Fleiri fréttir

Jón G. Guðjónsson | þriðjudagurinn 1. september 2009

Yfirlit yfir veðrið í Ágúst 2009.

Hafíshrafl sást við Sælusker(Selsker) í mánuðinum.
Hafíshrafl sást við Sælusker(Selsker) í mánuðinum.
Veðrið í Ágúst 2009.

Yfirlit yfir veðrið frá Veðurstöðinni í Litlu-Ávík.

Mest voru norðlægar áttir ríkjandi í mánuðinum hægur vindur framanaf en oftast kaldi síðari hluta mánaðar,en sæmilegur hiti oftast nema síðusu dagana og í kuldakastinu 20 til 21 ágúst og þá gránaði í fjöll.

Mánuðurinn var talsvert úrkomusamur fyrstu vikuna,síðan úrkomulítið fram undir 19,þá nokkuð úrkomusamt aftur út mánuðinn.

Hafíshrafl sást í mánuðinum.


Yfirlit dagar vikur.

1-4:Norðan eða NV kul gola eða stinningsgola,rigning eða súld,hiti 6 til 10 stig.

5:Norðaustan stinningskaldi,norðlægur um kvöldið með stinningsgolu,rigning og súld,hiti 9 til 11 stig.

6-9:Breytilegar vindáttir kul eða gola,súld síðan smá skúrir,hiti 10 til 17 stig.

10-18:Norðlægar vindáttir,kul,gola eða stinningsgola,lítils háttar súld eða skúrir með köflum,hiti 7 til 13 stig.

19:Norðaustan og A,kaldi uppí alhvassan vind rigning,hiti 8 til 10 stig.

20-21: Norðan allhvass síðan NV allhvass og vindur gekk niður um hádegi,talsverð rigning,hiti 3 til 10 stig.

22:Breytileg vindátt gola eða stinningsgola,skúrir,hiti 6 til 14 stig.

23-31:Norðlægar vindáttir gola,stinningsgola en stinningskaldi 28 og 29,síðan kaldi út mánuðinn,rigning eða þokusúld,hiti 5 til 12 stig.

Úrkoman mældist:131,1 mm (í ágúst 2008:52,4 mm).

Þurrir dagar voru 3.

Mestur hiti mældist 17,0 stig þann 7.

Minnstur hiti mældist 3,1 stig þann 21.
Meðalhiti mánaðarins var: +8,8 stig.

Meðalhiti við jörð var:+6,89 stig (í ágúst 2008:+5,59 stig)

Sjóveður:Var ágætt nema þann 5 og nokkuð rysjótt frá 19 og út mánuðinn.

Tekið saman af Jóni G Guðjónssyni veðurathugunarmanni í Litlu-Ávík. 

Jón G. Guðjónsson | sunnudagurinn 2. ágúst 2009

Yfirlit yfir veðrið í Júlí 2009.

Heyfengur var talin góður.Frá heyskap í sumar í Litlu-Ávík.
Heyfengur var talin góður.Frá heyskap í sumar í Litlu-Ávík.
1 af 3
Veðrið í Júlí 2009.

Yfirlit yfir veðrið frá Veðurstöðinni í Litlu-Ávík.
Í júlí voru vindáttir mest Norðlægar.
Mánuðurinn var nokkuð hlýr framanaf en kólnaði talsvert með þokusúld um tíma þegar hundadagar byrjuðu þann 13.

Úrkomulítið var framanaf mánuði en oftast þokuloft og rakt.Aftur mjög kalt í veðri 23 og 24 með kalsarigningu eða skúrum og jafnvel hagléljum,og þá snjóaði í fjöll allt niðri 400 m.Og aftur vætusamt síðustu daga mánaðar.Bændur hófu almennt slátt í annari viku júlí mánaðar og er það líkt og í fyrra,og heyskap lauk í síðustu viku mánaðar og er heyfengur talin góður.

 

Yfirlit dagar vikur.

1:Breytileg vindátt logn eða andvari,þurrt,hiti 12 til 16 stig.

2:Suðaustan gola skúrir hiti 13 til 16 stig.

3-8:Norðan eða NV kul eða gola,súld þ.4 og 7 annars yfirleitt þokuloft,hiti 6 til 13 stig.

9-10:Breytilegar vindáttir kul eða gola,þurrt þ.10,hiti 6 til 17 stig.

