Í vikunni sem var að líða var veður rysjótt, færð á vegum á köflum slæm, hálka og snjór. Þó nokkrar aðstoðarbeiðnir bárust lögreglu vegna færðar og voru nokkrir vegfarendur aðstoðaðir bæði af lögreglu og einnig voru björgunarsveitir kallaðar til aðstoðar. 

Föstudaginn 7. jan.,  var veður mjög leiðinlegt á Ströndum og á bænum Odda í Bjarnarfirði varð foktjón, þegar þakplötur fuku af fjarhúsum.

Þriðjudaginn 4. jan., varð umferðaróhapp í Hrafnseyrarheiðinni, þar hafnaði jeppabifreið út fyrir veg í sneiðingnum að norðan verðu.  Bifreiðin hafnaði langt út fyrir veg og var ástæðan, mikil hálka á veginum. Ökumann sakaði ekki, náði að forða sér út áður en bíllinn fór fram af. Bifreiðin fjarlægð af vettvangi með krana. Í framhaldi af óhappi þessu var veginum lokað.

Fjórir ökumenn voru stöðvaðir fyrir of hraðan akstur tveir í nágreini Ísafjarðar og tveir í nágreni Hólmavíkur. Sá sem hraðast ók, var mældur á 123 km/klst. þar sem leyfilegur hámarshraði er 90 km/klst.  Þá er vert að brýna það fyrir ökumönnum og akstursskilyrði breytast mjög hratt á þessum árstíma og vill lögregla beina því til vegfarenda að taka tillit til aðstæðna.

Skemmtanahald um helgina gekk vel og án afskipta lögreglu.

Flugfélagið Ernir hafa ákveðið að fljúga ekki á Gjögur í dag þótt áætlunardagur sé.

Flugfélagið þarf að fljúga til Grænlands og þar afleiðandi vantar flugvél í innanlandsflugið.

Fimm farþegar bíða eftir flugi að sunnan,og ekki lítur út með flugveður á morgun samkvæmt veðurspám.

Það er eins og flugfélagið Ernir geti hagað sér eins og þeim dettur í hug með áætlunarflugið til Gjögurs,því þetta er ekki í fyrsta sinn sem þeir fella niður flug til Gjögurs vegna leiguflugs.

Árneshreppsbúum finnst þetta skrýtið þar sem Ernir fá styrk frá því opinbera til flugsins á Gjögur.

Bæjarins Besta.
Þetta lítur mjög vel út fyrir næsta sumar," segir Reimar Vilmundarson,í viðtali við Bæjarins besta,en hann siglir með ferðamenn á bátnum Sædísi á Hornstrandir hvert sumar. „Bókanir ganga vel og það er gott sem fullbókað í gistinguna í Reykjarfirði á Ströndum. Fólkið er reyndar ekki búið að bóka bátinn en ef það ætlar að heimsækja Reykjarfjörð þá er næsta víst að við flytjum fólkið á milli. Þetta er betri bókun en var í fyrra en þó eigum við von á að umferðin verði álíka mikil og síðasta sumar. Undanfarin ár hefur nefnilega tjaldferðalöngum fækkað mikið og langflestir vilja gista í húsum. Þá hef ég heyrt að það gangi vel að bóka í gistiheimilið á Látravík við Hornbjargsvitann og sömuleiðis í gistinguna í Bolungarvík. Þannig heilt yfir þá lítur þetta vel út," segir Reimar í viðtali við bb.is
Nánara af viðtali við Reimar hér á bb.is

Þorrablót Átthagafélags Strandamanna verður haldið laugardagskvöldið 15 janúar í Versölum Hallveigastíg 1 Reykjavík.

Húsið opnar kl 19:00,og borðhald hefst stundvíslega kl 20:00.

Matseðillinn er nú ekki af verra taginu,að sjálfsögðu
hefðbundinnþorramatur,svo sem,
hrútspungar,hákarl,lundabaggar,bringukollar,hangikjöt,harðfiskur,síld,svið,lifrarpylsa,blóðmör,
pottréttir,saltkjöt og annað sem tilheyrir þorramat.

Veislustjóri verður Karl E Loftsson.

Til skemmtunar verður á meðan að á borðhaldi stendur,verður töframaðurinn John Tómasson,söngvarinn Páll Rósinkrans,einnig mun Viggó Brynjólfsson frá Broddadalsá leika á harmonikku.

Að loknu borðhaldi mun hljómsveitin Grænir vinir leika gömlu og nýju danslögin.

