Lítil sem engin spretta var orðin í lok mánaðarins.

Dimm slyddu eða snjóél voru tíð fram til 20.

« 1 af 2 »

Yfirlit yfir veðrið frá veðurstöðinni í Litlu-Ávík.

Suðlægar vindáttir voru fyrstu þrjá daga mánaðarins með hlýju veðri og smá vætu. 4 til 8 voru mest hafáttir, enn oft hluta dags suðlægar vindáttir og þá var hlítt yfir daginn. Þá voru hafáttir áfram frá 9 til 19 með mikilli rigningu 10 til 11, síðan voru slyddu og eða snjóél og mjög kalt í veðri. Loks snerist til suðlægra vindátta þann 20 og 21 með hlýnandi veðri í bili og úrkomulitlu veðri. Þá gerði skammvinna norðlæga vindátt aftur þann 22 og 23 með svalara veðri, en úrkomulitlu. 24 til 26 var suðvestanátt með úrkomulitlu veðri en mjög hlýju veðri. Hiti fór í 19,1 stig þann 26. Þá var hæg norðlæg eða breytileg vindátt 27 og 28 með þurru veðri. 29 og 30 var hvöss suðvestanátt með stormkviðum og hlýju veðri.

Mánuðurinn var mjög kaldur fram til 20 júní. Jörð mjög þurr og lítil sem engin spretta orðin í lok mánaðar.

Mæligögn:

Arnheiður Eiríksdóttir og Ásgeir H Ingólfsson kynna ljóðadagskrána á skjánum.

Arnheiður Eiríksdóttir og Ásgeir H Ingólfsson kynna ljóðadagskrána á skjánum. Með þeim á myndinni er austur-þýska njósnasjónvarpið RFT. Mynd: Darrell Jónsson.

Ljóðamála lógó.

« 1 af 3 »

Ljóðamála á almannafæri er ljóðamyndbandahátíð sem hefst þann 15. júní á N4. Þar er ljóðskáldum og kvikmyndagerðarmönnum stefnt saman til að búa til ljóðahátíð fyrir sjónvarp og net.

Slíkt stefnumót átti upphaflega að verða lítill hluti af stærri ljóðahátíð á Norðurlandi síðasta haust – en nokkrar covid-bylgjur komu í veg fyrir þá hátíð og því ákváðum við að breyta algjörlega um kúrs og leggja frekar alvöru metnað í myndvinnsluna, frekar en að bíða bara eftir að geta lesið upp fyrir framan fólk.

Niðurstaðan varð sjö þátta sería með 14 ljóðskáldum og 7 leikstjórum sem sýnd verður á N4 í sumar, auk þess sem efnið mun einnig birtast á smygl.is í bland við alls kyns viðbótarefni. Sýningar munu hefjast þann 15. júní næstkomandi.

Ljóðskáldin sem koma fram eru eftirfarandi:

Akureyrarskáldin

Árneskirkja.

Tónlistarmessa í Árneskirkju sunnudaginn 20. júní kl. 14.

Vígt verður nýtt veglegt orgel sem hjónin Ágúst Herbert Guðmundsson og Guðrún Gísladóttir á Akureyri gáfu Árneskirkju. Orgelið er af gerðinni Viscount Prestige 80 með þremur hljómborðum og fótpetal. Ágúst lést úr MND sjúkdómnum í janúar síðastliðnum.

Allir sem fram koma eru fyrsta klassa tónlistarmenn. Mun Guðmundur H. Guðjónsson leika á orgelið á tónleikunum en hann er faðir Ágústar og ættaður frá Kjörvogi. Védís Guðmundsdóttir flautuleikari er dóttir Guðmundar H. Guðjónssonar. Aðrir flytjendur

Merki Verslunarfélags Árneshrepps.

Aðalfundur Verzlunarfjelags Árneshrepps verður haldinn þriðjudaginn 22. júní kl.16:00 í húsnæði verslunarinnar á Norðurfirði.

Mikið þurrviðri var og jörð þurr og skorpin.

Ræktuð tún voru í lok mánaðar farin að taka aðeins lit eftir vætuna.