11-13:Norðan eða NV gola eða stinningsgola,súldarvottur,hiti 7 til 13 stig.

14-15:Norðan stinningskaldi í fyrst síðan stinningsgola,rigning eða súld,hiti 6 til 8 stig.

16-22:Norðan eða N,lægar vindáttir,kul,gola eða stinningsgola,súldarvottur með köflum,hiti 6 til 11 stig.
23-24:Norðan eða NV kaldi,stinningskaldi og upp í allhvassan vind um tíma 23,rigning,skúrir og haglél,hvítnaði í fjöllum,hiti 4 til 7 stig.

25-31:Mest Norðanáttir gola,stinningsgola en kaldi 27 og 28,rigning eða súld,hiti 5 til 11 stig.


Úrkoman mældist:49,0 mm.(í júlí 2008:95,3 mm).
Þurrir dagar voru 8.
Mestur hiti mældist þann 9 þá 17,0 stig.

Minstur hiti mældist þann 23 þá 4,2 stig.
Meðalhiti mánaðarins var:+8,8 stig.
Meðalhiti við jörð var:6.62 stig.(í júlí 2008:+6,81 stig).

Sjóveður:Að mestu gott veður nema dagana 14,15,23,24,28 og 29,þá nokkuð slæmt í sjóinn.
Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | miðvikudagurinn 1. júlí 2009

Yfirlit yfir veðrið í Júní 2009.

Oft var þokuloft í júní.Séð frá L-Á yfir á Kálfatinda.Krossnes og Fell í þoku.
Oft var þokuloft í júní.Séð frá L-Á yfir á Kálfatinda.Krossnes og Fell í þoku.
Veðrið í Júní 2009.

Yfirlit yfir veðrið frá veðurstöðinni í Litlu-Ávík.

 

Mánuðrinn var hægviðrasamur og úrkomulítill enn oft þokuloft.

Júní í ár er hlýrri en júní 2008.

Fjöll voru fyrst talin alauð þann 30, mánaðar.

Bændur báru tilbúin áburð á tún í byrjun mánaðar og fram til 10.

Tún spretta seint vegna þurrka.

 

Yfirlit dagar vikur.

1-3:Suðvestan stinningsgola eða kaldi,þurrt í veðri,hiti 6 til 11 stig.

4:Breytileg vindátt með golu þurrt,hiti 6 til 8 stig.

5-15:Yfirleitt hafáttir kul eða gola en kaldi þann 12,oft þokuloft,úrkomuvottur 9,11,12 og 15,annars þurrt,hiti 4 til 13 stig.

16-19:Norðvestan og N gola,síðan kaldi,þokuloft og súld,hiti 4 til 11 stig.

20:Suðaustan eða breytileg vindátt kul,rigning um kvöldið,hiti 4 til 12 stig.

21-22:Suðvestan gola eða stinningsgola,skúrir,hiti 7 til 13 stig.

23-24:Breytilegar vindáttir kul síðan stinningsgola,rigning smá skúrir 24,hiti 5 til 10 stig.

25-30:Norðan eða hafáttir kul eða gola,þokuloft og súld á köflum,hiti 5 til 14 stig.

 

Úrkoman mældist:11,8 mm.(í júní 2008= 40,6 mm).

Þurrir dagar voru 16.

Mestur hiti mældist þann 30:+14,5  stig.

Minstur hiti mældist þann 14: +3,4 stig.
Meðalhiti mánaðarins var: +7,5 stig.

Meðalhiti við jörð var:+4,85 stig (í júní 2008 = +3,96 stig).

Sjóveður:Hið besta sjóveður allan mánuðinn.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | þriðjudagurinn 2. júní 2009

Yfirlit yfir veðrið í maí 2009.

Þann 31 maí eru fjöll talin flekkótt.Örkin 634 m.
Þann 31 maí eru fjöll talin flekkótt.Örkin 634 m.
1 af 2
Veðrið í Maí 2009.

Yfirlit yfir veðrið frá Veðurstöðinni í Litlu-Ávík.

Mánuðurinn byrjaði með suðlægum vindáttum fyrstu þrjá dagana með sæmilegum hita,síðan voru N og NA áttir fram til 9 mánaðar,með allmiklu hreti sjöunda og áttunda.

Suðlægar vindáttir frá tíunda til fjórtánda með hlýindum og snjór bráðnaði hratt á láglendi og í fjöllum.

