Nú er ekki annað að sjá enn að hvít jól verði hér á Ströndum.Hvít jól kallast ef jörð er talin alhvít að morgni Jóladags þegar veðurathugun er tekin kl níu þann morgun samkvæmt Veðurstofu Íslands.
Lesendur munið eftir að fylgjast með veðurspám sem eru hér til vinstri á vefnum undir Veðurspá,beint frá Veðurstofu Íslands.
Annars er framtíðar spáin hér frá Veðurstofu Íslands.
Strandir og Norðurland vestra:
Auslæg átt 5 til 10 og bjartviðri.Frost 4 til 12 stig,kaldast í innsveitum,en dregur úr frosti á morgun.
Veðurhorfur á landinu næstu daga:
Á laugardag (jóladagur):
Austan 8-15 m/s og snjókoma sunnan- og suðaustanlands, en annars bjart veður. Gengur í austan 15-20 með slyddu eða rigningu sunnanlands síðdegis, en mun hægari og þurrt fyrir norðan. Hvassviðri á öllu landinu um kvöldið með talsverðri rigningu sunnanlands, en snjókomu norðantil. Hlánar sunnanlands, en minnkandi frost norðantil.
Á sunnudag (annar í jólum):
Allhvöss eða hvöss suðaustlæg átt með talsverðri rigningu suðaustanlands, en rigningu eða slyddu annars staðar. Hægari og minnkandi úrkoma síðdegis. Hiti 2 til 7 stig.
Á mánudag, þriðjudag og miðvikudag:
Sunnanátt með skúrum eða slydduéljum, en léttskýjað austantil á landinu. Hiti 0 til 5 stig, en frystir fyrir austan.
Á fimmtudag:
Útlit fyrir sunnanátt með vætu og hlýnandi veðri.

Þetta virðist vera allstór borgarísjaki en erfitt að gera sér grein fyrir hæð hans.

Borgarísjakinn er ca 12 km NNA af veðurstöðinni í Litlu-Ávík og um það bil 6 km austur frá Sæluskeri(Selskeri).

Smá íshrafl kom á fjörur í Litlu-Ávík þann 18 desember sem er nú horfið,brotið niður í sjógangi.

Á myndina sem er hér með hefur Kristín Hermannsdóttir veðurfræðingur hjá Veðurstofu Íslands sett inn pílu þar sem borgarísjakinn er.

Það er stórt og mikið og erfitt yfirferðar Hólmavíkurprestakall sem sóknarprestur þarf að fara um til að halda guðsþjónustur í hinum mörgu kirkjum prestakallsins,færð og veður geta oft sett strik í reikninginn sérlega norður í Árneshrepp.

Hér kemur listi yfir áætlaðar guðsþjónustur í Hólmavíkurprestakalli um jólin 2010:

Hólmavíkurkirkja:Aðfangadagur jóla kl.18:00.

Drangsneskapella:Jóladagur kl. 13:30.

Kollafjarðarneskirkja:Jóladagur kl.15:30.

Óspakseyrarkirkja:Jóladagur kl. 17:00.

Árneskirkja:Annar jóladagur kl. 14:00.

Ljósmyndabók Hrafns Jökulssonar, Við ysta haf, er nú komin í kaupfélagið í Norðurfirði. Áhugasamir kaupendur annarsstaðar á landinu geta haft samband við Hrafn, eða nálgast hana í nokkrum bókabúðum í Reykjavík.
Bókin er nú til sölu í Iðu, Lækjargötu, og Eymundsson-verslunum í Austurstræti, Skólavörðustíg, Kringlunni og Smáralind.
Þá er hægt að hafa samband við Hrafn á Facebook-síðu hans og í síma 6950205 eða hrafnjokuls@hotmail.com. 
Í bókinni eru ljósmyndir sem Hrafn hefur tekið á síðustu þremur árum af mannlífi og náttúru í Árneshreppi.

Nú liggja fyrir tölur frá Hagstofu Íslands um íbúafjölda í einstökum sveitarfélögum hinn 1. desember 2010. Þá voru íbúar með lögheimili á Íslandi 318.236. Ári áður var íbúafjöldinn 317.593 og fjölgaði því milli ára um 643 íbúa eða 0,2%.

