Á morgun skírdag fimmta apríl verður guðsþjónusta í Árneskirkju klukkan fjórtánhundruð (kl:14:00) séra Sigríður Óladóttir sóknarprestur prédikar,vonast sóknarprestur eftir því að sjá sem flesta.

Ákveðið hefur verið að næsta flug á Gjögur verði á miðvikudaginn 4 apríl,í stað fimmtudagsins 5 apríl skírdag en það er réttur áætlunardagur. Talsvert af vörum liggur fyrir sunnan og reynt verður að koma öllu í flugið á morgun miðvikudag ef veður leifir og flugfært verður. Farþegum er bent á að hafa samband við afgreiðslu Ernis á Gjögurflugvelli eða í Reykjavík. Flug var í gær mánudag í fallegu og blíðskaparveðri.

Veðrið í Mars 2012.

Yfirlit yfir veðrið frá veðurstöðinni í Litlu-Ávík.

Suðvestanáttir eða suðlægar vindáttir voru ríkjandi í mánuðinum að mestu fram til 14. Frá 15 og framá 18 voru Norðlægar vindáttir. 19 til 21 voru breytilegar vindáttir eða suðlægar. Þann 22 snérist til Suðaustlægra eða suðlægra vindátta með hlýindum sem má segja að hafi staðið út mánuðinn,en suðvestlægar vindáttir voru mest ríkjandi í mánuðinum. Mánuðurinn verður að teljast nokkuð hlýr,og mun hlýrri en mars mánuður 2011. Samt voru nokkur snjóalög frá miðjum mánuði og fram til 23. Auð jörð á láglendi var talin síðustu fjóra daga mánaðarins.

Suðvestan hvassviðri eða stormur var frá kvöldinu 10 og fram til 11,með kviðum í 40 m/s. Einnig gerði S og síðan SV storm og rok frá seinniparts dags þann 26. og fram á 27. með kviðum sem fóru í 41 m/s. Ekki er vitað um neitt alvarlegt tjón í þessum veðrum. Talsvert snjóflóð féll úr Urðarfjalli í svonefndum Urðum efst í Stórukleifabrekku laust eftir hádegi þann 19. Snjóflóðið var um 2,50 m að hæð og 10 til 11 metra breitt. Algengt er að snjóflóð falli þarna en þetta var með stærra móti. Einnig var talsvert um snjóflóð á Kjörvogshlíðinni  inn með Reykjarfirðinum.

Meira

 Fréttatilkynning:

Stærsta ráðstefnuhótel landsins, Grand Hótel Reykjavík hefur hlotið vottun Norræna umhverfismerkisins samkvæmt viðmiðunarreglum fyrir hótel. Svanurinn er opinbert umhverfismerki Norðurlandanna. Kristín Linda Árnadóttir forstjóri Umhverfisstofnunar, afhenti Ólafi Torfasyni stjórnarformanni hótelsins, leyfið föstudaginn 30. mars á ársfundi Umhverfisstofnunar sem haldinn var á Grand Hótel Reykjavík. "Í dag getum við boðið með stolti upp á umhverfisvæna hótel- og ráðstefnuþjónustu", segir Ólafur. "Við viljum vera öðrum fyrirmynd í starfi okkar að umhverfismálum og munum vinna að því eins og kostur er í framtíðinni. "Í umhverfisstefnu hótelsins segir að unnið sé markvisst að því  að draga úr orku- og vatnsnotkun. Ávallt sé leitast við að kaupa umhverfisvottaðar vörur og þjónustu þegar það er mögulegt og bjóða upp á lífrænt ræktaðar vörur, m.a. lífrænt vottaðan morgunverð. Allt sorp er flokkað og sent til endurvinnslu, og ekki er boðið upp á einnota- eða sérpakkaðarvörur sé þess kostur og sparlega er farið með efni. Flokkun á úrgangi er gerð aðgengilega fyrir gesti og starfsmenn.

Jafnframt segir Ólafur að í Svansvottuninni sé fræðslustarfið mikilvægt og við leggjum okkur fram við að fræða og miðla um umhverfismál og efla almenna umhverfisvitund sem og að fylgjast með nýjungum í umhverfismálum.

