Í gærkvöldi var ísinn næst landi tæpar 25 sjómílur NNV af Straumnesi samkvæmt samantekt Ingibjargar Jónsdóttur dósent í landfræði hjá Jarðvísindastofnun Háskóla Íslands. Ekki er ólíklegt að íshrafl hafi verið eitthvað nær landi.

Samkvæmt  veðurspám verða NA áttir ríkjandi næstu daga þannig að hann ætti ekki að verða til vandræða,og ætti því frekar að fjarlægast aftur.

Ríflega þrjú hundruð stuðningsmenn Þóru Arnórsdóttur um allt land, hófu í morgun söfnun meðmælenda með framboði hennar í forsetakosningunum í sumar. Söfnunin gekk mjög vel og voru viðbrögð framar vonum.  Ríflegur lágmarksfjöldi úr öllum fjórðungum hefur nú þegar ritað meðmæli sín á þar til gerð eyðublöð og er heildarfjöldinn ríflega tvö þúsund undirskriftir sem er rúmlega fimm hundruð undirskriftir umfram lögbundið lágmark. Mest skal safna þrjú þúsund undirskriftum og munu stuðningsmenn Þóru taka áfram á móti þeim sem vilja mæla með framboði hennar yfir páskahelgina. Þá verður meðmælunum safnað saman, þau yfirfarin og flokkuð nákvæmlega og óskað eftir vottorðum yfirkjörstjórna. Um leið og þau eru fengin verður meðmælunum skilað til innanríkisráðuneytisins, ásamt samþykki Þóru Arnórsdóttur forsetaefnis.
Meira

Í morgun hófu stuðningsmenn Þóru Arnórsdóttur söfnun meðmælenda um allt land vegna forsetaframboðs hennar. Um það bil 320 manns taka þátt, 100 á höfuðborgarsvæðinu og 220 út um land. Enn er fólk að bætast í hópinn. Stuðningsmennirnir komu saman á tveimur stöðum á höfuðborgarsvæðinu í morgun. Annars vegar í gömlu heilsuverndarstöðinni að Barónsstíg 47, en þar verður aðalkosningaskrifstofa framboðsins. Hins vegar hittist hópur á heimili Þóru og Svavars Halldórssonar í Hafnarfirði. Á báðum stöðum var boðið upp á morgunkaffi með heimabakstri sem stuðningsmenn lögðu til. Skipulögð söfnun meðmælenda verður á a.m.k. 51 stað á landinu í dag og stuðningsmenn Þóru fara um flest sveitarfélög. Þeir verða við verslanir, á bensínstöðvum, á bryggjunni - hvar sem fólk kemur saman.
Meira

Páskabingó verður haldið í félagsheimilinu Trékyllisvík laugardaginn 7. apríl kl: 13:30. Flottir vinningar eru í boði og allir eru velkomnir. Allur ágóði rennur í ferðasjóð nemenda í Finnbogastaðaskóla. Verðið er 700 kr. spjaldið. Stjórnandi verður Ragnheiður Edda Hafsteinsdóttir,hin brosmilda Edda í Kaupfélaginu.

Fréttatilkynning frá Þóru Arnórsdóttur um forsetaframboð.
Undanfarnar vikur og mánuði hef ég fundið fyrir hvatningu víða að frá fólki með

ólíkan bakgrunn og reynslu um að gefa kost á mér til embættis forseta Íslands. Ég hef

farið yfir þessi mál með fjölskyldu minni og vinum og hefur stuðningur þeirra verið mér

ómetanlegur.

Hlutverk forseta Íslands er fyrst og fremst að vera málsvari þjóðarinnar heima og

heiman og halda á lofti merki lands og þjóðar af festu og hógværð. Við gerum ríka

kröfu til forseta um að hann nái að sameina þjóðina, forseti á að stuðla að sátt í

samfélaginu. Þetta hlutverk er ekki síst mikilvægt nú þegar traust á mörgum stofnunum

samfélagsins hefur beðið hnekki.

Forsetinn á að leiða saman ólíka hópa og skoðanir og hjálpa þannig til við uppbyggingu

samfélagsins með virðingu fyrir jafnrétti, frelsi og mannúð. Virðingarleysi og sundrung

mega aldrei festast í sessi á Íslandi. Slík gildi grafa undan því samfélagi sem við öll

viljum búa í.

Meira

Á morgun skírdag fimmta apríl verður guðsþjónusta í Árneskirkju klukkan fjórtánhundruð (kl:14:00) séra Sigríður Óladóttir sóknarprestur prédikar,vonast sóknarprestur eftir því að sjá sem flesta.

Ákveðið hefur verið að næsta flug á Gjögur verði á miðvikudaginn 4 apríl,í stað fimmtudagsins 5 apríl skírdag en það er réttur áætlunardagur. Talsvert af vörum liggur fyrir sunnan og reynt verður að koma öllu í flugið á morgun miðvikudag ef veður leifir og flugfært verður. Farþegum er bent á að hafa samband við afgreiðslu Ernis á Gjögurflugvelli eða í Reykjavík. Flug var í gær mánudag í fallegu og blíðskaparveðri.

