Talsverður erill var hjá lögreglunni á Vestfjörðum um páskana.Fjölmenni var samankomið á Ísafirði vegna rokkhátíðarinnar Aldrei fór ég suður sem er hluti skíðavikunnar.Lögregla þurfi að hafa afskipti af nokkrum aðilum vegna stimpinga í og við veitingahús á Ísafirði,talsverð ölvun var á svæðinu.Á öðrum stöðum í umdæminu gekk skemmtanahald nokkuð vel fyrir sig og án teljandi afskipta lögreglu.

Mikil umferð var vestur vegna hátíðanna og gekk hún nokkuð áfallalaus fyrir sig að öðru leiti en því að 41 ökumaður var tekin fyrir of hraðan akstur,19 ökumenn voru stöðvaðir vegna hraðakstur í nágrenni Hólmavíkur og 20 stöðvaðir á Ísafirði og í nágrenni,þá voru tveir stöðvaðir í nágrenni Patreksfjarðar.Sá sem hraðast ók,var mældur á 126 km/klst þar sem 90 km/klst. er leyfður.Nokkuð var um að lögreglan þyrfti að aðstoða ökumenn vegna ófærðar,eldsneytisleysis og annarra orsaka.

5 ökumenn voru teknir fyrir grun um ölvun við akstur á Ísafirði.1 ökumaður var stöðvaður vegna gruns um akstur undir áhrifum fíkniefna.

10 umferðaróhöpp voru tilkynnt til lögreglu og voru þau flest minniháttar og án slysa,að öðru leiti gekk umferð nokkuð vel fyrir sig.Klukkan 00:49 sunnudaginn 04. apríl var tilkynnt um slys á Drangajökli er tveim sleðum var ekið  fram af hengju.Annar ökumanna slasaðist,en áverkar hans reyndust minni háttar.Náðu björgunarsveitarmenn úr Dagrenningu á Hólmavík í mennina og sleðana.

Ein líkamsárás var tilkynnt til lögreglu, var um mjög grófa líkamsárás að ræða.Árásin átti sér stað í heimahúsi á Ísafirði, aðfaranótt föstudagsins langa.Var einn aðili úrskurðaður í gæsluvarðhald vegna málsins fram á mánudag 5 apríl.Málið telst upplýst.

Veðrið í Mars 2010.

Yfirlit yfir veðrið frá Veðurstöðinni í Litlu-Ávík.

Mánuðurinn var óvenju hlýr í heild,yfirleitt voru suðlægar vindáttir fram í miðjan mánuð,síðan norðaustan eða austlægar vindáttir yfirleitt með hita yfir frostmarki,en 26 frysti og var nokkurt frost út mánuðinn.

Mánuðurinn var óvenju snjóléttur miðað við marsmánuð,nema fyrstu daga mánaðar,en síðan var jörð lítils háttar flekkótt eða auð.

Úrkoman var í minna lagi þótt fáir dagar væru úrkomulausir.

Meira

Vefurinn Litlihjalli óskar lesendum sínum nær og fjær Gleðilegra páska.
!Eins og alþjóð veit heldur kirkjan páska til að fagna upprisu Jesú Krists frá dauðum. Þess vegna eru páskarnir gleði- og sigurhátíð í hugum kristinna manna og eru þeir raunar elsta hátíð kristninnar. Af þeim sökum kölluðu kirkjufeðurnir páskana Festum festorum eða hátíð hátíðanna. Sérhver sunnudagur er, frá sjónarhóli kristninnar, endurómur af gleðisöng páskanna: „Hann er sannarlega upprisinn!" Því er sunnudagurinn einnig nefndur Drottinsdagur!.

Tveir vélsleðamenn óku fram af snjóhengju á Drangajökli í nótt. Björgunarsveitarmenn úr Dagrenningu á Hólmavík voru kallaðir út um klukkan eitt í nótt og sóttu þeir mennina og fluttu á heilsugæslu Hólmavíkur.