Í Árneshreppi er íbúafjöldi 52 og skiptist þannig á milli kynja,karlar 28 og konur 24.Í Kaldrananeshreppi eru íbúar 106,og eru konur 56 og karlar 50.Í Strandabyggð eru íbúar alls 501,og skiptist þannig konur eru 224 og karlar eru 277.Í Bæjarhreppi eru alls 100,konur eru 50 og karlar eru 50,það er því jöfn skipting milli kynja í Bæjarhreppi.

Opnunartími útibús Kaupfélags Steingrímsfjarðar á Norðurfirði um jól og áramót er sem hér segir:

Miðvikudaginn 22 desember er lokað.

Fimmtudaginn 23 er opið 13:00 til 17:00.

Á aðfangadag 24 desember er lokað.

Mánudaginn 27 desember og þriðjudag 28 desember er opið 13:00 til 17:00.

Miðvikudaginn 29 er lokað.

Fimmtudaginn 30 er opið 13:00 til 17:00.

Gamlársdag er lokað.

Á mánudaginn 3 janúar 2011 verður lokað vegna vörutalningar.

Í dag fór flugvél Landhelgisgæslunnar í ískönnunarflug um Vesturmið.Komið var að hafís norður af Vestfjörðum og meginísinn kortlagður með eftirlitsbúnaði flugvélarinnar. Megin ísröndin liggur djúpt undan Vestfjörðum en ísdreifar geta verið víða á Vestfjarðamiðum.Nánari upplýsingar um ísröndina má finna hér undir skýrsla Landhelgisgæslunnar.
Myndin sem er hér með er af Hafíssíðu Veðurstofu Íslands.

Mánudaginn 13. des,varð bílvelta á Djúpvegi,Eyrarhlíð,þar valt bifreið,eftir að hafa lent utan í vegriðinu og hafnaði á ljósastaur. Gerðist þetta í framhaldi af framúrakstri sem rekja má til hálku.Ökumaður kenndi sér eymsla í baki og fór í skoðun á sjúkrahúsið á Ísafirði .Bifreiðin óökuhæf,flutt af vettvangi með kranabíl.

Tvö umferðaróhöpp urðu í Vestfjarðargöngunum í vikunni.Fimmtudaginn 16. des,skullu tvær bifreiðar saman í Súgundarfjarðarleggnum.Ekki var slys á fólki.Föstudaginn 17. des ók bifreið utan í vegg ganganna, með þeim afleiðingum að bifreiðin varð óökuhæf og varð flytja hana af vettvangi með kranabíl.Ökumaður fór á sjúkrahúsið á Ísafirði til skoðunar.  Sunnudaginn 19. des hafnaði bifreið út fyrir veg á Hnífsdalsvegi,í framhaldi af framúrakstri.Þrjú ungmenni voru í bifreiðinni, eftir óhappið voru þau flutt á sjúkrahúsið á Ísafirði til skoðunar.Bifreiðin óökuhæf.Hálku er kennt um þetta óhapp.Lögregla vill brýna fyrir ökumönnum,sérstaklega ungun ökumönnum að aka varlega,núna þessa dagana eru akstursskilyrði mjög slæm, mjög víða hálka á vegum og erfitt getur verið að meta akstursskilyrði, sem geta breyst með stuttum fyrirvaka .

Einn Ökumaður var kærður fyrir meinta ölvun við akstur á Ísafirði aðfaranótt laugardagsins.Ökumaður þessi var ekki ánægður með afskipti lögreglu og eftir að hann fékk þá þjónustu hjá lögreglu sem honum bar vegna gruns um ölvunaraksturinn og hann búinn ausa úr skálum reiði sinnar yfir lögreglumenn,yfirgaf hann lögreglustöðina.Hann sá sig hins vegar knúinn til að taka ruslagám,á hjólum við Grunnskólann á Ísafirði,rúlla honum út á gatnamót Austurvegar/Hafnarstrætis.Þar sturtaði hann úr gámnum,sem mest var pappírsdrasl,jós því upp í vindinn,sem var allnokkur á þessum tíma,eingöngu til að ruslið dreifðist sem víðast.Umræddur aðili má því einnig búast við kæru vegna þess.Kalla varð út bæjarstarfsmenn til að þrífa miðbæinn eftir atvikið.

