Í dag var afhjúpaður minnisvarði við handverkshúsið Kört í Trékyllisvík.Og er minnisvarðin til minningar um þá þrjá menn sem brenndir voru á báli fyrir galdra í Kistuvogi haustið 1654.
Dagskráin hófst kl 14:00 við Kört þaðan var haldið í Kistuvog og aftur í Kört þar sem minnisvarðin var afhjúpaður síðan í félagsheimilið þar sem Ólína Þorvarðardóttir flutti erindi um galdraöldina með áherslu á Trékyllisvíkurmálin.Síðan fór Sigurður Atlason með gamanmál tengd galdraöldinni.
Að lokum bauð Árneshreppur gestum upp á kaffiveitingar.Mjög margt fólk var.

Þegar fréttritari Litla Hjalla var á ferð í dag við Krossnes sá hann erlenda skútu sigla fyrir Krossnesið frá Norðurfirði og stefndi vesturfyrir en skútan lá á Norðurfirði í nótt.

Nú um helgina er unnið við að setja upp heitan pott við sundlaugina á Krossnesi.
Sundlaugin á Krossnesi er mikið notuð af heimafólki og ferðafólki yfir sumarið og þykir sérstök því hún er alveg niðrí fjöru rétt við flæðamálið.

Hiti fór í dag í 14,4 stig á veðurstöðinni í Litlu-Ávík,enn fór niðrí 3,5 stig síðustu nótt.
Það er þó loksins hlýnandi og jörð að taka við sér með gróður og sprettu á túnum,enn nú þyrfti góðar hitaskúrir eða rigningu því jörð er mjög þurr ennþá þrátt fyrir súldina í kuldanum undanfarið enn það var lítið magn.

Í gærkvöld kom flutningaskipið Jaxlin á Norðurfjörð með Kalksand fyrir nokkra bændur einnig komu nokkrir sekkir af áburði í staðin fyrir gallaðan áburð sem kom í vor.
Þetta er í fyrsta sinn sem hið vestfirska strandflutningaskip kemur á Norðurfjörð.

Fyrsti fiskur fór með flutningabílnum í gær á markað frá Norðurfirði á annað tonn.
Ein trilla hefur farið þrisvar á sjó í vikunni og var það Hilmar Thorarenssen á Gjögri.Fleiri bátar fara nú að byrja að róa frá Norðurfirði.

Nú virðsist það nokkuð ljóst að um Marsvínskálfa er að ræða sem fundust á fjörum að Finnbogastöðum í gær.Hræin eru um tveir og hálfur meter til þryggja metra að lengd,en fullorðin Marsvín eru um 4 til 6 metrar.
Ekki er komin fullkomin skýring hvað komið hefur fyrir dýrin.

Guðmundur Þorsteinsson bóndi á Finnbogastöðum gekk fjörur seint í dag og sá þá yfir 20 stykki af hvaltegund Hnísur eða Marsvínum enn hvalategund er það,dauð og öll étinn enn tvö dýr voru heillegri.Ekki er vitað hvað hefur komið fyrir dýrin drepsótt eða eitthvað.

Í byrjun júní fór flutningabíll frá Strandafrægt að keyra norður með vörufutninga.Bíllinn fer úr Reykjavík seinnipart þryðjudaga og þá um kvöldið til Hólmavíkur og síðan norður í Norðurfjörð daginn eftir.Þorvaldur Garðar Helgason (Gæi) er yfirleitt bílstjórinn í þessum ferðum.

Mikil þurrkatíð hefur verið í mai og sem af er júní og bændur halda að sér höndum með að bera tilbúin áburð á tún vegna þurrka því hætt er við að tún brenni undan áburðinum ef ekki rignir fljólega eftir að borið er á.
Á veðurstöðinni í Litlu-Ávík mældist úrkoma í maí aðeins 17 mm en ætti að vera 45 til 50 mm í venjulegu árferði og sem komið er af júní hefur mælst 2 mm.
Jörð er skrælnuð og skorpin og ef ekki rætist úr fljótlega með úrkomu lítur ílla út með sprettu.