Verðskrá Orkubús Vestfjarða fyrir raforkudreifingu hækkaði um 6% nú um áramótin. Hækkunin er tilkomin vegna verðhækkana á erlendum aðföngum og annarra verðlagshækkana. Þá hækkaði verðskrá OV fyrir hitaveitur einnig um 6% nú um áramótin af sömu orsökum.

Orkustofnun, sem fer með eftirlitshlutverk með tekjumörkum flutnings- og dreifiveitna, hefur yfirfarið hækkunina og staðfest að hún sé innan tekjuheimilda sem Orkubú Vestfjarða hefur skv. raforkulögum. Þá hefur iðnaðarráðuneytið staðfest hækkun á verðskrá OV fyrir hitaveitur og auglýst hana í stjórnartíðindum.
Nýjar verðskrár má finna á www.ov.is

Í vikunni sem var að líða var talsverður erill hjá lögreglunni á Vestfjörðum,fjögur umferðaróhöpp voru tilkynnt til lögreglu.

27. des. varð óhapp á Súðavíkurhlið, þar hafnaði bifreið út fyrir veg á hvolf, ekki slys á fólki. Ástæða óhappsins var að ökumaður var að sveigja frágrjóti  sem hafði fallið á götuna. Bíllinn óökufær og fjarlægður með kranabíl.

28. des var tilkynnt um tjón á tveim ökutækjum á Ísafirði, ekið hafði verið utan í bifreiðarnar og tjónvaldur horfið af vettvangi.  Um talsvert tjón var að ræða í þessum tilfellum.

28. des varð óhapp á Ísafirði með þeim hætti að ung stúlka sem var að sendast með flatbökur, klemmdist milli bíls og gangstéttar þegar bifreiðin rann af stað, hrökk úr handbremsu, Stúlkna var flutt á sjúkrahúsið á Ísafirði til skoðunar og meiðslin reyndust minniháttar.

28. des var tilkynnt um bát sem hafði sokkið í höfninni á Ísafirði. Um var að ræða trébátinn Guðný ÍS 13. Umræddur bátur hefur ekki verið í notkun um einhvern tíma. Eigandi bátsins sjá sjálfur um að koma bátnum á flot aftur.

2. janúar varð bílvelta á veginum um Kleifaheiði, þar hafnaði jepplingur út fyrir veg og valt, ökumann og farþega sakaði ekki, en bíllinn óökufær, fjarlægður af vettvangi með kranabíl. Óhappið mátti rekja til hálku.

Meira

Yfirlit yfir veðrið frá veðurstöðinni í Litlu-Ávík.Mánuðurinn byrjaði með frosti nema fyrsta dag mánaðar og var frost síðan framá 8,en þá fór hlýnandi og var nokkuð hlýtt fram til 14.Þann 15 snarkólnaði með Norðlægum áttum og fremur svalt fram til 26,en þá hlýnaði og var hiti oftast yfir frostmarki sem eftir var mánaðar.Vestlægar vindáttir voru ríkjandi fram til 14,með SV hvassviðri þann 9 og þ,14.Norðan hvassviðri eða stormur dagana 17 og 18,með snjókomu,éljum eða slyddu.Þann 26 (annan í jólum)gerði suðaustan með miklum hlýindum og hvarf þá þessi litli snjór sem var á láglendi.

Úrkoman var frekar lítil í heild í mánuðinum 62,3 mm og mældist úrkoman mest af því á einum sólarhring eða 42,3 mm.Mánuðurinn var mjög snjóléttur.Hafís nálgaðist mikið Vestfirði strax í byrjun mánaðar og kom mjög nálægt landi.

Íshrafl sást á fjörum í Litlu-Ávík þann 18,og Borgarísjaki sást 22 og sást til 28,enn jakann rak í Austur og Suðaustur.Jón veðurathugunarmaður gaf jakanum nafnið Jóli.

Meira

Góðir lesendur nær og fjær,vefsíðan Litlihjalli sendir hinar bestu áramótakveðjur til lesenda sinna með þökk fyrir samfylgdina í gegnum árin.
Megi nýja árið færa ykkur gleði og góða tíma.
Góður Guð veri með okkur öllum og leiði okkur farsællega gegnum árið 2011.

 

Þetta Ár er frá oss farið,

fæst ei aftur liðin tíð.

Hvernig höfum vér því varið ?

Vægi' oss Drottins náðin blíð.

Ævin líður árum með,

ei vér getum fyrir séð,

hvort vér önnur árslok sjáum.

Að oss því í tíma gáum.
(Brynjólfur Jónsson frá Minna-Núpi.)

Veðurspáin frá Veðurstofu Íslands er nú ekkert svo slæm fyrir okkar svæði hér á Ströndum fyrir kvöldið í kvöld,jafnvel léttskýjað í kvöld með hægum vindi,því ætti að viðra sæmilega til að skjóta upp flugeldum og ættu þeyr að sjást víða að.Annars er veðurspáin hér fyrir Strandir og Norðurland vestra í dag og á morgun:.

Norðaustan 5-10 og stöku él, en hægari austlæg átt og léttskýjað í kvöld. Frost 0 til 6 stig. Sunnan 5-10 síðdegis á morgun og dálítil slydda eða snjókoma og hiti kringum frostmark.

 

Veðurhorfur á landinu næstu daga.Á sunnudag:
Suðvestlæg átt, 5-10 og rigning eða súld með köflum, en þurrt að kalla NA-til. Hiti 0 til 6 stig, svalast NA-til.

Á mánudag:
Heldur vaxandi norðlæg átt og kólnandi veður, 10-15 m/s um kvöldið. Snjókoma eða él, en þurrt að kalla syðra.