Meira

Hér kemur Jólapistill frá séra Sigríði Óladóttur í Hólmavíkurprestakalli.
Jólapistillinn er einnig aðgengilegur undir Aðsendar greinar hér til vinstri á vefnum:

Að jötu þinni, Jesús, hér

kem ég með tómar hendur,

en hjarta mitt vill þakka þér,

fyrst þú ert til mín sendur.

Það eitt sem gefur gæskan þín

ég get þér fært. Öll vera mín

skal lofa lífgjöf þína.

Sigurbjörn Einarsson.

Í dag er fjórði sunnudagur í aðventu. Aðventan höfðar sterkt til margra, þá er eins og hugurinn sé opnari en endranær fyrir boðskap spámannsins: „Sjá konungur þinn kemur til þín." Og á hverjum jólum svörum við: „Blessaður sé sá sem kemur í nafni Drottins." Já, við tökum vel á móti Kristi, bjóðum hann velkominn og reynum auðvitað að sýna á okkur bestu hliðarnar. Svo líða jólin, hversdagurinn tekur við og töfrar jólanna svífa fyrr en varir á braut.

En þannig á þetta auðvitað ekki að vera. Sonur Guðs kom ekki í heiminn til þess að breyta lífi mannanna fáeina daga á ári. Jesús kom til þess að breyta öllum dögum í lífi okkar.

Lífið líður hjá með ógnarhraða, æskan líður alltof fljótt. Árstíðir koma og fara. Áhyggjur og gleði liðins árs gleymast. Lífið sjálft kemur og fer. Þessi jól munu líða. Hlutir sem eru okkur mikilvægir nú hverfa og gleymast. En góðu tíðindin eru þau að við eigum Guð að sem stendur ekki á sama um okkur, Guð sem lét sér svo annt um okkur að hann sendi son sinn til að frelsa okkur. Þess vegna þurfa jólin ekki að taka enda þegar veisluhöldunum lýkur.

Ef við finnum raunverulega fyrir nærveru Jesú, sem fæddist, lifði og dó og reis upp vegna okkar, þá munu jólin ekki taka enda, hvorki að kvöldi jóladags né nokkurn tíma.

Kristur sem kom til okkar í auðmýkt á hinum fyrstu jólum vill koma til okkar nú, búa með okkur og færa okkur sömu gleði og von og hann gerði þá.

Megi Kristur vera með okkur öllum á þessum jólum og alla daga. Megi hann fá að vinna það verk í okkur sem honum var ætlað, að breyta okkur, hafa áhrif til góðs á tilveru okkar.

Guð gefi okkur náð til þess að feta í fótspor Krists, svo að við eignumst sanna og varanlega jólagleði.

Gleðileg jól!
Sigríður Óladóttir.

Landhelgisgæslan fór í ískönnun á TF-SIF í dag hér eru nokkrar staðsetningarpunktar:
Í dag var farið í eftirlits- og hafískönnun undan Vestfjörðum. Í ljós kom að hafís er mun fjarri landi en í síðustu könnun á flugvélinni þann 14 des.

Ísrönd sjáanleg á ratsjá liggur um eftirfarandi staði:
1. 6604 - 2740

2. 6616- 2613

3. 6624- 2538

4. 6644-2502

5. 6646- 2522

6. 6654-2521

7. 6709-2420

8. 6729-2355

9. 6740-2246

Stakir ísjakar eru við ísröndina, á siglingarleiðinni fyrir Húnaflóann er borgarísjaki á

Stað: 66°21.0N 021°19.0W og annar líklega landfastur undan Hælavíkurbjargi á

stað: 66°26.N 022°20.0W.
Veður og skyggni var mjög slæmt í fluginu og kom því radsjáin að góðum notum í þessu flugi sem og öðrum.