Þegar Sauðfjárræktarfélagið Von í Árneshreppi stóð fyrir þorrablóti í gær laugardaginn 13 febrúar er óhætt að segja með fullri vissu að íbúatala Árneshrepps tvöfaldaðist,því margir burt fluttir Árneshreppsbúar komu sem búa á höfuðborgarsvæðinu,og einnig komu margir nærsveitungar,svo sem frá Drangsnesi og Hólmavik og víðar.

Var þetta eitt af hinu besta og fjölmennasta þorrablóti sem haldið hefur verið,því alls sóttu blótið yfir 60 manns.

Mörg skemmtiatriði voru sem komu á óvart,því í auglýsingu var sagt að hver og einum væri frjálst að troða upp,og virðist það  heldur betur hafa vel til tekist.

Margir komu með skemmtiatriði má nefna hér svo sem nemendur Finnbogastaðaskóla með söngatriði sem nefndist Sveitalistinn,en þar voru taldir upp bæir og ábúendur.

Einnig fór Eva Sigurbjörnsdóttir með ljóð,og ekki má gleyma fjöldasöngnum,þar sem Gunnlaugur Bjarnason sá um undirleik.

Og mörg önnur skemmtiatriði voru.

Veislustjóri var hinn frábæri Alexander Hafþórsson,en hann var lengi sem ungur drengur á Gjögri.

 

Varðskipið TÝR heimsótti Hólmavík á 112 daginn, fimmtudaginn 11. febrúar. Við það tækifæri var haldin stutt kynning á Landhelgisgæslunni og starfsemi hennar í grunnskólanum á Hólmavík. Eftir kynningu héldu nemendur og starfsmenn skólans niður á bryggju þar sem bættust í hópinn nemendur og kennarar frá Drangsnesi og Finnbogastaðaskóla í Árneshreppi.

Eftir hópmyndatöku við skipshlið var Daníel Freyr Newton, nemanda við grunnskóla Hólmavíkur, afhent viðurkenning í tilefni 112 dagsins. Síðan var varðskipið skoðað undir leiðsögn skipverja sem fræddu háa jafnt sem lága um það sem fyrir augu bar.

Síðust en ekki síst voru svo börnin á leikskólanum Lækjarbrekku sem ráku lestina. Margar skemmtilegar spurningar og tilsvör komu frá börnunum eins og þeim einum er lagið. Til dæmis voru þau yngstu spurð að því hvort þau þekktu merkið á veggnum (skjaldarmerkið) og þá svaraði einn að bragði: Já, þetta er Áfram Ísland - merkið!
Fleiri myndir má sjá á vef Landhelgisgæslu Íslands hér.

Nú virðist sem góða kaflanum sem verið hefur sé að ljúka í bili að minnsta kosti ef veðurspá Veðurstofu Íslands gengur eftir:
Hæg suðlæg átt og skýjað en þurrt að kalla. Austan 3-8 og dálítil rigning í kvöld. Hæg suðvestlæg eða breytileg átt og skúrir eða rigning með köflum á morgun. Hiti 0 til 7 stig.
Á sunnudag:
Vestlæg átt, 5-10 m/s og skúrir eða él, en léttskýjað SA-lands. Gengur í 13-20 m/s með snjókomu, fyrst NV-lands upp úr hádegi, en þurrt að kalla syðra. Kólnar ört í veðri.
Á mánudag og þriðjudag:
Ákveðin norðanátt með éljum eða snjókomu N- og A-lands og frost 0 til 8 stig.
Á miðvikudag og fimmtudag:
Dregur smám saman úr vindi og ofankomu, en talsvert frost.
Hér er líka langtímaspá Norsku Veðurstofunnar fyrir svæðið hér,en sú spá gerir ráð fyrir mikilli úrkomu í þessu NA veðri frá sunnudegi og eins langt og séð verður.Langtímaspá YR.NO má sjá hér.

112 dagurinn verður haldinn víða um land í dag fimmtudaginn 11.febrúar.Þema dagsins er aðkoma venjulegs fólks að vettvangi slysa, veikinda og áfalla.