« 1 af 2 »

Yfirlit yfir veðrið frá veðurstöðinni í Litlu-Ávík.

Norðlægar vindáttir voru ríkjandi frá byrjun mánaðar og fram til 27. Mikið þurrviðri var og jörð orðin mjög þurr og skorpin, (eða skrælnuð). Eins var mjög kalt og oft frost. Veður fór hlýnandi um og eftir Hvítasunnu eða 23 og 24, fór veður svo ört hlýnandi eftir það þótt hafáttir væru.

Loks snérist til suðlægra vindátta þann 28 og voru suðlægar vindáttir út mánuðinn, með lítilsáttar vætu, og hlýju veðri.

Ræktuð tún voru í lok mánaðar farin að taka aðeins lit eftir vætuna.

Mæligögn:

Sæmilegt eða gott sjóveður var í 17 daga.

Flekkótt jörð var þann 30. Enn auð jörð hafði verið áður frá 21.

« 1 af 2 »

Yfirlit yfir veðrið frá veðurstöðinni í Litlu-Ávík.

Suðvestanátt var fyrstu 3 daga mánaðarins með þíðviðri og tók snjó upp. Enn þann 3. klukkan 16.45 snérist til norðanáttar með snjókomu og snarkólnandi veðri. Þann 4 var norðanátt með snjókomu. Þann 5 og 6 voru hægar suðlægar vindáttir með hörkufrosti. Frostið fór niður í -12,8 stig sem er almesta frost í vetur. Síðan voru austlægar vindáttir með hvassviðri og snjókomu eða éljum. 9 og 10 var hægviðri með úrkomulausu veðri. 11 og 12 var austlæg átt með snjókomu eða slyddu þann 11. Þá gerði suðvestanátt með hlýnandi veðri 13 til 14. Dagana 15 og 16 var suðaustlæg vindátt með hlýju veðri. Frá 17 til 21 var suðvestanátt með kólnandi veðri. 22 til 30 voru hægar hafáttir að mestu með rigningu eða súld og þokulofti, en snjóéljum síðasta dag mánaðar, og varð jörð flekkótt, enn auð jörð var búin að vera síðan 21.

Í suðvestan veðrinu þann 2 fór vindur í kviðum í 34 m/s eða yfir 12 vindstig gömul.

Auð jörð á láglendi talin í fyrsta sinn þann 21.

Mæligögn:

Heiðlóa. Mynd Jakob Sigurðsson.

Fréttalilkynning frá Fuglaverd.

Heiðlóan er fugl ársins 2021.

Það er heiðlóan sem er sigurvegari kosninga um titilinn Fugl ársins 2021. Hún flaug beint á toppinn í atkvæðagreiðslunni og sigraði með glæsibrag þar sem hún fékk bæði flest atkvæði sem 1. val kjósenda  og var einnig með flest atkvæði samanlagt sem 1.-5. val. Himbriminn veitti henni harða keppni. Alls bárust 2054 atkvæði og stóð valið um 20 fugla. Velja mátti 5 fugla og raða þeim í sæti 1-5. 

Það er Fuglavernd sem stendur að baki kosningu á Fugli ársins en stefnt er að því að hún verði árlegur viðburður héðan í frá enda voru viðtökurnar frábærar. Keppnin er  haldin í þeim tilgangi að vekja athygli á fuglum og þeim ógnum sem að þeim steðja, þar á meðal röskun búsvæða og loftslagsbreytingar. Í hópi fugla sem voru keppendur um titilinn Fugl ársins og eru í miklum vanda á Íslandi eru lundi, kría og sendlingur.

Staða heiðlóunnar á Íslandi er þó góð og telst stofninn vera hátt í 400 þúsund pör. Hún er algengur og útbreiddur varpfugl og Ísland er mjög mikilvægt búsvæði fyrir heiðlóuna því að um þriðjungur allra heiðlóa í heiminum verpur hér á landi. Heiðlóan er farfugl og flýgur á haustin til Vestur-Evrópu, aðallega Írlands, en einnig í Frakklands, Spánar, Portúgal og Marokkó, þar sem hún dvelur við strendur og árósa.