Annar þeirra var meiddur í andliti og á handlegg en áverkarnir voru þó ekki alvarlegir. Mennirnir voru á leið til baka af jöklinum en skyggni orðið slæmt vegna snjóhríðar og því sáu þeir ekki hengjuna sem þeir fóru fram af. Sleðarnir eru báðir illa farnir.
Frá þessu var sagt á www.ruv.is.

Verið er að opna veginn norður í Árneshrepp,mokað er beggja megin frá.
Talsvert snjóaði í gær og fram á nótt,nú er komið hinsvegar hið besta veður Vestan kul eða gola hiti rétt fyrir neðan frostmark.
Það ættu því allir að geta komist á hið árlega páskabingó sem verður í félagsheimilinu í Trékyllisvík kl 14:00 í dag.

Guðþjónusta var í Árneskirkju kl tvö í dag Skírdag,séra Sigríður Óladóttir sóknarprestur predikaði og Gunnlaugur Bjarnason lék á orgel.Kór Árneskirkju söng.
Engin messa var í Árneskirkju um síðustu jól hné áramót, vegna samgönguerfiðleika.
Þannig vill þetta oft verða í afskekktum sveitum.

Fimmtudagur fyrir páska nefnist skírdagur. Orðið 'skír' merkir 'hreinn, óblandaður; skær, bjartur; saklaus' og vísar nafnið þannig til þess að Jesús þvoði fætur lærisveina sinna. Sögnin skíra merkir að hreinsa og hin upphaflega merking þess að barn sé skírt er þess vegna hreinsun.

Í Sögu daganna eftir Árna Björnsson segir meðal annars þetta um daginn:

Þá er minnst heilagrar kvöldmáltíðar og þess að Kristur þvoði fætur lærisveina sinna. Þennan dag var altari þvegið og olía vígð í katólskum sið, og varð hann fljótt aflausnardagur syndara. Að slíkri hreinsun lýtur skírdagsheitið, sem til er í elstu norrænum textum og á sér hliðstæðu í gamalli ensku. (646)

Meira

Hið árlega Páskabingó verður haldið í félagsheimilinu Trékyllisvík laugardaginn 3. apríl 2010 og hefst klukkan 14:00.Klukkan tvö eftir hádegi.

Góðir vinningar verða í boði,og eru allir velkomnir.

Allur ágóði rennur í ferðasjóð nemenda við Finnbogastaðaskóla.

Verðið er 350 kr spjaldið.

Veðurspá Strandir og Norðurland vestra í dag:
Norðan 5 -10 m/s og dálítil él.Frost 3 til 10 stig,mest í innsveitum.
Veðurhorfur á landinu næstu daga:

Á föstudag (föstudagurinn langi):
Norðvestlæg átt, 8-15 m/s, hvassast V-lands. Snjókoma eða él V- og N-lands, en annars bjart veður. Frost 0 til 8 stig, minnst syðst.
Á laugardag:
Norðvestlæg átt, 13-18 m/s á annesjum NV-lands, en annars víða 5-13. Snjókoma á N-landi, en annars úrkomulítið og víða bjart S- og A-lands. Hiti breytist lítið.
Á sunnudag (páskadagur):
Vestlæg eða breytileg átt. Él NV-til, bjartviðri fyrir austan, en annars skýjað og þurrt að kalla. Frost 1 til 7 stig, en kringum frostmark. SV- og V-lands.
Á mánudag (annar í páskum):
Norðaustanátt. Slydda eða rigning S- og A-lands, él NV-lands, en annars úrkomulítið. Heldur hlýnandi.
Á þriðjudag:
Norðaustlæg átt með vætu, en bjart SV-lands. Hiti nálægt frostmarki.
Langtímaspá YR.NO hér.

Samkvæmt vef Vegagerðarinnar er verið að hreinsa eða moka veginn norður í Árneshrepp,þungfært hefur verið norður undanfarna daga og þá sérstaklega á Veiðileysuhálsinum að norðanverðu og niðri Kúvíkurdal.
Mokað verður á þriðjudag eftir páska.