Veðrið í Mars 2012.

Yfirlit yfir veðrið frá veðurstöðinni í Litlu-Ávík.

Suðvestanáttir eða suðlægar vindáttir voru ríkjandi í mánuðinum að mestu fram til 14. Frá 15 og framá 18 voru Norðlægar vindáttir. 19 til 21 voru breytilegar vindáttir eða suðlægar. Þann 22 snérist til Suðaustlægra eða suðlægra vindátta með hlýindum sem má segja að hafi staðið út mánuðinn,en suðvestlægar vindáttir voru mest ríkjandi í mánuðinum. Mánuðurinn verður að teljast nokkuð hlýr,og mun hlýrri en mars mánuður 2011. Samt voru nokkur snjóalög frá miðjum mánuði og fram til 23. Auð jörð á láglendi var talin síðustu fjóra daga mánaðarins.

Suðvestan hvassviðri eða stormur var frá kvöldinu 10 og fram til 11,með kviðum í 40 m/s. Einnig gerði S og síðan SV storm og rok frá seinniparts dags þann 26. og fram á 27. með kviðum sem fóru í 41 m/s. Ekki er vitað um neitt alvarlegt tjón í þessum veðrum. Talsvert snjóflóð féll úr Urðarfjalli í svonefndum Urðum efst í Stórukleifabrekku laust eftir hádegi þann 19. Snjóflóðið var um 2,50 m að hæð og 10 til 11 metra breitt. Algengt er að snjóflóð falli þarna en þetta var með stærra móti. Einnig var talsvert um snjóflóð á Kjörvogshlíðinni  inn með Reykjarfirðinum.

Meira

 Fréttatilkynning:

Stærsta ráðstefnuhótel landsins, Grand Hótel Reykjavík hefur hlotið vottun Norræna umhverfismerkisins samkvæmt viðmiðunarreglum fyrir hótel. Svanurinn er opinbert umhverfismerki Norðurlandanna. Kristín Linda Árnadóttir forstjóri Umhverfisstofnunar, afhenti Ólafi Torfasyni stjórnarformanni hótelsins, leyfið föstudaginn 30. mars á ársfundi Umhverfisstofnunar sem haldinn var á Grand Hótel Reykjavík. "Í dag getum við boðið með stolti upp á umhverfisvæna hótel- og ráðstefnuþjónustu", segir Ólafur. "Við viljum vera öðrum fyrirmynd í starfi okkar að umhverfismálum og munum vinna að því eins og kostur er í framtíðinni. "Í umhverfisstefnu hótelsins segir að unnið sé markvisst að því  að draga úr orku- og vatnsnotkun. Ávallt sé leitast við að kaupa umhverfisvottaðar vörur og þjónustu þegar það er mögulegt og bjóða upp á lífrænt ræktaðar vörur, m.a. lífrænt vottaðan morgunverð. Allt sorp er flokkað og sent til endurvinnslu, og ekki er boðið upp á einnota- eða sérpakkaðarvörur sé þess kostur og sparlega er farið með efni. Flokkun á úrgangi er gerð aðgengilega fyrir gesti og starfsmenn.

Jafnframt segir Ólafur að í Svansvottuninni sé fræðslustarfið mikilvægt og við leggjum okkur fram við að fræða og miðla um umhverfismál og efla almenna umhverfisvitund sem og að fylgjast með nýjungum í umhverfismálum.

Meira

Nýlokið er verulegum endurbótum á fjarskiptabúnaði Vaktstöðvar siglinga í Skógarhlíð. Framleiðandi fjarskiptabúnaðarins, austuríska fyrirtækið Frequentis, uppfærði hugbúnað kerfisins og bætti verulega notkunarmöguleika þess. Miðlægur búnaður var stækkaður til að hægt væri að bæta inn þremur nýjum sendi- og móttökustöðum á metrabylgju ( VHF DSC), en þessir staðir eru Bæir á Snæfjallaströnd, Húsavíkurfjall og Gunnólfsvíkurfjall. Fjarskiptaviðmót í Vaktstöð siglinga var einnig einfaldað og gert notendavænna. Eftirfarandi bætur á kerfinu komu inn við þessar breytingar: Vaktstöðin getur tengt saman Tetra fjarskipti og VHF fjarskipti við björgunarstörf þannig að hægt er að hafa samband við skip á VHF í gegnum ákveðinn talhóp í Tetra stöð. Hægt er að velja saman á milli- eða stuttbylgju (MF / HF) sjö móttökustaði og átta sendistaði að vild eftir aðstæðum. Þessi sveigjanleiki getur nýst vel ef skilyrði eru slæm.
Meira