Á þriðjudag, miðvikudag og fimmtudag:
Norðlæg átt og kalt í veðri. Dálítil él norðaustantil, en þurrt og bjart að mestu sunnan- og vestanlands.

Jón Bjarnason sjávarútvegs- og landbúnaðarráðherra skrifaði í gær undir reglugerð sem skyldar grásleppusjómenn til að koma með allan afla að landi. Breyting þessi er unnin í samvinnu við Landsamband smábátaeigenda og er meðal annars tengd árangri sem náðst hefur í markaðsstarfi með hrognkelsahvelju til matvæla og annarar framleiðslu.

Grásleppa er sem kunnugt er veidd vegna hrogna en afar lítil nýting hefur verið á öðrum hlutum fisksins sem er kallaður hvelja en inniheldur í raun haus, hvelju, innyfli og vöðva. Í reglugerð um nýtingu afla og aukaafurða frá 2003 er heimilt að varpa fyrir borð verðlausum fiski og þeim aukaafurðum sem ekki verða nýtt með arðbærum hætti. Frá því eru þó þær undantekningar að alltaf skal koma með þorsk- og ufsahrogn að landi og sömuleiðis allan afskurð sem fellur til við snyrtingu á þorsk- ufsa- og ýsuflökum. Með reglugerð þeirri sem skrifað er undir í dag bætist við í þá upptalningu yfir það sem alltaf skal koma að landi, svohljóðandi setning:

„Ennfremur skal við hrognkelsaveiðar koma með öll hrognkelsi að landi."

Breytingin tekur gildi 1. janúar 2012 og þannig gefst ein grásleppuvertíð til aðlögunar. Innan við 10% af grásleppuafla berst nú þegar að landi í tengslum við það markaðsstarf sem þegar er í gangi. Þess eru dæmi að einstakar útgerðir hafi greitt olíukostnað við veiðarnar með aflaverðmæti hveljunnar. Grásleppusjómanna bíður nú mikið verkefni að gera yfir 4000 tonn af fiski sem áður var hent að markaðsvöru. Jón Bjarnason sagðist við undirritun reglugerðarinnar hafa fulla trú á að það tækist. Hér væri um að ræða mikilvægt skref í siðlegri og bættri umgengni þjóðarinnar um auðlind hafsins.

Meira

Borgarísjakinn Jóli er nú horfinn,sást hvorki frá Reykjanesi hné Gjögurflugvelli eftir hádegið.

Það var mikil ferð á honum í gær og er hann sennilega komin langt inn í Húnaflóa.

Síðast  sást til hans útaf Reykjanesströndinni í gær og var þá um 8 km austur af Hyrnunni.

Skip tilkynnti um jakann til Veðurstofu Íslands eftir miðnætti í nótt og var hann þá á stað  66°00.5N 020°54.7V.og  rak hann í SA-átt á um það bil 0.5 sml á klukkustund.Og eru það síðustu upplýsingar um borgarísjakann Jóla.

Nú hafa þeir félagarnir, Reimar Vilmundarson og Sigurður Hjartarson stofnað félagið Kollsá ehf.  Markmið þessa félags er að efla ferðaþjónustuna við djúp, hafa þeir fest kaup á  bát frá Stykkishólmi sem ætlunin er að nota til þess. Ætlunin er að geta boðið upp á ýmsar ferðir til dæmis hvalaskoðun, sjóstöng auk annara ferða. Einnig vilja  þeir bæta  þjónustu við sumarbústaðaeigendur á svæðinu en eftirspurn eftir bát sem getur sinnt þeim hefur aukist mikið, í þessum bát verður væntanlega gott pláss fyrir 12-15 farþega og einnig gott farangursrými. Fyrirhugað er að koma bátnum í breytingar á Siglufjörð eftir áramót þar sem honum verður breytt lítilega til hagræðis fyrir farþega hvort sem verður í sjóstöng eða til ferðalaga.
Áætlað er að báturinn verði tilbúinn til ferða á vormánuðum.
Þeir sem hafa áhuga á að fá frekari upplýsingar um ferðir þessa báts á komandi sumri er bent á að hafa samband við annaðhvort Sigurð Hjartarson sjá heimasíðu www.bjarnarnes.is eða Reimar Vilmundarson www.freydis.is
Frekari fréttir af framgangi breytinga á þessum bát og í hvaða verkefni hann fer í koma fram á heimasíðum þeyrra við fyrsta tækifæri. 
Þetta kemur fram á vefsíðunni freydís.is

Borgaísjakinn Jóli er nú á fleygiferð í vestanáttinni,var í gær um það bil 15 km NNA af Reykjaneshyrnu,enn var í dag kl:14:30 komin ca átta kílómetra austur fyrir Reykjaneshyrnuna,og virðist reka nokkuð hratt í ASA inn flóann.

Athugað verður með borgarísjakann Jóla á morgun ef veður og skyggni leifa.

Tvær myndir eru hér með fyrri myndin tekin í dag við eyðibýlið Reykjanes og seinni myndin í gær af Lambanestanganum við Litlu-Ávík.Þetta eru frekar slæmar myndir en fjarlægðin er líka nokkur.

Landbúnaðar og sjávarútvegsráðuneytið hefur úthlutað byggðakvóta fyrir fiskveiðiárið 2010 til 2011.

Úthlutun til sveitarfélaga á Ströndum er eftirfarandi:

Árneshreppur fær úthlutað 15 tonnum.Kaldrananeshreppur fær úthlutað 85 tonnum og Strandabyggð fær úthlutað 100 tonnum.
Úthlutun byggðakvóta má sjá á vef Landbúnaðar og sjávarútvegsráðuneytis.