Eins og fram hefur komið í fjölmiðlum var hvítabjörn felldur við bæinn Ósland í Þistilfirði laust eftir klukkan hálf fjögur í dag; tveimur tímum eftir að fyrst sást til hans. Umhverfisstofnun segir að aðstæður hafi ekki verið ákjósanlegar til að reyna björgun.
Nú hefur Ingibjörg Jónsdóttir landfræðingur við Jarðvísindastofnun Háskóla Íslands sett inn yfirborðshafstrauma inná kort sem byggir á yfirborðshafstraumakorti frá prófessor Unnsteini Stefánssyni sem á vel við til að sjá hvernig yfirborðstraumur hafi geta hjálpað ísbirninum að komast jafnvel langt úr Vestri til Norðausturlands.Björninn hefur fyrst borist með jökum enn síðan þurft að synda ansi langt.
Einnig merkti hún inn þar sem ísbjörninn var felldur.
Kortið ætti að skýra sig nokkuð vel sjálft.

Fréttatilkynning frá Fræðslumiðstöð Vestfjarða:

Fræðslumiðstöð Vestfjarða er að fara af stað með nám í svæðisleiðsögn á Vestfjörðum og í Dölum. Námið hefst í febrúar en skráningu lýkur föstudaginn 29. janúar. Kynningarfundur um námið verður haldinn í fjarfundi miðvikudaginn 27. janúar og hefst kl 20. Hann verður aðgengilegur í Grunnskólanum á Reykhólum, Þekkingarsetrinu Skor á Patreksfirði og hjá Fræðslumiðstöðinni á Ísafirði. Vegna tæknilegra örðugleika verður ekki fjarfundur á Ströndum, en áhugasömum Strandamönnum er bent á að setja sig í samband við Kristínu Sigurrós Einarsdóttur verkefnastjóra sem hefur umsjón með náminu.

Svæðisleiðsögn er ein undirgreina leiðsögunáms. Svæðisleiðsögunám á Vestfjörðum er haldið í samvinnu við Leiðsöguskóla Íslands, sem ber faglega ábyrgð á náminu, yfirfer umsóknir, sér um mat og gefur út prófskírteini. Aðrir samstarfsaðilar eru Ferðamálasamtök Vestfjarða og Vaxtarsamningur Vestfjarða.
Markmið námsins er að nemendur öðlist almenna þekkingu á leiðsögn og sérþekkingu á Vestfjörðum. Námið fæst að hluta til metnið inn í almennt leiðsögunám ef nemandi fer í það síðar.

Í heild er námið 253 kennslustundir.  Það er kennt á þremur önnum, hefst á vorönn 2010 og lýkur á vorönn 2011. Þátttakendur koma saman á tveimur helgarlotum á fyrstu önn, þremur lotum á annarri og fjórum á þriðju önn. Loturnar eru haldnar á ýmsum stöðum á Vestfjörðum en þess á milli fer námið fram í dreifnámi.

Þátttakendur velja sér tungumál, annað hvort erlent mál eða íslensku.

Umsækjendur þurfa að vera orðnir 21 árs við upphaf námsins. Þeir þurfa að hafa lokið stúdentsprófi eða sambærilegu námi, eða hafi starfsreynslu sem unnt er að meta.

Meira

Þá er flugfélagið Ernir búnir að fljúga á Gjögur í dag,enn undanfarna daga hefur ekki verið flogið vegna veðurs.
Flogið var í dag fyrir hádegið nokkrir farþegar komu og fóru,og vörur komu í Kaupfélagið.
Ekkert verður flogið á morgun þótt það sé flugdagur.

Úrslit liggja nú fyrir í kosningu á Strandamanni ársins 2009, en í síðari umferð var kosið á milli áhafnarinnar á Grímsey ST-2, Ingibjargar Valgeirsdóttur frá Árnesi í Trékyllisvík og Sigurðar Atlasonar á Hólmavík. Það var að lokum Sigurður Atlason sem stóð uppi sem Strandamaður ársins 2009, en hann hefur af og til lent í 2. eða 3. sæti í kjörinu síðustu ár. Af uppátækjum Sigga Atla sem er framkvæmdastjóri Strandagaldurs á síðasta ári má t.d. nefna opnun og rekstur á kaffihúsinu Kaffi Galdri og ýmsu fleiru.Þátttaka í kosningunni á Strandamanni ársins hefur aldrei verið meiri og síðari umferð kosningarinnar var spennandi.
Nánar hér á Strandir.is

Nú hefur flugfélagið Ernir aflýst flugi til Gjögurs annan daginn í röð á Gjögur.
Flugvél frá þeim ætlaði í loftið kl 10:30 í morgun frá Reykjavík en þá var orðið mjög hvasst á Gjögurflugvelli,en ekkert í líkingu og var í gær.
Flug verður athugað á morgun til Gjögurs.

Ofsaveður er nú hér í Árneshreppi.

