Eyrarrósin, sérstök viðurkenning fyrir framúrskarandi menningarverkefni á landsbyggðinni, verður afhent á Bessastöðum mánudaginn 15. febrúar kl. 16.00 og er það í sjötta sinn sem viðurkenningin er veitt.
Þrjú verkefni hafa verið tilnefnd úr hópi umsækjenda: tónlistarhátíðin Bræðslan á Borgarfirði eystra, Eiríksstaðir í Haukadal og Skjaldborg - heimildarmyndahátíð á Patreksfirði.

Það verður tilkynnt við athöfnina hvert framangreindra verkefna hlýtur Eyrarrósina í ár; fjárstyrk að upphæð 1,5 milljón kr. og verðlaunagrip eftir Steinunni Þórarinsdóttur til eignar. Hin verkefnin sem tilnefnd eru hljóta 200 þúsund króna framlag. Öll verkefnin hljóta að auki flugferðir frá Flugfélagi Íslands.

Verðlaunin veitir Dorrit Moussaieff forsetafrú, sem jafnframt er verndari Eyrarrósarinnar. Katrín Jakobsdóttir, menntamálaráðherra flytur ávarp við athöfnina og tónlistarmennirnir Sigríður Thorlacius og Högni Egilsson flytja tónlist.

Meira

Fjögur umferðaróhöpp urðu í umdæminu í s.l.  4 feb varð árekstur við gatnamót Skutulsfjarðarbrautar og Seljalandsvegar,þar skullu tvær bifreiðar saman,talsverðar skemmdir á ökutækjum,ökumenn kenndu sér eymsla eftir og leituðu sjálfir til læknis,bifreiðarnar óökuhæfar og dregnar í burtu með krana.Sama dag varð minniháttar óhapp í Bolungarvík,þar bakkaði lyftari á bifreið við fiskmarkaðinn.6 feb var tilkynnt um fjórhjólaslys á Reykhólum,þar hafði maður dottið af fjórhjóli þar sem hann var í fjórhjólaferð við Vaðalfjöll,þar voru nokkur fjórhjól á ferðinni,maðurinn kenndi sér  eymsla í öxl,hann var sjálfur kominn að Reykhólum,þar sem sjúkrabíll tók hann og flutti á Heilsugæsluna í Búðardal til skoðunar.Þann sama dag var einnig tilkynnt um útafakstur á Gemlufallsheiðinni,þar hafnaði bifreið út fyrir veg og var óökuhæf,bifreiðin fjarlægð með krana.

Föstudaginn 5 feb kom upp eldur í kyndiklefa sem stóð skammt frá sumarhúsi í Flatey á Breiðafirði.Heimamönnum tókst að slökkva eldinn og bjarga því að hann læstist ekki í sumarhúsið.Kyndiklefinn brann til kaldra kola,eldsupptök eru ókunn.Málið er í rannsókn.

Þá var umferðin frekar róleg í umdæminu í vikunni,þó var einn stöðvaður fyrir of hraðann akstur.Þá var einn ökumaður stöðvaður,grunaður um fíkniefnaakstur. Nokkrir ökumenn voru áminntir vegna ljósabúnaðar.

Kynningarfundur um aðferðir til að glíma við lesblindu verður haldinn í Þróunarsetrinu á Hólmavík í kvöld 10. febrúar kl. 20:00. Það eru Sturla Kristjánsson og Jón Einar Haraldsson sem halda kynninguna, en þeir eru báðir Davis ráðgjafar. Í kynningu segir: "Lesblindir eru ekki heimskir. Þvert á móti eru þeir klárir; lagnir í höndunum, útsjónasamir og hugmyndaríkari en gengur og gerist. Myndræn hugsun ef náðargáfa. Þeir sem eru með hana vita það varla, en lenda oft í basli með lestur, jafnvel sagðir lesblindir, reikniblindir eða með athyglisbrest." Allir eru velkomnir á fundinn.