Síðan Norðlæg eða breytilegum vindáttum og kólnaði talsvert með þokulofti og úrkomu með köflum.Það snarhlýnaði aftur þann 28 með suðlægum vindáttum út mánuðinn.

Byrjað var að setja lambfé  á tún nokkru fyrr enn í fyrra eða um 18,í stað 23 í fyrra.

Ræktuð tún farin að taka vel við sér stax um 20 og orðin vel græn um mánaðarmót,og úthagi farin að taka vel við sér.

Jörð á láglendi hefur verið talin alauð frá 10 maí,og er það þrem dögum fyrr en í fyrra.

Flekkótt fjöll eru enn í lok mánaðar.

 

Yfirlit dagar vikur.

1-3:Suðvestan stinningsgola uppí kalda,súld og þokuloft,þurrt þann.3,hiti 2 til 9 stig.

4-6:Norðan eða NA gola eða stinningsgola,súld,rigning eða slydda,hiti 0 til 6 stig.

7-9:Norðan stinningskaldi,allhvass en hvassviðri um tíma þann 8,slydda eða snjókoma,Norðanáttin gekk niður þann 9 og komin SV stinningsgola seinnipartinn.

10-12:Sunnan stinningskaldi síðan allhvass eða hvassviðri með stormkviðum,rigning eða skúrir,hiti 4 til 14stig.

13-14:Sunnan eða breytileg vindátt,stinningskaldi síðan gola,þurrt í veðri,hiti 5 til 15 stig.

15-19:Norðan eða NA kul eða stinningsgola,þokuloft og súldarvottur,hiti 2 til 5 stig.

20-23:Hafáttir eða breytilegar vindáttir,kul eða gola,þokuloft á stundum,þurrt 20-21 og 22,enn rigning 23,hiti 1 til 11 stig.

24:Norðaustan eða A,gola í fyrstu síðan allhvass um tíma,smávegis rigning,hiti 5 til 9 stig.

25:Norðaustan gola í fyrstu síðan SV stinningsgola,rigning og súld,hiti 4 til 6 stig.

26-27:Norðvestan eða breytilegar vindáttir,stinningsgola síðan kul,þokuloft og súld síðan skúrir,hiti 3 til 6 stig.

28-31:Suðvestan stinningsgola uppí stinningskalda,skúrir,hiti 4 til 12 stig.

 

Úrkoman mældist:48,1 mm.(í maí 2008:52,8 mm).

Úrkomulausir dagar voru 7.

Mestur hiti var þann 13 þá 15,0 stig.

Mest frost -0.7 stig að morgni 1 maí.

Jörð alhvít í 0 dag.

Jörð flekkótt í 8 daga.

Auð jörð því í 23 daga.

Mesta snjódýpt ómælanlegt,aðeins flekkótt.
Meðalhiti mánaðarins var:5,5 stig.

Meðalhiti við jörð:+2,86 stig.(í maí 2008:+2,95 stig).

Sjóveður:Slæmt sjóveður dagana 7,8og 9 og 25,annars sæmilegt eða gott.

Tekið saman af Jóni G Guðjónssyni veðurathugunarmanni í Litlu-Ávík.

 

Jón G. Guðjónsson | sunnudagurinn 3. maí 2009

Yfirlit yfir veðrið í Apríl 2009.

Frá Litlu-Ávík Sumardaginn fyrsta 23-04-09.Það snjóaði þá og daginn eftir var svarta bylur.
Frá Litlu-Ávík Sumardaginn fyrsta 23-04-09.Það snjóaði þá og daginn eftir var svarta bylur.
Veðrið í Apríl 2009.

Yfirlit yfir veðrið frá Veðurstöðinni í Litlu-Ávík.

Mánuðurinn byrjaði með hita yfir frostmarki fyrstu daga mánaðar síðan vægt frost framí miðjan mánuð,þá hlýnaði í veðri.Kólnaði og snjóaði talsvert 23 Sumardaginn fyrsta og 24,eftir það fór nú hiti að hækka aftur með austlægum og suðlægum vindáttum.

Úrkomusamt var í mánuðinum.

 

Yfirlit dagar vikur.

1-3:Norðaustan stinningskaldi eða allhvass,slydda,rigning eða súld,hiti 0 til +3 stig.

4:Suðlæg eða breytileg vindátt,kul,súld og þokuloft,hiti +2 til +7 stig.

