn stytti síðan upp og er að snúa sér í éljagáng.

Talsvert hefur snjóað undanfarna 3 daga og í dag var og er verið að moka hér innansveitar frá Norðurfirði og til Gjögurs.
Ófært er út úr hreppnum til Hólmavíkur enn kannsi opnað á morgun nokkrir bílar bíða eftir að komast suðurúr,fólk sem kom á bílum hingað um Páskahátíðina.
Snjórinn er blautur og þúngur í mokstri.
Jón G G.
PS Því miður á ég ekki mynd af flugvallarvélinni eftir að ég skipti um tölvu í haust og ekki hist á að ég næði mynd nú nýverið afsakið það

Ég óska ykkur lesendur góðir Gleðilegrar Páskahátíðar.
Jón Guðbjörn Litlu-Ávík.

Nú í dag á Föstudaginn langa var guðsþjónusta og skírn í Árneskirkju.
Prestur var séra Sigríður Óladóttir og kór Árneskirkju söng við undirleik Gunnlaugs Bjarnasonar.
Skírður var drengur þeirra Hörpu Böðvarsdóttur og Torfa Björnssonar,sem hlaut nafnið Sigurður Björn Torfason.
Faðir drengsins Torfi er frá Melum hér í Víkursveit enn foreldrarnir eru búsett á höfuðborgarsvæðinu.
Frekar sjaldgæft er að skírt sé í Árneskirkju við almenna guðsþjónustu nú orðið.

Þrír bátar munu gera út á grásleppu frá Norðurfirði í vor.Einn bátur er byrjaður er það aðkomubáturinn Jón Emil ÍS 19 frá Ísafirði skipstjóri og eigandi hans er Skarphéðinn Gíslason.
Skarphéðin lagði yfir 30 net þegar hann kom að vestan þann 3 apríl enn varð að draga strax upp aftur dagin eftir vegna slæmrar spáar og sjógángs sem og gekk eftir.
Í þessi rúmlegu 30 net eftir tæpan sólarhring í sjó fengust rúmar 4 tunnur af hrognum og seygir Skarphéðin þetta lofa góðu með veiðina.
Skarphéðin lagði netin aftur í gær og bætti við net í sjó.
Hinir tveir bátarnir eru ekki byrjaðir ennþá,enn það eru heimabátarnir Drangavík ST 160 og Óskar III ST 40 og eru það miklu minni bátar og varla sjóveður fyrir þá enn.

Nú í dag á sunnudeigi er verið að opna vegin norður í Árneshrepp,þetta kemur fram á vefsíðu Vegagerðarinnar.
Ófært er búið að vera um veigin norður um tæpar þrjar vikur.

Nú er hægt að ná Svæðisútvarpi Vestjarða á Ísafirði RÚV á netinu.
Þið lesendur góðir farið á veffang RÚV.ÍS og veljið þar viðkomandi Svæðisstöð í því sambandi veljið þið Útvarp Vestfjarða ef hlusta á svæðisfréttir af Vestfjörðum.
Finnbogi Hermannsson Forstöðumaður RÚV á Ísafirði sagði mér frá þessu í dag,enn hann hafði samband við mig í dag vegna fréttar minnar um að ær hefði borið í Bæ í Trékyllisvík og er fréttin á Svæðisútvarpinu í heild sinni frá mér þar.
Farið á Útvarp Vestjarða og hlustið á fréttir frá Ströndum og af Vesfjörðum almennt.

Nú kl 0900 er hvassviðri eða 17 til 18 m/s mikil snjókoma skyggni ekkert frost -1,7 stig og mikill sjór.
Eftir veðurspá á að draga úr vindi og ofankomu smátt og smátt þegar lýður á daginn.
Nú er farið að draga í nýja skafla,enn lítill snjór var fyrir.

Hjá bændunum í Bæ þeim Gunnari Dalkvist og Pálinu Hjaltadóttur bar ærin Baua óvænt tveim hrútlömbum í gær.
Ærin sem gekk í haust í Veyðileisu hefur fengið um það leiti sem bændur náðu í fé þar inneftir í haust,enn fjórir lambhrútar gengu þar í féinu fram á haust sem náðust ekki í hefðbundnum leytum í haust þar til fé var sótt og tekið inn á gjöf.
Hefðbundin sauðburður hefst um tíunda maí.

Í morgun var vindur vestlægur fram undir hádegið og síðan norðvestan,strekkingur fram undir hádeigið enn fór að bæta mikið í vind upp úr hádeiginu.
Kl 1800 á veðurstöðinni í Litlu-Ávík var Norðan 24 m/s snjókoma og komin mikill sjór er nú að verða komin stórsjór.