Fréttatilkynning frá Margréti Stefánsdóttur Forstöðumanns Samskiptsviðs Símans.
Póst - og fjarskiptastofnun hefur framlengt tíðniheimild Símans til reksturs langdrægs NMT kerfis á 450 MHz tíðnisviðinu sem þjónar landinu öllu og miðunum.

NMT kerfinu er lokað smátt og smátt og helst það í hendur við GSM, UMTS og 3G uppbyggingu Símans sem leysir NMT kerfið af hólmi.

Til þess að fyllsta öryggis sé gætt telur PFS rétt að framlengja tíðniheimild Símans vegna NMT kerfisins til 1. september 2010.

Síminn hefur byggt upp stærsta og þéttasta dreifikerfið á landinu og er leiðandi í uppbyggingu á 3G enda hefur ekkert annað fjarskiptafyrirtæki á landinu byggt upp 3G langdrægt kerfi, sem þjónar bæði miðunum og hálendinu. 

Eftir því sem langdræga farsímaþjónustan nær til fleiri svæða verður slökkt á NMT sendum á þeim svæðum. Ástæðan fyrir því að slökkt er á ákveðnum sendum fyrir 1. september er sú að rýma þarf fyrir nýjum búnaði á vissum stöðum þar sem búnaður Símans er hýstur.  

Samkvæmt skilyrðum Póst- og fjarskiptastofnunar mun Síminn birta fréttatilkynningu í byrjun hvers mánaðar með lista yfir þá NMT senda sem slökkt verður á í þeim mánuði.

Sjá lista yfir NMT senda símans og áætlun um lokanir þeirra (PDF)
Á töflunni sést að áætlað sé að leggja niður sendinn í Árneshreppi þann 1 september.

Þorrablót í Árneshreppi.

Sauðfjárræktarfélagið Von í Árneshreppi ætlar að standa fyrir þorrablóti í félagsheimilinu í Árnesi laugardaginn 13 febrúar og hefst það kl 20:00,ef veður leyfir.

Matseðill:Hefðbundinn þorramatur það er svið,sviðasulta,hrútspungar,hangiket,rófu og kartöflustappa svo eitthvað sé talið upp.

Skemmtiatryði:Öllum frjálst að troða upp.

Nærsveitungar og aðrir velkomnir.

Bæjarins Besta.
Atvinnumálanefnd Ísafjarðarbæjar hefur falið starfsmanni nefndarinnar að kanna möguleika á lagningu Hvalárlínu til Ísafjarðar. „Ljóst er að mögulega mætti framkvæma þetta með svipuðum hætti og fyrirtækið Spölur lét byggja Hvalfjarðargöng, þar sem um samfélagslegt verkefni er að ræða," segir í fundarbókun. Fulltrúar verkefnis um mögulega Hvalárvirkjun komu til fundar við atvinnumálanefnd á dögunum og kynntu stöðu mála. Sögðu þeir að er ljóst sé að lagalegir annmarkar eru til staðar varðandi tengigjald slíkrar virkjunar. „Mjög mikilvægt er fyrir Vestfirði í heild sinni að öll úrræði sem leysa úr raforkuvandamálum Vestfirðinga séu skoðuð," segir í fundarbókun.
www.bb.is

Á Facebook eða Feisbókinni hefur verið mikil skrif um núverandi útvarpsstjóra í sambandi við að leggja niður svæðisstöðvar alveg og segja starfsmönnum upp,og einnig gegn því að dregið sé úr innlendum kaupum á innlendu efni á kvikmyndum,og mörgu fleiru.
Mikill hópur fólks hefur nú skráð sig á lista sem styður Maríönnu Friðjónsdóttur að verða næsta útvarpsstjóra,og biður stjórn RÚV og menntamálaráðherra að víkja núverandi útvarpsstjóra úr sæti.
Orðrétt fer hér á eftir orðsending frá þessum hóp á Feisbókinni:
Við sem skráum okkur hér viljum að Maríanna Friðjónsdóttir verði Útvarpsstjóri RUV.
Við skorum á stjórn RUV og Menntamálaráðherra að láta Pál Magnússon víkja úr sæti Útvarpsstjóra.
Ferilskrá Maríönnu:
Fædd.13.11.1953.
Marianna Fridjonsdottir, former Chief Executive of TvDanmark Channel 2 and a pioneer of modern television in Scandinavia, has been in the media business for almost 40 years, starting in the newsroom of the Icelandic State Broadcasting service, RUV, in 1970.
Þeyr sem eru á Feisbókinni geta séð slóðina hér.