5-14:Norðan eða NA,oftast kaldi,eða stinningsgola,slydda,snjókoma eða él,hiti frá +2 stigum niðri -4 stig.

15-19:Austan og SA eða breytilegar vindáttir,yfirleitt kul eða gola,súld,rigning en slydda um kvöldið 18.hiti frá +1 stigi uppí +9 stig.

20-21:Suðlægar vindáttir,stinningskaldi eða kaldi,skúrir eða rigning,hiti +3 til +8 stig.

22:Austan gola eða kaldi,slydda,hiti 0 til +4 stig.

23-24:Breytileg vindátt í fyrstu síðan Norðvestan allhvass,slydda síðan snjókoma,hiti +3 stig niðri -1 stig.

25:Norðan stinningsgola snjókoma hiti -1 stig og uppí +1 stig,heldur hlýnandi.

26-27:Austan gola slydda í fyrstu síðan þokuloft og smá súld,hiti +1 til +3 stig.

28-30:Suðlægar vindáttir en vestlægari þann 30,rigning eða súld,hiti +3 til +10 stig.

 

Úrkoman mældist:121,2 mm. (í apríl 2008:28,5 mm).

Úrkomulausir dagar voru 1.

Mestur hiti mældist þann 29.+10,2 stig.

Mest frost var þann 12. -4,2 stig.

Jörð alhvít í 16 daga.

Jörð flekkótt í 14 daga.

Auð jörð því í 0 dag.

Mesta snjódýpt mældist þann 1 þá 49 cm.
Meðalhiti mánaðarins var: +1,9 stig.

Meðalhiti við jörð var:-1,20stig. (í apríl 2008:-1,38 stig).

Sjóveður:Slæmt eða ekkert sjóveður frá 1 til 13 og 23,24 og 25 mánaðar,en gott eða sæmilegt annars.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | miðvikudagurinn 1. apríl 2009

Yfirlit yfir veðrið í Mars 2009.

Úr mælaskýli.
Úr mælaskýli.

Veðrið í Mars 2009.

Yfirlit yfir veðrið frá Veðurstöðinni í Litlu-Ávík.

Suðvestanáttir voru fyrstu tvo dagana með frosti og síðan mest Norðaustanáttir framí miðjan mánuð með snjókomu og frosti.Eftir það tóku suðlægar áttir við með þíðviðri í um vikutíma.

Síðan frá 24 Norðan og NA áttir með frosti og snjókomu eða éljum út mánuðinn.

Talsverður snjór var komin á jörðu á láglendi með sköflum um miðjan mánuð,og náði jörð að vera flekkótt í um 7 daga í þíðviðrinu þegar snjór seig talsvert.Síðan bætti mikið á aftur síðustu daga mánaðar.

 

Yfirlit dagar vikur.

1:Suðvestan kaldi um daginn og þurrt,en A stinningsola eða kaldi um kvöldið snjókomu,frost -1 til -5 stig.

2:Suðvestan stinningskaldi um daginn og skafrenningur,en N og NV kaldi eða stinningskaldi um kvöldið með snjókomu,frost 0 til -3 stig.

3:Norðaustan hvassviðri eða stormur með mikilli snjókomu,frost -2 til -6 stig.

4-13:Norðaustan eða Norðan oftast kaldi eða stinningskaldi og eða allhvass,snjókoma eða él,skafrenningur,frost frá 0 til -5 stig.

14:Austan og SA stinningskaldi eða allhvass,snjókoma um morguninn,skúrir um kvöldið,frost frá -1 stigi uppí +6 stiga hita.

15-19:Mest suðlægar vindáttir kaldi síðan oftast gola,snjókoma um morgunin þann 17 síðan rigning eða súld,+1 til +8 stig.

20:Norðvestan eða breytileg vindátt kul,lítilsháttar rigning og súld,þokuloft,hiti +2 til +3 stig.

21-23:Suðvestan eða suðlæg vindátt,gola eða stinningsgola,skúrir eða slydduél,þurrt þann 23,hiti +1 til +4 stig.

24-27:Norðan og NA kaldi,allhvass þann 26 um tíma,gola þann 27,él eða snjókoma,hiti frá +1 stigi niðri -8 stig.

28:Suðaustan kul eða stinningsgola,snjókoma eftir hádegi og fram á kvöld,frost -2 til -11 stig.

29-31:Norðaustan og N,hvassviðri,allhvass eða stinningskaldi,snjókoma eða él,frost -1 til -7 stig.

