Aðalfundur Ferðamálasamtaka Vestfjarða verður haldinn laugardaginn 2. apríl n.k. og hefst kl 9:00. Aðalfundurinn verður haldinn í Skrímslasetrinu á Bíldudal. 
Dagskrá vegna aðalfundarins hefst að venju kvöldið áður. Þá verða umræður um þá vinnu sem er framundan í verkefnum sem koma fram í Stefnumótunarskýrslu samtakanna. Þær umræður hefjast kl. 20:00. Eftir aðalfundinn á laugardagsmorgun kl. 11:00 verður kynning á Vatnavinaverkefninu. Eftir hádegi munu ferðaþjónustuaðilar á suðurfjörðum Vestfjarða kynna þá þjónustu sem er þar í boði. Farið verður í stutta kynnisferð seinnipart laugardags og endað með hátíðarkvöldverði á laugardagskvöld.
Meira

Fréttatilkynning:
Jónas i hvalnum er nýtt fyrirtæki sem býður upp á alhliða tölvuþjónustu. Fyrirtækið er staðsett á Ströndum og veitir þjónustu um allt land í gegnum fjarhjálp. Framkvæmdastjóri og eigandi er Jónas Gylfason. Jónas hefur m.a. reynslu af uppsetningu, uppfærslum og eftirliti með vélbúnaði, hugbúnaði og stýrikerfum, hugbúnaðardreifingu, vírusvörnum auk alhliða tölvuþjónustu og ráðgjöf. Jónas starfaði áður í 13 ár sem sérfræðingur á Upplýsingatæknisviði Landsbanka Íslands.

Hægt er að hafa samband í síma  820-6453 og í netfangið  jonas@jonasihvalnum.is
Vefsíða fyrirtækisins er hér.

Árshátíð félags Árneshreppsbúa.
Árshátíðin verður haldin í Ýmishúsinu við Skógarhlíð í kvöld  laugardag 19.mars.

Búið er að selja yfir 110 miða í mat og á skemmtiatriði að sögn Kristmundar Kristsmundssonar formanns félagsins,en fólk getur fengið miða á dansleik eftir matinn í kvöld og kostar miðinn 2.500 kr.Hljómsveitin Blek og Byttur munu leika undir dansi.Jón Kr. Ólafsson mun syngja á miðnætursviði.Eins og áður verður mikið sungið og jafnframt verður happdrætti þar sem vinningar eru gefnir af ferðaþjónustuaðilum í Árneshreppi.

Upplýsingar um hafís frá Jarðvísindastofnun Háskóla Íslands og nýjustu gögn.

Hafísinn hefur verið að færa sig nær landi.Spangir eru nú um 21 sjómílu NV af Straumnesi og 24 sjómílur N af Horni.

Næst landi er ísinn mjög gisinn, en þéttar spangir inn á milli sem gætu verið varasamar.

Skv. Belgingi verða vindáttir breytilegar næstu daga, ísinn gæti færst eitthvað aðeins nær en ég reikna ekki með að hann verði til mikilla vandræða.

;Segir Ingibjörg Jónsdóttir landfræðingur hjá Jarðvísindastofnun Háskóla Íslands!

Vegagerðin stefnir nú á að moka norður í Árneshrepps einu sinni í viku;að sögn Jóns Harðar Elíassonar rekstrarstjóra hjá Vegagerðinni á Hólmavík!

Stefnt er á að mokað verði á þriðjudögum eða næsta dag á eftir ef veður leyfir ekki mokstur á mokstursdegi.

Nú í dag verður opnað norður,talsvert snjóaði í nótt og fram á morgun og er snjórinn sem féll í nótt lausamjöll,og mun verða svarta skafrenningur þegar eitthvað hreyfir vind.

Í dag ættu nemendur úr Finnbogastaðaskóla og starfsfólk að komast heim aftur,enn þau eru búin að vera viku í gestaheimsókn í Grunnskólanum á Hólmavík.

Fréttatilkynning:

Menningarráð Vestfjarða auglýsir eftir umsóknum um styrki til menningarverkefna á grundvelli samnings mennta- og menningarmálaráðuneytis og iðnaðarráðuneytis við Fjórðungssamband Vestfirðinga. Tilgangur styrkjanna er að efla menningarstarfsemi og menningartengda ferðaþjónustu á Vestfjörðum. Á síðustu þremur árum hefur Menningaráð Vestfjarða úthlutað samtals rúmlega 120 milljónum til vestfirskra menningarverkefna.

Áherslur við fyrri úthlutun 2011.