Arnar B Guðjónsson sendi vefnum nokkrar myndir sem hann tók nú í janúar hér í Árneshreppi er hann var staddur hér ásamt bróður sínum Kristjáni Andra Guðjónssyni að undirbúa undir grásleppuveiðar í vor.En Kristján Andri ætlar að gera út á grásleppu frá Norðurfirði eins og nokkur undanfarin ár og verður Arnar með honum á Sörla ÍS 67.

Arnar er mikill áhugaljósmyndari og tekur frábærar myndir,og er kominn tengil hér á vefnum inná ljósmyndavef Arnars Bergs Guðjónssonar undir tenglar og þar undir ljósmyndavefir.

Nokkrar myndir eru hér með frá Arnari enn ljósmyndavefur hans er hér.

Meðal tillagna nefndar samgöngu- og sveitarstjórnarráðherra um fjárhagsvanda hafna er að endurskoða þurfi hafnalög, verkaskipting hafna verði auðvelduð og úrelding gerð möguleg og að  eftirlitsnefnd með fjármálum sveitarfélaga verði falið að hafa sérstakt eftirlit með rekstri hafna.

Kristján L. Möller, samgöngu- og sveitarstjórnarráðherra, skipaði í febrúar á síðasta ári nefnd til að gera tillögur um hvernig bregðast mætti við fjárhagsvanda hafna. Nefndin skilaði ráðherra skýrslu sinni fyrir helgina og er þar að finna viðamikla greiningu á fjárhagsvanda hafna og ýmsar tillögur um hvernig bæta má fjárhagsstöðu þeirra.

Formaður nefndarinnar var Smári Geirsson, kennari og sveitarstjórnarmaður, skipaður samkvæmt tilnefningu Hafnasambands Íslands. Aðrir í nefndinni voru Gunnlaugur Júlíusson, skipaður samkvæmt tilnefningu Hafnasambands Íslands, Ólafur Örn Ólafsson, skipaður án tilnefningar, Sigurður Áss Grétarsson, skipaður án tilnefningar, Stefanía Traustadóttir, skipuð án tilnefningar, Svanhvít Axelsdóttir, skipuð án tilnefningar og Magnús Jónsson, skipaður samkvæmt tilnefningu Sambands íslenskra sveitarfélaga. Starfsmaður nefndarinnar var Rúnar Guðjónsson, viðskiptafræðingur, í samgöngu- og sveitarstjórnarráðuneyti.

Meira

Eins og komið hefur fram hér á vefnum og víðar í fjölmiðlum fyrir áramót,verður ekkert mokað í Árneshrepp eftir 5 janúar og fram til endaðan mars eftir svonefndri G reglu Vegagerðarinnar.

En nú í mánuðinum sem var að líða og það sem er af þessum mánuði er engu líkara en að Veðurguðirnir hafi tekið fram fyrir hendurnar á þeirri ágætu stofnun,því fært hefur verið mestallan janúar nema með smá undantekningum í byrjun mánaðar,meira að segja eru vegir sléttir eftir að frysti því vatn var í holum og fraus.

Það er því engu líkara en að Veðurguðirnir standi með hreppsbúum enn um sinn,hvað þeyr sjá lengi um að halda veginum opnum norður í Árneshrepp skal ósagt látið.