Sextánda Strandagangan fór fram í Selárdal á laugardag,fjöldi fólks tók þátt eða 79 og er þetta því fjórða fjölmennasta Strandagangan frá upphafi.
Keppnin í 20 km göngunni var gríðarlega spennandi bæði í karla- og kvennaflokkum.Í karlaflokki sigraði Andri Steinþórsson eftir harða keppni við Birki Þ Stefánssoná seinni hluta göngunnar og fær hann því Sigfúsarbikarinn til varðveislu næsta árið.Fyrst kvenna í mark var Stella Hjaltadóttir frá Ísafirði.
Keppendur í Strandagöngunni voru víða að af landinu, eins og oft áður voru nágrannar okkar frá Ísafirði fjölmennastir, einnig komu góðir hópar frá Reykjavík, Ólafsfirði og Akureyri.Frá Siglufirði komu heiðurshjónin Magnús og Guðrún en þau hafa verið fastagestir í Strandagöngunni undanfarin ár.
Nánar um úrslit má sjá hér.

Hreppsnefnd Árneshrepps hefur óskað eftir því við sjávarútvegs- og landbúnaðarráðuneytið að 16 tonna byggðakvóti sem kom í hlut Árneshrepps og tilkynnt var með bréfi 31.janúar 2010, verði skipt jafnt milli báta í sveitarfélaginu.Hreppsnefnd telur að með því að skipta afla jafnt milli báta berist mesti mögulegi afli á land, þar sem kvótalitlir bátar þurfa jafnvel að leigja til sín einhvern kvóta til að geta náð byggðakvótanum.Árneshreppur óskaði jafnframt eftir því að aflétt verði vinnsluskyldu til að hægt sé að afhenda fiskiskipum í Árneshreppi byggðakvóta fiskveiðiársins 2009/2010,Þar sem engin bolfiskvinnsla er til staðar í Árneshreppi,en vinna skapast í landi við að slægja og ísa fiskinn,auk þess sem flutningur fisks á markað styrkir landflutninga í Árneshrepp.

Skipulagsstofnun hefur opnað svokallaða Skipulagsvefsjá sem er rafrænt gagnasafn skipulagsáætlana sem varðveittar eru hjá stofnuninni. Með tímanum verður hægt að nálgast þar allt deili- og aðalskipulag sem samþykkt og staðfest hefur verið samkvæmt skipulags- og byggingarlögum nr. 73/1997 og stofnunin hefur fengið til varðveislu. Í nokkrum tilfellum er einnig hægt að nálgast skipulagsáætlanir samkvæmt eldri lögum. Nánari leiðbeiningar eru að finna í Skipulagsvefsjánni.
Meira

Strandagangan verður haldin á Hólmavík á morgun laugardaginn 13 mars 2010.
Keppt verður í eftirfarandi flokkum: 
Stelpur 1 km                             Strákar 1 km
Konur 5 km                              Karlar 5 km
Konur 10 km                            Karlar 10 km
Konur 16-34 ára 20 km              Karlar 16-34 ára 20 km
Konur 35-49 ára 20 km              Karlar 35-49 ára 20 km
Konur 50 ára og e. 20 km          Karlar 50 ára og e. 20 km 
Ræst verður í 1 km gönguna kl. 12.20 og í aðrar vegalengdir kl. 13.00.    1 km gangan er eingöngu ætluð keppendum 10 ára og yngri.   Þrír fyrstu keppendur í hverjum flokki fá glæsilega bikara og aðrir fá viðurkenningarpening fyrir þátttökuna.  Sá sem er fyrstur í mark í 20 km. göngunni hlýtur til varðveislu næsta árið veglegan farandbikar sem gefinn var af Heilbrigðisstofnun Hólmvíkur til minningar um Sigfús Ólafsson heimilislækni.  Í göngunni er einnig keppt í Sveitakeppni sem fer þannig fram að 3 einstaklingar í sömu vegalengd mynda lið og gildir samanlagður tími þeirra í sveitakeppninni.  Þrjár efstu sveitirnar í hverri vegalengd fá verðlaunapeninga fyrir sæti.   Skráning fer fram á staðnum milli kl. 11.30-12.20, en til að auðvelda vinnu við skráningu geta menn sent skráningar og fyrirspurnir á netfangið sigrak@simnet.is, eða í símum: 8921048(Rósmundur) eða 8933592(Ragnar).  Þátttökugjald er kr. 2.000 fyrir 16 ára og eldri og kr. 500 fyrir 15 ára og yngri.   Eftir göngu er öllum keppendum og starfsfólki boðið í veglegt kaffihlaðborð og verðlaunaafhendingu í Félagsheimilinu á Hólmavík.
Nánar hér. 

Í gær komu menn frá Símanum og skiptu um rafgeyma og afriðla í símstöðinni í Litlu-Ávík.(Trékyllisvík) og luku því í dag.