Á veðurmælum á veðurstöðinni í Litlu-Ávík hefur meðalvindhraði verið þetta 52 til 58 hnútar eða 27 til 30 m/s eða tíu til ellefu vindstig gömul.Hviður hafa farið í 80 hnúta eða í 41 m/s eða langt yfir 12 vindstig.Þetta er á milli kl 14:00 og til 15:30.Veður er af Suðsuðvestri.

Á Gjögurflugvelli voru kl 15:00 28 m/s og mesta kviða í 46 m/s.
Þetta hefur veri rok,ofsaveður eða fárviðri frá því uppúr hádegi.ef notaðar eru gömlu góðu veðurlýsingarnar.
Eftir spá á að draga úr veðurhæð undir kvöld.

Að sögn Sveindísar Guðfinnsdóttur flugvallarvarðar á Gjögurflugvelli hefur Flugfélagið Ernir nú aflýst flugi til Gjögurs í dag vegna hvassviðris sem er skollið á og fer versnandi,en spáð er allt uppí 23m/s í dag.
Viðvörun er einnig í lofti frá Veðurstofu Íslands.
Athugað verður með flug á morgun.

Í Árneshreppi á Ströndum hafa verið fimm veðurstöðvar með mismunandi mælingar allt frá árunum 1878 til 1883, en þá var veðurstöð í Kjörvogi á vegum dönsku veðurstofunnar. Og verður hennar ekki getið meir hér.(heimild Saga Veðurstofu Íslands eftir Hilmar Garðarsson).

 

En fyrsta veðurstöð fyrir Veðurstofu Íslands var á Grænhóli við Reykjarfjörð,en þar var veðurfarsstöð sem mældi hita, úrkomu og snjódýpt,en vindhraði var metinn.

Önnur stöðin var svo Kjörvogur sem var skeytastöð og sendi skeyti til VÍ í gegnum síma (og veðurbók send mánaðarlega), allar hefðbundnar veðurathuganir gerðar,vindur var þar alltaf áætlaður.

Þriðja stöðin var svo Gjögur sem var einnig skeytastöð, það er að send voru skeyti í gegnum síma en síðasta árið í gegnum tölvu. Allar hefðbundnar veðurathuganir, vindur alltaf áætlaður.

Fjórða stöðin er síðan Litla-Ávík sem er skeytastöð og sendir öll veðurskeyti í gegnum tölvu, þar var fyrsti vindhraða og vindstefnumælir settur á veðurstöð í Árneshreppi,sendir 5 veðurskeyti á dag.

Fimmta stöðin var svo Munaðarnes sem var úrkomustöð, það er mældi úrkomu og snjódýpt. Því miður lagðist þessi stöð af árið 2005 þegar fólkið hætti búskap og flutti á Snæfellsnes.

Hér á eftir kemur svo úrkomulisti frá Veðurstofu Íslands sem þar var tekin saman yfir þessar veðurstöðvar í Árneshreppi frá desember 1921 til síðasta árs 2009.Einhverra hluta vegna vantar nokkra mánuði.

Meira

Miðvikudaginn 27. janúar kl. 20:00 verður haldinn opinn kynningarfundur á Ísafirði um svæðisleiðsögunám á Vestfjörðum þar sem farið verður yfir fyrirkomulag námsins.Áhugasamir utan norðanverðra Vestfjarða geta tekið þátt í fundinum með hjálp fjarfundabúnaðar á Hólmavík,Reykhólum og Patreksfirði. Námið er haldið af Fræðslumiðstöð Vestfjarða í samvinnu við Leiðsöguskóla Íslands sem ber faglega ábyrgð á náminu,og Ferðamálasamtök Vestfjarða. Markmið námsins er að nemendur öðlist almenna þekkingu á leiðsögn og sérþekkingu á Vestfjörðum. Á fyrstu önn koma þátttakendur saman á tveimur helgarlotum, en á annarri og þriðju önn verða þrjár helgarlotur,en námið fer að öðru leyti fram í dreifnámi. Helgarloturnar eru haldnar á mismunandi stöðum á Vestfjörðum. Allar nánari upplýsingar um svæðisleiðsögunámið er að finna á vef Fræðslumiðstöðvar Vestfjarða.

 

Úrkoman í Litlu-Ávík fyrir árið 2009.

Janúar:121,6 mm.

Febrúar:53,0 mm.

Mars:84,2 mm.

Apríl:121,2 mm.

Maí:48,1 mm.

Júní:11,8 mm.

Júlí:49,0 mm.

Ágúst:131,1 mm.

September:57,8 mm.

Október:94,5 mm.

Nóvember:111,6 mm.

Desember:110,7 mm.

----------------------------------.

Alls úrkoma 2009:994,6 mm.

Og er þetta mesta úrkoma yfir heilt ár síðan mælingar hófust í Litlu-Ávík 1995.

En næst mest var úrkoman 2006 þá 993,2 mm.Og  2007 er hún 972,0 mm.Og eru þessi þrjú skipti sem úrkoma fer í tæpa þúsund mm.Úrkoman virðist hafa farið vaxandi eftir aldamótin síðustu.

Minnsta úrkoma sem hefur mælst í Litlu-Ávík var árið 2001 þá 722,6 mm.