Viðbragðsaðilar koma sjaldnast fyrstir á vettvang slíkra atburða. Oftast kemur venjulegur borgari fyrst að, tilkynnir um atburðinn og veitir fyrstu aðstoð. Þessi fyrstu viðbrögð geta skipt miklu um afdrif fólks og hvernig til tekst með björgun.

Þess vegna er mikilvægt að sem flestir kunni skyndihjálp og treysti sér til að veita hana þegar á reynir.

Margt verður gert til að vekja athygli á deginum og efni hans:

Gefið verður út sérstakt 112 blað sem dreift er með Fréttablaðinu í dag11.febrúar.

Kynntar verða niðurstöður Gallup-könnunar um skyndihjálparþekkingu landsmanna.

Fjöldi grunnskólabarna fær fræðslu um skyndihjálp og slysavarnir í tengslum við daginn.

Viðbragðsaðilar kynna skyndihjálp, slysavarnir og fleira, meðal annars í Smáralind laugardaginn 13. febrúar.

Móttaka verður í Skógarhlíðinni þar sem viðurkenningar verða veittar fyrir skyndihjálp og verðlaun veitt í Eldvarnagetrauninni.
112 blaðið 2010 er hægt að skoða hér.

Eyrarrósin, sérstök viðurkenning fyrir framúrskarandi menningarverkefni á landsbyggðinni, verður afhent á Bessastöðum mánudaginn 15. febrúar kl. 16.00 og er það í sjötta sinn sem viðurkenningin er veitt.
Þrjú verkefni hafa verið tilnefnd úr hópi umsækjenda: tónlistarhátíðin Bræðslan á Borgarfirði eystra, Eiríksstaðir í Haukadal og Skjaldborg - heimildarmyndahátíð á Patreksfirði.

Það verður tilkynnt við athöfnina hvert framangreindra verkefna hlýtur Eyrarrósina í ár; fjárstyrk að upphæð 1,5 milljón kr. og verðlaunagrip eftir Steinunni Þórarinsdóttur til eignar. Hin verkefnin sem tilnefnd eru hljóta 200 þúsund króna framlag. Öll verkefnin hljóta að auki flugferðir frá Flugfélagi Íslands.

Verðlaunin veitir Dorrit Moussaieff forsetafrú, sem jafnframt er verndari Eyrarrósarinnar. Katrín Jakobsdóttir, menntamálaráðherra flytur ávarp við athöfnina og tónlistarmennirnir Sigríður Thorlacius og Högni Egilsson flytja tónlist.

Meira

Fjögur umferðaróhöpp urðu í umdæminu í s.l.  4 feb varð árekstur við gatnamót Skutulsfjarðarbrautar og Seljalandsvegar,þar skullu tvær bifreiðar saman,talsverðar skemmdir á ökutækjum,ökumenn kenndu sér eymsla eftir og leituðu sjálfir til læknis,bifreiðarnar óökuhæfar og dregnar í burtu með krana.Sama dag varð minniháttar óhapp í Bolungarvík,þar bakkaði lyftari á bifreið við fiskmarkaðinn.6 feb var tilkynnt um fjórhjólaslys á Reykhólum,þar hafði maður dottið af fjórhjóli þar sem hann var í fjórhjólaferð við Vaðalfjöll,þar voru nokkur fjórhjól á ferðinni,maðurinn kenndi sér  eymsla í öxl,hann var sjálfur kominn að Reykhólum,þar sem sjúkrabíll tók hann og flutti á Heilsugæsluna í Búðardal til skoðunar.Þann sama dag var einnig tilkynnt um útafakstur á Gemlufallsheiðinni,þar hafnaði bifreið út fyrir veg og var óökuhæf,bifreiðin fjarlægð með krana.

Föstudaginn 5 feb kom upp eldur í kyndiklefa sem stóð skammt frá sumarhúsi í Flatey á Breiðafirði.Heimamönnum tókst að slökkva eldinn og bjarga því að hann læstist ekki í sumarhúsið.Kyndiklefinn brann til kaldra kola,eldsupptök eru ókunn.Málið er í rannsókn.

