Í morgun var opnað norður í Árneshrepp,mokað var norðanfrá til Djúpavíkur,tvö snjóflóð voru á Kjörvogshlíðinni.

Hefill mokaði að sunnanverðu til Djúpavíkur,ekki var um mikinn snjó að ræða.

´'Að sögn Jóns Harðar Elíssonar rekstrarstjóra hjá Vegagerðinni á Hólmavík er lítið sem ekkert um vatnsskemmdir á leiðinni norður og innansveitar í Árneshreppi;enda rigndi lítið þar miðað við á Hólmavíkursvæðinu,þótt snjó hafi tekið fljótt upp í hitanum og hvassviðrinu.

Nú er orðið fært norður í Árneshrepp,hálkublettir eru víða og eða yfirborðs aurbleyta.

Fimmtudaginn 27. janúar n.k. verður haldinn opinn fræðslufundur á vegum félagsins Matur-saga-menning. Fundurinn er sá þriðji í röð fræðslufunda á vegum félagsins þennan vetur og fjalla þeir allir um nytjar á villtum dýrum úr íslenskri náttúru, bæði fyrr og nú.

Að þessu sinni verður fjallað um hvernig íslendingar nytjuðu seli til matar, en við Ísland kæpa tvær tegundir sela, landselur og útselur, auk þess sem hánorrænu tegundirnar vöðuselur, kampselur, blöðruselur og hringanóri hafa hér viðkomu í mismiklum mæli.

Pétur Guðmundsson frá Ófeigsfirði, formaður samtaka selabænda og Guðmundur Ragnarsson veitingamaður munu flytja erindi um á hvern hátt íslendingar nýttu seli til matar og hvernig hægt er að nýta selaafurðir á nýstárlegan hátt. Pétur er þekktur fyrir kunnáttu sína á hlunnindanytjum og Guðmundur Ragnarsson er matreiðslumeistari og fyrrverandi landsliðskokkur og býr yfir sérfræðiþekkingu á nýtingu íslenskra villtra dýra úr náttúru Íslands.

Fundurinn verður haldinn í sal ReykjavíkurAkademíunnar, Hringbraut 121 RVK, 4. hæð, kl. 20 til 22. Aðgangur er ókeypis og öllum heimill.
Þetta má sjá á vefnum matarsetur.is

Í vikunni sem var að líða gekk umferð nokkuð vel fyrir sig í umdæminu og án teljandi afskipta lögreglu, þó var tilkynnt um fimm umferðaróhöpp. Miðvikudaginn 19. jan.var tilkynnt um óhapp á bifreiðastæði Menntaskólans á Ísafirði, þar var ekið utan í bifreið og tjónvaldur lét sig hverfa af vettvangi, minniháttar  tjón í því tilfelli. Fimmtudaginn 20. jan. urðu tvö umferðaróhöpp, fyrra óhappið varð á gatnamótum Aðalstrætis og Skipagötu á ísafirði, þar lentu tvær bifreiðar saman, um minniháttar tjón var að ræða í því tilfelli, sama dag lenti bifreið útaf veginum á Ennishálsi á Ströndum, þar var einnig um minniháttar tjón að ræða og bifreiðin ökuhæf á eftir. Föstudaginn 21. jan. var ekið utan í ljósastaur við Holtabraut á Ísafirði, ekki vitað um tjónvald í því tilfelli. Þann sama dag var ekið á ljósastaur á Strandgötu á Patreksfirði, í því tilfelli var ökutækið óökuhæft og flutt af vettvangi með krana. Í öllum þessum tilfellum sluppu ökumenn og farþegar án meiðsla.

Lögregla óskar eftir upplýsingum ef einhver hefur upplýsingar um þau óhöpp þar sem tjónvaldar létu sig hverfa af vettvangi.  Sími lögreglu er 450-3730

Skemmtanahald í umdæminu fór vel fram og án verulegra afskipta lögreglu, en Þorrablót voru haldin víða í umdæminu á laugardagskvöldinu.
Segir í tilkynningu frá lögreglu.

Á vef Landhelgisgæslunnar er vakin athygli á óvenju hárri sjávarstöðu dagana eftir fullt tungl í janúar,fullt tungl í janúar var þann 19, í febrúar þann 18 og í mars þann 19.2011. Flóðspá fyrir Reykjavík gerir ráð fyrir óvenju hárri sjávarstöðu á fullu tungli í janúar, febrúar og mars.Ástæða er til að fylgjast vel með veðurspá og loftþrýstingi þessa daga og jafnframt dagana fyrir og eftir fullt tungl.

Breytingar á veðri valda mismun á útreiknuðum og raunverulegum sjávarföllum því töflur yfir sjávarföll eru reiknaðar út miðað við „venjuleg" veðurskilyrði og meðalloftþyngd sem er við sjávarmál 1013 hPa (millibör). Falli loftvog t.d. um 10 hPa má búast við hækkun sjávaryfirborðs um 0,1 m og öfugt.
Nánar má sjá um sjávarstöðuna á vef Landhelgisgæslunnar.