Titillinn Fugl ársins 2021 er enn ein fjöður í hatt heiðlóunnar sem einnig sigraði BirdEurovisionkeppnina árið 2002 með fögrum söng sínum. Heiðlóan er gjarnan kölluð vorboðinn ljúfi og skipar sérstakan sess í hugum landsmanna sem tákn vorkomunnar og er fréttum af fyrstu komu heiðlóunnar á hverju vori ákaft fagnað. Um hana hafa einnig löngum verið ort og kveðin rómantísk ljóð.

Sé ég gróa og grænka kvist

Ávíkuráin ruddi sig í leysingum þann 17.

Það gerði tvö stór hret í mánuðinum.

« 1 af 2 »

Yfirlit yfir veðrið frá veðurstöðinni í Litlu-Ávík.

Fyrsta dag mánaðar var suðvestan með lítilsáttar skúrum. Síðan þann 2 og 3 var norðlæg vindátt eða breytileg með þurru veðri. 4 og 5 var suðvestan með úrkomuvotti þann 5. 6 til 8 voru breytilegar vindáttir með hægviðri og úrkomulitlu veðri. Þann 9 snérist til norðanáttar með snjókomu og éljum, mikið var um ísingu í þessu norðan hreti. Það snjóaði mikið í þessu hreti og miklir skaflar. Þann 15 var austlæg vindátt með mikilli slyddu um kvöldið og fram á nótt. Þann 16 var komin suðvestanátt með hlýnandi veðri, oft hvassviðri, snjó tók hratt upp í þessu þíðveðri. Það dró úr vindi um morguninn þann 23. Þá kólnaði í veðri og voru él 23 og 24. Suðvestanáttin gekk síðan alveg niður þann 24. Frá 25 til 29 var norðan hvassviðri með snjókomu og skóf allt í skafla, talsverður snjór komin aftur. Frostið fór í -11 stig og er það mesta frost í vetur. 30 og 31 var suðvestan með hvassviðri þann 31 og hlýnandi veðri, og snjó fór að taka upp eftir síðasta hret.

Mæligögn:

Orkubú Vestfjarða lagði jarðstreng og ljósleiðara til Djúpavíkur 2014.

Eva á skrifstofu hreppsins.

« 1 af 2 »

Þann 12 mars kom fram á vef Stjórnarráðs Íslands að 13 sveitarfélög geti fengið styrk til að ljósvæða í sveitarfélögunum, þar á meðal er Sveitarfélagið Árneshreppur sem getur fengið styrk úr Fjarskiptasjóði að upphæð kr. 46,5 milljónir til þess að byrja ljósleiðaravæðingu sveitarinnar. Og að sögn Evu Sigurbjörnsdóttir oddvita Árneshrepp hefur sveitarfélagið fengið bréf frá Orkubúi Vestfjarða þess efnis að þeir yrðu með í þessu átaki þannig að þrífösun verður framkvæmd í leiðinni. Þetta kemur til með að breyta miklu fyrir atvinnulífið í sveitinni til framtíðar. Auk þess

Frá Norðurfirði 26-02-2021.

Talsvert snjóaði 9 til 11. Frá Litlu-Ávík.

« 1 af 2 »

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með suðlægum vindáttum og með hægviðri og þurru veðri fram til 7. Frá 8 og til 10 var norðaustan með talsverðri snjókomu. 11 og til 13 er hægviðri og dró úr frosti smátt og smátt. 14 og 15 voru austlægar eða suðlægar vindáttir með éljum og síðan rigningu. 16 til 18 var hægviðri með talsverðri rigningu eða slyddu þann 17. Frá 19 og til 25 voru hafáttir með úrkomu alla dagana, súld, rigningu, slyddu eða snjókomu. Þann 26 fór að hlýna með suðlægum vindáttum, en snjóaði fyrst talsvert aðfaranótt 26. Síðan var rigning, skúrir og síðan él þann 28. Suðvestan hvassviðri eða stormur með miklum kviðum var 27 og 28. Snjó tók mikið til upp á láglendi.

Í suðvestan storminum þann 28 fóru kviður í 33 m/s sem eru tólf vindstig gömul.

Mæligögn: