Í dag 28. maí annan í hvítasunnu opnar Kaffi Norðurfjörður eftir vetrarhlé. Sveinn Sveinsson er nýr vert ásamt konu sinni Margréti S Nielsen. Þess má geta að Sveinn er ættaður frá Eyri í Ingólfsfirði. Af tilefni opnunar Kaffi Norðurfjarðar í dag bjóða Sveinn og Margrét hreppsbúum uppá kaffi og með því í dag eftir hádegið.
Meira

Sauðburður hófst hér í Árneshreppi um tíunda maí en almennt um fimmtánda. Norðan hret gerði þann 13 sem stóð til 15 og köldu veðri til átjánda,eftir það var hlýnandi veður. Bændur voru ánægðir með að fá hretið þetta snemma en ekki eins og í fyrra þegar hret gerði 20 til 24 og köldu veðri fram til 27. Nú gátu bændur sett fé út um viku fyrr enn í fyrra,enda farið að þrengjast í húsum og farið að líða á seinni hlutann í sauðburðinum. Tún eru nú farin að grænka og taka við sér eftir að smá
Meira

Þriðjudaginn 22 maí kom Árni Sigurðsson veðurfræðingur frá Veðurstofu Íslands í mælaeftirlit  og aðra skoðun á tækjum á veðurstöðinni í Litlu-Ávík. Eftirlit átti að vera í fyrra en það datt út vegna sparnaðarástands hjá Veðurstofunni,enn eftirlit á að vera að lágmarki á þriggja ára fresti. Skipt var um vindhraðamælir og allir hitamælar prufaðir við mismunandi hitastig,allir mælar reyndust réttir,einnig var allt málað sem mála þurfti. Einnig var skipt um legu í vindhraða og vindstefnumæli á sjálfvirku stöðinni á Gjögurflugvelli. Á suðurleið mun Árni koma við á Bassastöðum og í Steinadal,en þar eru úrkomustöðvar. Áður
Meira

Fjórir skákviðburðir á 3 dögum. Teflt á Hólmavík, Djúpavík, Trékyllisvík og Norðurfirði. Skákhátíð á Ströndum verður haldin 22. til 24. júní, og er efnt til skákviðburða á Hólmavík, Djúpavík,Trékyllisvík og Norðurfirði. Þetta er fimmta árið í röð sem sumarhátíð er haldin í Árneshreppi. Meðal keppenda eru stórmeistarar og óðalsbændur, undrabörn og áhugamenn úr öllum áttum. Hátíðinni er ekki síst ætlað að kynna töfraheim Strandasýslu, einstætt mannlífið og hrífandi náttúruna. Skákhátíðin hefst á Hólmavík föstudaginn 22. júní og um kvöldið er hið árlega tvískákmót í Hótel Djúpavík. Þar eru tveir saman í liði, og fjörið allsráðandi. Laugardaginn 23. júní er svo komið að Afmælis móti Róberts Lagerman,en meistarinn verður fimmtugur síðar í sumar. Róbert er sá skákmeistari sem oftast hefur heimsótt Árneshrepp, og hann hefur tekið þátt í fjölmörgum skákviðburðum í sveitinni. Róbert hefur um árabil verið meðal sterkustu skákmanna landsins, en hefur ekki síður unnið þrekvirki við að útbreiða fagnaðarerindi skáklistarinnar á Íslandi og Grænlandi.
Meira

Horfur fyrir Strandir og Norðurland  vestra.Tilkynning frá vakthafandi veðurfræðing á Veðurstofu Íslands.

Það er vaxandi lægð fyrir vestan Ísland og þokast hún í austur.  Á laugardag verður mild vorrigning í sunnan 5-10 m/s og hægari síðdegis og hiti 5 til 10 stig. Snemma á sunnudagsmorgunn er spáð að lægðarmiðjan verði komin á Suðausturmið og færist hún áfram í austur og dýpkar. Á eftir henni færist vindstrengur, um 15-23 m/s, austur yfir land. Hann kemur fyrst inn á Vestfirði snemma morguns en síðdegis verður vindur á Vestfjörðum og Norðurlandi svona 10-18 m/s. Þetta er heldur minni vindur heldur en var í spánum fyrr í vikunni en þetta er samt hvassviðri eða stormur, fyrst með kalsaslyddu og síðan snjókomu. Síðdegis má búast við frosti, 0 til 6 gráðum. Á mánudag er spáð norðan 10-18 með snjókomu eða éljagangi og frosti víðast hvar. Minnkandi norðanátt og éljagangur á þriðjudag. Norðan 3-10 á miðvikudag og fimmtudag og úrkomulaust að kalla og áfram frost víðast hvar. Ekki er útlit fyrir hlýnandi veður fyrr en á laugardag en þá á hann að halla sér í suðvestanátt.