Meira

Nýlokið er verulegum endurbótum á fjarskiptabúnaði Vaktstöðvar siglinga í Skógarhlíð. Framleiðandi fjarskiptabúnaðarins, austuríska fyrirtækið Frequentis, uppfærði hugbúnað kerfisins og bætti verulega notkunarmöguleika þess. Miðlægur búnaður var stækkaður til að hægt væri að bæta inn þremur nýjum sendi- og móttökustöðum á metrabylgju ( VHF DSC), en þessir staðir eru Bæir á Snæfjallaströnd, Húsavíkurfjall og Gunnólfsvíkurfjall. Fjarskiptaviðmót í Vaktstöð siglinga var einnig einfaldað og gert notendavænna. Eftirfarandi bætur á kerfinu komu inn við þessar breytingar: Vaktstöðin getur tengt saman Tetra fjarskipti og VHF fjarskipti við björgunarstörf þannig að hægt er að hafa samband við skip á VHF í gegnum ákveðinn talhóp í Tetra stöð. Hægt er að velja saman á milli- eða stuttbylgju (MF / HF) sjö móttökustaði og átta sendistaði að vild eftir aðstæðum. Þessi sveigjanleiki getur nýst vel ef skilyrði eru slæm.
Meira

Húsfriðunarnefnd hefur úthlutað styrkjum fyrir árið 2012 úr Húsafriðunarsjóði. Alls bárust 321 umsókn um styrki til endurbóta og viðhalds á varðveisluverðum húsum vítt og breytt um landið og gerð húsakannana og rannsókna. Af þeim voru 91 ný og 26 umsóknir til Fjárlaganefndar Alþingis. Alls voru veittir 172 styrkir fyrir samtals kr. 95.450.000, en af þeim komu kr. 26.800.000 beint úr Fjárlaganefnd. Tveir styrkir fóru í Árneshrepp það voru Síldarverksmiðjan Djúpavík sem byggð var 1935 sem fékk 700 þúsund.
Meira

Fiskistofa hefur nú auglýst eftir umsóknum um byggðakvóta til fiskiskipa fyrir eftirtalin sveitarfélög: Kaldrananeshrepp (Drangsnes). Akureyri (Grímsey). Auk reglugerðarinnar er vísað til sérstakra úthlutunarreglna í neðanskráðum byggðalögum sbr. auglýsingu nr. 297/2012 í Stjórnartíðindum:Sveitarfélagið Vogar,Vesturbyggð (Brjánslækur og Bíldudalur, Árneshreppur, Strandabyggð (Hólmavík), Blönduósbær (Blönduós), Sveitarfélagið Skagaströnd, Fjallabyggð (Siglufjörður og Ólafsfjörður), Akureyri (Hrísey), Grýtubakkahreppur (Grenivík), Vopnafjarðarhreppur (Vopnafjörður).
Meira

Tveir bátar sem róa frá Norðurfirði eru nú farnir að leggja grásleppunet. Kristján Andri Guðjónsson á bátnum Sörla ÍS-66 lagði strax þann 20. Stekkur ST-70 lagði í dag og er Ísleifur Karlsson með hann og með honum er Atli Hávarðsson. Jón Eiríksson á bátnum Snorra ST-24 fer að leggja en hann gerir út frá Gjögri og ætlar að verka allt sjálfur.
Meira

Vegagerðin hefur verið að opna veginn norður í Árneshrepp í morgun og í dag,nokkur snjór er víðast hvar og blautur og þungur í mokstri. Byrjað var að moka bæði sunnanmegin frá og norðanmegin,en snjómokstursmenn urðu að hætta mokstri vegna snjóflóða og snjóflóðahættu beggja vegna. Samkvæmt G-reglu er heimilt að moka tvisvar í viku,haust og vor á meðan snjólétt er. Vortímabil telst frá 20.mars. Snjóflóð féll í Urðunum efst í Stórukleifabrekku,veginum til Norðurfjarðar,laust efir hádegið í gær og búið er að hreinsa það. Stærðin á flóðinu
Meira

Vegurinn hér í Árneshreppi var mokaður í morgun frá Norðurfirði til Gjögurs. Talsvert hefur snjóaði í gærkvöldi og fram á morgun,en þá fór að rigna ofaní allt saman. Talsvert snjóflóð féll í Urðunum rétt efst í Stórukleifabrekkunni nokkru eftir eitt í dag,það sást úr Kaupfélaginu þegar það féll og spýttist yfir veginn og framaf sjávarmegin. Pósturinn var alveg nýlega búin að fara þarna um eftir að hann sótti Póstinn til Norðurfjarðar og fara með í flug,einnig voru tveir farþegar með honum. Ekki verður reynt að opna þarna aftur fyrr enn í fyrsta lagi í kvöld eða í fyrramálið segir Jón Hörður Elísson hjá Vegagerðinni á Hólmavík,þegar mesta hættan er liðin hjá þegar kólnar í kvöld. Einnig
Meira