 

Úrkoman mældist:84,2 mm. (í mars 2008:94,6 mm).

Úrkomulausir dagar var 1.

Mestur hiti var þann 18:+8,5 stig.

Mest frost var aðfarnótt 28: -11,1 stig.

Jörð alhvít í 24 daga.

Jörð flekkótt 7 daga.

Auð jörð því í 0 daga.

Mesta snjódýpt mældist þann 14 þá 57 cm.En oft var snjódýpt á milli 40 og 50 cm.
Meðalhiti mánaðarins var: -0,8 stig.

Meðalhiti við jörð var:-3,61 stig.(í mars 2008:-3,09 stig).

Sjóveður:Gott eða sæmilegt dagana 1,og 16 til 19 og 21 til 23 og 27 og 28.Annars slæmt eða ekkert sjóveður vegna hvassviðra eða mikils sjógangs.

Tekið saman af Jóni G Guðjónssyni veðurathugunarmanni í Litlu-Ávík.

 

 

Jón G. Guðjónsson | sunnudagurinn 1. mars 2009

Yfirlit yfir veðrið í Febrúar 2009.

Lágmarksmælir við jörð.
Lágmarksmælir við jörð.

Veðrið í Febrúar 2009.

Yfirlit yfir veðrið frá Veðurstöðinni í Litlu-Ávík.

Mánuðurinn var kaldur í heild.

Mánuðurinn byrjaði með kulda og var talsvert frost fram til 12,en vindur oftast hægur.Þá gerði smá blota hlýnaði og kólnaði á víxl með svellalögum þannig að gífurleg hálka myndaðist.Snjóaði svo talsvert þ,20,smá bloti aftur þ,21.

Síðan að mestu Norðaustan út mánuðinn með frosti,éljum og snjókomu.

Nú í þessum mánuði voru Norðan og NA áttirnar kaldar en voru nokkuð hlýjar í janúar síðastliðnum.

 

Yfirlit dagar vikur.

1-2:Suðlæg vindátt andvari eða gola,þurrt í veðri,hiti frá +1 stig niðri -5 stig.

3-12:Norðan,NA eða A,lægar vindáttir,gola og uppí stinningskalda og jafnvel kaldi,lítilsháttar él,hiti frá 0 og niðri -8 stig.

13-16:Breytilegar vindáttir eða A lægar,logn,kul eða gola,él þann 13 annars slydda eða rigning,hiti frá -3 stig til +6 stig.

17-19:Sunnan og SV,oftast kaldi en stormur aðfaranótt 19 og fram á morgun,rigning,skúrir og síðan él,hiti frá +9 stigum niðri -2 stiga frost.

20:Norðaustan stinningsgola eða kaldi með snjókomu hiti frá +1 stigi niðri -1 stig.

21:Logn eða breytileg vindátt í fyrstu síðan V stinningskaldi og allhvass um kvöldið,snjókoma um morgunin síðan lítils háttar rigning en þurrt um kvöldið,hiti +0 til +5 stig.

22:Norðvestan og N stinningsgola,snjókoma með köflum,frost -1 til -5 stig.

23-25:Norðaustan eða A oftast allhvass eða hvassviðri með snjókomu,frost -1 til -5 stig.

26:Norðaustan stinningsgola síðan A gola,lítils háttar él,frost -3 til -5 stig.

27-28:Logn eða suðlæg vindátt með andvara,snjókoma með köflum þann 27 annars þurrt,frost 0 til -7 stig.

 

Úrkoman mældist:53,0 mm.  (í febrúar 2008:69,8 mm.)

Úrkomulausir dagar voru 6.

Mestur hiti var aðfaranótt 18:+9,3 stig.

Mest frost var að morgni 12:-8,1 stig.

Jörð alhvít í 22 daga.

Jörð flekkótt í 5 daga.

Auð jörð því í 1 dag.

Mesta snjódýpt mældist þann 28: 28 cm.
Meðalhiti mánaðarins var: -1,0 stig.

Meðalhiti við jörð var:-4,34 stig (í febrúar 2008:-3,66.)

Sjóveður:Gott eða sæmilegt dagana 1 til 9 og 12 til 16 og dagana 27 og 28,annars slæmt eða ekkert sjóveður,vegna hvassviðra eða sjógangs.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | mánudagurinn 2. febrúar 2009

Yfirlit yfir veðrið í Janúar 2009.