Hægt er að sækja um stuðning frá Menningarráði Vestfjarða við hverskyns menningarverkefni, svo framarlega að umsókn eða verkefni stangist ekki á við úthlutunarreglur sem samþykktar eru við hverja úthlutun. Menningarráð Vestfjarða hefur ákveðið að við fyrri úthlutun ársins 2011 verði horft sérstaklega til verkefna sem uppfylla eitt eða fleiri eftirtalinna atriða:

Meira

Flestir bændur í Árneshreppi létu telja fósturvísa í ám sínum til að vita hvaða ær verði tvílembdar eða einlembdar og jafnvel þrílembdar  eða hvað er mikið gelt,í vor í sauðburðinum.Við talninguna  er  notuð ómsjá.

Guðbrandur  Þorkelsson bóndi  að Skörðum í Dalasýslu sá um ómskoðunina eða talninguna.

Guðbrandur vinnur mikið við þetta í sinni heimasveit og víðar og var búin að telja fóstur í yfir 40.000 þúsund fjár þegar hann var búin hér í Árneshreppi.

Ljóst er að með slíkri talningu  er hér á ferðinni tækni sem fyrir fjölmörg fjárbú sýnist vera ákaflega áhugaverð til að nýta. Augljósustu nýtingamöguleikar tengjast skipulagningu fóðrunar á síðari hluta meðgöngutíma ánna auk þess sem að slík vitneskja á víða að geta skapað mikla möguleika til að skipuleggja alla vinnu á sauðburði.

Í gærmorgun þegar fréttamaður Litlahjalla var  að mynda á Gjögri og því svæði var Jón Eiríksson mættur á Gjögurbryggju og búin að hífa einn mikinn hákarl upp með krananum til að skera niður,einn af þeim stærri sem hann hefur fengið. Jón hafði veitt tvo hákarla rétt fyrir Suðvestan ofsaveðrið og hafði tjóðrað þá við kranann á bryggjunni,annars hefðu þeyr jafnvel skolast í burtu því mikinn sjó gekk yfir bryggjuna í veðurhamnum. Áður var Jón búin að fá þrjá hákarla fljótlega eftir að hann lagði hákarlalóðirnar.

Á fundi stjórnar Fjórðungssambands Vestfirðinga þann 11. Mars s.l. var gerð eftirfarandi samþykkt varðandi nýútkomna skýrslu starfshóps Iðnaðarráðherra um „Orkuöryggi á Vestfjörðum - Áhrif á samkeppnisstöðu og atvinnuþróun"[1].  Skýrslan var kynnt að hálfu iðnaðarráðherra, orkumálastjóra og fulltrúa Landsnets á opnum fundum á Patreksfirði og Ísafirði þann 7. mars s.l.. 

Stjórn Fjórðungssambands Vestfirðinga lýsir ánægju með að skýrsla starfshóps iðnaðarráðherra sé nú loks komin fram og þeim tillögum sem þar eru fram settar. 

Stjórn leggur áherslu á, að nú er viðurkenndur sá vandi sem atvinnulíf og samfélög á Vestfjörðum hafa staðið frammi fyrir um áratuga skeið og þannig skaðað ímynd og samkeppnisstöðu svæðisins. Tekur stjórn undir tillögu starfshópsins að gefin verði afsláttur á kostnaði við flutning raforku á meðan þetta ástand varir. 

Meira

Fyrirlestur um menningararfinn verður í dag fimmtudaginn 17. mars.Þá mun Jón Jónsson menningarfulltrúi Vestfjarða fjalla um hvernig þjóðmenning og saga hefur með fjölbreyttum hætti verið nýtt við atvinnusköpun á Vestfjörðum. Um leið verður skoðað hvaða áhrif slík notkun á menningararfi svæðisins hefur á ímynd þess út á við og sjálfsmynd íbúanna. Skyggnst verður inn í framtíðina og rætt um möguleika á fjölgun skapandi starfa og frekari uppbyggingu á þessu sviði.
Fyrirlesturinn hefst kl. 17:00 og reikna má með að hann taki um eina klukkustund. Fyrirlesturinn verður í gegnum fjarfundabúnað frá Hólmavík og sendur til Ísafjarðar og Patreksfjarðar.

Fyrirlesturinn er í röð erinda undir heitinu Menningararfurinn, sem Fræðslumiðstöð Vestfjarða stendur fyrir í samstarfi við Fornleifastofnun Íslands, Vestfirði á miðöldum og Minjavörð Vestfjarða.
Nánar á vef frmst.is