Að venju taka Strandamenn sér allan janúarmánuð til að velja Strandamann ársins,enda er sjálfsagt að taka góða stund í að velta vöngum yfir því sem vel er gert í samfélaginu. Eftir spennandi og skemmtilega undankeppni þar sem lesendur vefjarins strandir.is tilnefndu fjölmarga Strandamenn ársins 2010. Þá er valið á milli þeirra þriggja sem fengu flestar tilnefningar, en stundum eru þrír reyndar fjórir. Svo er nú, því tveir einstaklingar fengu jafn margar tilnefningar. Valið stendur því á milli fjögurra Strandamanna sem eru eftirtaldir í stafrófsröð: Arinbjörn Bernharðsson, Ingibjörg Valgeirsdóttir, Ingvar Þór Pétursson og Jón Hallfreður Halldórsson.

Nánar á  www.strandir.is

Nú er verið að moka veginn frá Norðurfirði til Gjögurs og ruðningum mokað útaf eftir síðasta snjómokstur á mánudag,en þá var mikið að moka þótt seint hafi verið mokað eða um og eftir að flogið var á Gjögur,það er eins og megi ekki moka nema að öruggt að flug verði, og þurftu menn að þvælast í djúpum og blautum snjó og jeppar drógu kviðinn,en það snjóaði mikið á sunnudag og mánudag.Nú er mjög hált eftir að frysti aftur eftir bleytuna í gær.

Föstudaginn 14 var mokað til Djúpavíkur norðan megin frá,þann dag komust Eva og Ásbjörn í Djúpavík norður að sækja póstinn enn síðast gátu þau sótt póst mánudaginn 3 janúar,en sá mokstur spilltist fljótt.Hvort mokað verður þangað aftur á morgun er ekki vitað,enn nú gengur á með mjög dimmum éljum.Samkvæmt veðurspá Veðurstofu mun hlýna verulega á morgun og yfir helgina og spáð er hláku áfram fram í næstu viku.

Jón Bjarnason sjávarútvegs- og landbúnaðarráðherra hefur lagt fram tillögu um að takmarka dragnótaveiðar á grunnslóð úti fyrir Norðurströndum og Hornströndum milli Hornbjargs og Gjögurs. Tillaga þar um kemur fram í drögum að reglugerð sem hefur verið send út til kynningar. Umsagnarfrestur er til 7. febrúar næstkomandi.

Drög að reglugerð um bann við dragnótaveiðum út af Ströndum má sjá nánar hér á vef Sjávarútvegs-og landbúnaðarráðuneytis.

Fréttatikynning:
Miðvikudaginn 19. janúar 2011 eru liðin 120 ár frá stofnun Sparisjóðs Kirkjubóls- og Fellshreppa, en stofnfundurinn var haldinn að Heydalsá 19. janúar árið 1891.

Af þessu tilefni er öllum þeim sem leggja leið sína í höfuðstöðvar sparisjóðsins á Hólmavík á afmælisdaginn boðið að þiggja léttar veitingar.

Einnig verður boðið upp á léttar veitingar í afgreiðslu sparisjóðsins á Norðurfirði fimmtudaginn 20. jan. en lokað er þar á miðvikudögum.

Verið öll velkomin.

Sparisjóður Strandamanna.

 

 

 

 

 

Mæld úrkoma á veðurstöðinni í Litlu-Ávík fyrir árið 2010 er sú minnsta síðan mælingar hófust þar 1995,eða 633,5 millimetrar.

Eins og sjá má á yfirliti yfir árið 2010 fór úrkoma í einum mánuði aldrei yfir hundrað millimetra en árið 2009 sem er innan sviga voru fimm mánuðir með úrkomu yfir hundrað millimetra,það er janúar,apríl,ágúst,nóvember og desember.

Er þetta því í fyrsta sinn sem úrkoman er fyrir neðan sjöhundruð millimetra á ársgrundvelli.

Úrkoman árið 2010 var 361,1 millimetri minni en árið 2009. 

Árið-2010.            Árið-2009.           

Janúar:      26,4 mm.  (121,6)

Febrúar:     39,2--.        (  53,0)

Mars:          41,4--.         ( 84,2)

Apríl:           43,6--.       (121,2)

Maí:             46,3--.       (  48,1)

Júní:            13,3--.       ( 11,8 )

Júlí:              63,1--.       ( 49,0 )

Ágúst:          88,3--.       (131,1)

September:43,6--.       (  57,8)

Október:      97,2--.      (  94,5)

Nóvember: 68,8--.      (111,6)

Desember: 62,3--.      (110,7)

Alls 2010: 633,5 mm.Alls:994,6 mm.

Í vikunni sem var að líða var færð á vegum í umdæminu misjöfn og voru þrjú umferðaróhöpp tilkynnt til lögreglu. Mánudaginn 10. jan., var ekið á ljósastaur á Engjavegi á Ísafirði, tjónvaldur ókunnur.

þriðjudaginn 11. jan.,  hafnaði bifreið út af Djúpvegi við Arnarnes, ekki slys á fólki og litlar skemmdir á ökutæki.Miðvikudaginn 12. jan., hafnaði einnig bifreið út af Djúpvegi skammt frá Súðavík, þar voru heldur ekki slys á fólki og einnig litlar skemmdir.Í öllum þessum tilfellum má væntanlega rekja ástæður þessara óhappa  til akstursskilyrða, snjókomu og lélegs skyggnis. Þá sinnti lögregla nokkrum aðstoðarbeiðnum ökumanna vegna veðurs og ófærðar.

Skemmtanahald fór nokkuð vel fram um helgina og án teljandi afskipta lögreglu.
Segir í fréttatilkynningu frá lögreglu.