Vegurinn norður í Árneshrepp á Ströndum var ekki opnaður í tengslum við þjóðaratkvæðagreiðslunu á laugardaginn. Björgunarsveitin Björg á Drangsnesi var í staðinn beðin að sækja kjörgögn norður í Árneshrepp og koma þeim í hendurnar á lögreglunni á Hólmavík að loknum kjörfundi í Árnesi. Ekki var talið fært í Árneshrepp, en búið var að moka frá Árnesi til Djúpavíkur þannig að íbúar hreppsins komust á kjörstað. Fimm björgunarsveitarmenn á tveimum jeppum og með tvo vélsleða fóru frá Drangsnesi kl 16.00 og gekk ferðin sæmilega greiðlega.
Þetta kemur fram á www.strandir.is

Auglýsing um Aðalskipulag Árneshrepps 2005-2025

Samkvæmt  18. gr. skipulags- og byggingarlaga nr. 73/1997 með síðari breytingum er hér með auglýst eftir athugasemdum við tillögu að Aðalskipulagi Árneshrepps 2005-2025.

 

Skipulagsuppdrættir, greinargerð,umhverfisskýrsla og skýrslur vegna fornleifaskráningar liggja frammi á skrifstofu Árneshrepps á Norðurfirði frá 9. mars 2010 til  6. apríl 2010.  Ennfremur verða gögnin aðgengileg  á heimasíðunni  www.litlihjalli.it.is og hjá Skipulagsstofnun, Laugavegi 166, Reykjavík.

 

Athugasemdum skal skila skriflega til skrifstofu Árneshrepps á Norðurfirði,  merkt aðalskipulag,  fyrir 27. apríl 2010. Þeir sem ekki gera athugasemdir innan tilskilins frests,  teljast samþykkir tillögunni. 
 9. mars 2010

 Oddviti Árneshrepps

 Oddný S. Þórðardóttir.
Hægt er að skoða skrárnar um Aðalskipulag Árneshrepps hér vinstra megin á vefnum hér undir Aðalskipulag 2005-2025.

Í vikunni sem var að líða gekk umferð í umdæmi lögreglunnar á Vestfjörðum nokkuð vel ef frá eru talin þrjú umferðaróhöpp á Ísafirði,sem öll teljast minniháttar,tjón ekki mikil og ekki slys á fólki.

Í vörslu lögreglunnar er í óskilum Zodiac gúmbátur ásamt Evanrude utanborðsmót.Umræddur bátur hefur verið í höfninni í Bolungarvík um einhvern tíma og þeir sem gætu gefið einhverjar upplýsingar varðandi  bátinn eru vinsamlegast beðnir um að hafa samband við lögregluna á Vestfjörðum,varðstofa Ísafirði, sími 450-3730.

Skemmtanahald um helgina gekk vel í umdæminu og án teljandi afskipta lögreglu.

Tilkynning frá Félagi Árneshreppsbúa í Reykjavík:
Forsala miðasölu á Afmælishátíð Félags Árneshreppsbúa verður á morgun sunnudag í aðalinngangi að Hótel Sögu á milli kl 14:00 og kl 16:00.
Miðaverð í mat og á dansleik er 7.900 kr og einungis á dansleik eftir mat og skemmtiatriði 2.500 kr.
Veislustjóri verður hinn frábæri Ragnar Torfason.
Skemmtiatriði verða úr smiðju heimamanna,að minnsta kosti munu þær Melasystur og Heimakórinn stíga á stokk.
Hljómsveitin Sixties leikur fyrir dansi að borðhaldi loknu.

Forsalan verður sunnudaginn 7.mars í aðalinngangi Hótels Sögu  milli klukkan 14.00-16.00.

Nánari upplýsingar í nýja fréttabréfinu sem hefur væntanlega borist ykkur.

Einnig má sjá upplýsingarnar á Facebook:

http://www.facebook.com/reqs.php#!/pages/Felag-Arneshreppsbua/332432259816?ref=mf

Hátíðarhlaðborð vegna 70 ára afmælis Félags Árneshreppsbúa í Súlnasal Hótel Sögu við Hagatorg laugardaginn 20 mars.
Matseðillinn:

Fordrykkur

Forréttir

Hægeldaður lax með mangó salsa

Appelsínu marineraður skelfiskur

Basil og engifer marineruð bleikja

Salat með grilluðum ananas og engiferdressingu

Kjúklingastrimlar í saté sósu

Túnfiskur í maki með sesamfræjum

Nautaþynnur á klettasalati

Aðalréttir

Kryddjurta marinerað lambalæri

Salvíukryddaðar kalkúnabringur

Ferskasti fiskur dagsins á grænmetis risotto

Kartöflugratín

Sykurbrúnaðar kartöflur

Fersk grænmetisblanda

Rauðvínssósa

Ábætisréttir

Ávaxtabakki

Kökur

Ís og tvær tegundir af sósum

Tilkynning frá formanni kjörstjórnar í Árneshreppi.
Kjörfundur hefst í Árneshreppi í Félagsheimilinu í Árnesi kl 09:00 að morgni laugardagsins 6 mars.

Vegna Þjóðaratkvæðagreiðslunnar 6 mars 2010 um Icesave.

Á kjörskrá eru 43 alls.