Þá var umferðin frekar róleg í umdæminu í vikunni,þó var einn stöðvaður fyrir of hraðann akstur.Þá var einn ökumaður stöðvaður,grunaður um fíkniefnaakstur. Nokkrir ökumenn voru áminntir vegna ljósabúnaðar.

Kynningarfundur um aðferðir til að glíma við lesblindu verður haldinn í Þróunarsetrinu á Hólmavík í kvöld 10. febrúar kl. 20:00. Það eru Sturla Kristjánsson og Jón Einar Haraldsson sem halda kynninguna, en þeir eru báðir Davis ráðgjafar. Í kynningu segir: "Lesblindir eru ekki heimskir. Þvert á móti eru þeir klárir; lagnir í höndunum, útsjónasamir og hugmyndaríkari en gengur og gerist. Myndræn hugsun ef náðargáfa. Þeir sem eru með hana vita það varla, en lenda oft í basli með lestur, jafnvel sagðir lesblindir, reikniblindir eða með athyglisbrest." Allir eru velkomnir á fundinn.

Fréttatilkynning frá Margréti Stefánsdóttur Forstöðumanns Samskiptsviðs Símans.
Póst - og fjarskiptastofnun hefur framlengt tíðniheimild Símans til reksturs langdrægs NMT kerfis á 450 MHz tíðnisviðinu sem þjónar landinu öllu og miðunum.

NMT kerfinu er lokað smátt og smátt og helst það í hendur við GSM, UMTS og 3G uppbyggingu Símans sem leysir NMT kerfið af hólmi.

Til þess að fyllsta öryggis sé gætt telur PFS rétt að framlengja tíðniheimild Símans vegna NMT kerfisins til 1. september 2010.

Síminn hefur byggt upp stærsta og þéttasta dreifikerfið á landinu og er leiðandi í uppbyggingu á 3G enda hefur ekkert annað fjarskiptafyrirtæki á landinu byggt upp 3G langdrægt kerfi, sem þjónar bæði miðunum og hálendinu. 

Eftir því sem langdræga farsímaþjónustan nær til fleiri svæða verður slökkt á NMT sendum á þeim svæðum. Ástæðan fyrir því að slökkt er á ákveðnum sendum fyrir 1. september er sú að rýma þarf fyrir nýjum búnaði á vissum stöðum þar sem búnaður Símans er hýstur.  

Samkvæmt skilyrðum Póst- og fjarskiptastofnunar mun Síminn birta fréttatilkynningu í byrjun hvers mánaðar með lista yfir þá NMT senda sem slökkt verður á í þeim mánuði.

Sjá lista yfir NMT senda símans og áætlun um lokanir þeirra (PDF)
Á töflunni sést að áætlað sé að leggja niður sendinn í Árneshreppi þann 1 september.

Þorrablót í Árneshreppi.

Sauðfjárræktarfélagið Von í Árneshreppi ætlar að standa fyrir þorrablóti í félagsheimilinu í Árnesi laugardaginn 13 febrúar og hefst það kl 20:00,ef veður leyfir.

Matseðill:Hefðbundinn þorramatur það er svið,sviðasulta,hrútspungar,hangiket,rófu og kartöflustappa svo eitthvað sé talið upp.

Skemmtiatryði:Öllum frjálst að troða upp.

Nærsveitungar og aðrir velkomnir.

Bæjarins Besta.
Atvinnumálanefnd Ísafjarðarbæjar hefur falið starfsmanni nefndarinnar að kanna möguleika á lagningu Hvalárlínu til Ísafjarðar. „Ljóst er að mögulega mætti framkvæma þetta með svipuðum hætti og fyrirtækið Spölur lét byggja Hvalfjarðargöng, þar sem um samfélagslegt verkefni er að ræða," segir í fundarbókun. Fulltrúar verkefnis um mögulega Hvalárvirkjun komu til fundar við atvinnumálanefnd á dögunum og kynntu stöðu mála. Sögðu þeir að er ljóst sé að lagalegir annmarkar eru til staðar varðandi tengigjald slíkrar virkjunar. „Mjög mikilvægt er fyrir Vestfirði í heild sinni að öll úrræði sem leysa úr raforkuvandamálum Vestfirðinga séu skoðuð," segir í fundarbókun.
www.bb.is