Á aðalfundi Kaupfélags Steingrímsfjarðar þann 2. maí síðastliðinn var tilkynnt um úthlutanir úr menningarsjóði KSH árið 2012 en stjórn sjóðsins kom saman þann 30. apríl og fór yfir innsendar umsóknir. Úthlutað var kr. 300.000 og að þessu sinni voru styrkhafar: Félagsmiðstöðin Ozon ,kr. 50.000 til styrktar starfsemis miðstöðvarinnar. Félagsmiðstöðin er fyrir ungt fólk í Strandabyggð til að hittast, vinna að sköpun og margvíslegum verkefnum og hefur starfsemi miðstöðvarinnar verið einstaklega öflugt á liðnum vetri. Félag eldri borgara í Strandasýslu,kr. 50.000 til árlegrar sumarferðar en að þessu sinni er stefnan sett á Suðurlandið. Í félaginu er 83 félagar úr öllum sveitarfélögum Strandasýslu. Hamingjudagar á Hólmavík,kr. 50.000 vegna Hamingjudaga 2012. Hamingjudagar á Hólmavík voru fyrst haldnir árið 2005 og verða í ár dagana 29. júní til 1. júlí. Von er á fjölbreyttri og skemmtilegri dagskrá að venju og má sjá yfirlit yfir viðburði og dagskrá á www.hamingjudagar.is Sauðfjársetrið á Ströndum,kr. 50.000 til sérsýninga sumarið 2012. Sauðfjársetur á Ströndum fagnar í ár 10 ára starfsafmæli og verður dagskrá sumarsins sérlega vegleg af því tilefni. Skíðafélag Strandamanna,kr. 50.000 vegna Strandagöngunnar 2012. Strandagangan var haldin í fyrsta skipti árið 1995 og er vinsæl keppni meðal skíðafólks um land allt.
Meira

Eftirfarandi  tilkynning er frá kór Áttahagafélags Strandamanna: Vortónleikar Kórs Átthagafélags Strandamanna verða haldnir í Árbæjarkirkju sunnudaginn 13.maí kl. 16:00. Þar syngur kórinn undir stjórn Arnhildar Valgarðsdóttur létt og skemmtileg lög.

Undirleikarar eru Aðalheiður Þorsteinsdóttir á píanó og Matthías Stefánsson á fiðlu,miðaverð er 2.000 kr. fyrir fullorðna , frítt fyrir börn 14 ára og yngri.

Kórinn mun einnig halda tónleika í Vinaminni, safnaðarheimili Akraneskirkju, miðvikudaginn 16. maí kl. 20

Meira

Þrjú umferðaróhöpp voru tilkynnt til lögreglunnar á Vestfjörðum í liðinni viku. Tvö minniháttar óhöpp urðu í Vestfjarðargöngunum,þar sem göngin eru einbreið. Um var að ræða minniháttar óhöpp. Lögregla vill benda ökumönnum sem leið eiga um göngin undir Breiðadals- og Botnsheiðar að aka með gát um einbreiðu leggina. Oft getur verið erfitt að gera sér grein fyrir vegalengdum og hraða þeirra bifreiða sem á móti koma. Þá var tilkynnt um minniháttar óhapp í Kjálkafirði,þar hafnaði bifreið út fyrir veg. Greiðlega gekk að koma bifreiðinni upp á veg aftur og litlar sem engar skemmdir. Þarna voru erlendir ferðamenn á ferð. Tveir ökumenn voru stöðvaðir innanbæjar á Ísafiðri í vikunni vegna hraðaksturs. Nú er sá tími þar sem ungu vegfarendurnir eru farnir af stað á hjólunum. Því vill lögregla hvetja foreldra/forráðamenn til notkunar á hjálmum. Vart þarf að fjölyrða um notkun þeirra og það öryggi sem þeir veita. Þetta á einnig við um þá sem eldri eru, þrátt fyrir að í lögunum standi að ekki sé skylda þeirra sem 15 ára eru eða eldri að nota hjálma. Lögregla hvetur því þá sem eldri eru að vera fyrimynd þeirra sem yngri eru. Hvað ungur nemur, gamall temur. Þriðjudaginn 1. maí sökk handfærabáturinn Krummi B.A út af Látrabjargi. Bátsverji bjargaðist yfir í annan bát sem var skammt undan. Krummi sökk á mjög skömmum tíma eftir að hafa fengið ólag á bátinn.

Sunnudaginn 6. maí fór lögregla með þyrlu gæslunnar í eftirlitsflug um Hornstrandir ( friðlandið). Ekki sást til ferða bjarndýra, eða ummerki um að bjarndýr hefðu verið þar á ferð. Aftur á móti sáust vegsummerki um að vélsleðar hefði verið á ferð í firðlandinu. Bæði voru för á snjó og þar sem enginn snjór er. Þess má geta að ó heimil er umferð vélsleða, eða annarra vélknúinna farartækja í friðlandinu. Þá vill lögregla benda á tilkynningarskyldu þeirra sem um firðlandið fara, annarra en landeiganda. Sími Hornstrandastofu er 534-7590 og gsm 822-4056.

Meira

Guðjón D. Gunnarsson (Dalli) á Reykhólum og Björn Pálsson í Þorpum við Steingrímsfjörð sigruðu á árlegu héraðsmóti Strandamanna í brids, sem haldið var í félagsheimilinu í Árnesi í Trékyllisvík í vikunni. Spilaður var tvímenningur og tóku tuttugu manns eða tíu pör þátt í mótinu. Tveir Reykhólamenn gerðu ferð sína til keppni, þeir Dalli og Eyvindur Magnússon, sem hafa farið ófáar ferðirnar á Strandir til að spila. „Við Eyvi erum nú eiginlega Strandamenn," segir Dalli.
Meira

Færanlega skoðunarstöð Frumherja hf. verður staðsett á Hólmavík frá mánudeginum 7. maí til föstudagsins 11. maí.
Samkvæmt auglýsingu frá Frumherja er færanlega skoðunarstöðin nú beintengd við ökutækjaskrá og því hægt að afla allra upplýsinga og ganga frá viðskiptum eins og í fastri skoðunarstöð.Tekið er á móti öllum greiðslukortum(kredit og debet),hvort tveggja er háð því að GSM samband sé í lagi. Mælst er til þess að menn komi með ökutæki með númer sem enda 1 til 7 í fyrri ferð,en í seinni ferð sem fyrirhuguð er 13 og 14 september með endastafi 8,9,eða 0.
Meira