Tuttugu og fjórir karlar og nítján konur samkvæmt þjóðskrá Hagstofu Íslands.

Forgangsröðun í nýtingu vatnsafls og jarðhita er eitt af grundvallarmálum fyrir íbúa á Vestfjörðum.Eru virkjunarkostir á Vestfjörðum innan sjónmáls í þeirri forgangsröðun eða ekki.Ef ekki,hvaða aðgerða þarf þá að grípa til þess að samfélög og atvinnulíf á Vestfjörðum njóti sömu gæða og öryggis í raforkumálum líkt og aðrir landhlutar hafa haft um áratuga skeið.
Á vegum stjórnvalda hefur um tveggja ára skeið starfað verkefnisstjórn 2.áfanga rammaáætlunar um vernd og nýtingu náttúrusvæða með áherslu á vatnsafl og jarðhitasvæði.Verkefnisstjórnin hefur fundað víða um land m.a. á Vestfjörðum og kynnt sér aðstæður og aflað viðamikilla upplýsinga.Skýrsla starfshópsins er nú tilbúin og upplýsinga og umsagnarferill hefst þann 8. mars n.k. og stendur til 19. apríl.Hefst sá ferill með kynningu skýrsla verkefnisstjórnar mánudaginn 8. mars n.k. og með fundi þriðjudaginn 9. mars kl 14.00 í húsnæði Menntavísindasviðs Háskóla Íslands (áður Kennaraháskólinn) að Stakkahlíð í Reykjavík.Fundurinn verður einnig sendur út á netinu,hægt er að fylgjast með útsendingu á vef rammaáætlunar einnig verður boðað til funda víða um land í framhaldnu, verða þeir auglýstir síðar.
Tengill á vef rammaáætlunar er http://www.rammaaaetlun.is

 

Eitt meginmarkmið lögreglunnar skv. löggæsluáætlun 2007-2011 síðastliðinn ár hefur verið að veita bestu hugsanlegu þjónustu og vinna að því að efla og viðhalda trausti borgaranna.Gallup hefur kannað traust almennings til nokkurra stofnana og embætta frá árinu 1993.Lögreglan hefur undanfarin ár mælst með næstmesta traustið samkvæmt árlegum mælingum Þjóðarpúls Gallup,næst á eftir Háskóla Íslands.

Nú hefur breyting orðið á og samkvæmt nýjasta Þjóðarpúlsi, sem kom út í mars,segjast rúmlega 81% bera mikið traust til lögreglunnar og hefur lögreglan aldrei mælst svo hátt.Háskóli Íslands sem lengst af hefur verið sú stofnun sem notið hefur mest trausts kemur þar á eftir en 76% bera mikið traust til hans.

Ríkislögreglustjóri lýsir ánægju með niðurstöðuna.

Á vikulegum súpufundi Þróunarsetursins og Arnkötlu 2008 í dag kynntu hjónin í Húsavík kjötframleiðsluna Strandalamb. Mjög góð mæting var á fundinum en 25 manns mættu í holdi og blóði og að auki 20 manns í gegnum netheima. Súpufundurinn var sendur út í fyrsta sinn beint á netinu og það er óhætt að segja að vel hafi til tekist. í lok fundarins birtist könnun á skjánum hjá netdvalarfólkinu þar sem leitað var upplýsinga um hvaðan fólk tengdi sig og hvernig hljóð og mynd hefði verið. Niðurstöður könnunarinnar birtast hér að neðan ásamt myndum frá fundinum en það er alveg ljóst að framhald verður á þessum útsendingum miðað við viðbrögð þátttakenda. Fyrstu endurbætur verða að koma upp betri hljóðnema fyrir útsendinguna og hvetja notendur enn betur til að nota höfuðtól í stað hátalaranna í tölvunum. Búnaðurinn sem notaður var heitir Netviewer og er keyrður á vefþjóni hjá Þekkingu hf.
Nánar hér á strandir.is.

Krakkarnir í Finnbogastaðaskóla fóru í vel lukkað og skemmtilegt skólaferðalag nú í vikunni. Leiðin lá til Reykjavíkur og á tveimur dögum voru þau mjög athafnasöm: Skruppu í skautahöllina og bókamarkaðinn í Perlunni, þar sem þau skoðuðu líka hina stórkostlegu sögusýningu. Þá gæddu þau sér á veitingum á Hamborgarabúllunni og Lækjarbrekku, en hápunkturinn var leikhúsferð að sjá Oliver í Þjóðleikhúsinu.

Bókin um Óliver Twist hefur verið morgunlesning í Finnbogastaðaskóla síðustu mánuði og krakkarnir þekktu því söguna vel og lifðu sig inn í sýninguna. Það var svo til að kóróna frábæra heimsókn í leikhús allra landsmanna að þau fengu að kíkja bak við tjöldin áður en sýningin hófst.

Upphaflega stóð til að skólaferðalagið stæði í 4 daga, en þar sem flug frestaðist vegna veðurs varð ferðalagið styttra. Þau misstu þannig af heimsókn í sjónvarpshúsið, en þar var þeim boðið að vera við útsendingu á Útsvari, skemmtiþætti ársins. En þó krakkarnir hafi misst af því núna ætlar sjónvarpsfólk að taka vel á móti þeim næst.