Frá Litlu-Ávík 30-01-09.Dálítill snjór á jörðu í lok mánaðar.
Frá Litlu-Ávík 30-01-09.Dálítill snjór á jörðu í lok mánaðar.
Veðrið í Janúar 2009.

Yfirlit yfir veðrið frá Veðurstöðinni í Litlu-Ávík.

Mánuðurinn og árið byrjaði með hægviðri fyrstu 9 dagana yfirleitt með hita yfir frostmarki.

Eftir það frysti og gerði nokkrum sinnum Norðaustan eða Norðan hvassviðri með snjókomu og umhleypingasamt.

Mjög athugavert er að sjá hvað N og NA er hlý í þessum mánuði,og var janúar í ár mun hlýrri en janúar árið 2008.(sjá meðalhita við jörð.)

Snjólétt var í mánuðinum þótt dálítill snjór væri um miðjan mánuð.

Oft var talsverð hálka í mánuðinum.

Úrkomusamt var í mánuðinum.

 

Yfirlit dagar vikur.

1-4:Mest Austlægar vindáttir logn,kul eða gola,rigning eða súld,SV sinningsgola með smá skúrum um kvöldið þann 4 hiti frá -1 stigi uppí +6 stig.

5-6:Breytilegar vindáttir kul eða gola,enn NA kaldi um tíma þann 6,frostúði um tíma þann 5 og snjókoma um kvöldið þann 6,hiti 0 til -1 stig.

7-9:Suðvestan eða S,stinningskaldi síðan stinningsgola,rigning síðan él,hiti +8 stig niðri -1 stig.

10-12:Norðaustan hvassviðri síðan allhvass,en stinningsgola um kvöldið þ,12,snjókoma en él þann 12,hiti frá +2 stigum niðri -7 stig.

13-14:Breytilegar vindáttir logn,eða kul,þurrt í veðri,frost frá -0 stigum niðri -5 stig.

15:Breytileg vindátt,gola,en NV um kvöldið með slyddu,hiti +1 til + 4 stig.

16:Norðan og NA kaldi og síðan allhvass,slydda síðan snjókoma,hiti 0 til +2 stig.

17:Sunnan og SA hvassviðri og allhvass um tíma síðan gola,slydda,hiti 0 til +3 stig.

18:Norðvestan kul í fyrstu,síða NNA kaldi,snjókoma,slydda eða rigning,hiti frá -2 stig uppí +2 stig.

19:Sunnan og SA kaldi síðan gola,él um morguninn,hiti +1 til +3 stig.

20-21:Austan stinningskaldi eða allhvass,smá rigning,annars þurrt,hiti +2 til + 4 stig.

22-25:Norðaustan hvassviðri síðan allhvass,snjókoma,slydda eða súld,hiti +1 til 4 stig.

26:Austan eða breytileg vindátt,kul eða gola,snjókoma eða él fyrriparts dags,hiti -1 til +3 stig.

27-28:Sunnan eða SSV oft kaldi annars gola,úrkomulaust,hiti frá -2 stigum uppí +2 stig.

29:Norðan gola með talsverði snjókomu eða slyddu,hiti +2 stig niðri 0 stig.

30:Breytileg vindátt,kul,smá él,hiti frá 0 og niðri -3 stig.

31:Norðan og síðan V,kaldi síðan stinningsgola,él,hiti 0 niðri -4 stig.

 

Úrkoman mældist  121,6 mm.(í janúar 2008 =55,9 mm.)

Úrkomulausir dagar voru 4.

Mestur hiti +8,2 stig þann 7.

Mest frost -6,6 stig þann 11.

Jörð alhvít í 16 daga.

Jörð flekkótt í 9 daga.

Auð jörð því í 6 daga.

Mesta snjódýptmældist dagana 12,13 og 14 þá 25 cm.
Meðalhiti mánaðarins var: +1,1 stig.

Meðalhiti við jörð var: -1,67 stig.(í janúar 2008:-3,22 stig.)

Sjóveður:Allgott fyrstu 9 daga mánaðar síðan rysjótt sjóveður.

Tekið saman af Jóni G Guðjónssyni veðurathugunarmanni í Litlu-Ávík.

Jón G. Guðjónsson | föstudagurinn 2. janúar 2009

Yfirlit yfir veðrið í Desember 2008.

Gjögurviti,
Gjögurviti,

Veðrið í Desember 2008.