Miðaverð er kr.6500-.Miðasalan verður á morgun mánudaginn 10 janúar í Versölum Hallveigastíg 1 á milli klukkan 17:00 og 19:00.

Félagsmenn fjölmennið og takið með ykkur gesti.

Flugfélagið Ernir flugu á Gjögur um hádegið í dag,ekki var hægt að fljúga á fimmtudag sem var áætlunardagur,hné í gær vegna veðurs.Farþegar voru með á báðum leiðum.

Einnig kom pósturinn að venju og vörur í Kaupfélagið á Norðurfirði,þar á meðal mjólk,en mjólkurlaust var orðið.

Rafmagn kom uppúr kl ellefu aftur á hluta Árneshrepps,að Melum í Trékyllisvík og til Norðurfjarðar og Krossnes nokkru seinna.

Rafmagnslaust er búið að vera síðan um kl sex í morgun.

Rafmagn komst á aftur um og fyrir hálfníu á Drangsnesi keyrt er með díselvélum ásamt Þverárvirkjun,og má búast við rafmagnstruflunum fram eftir degi.

Hér í Árneshreppi er nú farið að draga úr vindi og vindur komin niðrí um 18 m/s í jafnavind frost er um 3 stig.Nú er búin að vera frostrigning síðan í morgun og allt ísað.

Ekki lítur út fyrir að Flugfélagið Ernir geti flogið á Gjögur í dag vegna veðursins,enn ekki var flogið í gær af sömu ástæðu.

Um klukkan 05:50 fór rafmagn af hér í Árneshreppi og víðar.

Veðurathugunarmaðurinn í Litlu-Ávík var úti að lesa af hitamælum og taka veðrið og var á leið inn þegar rafmagnið fór.Haft var samband við bilanir hjá Orkubúi Vestfjarða og fengust þær upplýsingar að víða væri rafmagnslaust,þannig að það virðist ekki slitið norður í Árneshrepp.

Nú er svarta þreifandi bylur og ekkert skyggni vindhraði 20 til 25 m/s og frostið er komið niður í 5 stig,og hefur dregið mikið úr því í nótt en það fór í 11 stig í gær.

Nú er keyrð díselvél á veðurstöðinni til að hafa tölvu og vindmæla í gangi og halda hita á húsinu.

Spáð er hvassviðri í kvöld og horfur fyrir allt landið hljóma á þessa leið: Norðaustan og síðan norðan 15-23 með éljagangi, einkum norðan og austan til. Norðan 18-28 seint í kvöld og snjókoma um norðanvert landið. Frost 3 til 15 stig, kaldast inn til landsins.Þegar saman fer hvassviðri og frost getur vindkæling orðið veruleg.
Vindkælitaflan sem er hér með er af vef Veðurstofu Íslands,til að lesa af töflunni þarf að miða saman lofthitadálk og vindhraðalínu.
Nokkurt efni er um vindkælingu á vef Veðurstofu Íslands.

Veðurstofa Íslands hefur sent frá sér eftirfarandi viðvörun vegna hugsanlegra sjávarflóða:

Viðvörum vegna hugsanlegra sjávarflóða við hafnir frá Hornbjargi og suður með Austfjörðum.

Athygli er vakin á að veðurspá er mjög slæm fyrir norðanvert landið í kvöld og nótt samfara því er stórstreymt og spár um öldhæð mjög slæm.

Eftir miðnætti ætti vindur að snúast til norðaustanáttar sunnan við Langanes og ætti því að skána ástandið þar fljótlega upp frá því. Annars staðar norðantil má reikna með slæmum aðstæðum fram undir morgun, en þessu fylgir talsverð snjókoma að auki.

Menn eru hvattir til að huga bátum og öðrum eigum, en vera ekki á ferð að óþörfu.
Segir í tilkynningu.

Flugi á Gjögur hefur nú verið aflýst vegna hvassviðris.

Norðan hvassviðri er nú 18 til 20 m/s og fer vindur uppí 22 til 26 m/s með dimmum éljum.

Ekki lítur út fyrir að hægt verði að fljúga á morgun,samkvæmt veðurspá,spáð er hvassviðri eða stormi með aukinni ofankomu í kvöld og nótt og fram á morgundaginn.

Farþegar áttu bókað far suður og að sunnan.

Hörkufrost er nú tæplega 11 stiga frost á Gjögurflugvelli og á veðurstöðinni í Litlu-Ávík var 9 stiga frost klukkan tólf á hádegi.