Yfirlit yfir veðrið frá Veðurstöðinni í Litlu-Ávík.

Mest voru suðlægar vindáttir í mánuðinum,oft hvassviðri eða stormur aðallega fyrir og um jólin,þannig að flugsamgöngur á Vestfjörðum fóru víða úr skorðum.Samt komu nokkrir hægviðrisdagar fyrr í mánuðinum.

Nokkra spilliblota gerði,það er að hlýnaði snöggt en kólnaði og frysti strax aftur og gerði oft gífurlega hálku á vegum fyrir ökutæki og eins fyrir gangandi vegfarendur.

 

Vindur náði í kviðum 36 m/s (eða 12 vindstigum gömlum) þann 23 á þorláksmessu um hádegi nokkrum sinnum.Og einnig aðfaranótt aðfangadags á milli 02:00 og til 04:00 og náði vindur þá 37 til 38 m/s.Og svo einnig oft á Jóladag 25,þá í 36 m/s.

 

Yfirlit dagar vikur.

1:Norðan stinningskaldi síðan kaldi,snjóél,frost 0 til 4 stig.

2-3:Suðaustan eða A,þurrt í veðri,frost frá -6 stigum uppí +1 stigs hita.

4:Norðan og NA,allhvass síðan stinningsgola,slydduél,hiti 0 til 2 stig.

5-7:Suðlægar vindáttir mest SV,kul í fyrstu,síðan kaldi og stinningskaldi,snjóél,svo skúrir,hiti frá 5 stiga hita niðrí 3 stiga frost.

8:Vestan kul síðan stinningskaldi,snjókoma um morguninn,skafrenningur,frost 1 til 4 stig.

9:Austan gola,úrkomulaust,hiti 0 neðri 1 stigs frost.

10:Suðvestan gola,síðan SA,gola með rigningu enn hvassviðri seint um kvöldið,hiti 3 til 8 stig.

11:Suðvestan hvassviðri fram á hádegi með snjóéljum,síðan SA stinningsgola en allhvass um kvöldið,hiti frá 10 stigum neðri 1 stig.

12-14:Suðlægar vindáttir,kul eða gola,þurrt í veðri,hiti í fyrstu frá 1 stigi niðri 5 stiga frost.

15:Austan kaldi í fyrstu síðan SA andvari með snjókomu,hiti -1,4 til +2 stig.

16-19:Suðlægar eða breytilegar vindáttir,stinningskaldi þ,16,annars yfirleitt gola,él,hiti -5 til +2 stig.

20-22:Norðaustan og Austan stinningsgola,kaldi,enn allhvass þann 22 um kvöldið,snjóél,snjókoma síðan rigning,hiti - 2 stig til +4 stig.

23-26:Suðvestan hvassviðri eða stormur,en allhvass og síðan gola á annan í jólum,skúrir eða él,hiti +10 stig niðrí -1 stig.

27-29:Sunnan og síðan SV allhvass eða hvassviðri þann 27 annars stinningskaldi smá skúrir,hiti 0 stigum uppí 9 stig.

30-31:Norðan og NA kaldi þann 30 frostrigning síðan él,gola síðan andvari og logn á Gamlárskvöld,lítilsháttar snjókoma um kvöldið,hiti +2 stig niðrí - 4 stig.

 

Úrkoman mældist: 78,6 mm.(í desember 2007 :116,0 mm.)

Úrkomulausir dagar voru 8.

Mestur hiti var þann 11= +10,1 stig.

Mest frost var þann 2 = - 6.2 stig.

Jörð alhvít í 15 daga.

Jörð flekkótt í 11 daga.

Auð jörð því í 5 daga.

Mesta snjódýpt mældist dagana 21 og 22.=15 cm.
Meðalhiti mánaðarins var: +1,1 stig.

Meðalhiti við jörð -2.30 stig (í desember 2007:-2,16 stig.)

Sjóveður:Mjög rysjótt í mánuðinum.

Tekið saman af Jóni G Guðjónssyni veðurathugunarmanni í Litlu-Ávík.

 

Jón G. Guðjónsson | þriðjudagurinn 2. desember 2008

Yfirlit yfir veðrið í Nóvember 2008.

Frá Gjögri.
Frá Gjögri.

Veðrið í Nóvember 2008.

Yfirlit yfir veðrið frá Veðurstöðinni í Litlu-Ávík.

Mánuðurinn var mjög umhleypingasamur eins og fyrri mánuður á undan,en sæmilega hlýtt fystu 9 daga mánaðar,síðan yfirleitt frost nema,16-18 og 19 var hlýtt.

Vindur náði 12 vindstigum eða 34 m/s að morgni þann 5 mánaðar.

Mikil ísing var fimmtudaginn 13.

Sauðfé var almennt komið á gjöf uppúr 20.

 

Yfirlit dagar vikur.

1:SV allhvass í fyrstu síðan kaldi,þurrt,hiti hiti 1 til 5 stig.

2:Breytileg vindátt hægviðri,gola,rigning,hiti 3 til 5 stig.

3-5:Suðlægar vindáttir allhvass þann 3 og hvassviðri fram á hádegi þann 5,annars kaldi,rigning,skúrir eða slydduél,hiti 2 til 10 stig.

6-8:Breytileg vindátt,kul,andvari eða logn,þurrt þann 6 annars smá rigning,hiti 2 til 6 stig.

9-11:NA og N allhvass þann 9 annars stinníngskaldi eða kaldi,súld þann 9 síðan snjókoma eða él,hiti frá 6 stigum niðrí 2 stiga frost.

12:Suðlæg vindátt,gola,úrkomulaust,frost 1 til 5 stig.

13:NA kaldi eða stinníngskaldi,él síðan frostrigning,hiti frá 2 stigum niðrí 2 stiga frost.

14:Breytileg vindátt kul eða gola,úrkomulaust,hitastig um frostmark.

15:SV stinníngskaldi um morgunin síðan NV og N hvassviðri um tíma frameftir degi,V gola um kvöldið,snjóél,hiti frá 2 stigum niðrí 5 stiga frost.

16:SV allhvass síðan rok um kvöldið og stormur fram á nótt,rigning,hiti 1 til 6 stig.

17:Mest NV kaldi síðan gola,él,frostúði,snjókoma,hiti frá 5 stigum niðrí 2 stiga frost.

18:Breytileg vindátt í fyrstu síðan SV allhvass ,snjókoma um morgunin,hlínar í veðri hiti frá 1 stigi uppí 8 stig.

19:Vestan stinníngskaldi síðan NA kaldi,snjóél,hiti frá 5 stigum niðrí 0 stig kólnar.

20-21:Vestan kaldi síðan gola,snjókoma um morgunin þann 20,frost 2 til 6 stig.

22-23:Austan gola í fyrstu með smá snjókomu síðan SV kaldi og NV allhvass með éljum,hiti frá 6 stigum niðrí 3 stiga frost.

24-25:Suðlæg vindátt,gola,stinníngsgola,síðan V lægur,hvassviðri um tíma þann 25 síðan gola um kvöldið,smá skúrir,hiti frá 7 stigum niðrí 2 stiga frost.

26:Vestan kul um morguninn síðan NA stinníngskaldi,snjókoma fram undir hádegið,og N allhvass um kvöldið með snjókomu,frost 3 til 5 stig.

27-29:Norðan stormur í fyrstu síðan,allhvass,eða stinníngslaldi,snjókoma síðan él,frost 0 til 9 stig.

30:V gola í fyrstu síðan SV stinníngskaldi og NV kaldi um kvöldið með snjókomu,frost 1 til 9 stig.

 

Úrkoman mældist:62,5 mm.(í nóvember 2007:78,5 mm.)

Úrkomulausir dagar voru 3.

Mestur hiti var þann 5: +10,5 stig.

Mest frost var þann 30: -8.8 stig.

Jörð alhvít í 15 daga.

Jörð flekkótt í 2 daga.

Auð jörð því í 13 daga.

Mesta snjódýpt mældist dagana 29 og 30 þá:12 cm.
Meðalhiti mánaðarins var: +1,4 stig.

Meðalhiti við jörð var:-1,89 stig.(í nóvember 2007:-1,56 stig.)

Sjóveður:Mjög rysjótt í mánuðinum.

Tekið saman af Jóni G Guðjónssyni veðurathugunarmanni í Litlu-Ávík.

Atburðir

« 2020 »
« September »
S M Þ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Úr myndasafni

  • Hilmar Hjartarson tók á móti gestum með harmonikkuleik.
  • Húsið fellt.
  • Lagðar lagnir í grunn.24-09-08.
  • Hurð á geymslu NA,18-11-08.
Vefumsjón