Þegar rafmagn fór af Árneshreppi hefur allt símakerfi og 3 G kerfið dottið út sem á ekki að gerast,því varakerfi á að taka við,það er byggt upp á rafgeymum sem eiga að duga í alllangan tíma,og einnig er keyrt inná þá frá Litlu-Ávík með dísil rafstöð þegar rafmagn fer af,enn það var í lagi með það kerfi.

Nú kom í ljós að rafgeymar voru ónýtir af því komu símar ekki inn sjálfkrafa eftir að rafmagn kom á aftur,heldur varð að handsetja það inn.

Síðar verður bætt við fleiri rafgeymum og sett annað sett,því álag hefur þrefaldast með tilkomu 3G kerfisins.

Símstöðin er keyrð á 48 voltum D.C (jafnstraum).

Aðalfundur Ferðamálasamtka Vestfjarða verður haldinn á Hótel Núpi í Dýrafirði laugardaginn 17. apríl n.k. kl. 9:00. Það stefnir í mikla dagskrá í tengslum við aðalfundinn. Á föstudagskvöldinu verður stefnumótunarskýrslan kynnt en verið er að leggja lokahönd á hana um þessar mundir. Vel yfir 100 manns komu að vinnu við hana á fundum víðsvegar um Vestfirði.
Eftir aðalfundinn á laugardagsmorgni hefst síðan heilmikil ráðstefna undir yfirskriftinni Umhverfisvottaðir Vestfirðir. Þar halda erindi helstu sérfræðingar landsins um þennan málaflokk og ræða hann út frá öllum sviðum. Umhverfisráðherra hefur boðað komu sína á fundinn. Vonast er til þess að þessi ráðstefna verði til þess að í framhaldinu muni Vestfirðingar ræða í fullri alvöru kosti þess að taka upp umhverfisvottun fyrir svæðið. Bundnar eru vonir til þess að Fjórðungssamband Vestfjarða taki við boltanum og stýri framhaldsvinnunni í góðri samvinnu við önnur sveitarfélög, fyrirtæki, stofnanir og íbúa í fjórðungnum.   Dagskrá aðalfundarins og ráðstefnunnar verður kynnt ítarlega innan tíðar.

Áhugaljósmyndarinn Ágúst G Atlason hefur sent vefnum mikið af ljósmyndum og hafa þær verið settar inn undir Myndir hér á vefnum,undir heitunum: Ferð með Reimari á Hornstrandir 2008. Og Árneshreppur 2008.
Myndirnar hefur Ágúst tekið í ferð á Hornstrandir með Reimari Vilmundarsyni, en hann er með áætlunarsiglingar á Hornstrandir á sumrin á Sædísi ÍS-67. Og hinar myndirnar eru allar teknar í Árneshreppi. 

Tengill á ljósmyndavef Ágústs er á vefnum undir tenglar. Ljósmyndavefur Ágústs er http://gusti.is/

Þetta eru allt frábærar myndir hjá Ágústi og er virkilega gaman að skoða og fletta myndaalbúmunum hans.

Vefnum hefur nú borist yfirlit yfir farþegafjölda,frægt og póstflutninga,og lendingar á Gjögurflugvelli vegna ársins 2009.

Innan sviga eru tölur frá því 2008.

Flugfélagið Ernir hafa verið með áætlunarflugið til Gjögurs frá ársbyrjun 2007.

Farþegafjöldi var árið 2009:439.(2008:405).

Vöru-og Póstflutningur var árið 2009:28.621 kg:(2008:28.381 kg).

Lendingar í áætlunarflugi voru 212.Skráð einkaflug voru 8.Lendingar véla Flugstoða eða Flugmálastjórnar.FMS voru 6.

Sjúkraflug voru 2 á árinu 2009.Einnig voru þau tvö árið 2008.

Eins og sjá má hefur farþegafjöldi aukist á milli ára um 34 farþega,flutningur er nánast eins.

Húsafriðunarnefnd hefur birt yfirlit yfir styrki árið 2010.Af einstökum landshlutum kemur mest í hlut Vestfjarða til endurbyggingar gamalla húsa, 18,1 milljón auk styrkja til friðaðra húsa og friðaðra kirkna.Til endurbygginga gamalla húsa þarf að sækja um árlega og er umsóknarfrestur til 1. desember ár hvert.
Til endurbygginga gamalla húsa í Árneshreppi var úthlutað vegna eftirfarandi húsa:
Síldarverksmiðjan Djúpavík,byggingarár 1935,fær 2.4 milljónir.
Síldarverksmiðja Eyri Ingólfsfirði,byggingarár 1942 fær 400 þúsund.
Gamla kjötfrystihúsið Norðurfirði byggingarár 1960 fær 400 þúsund.
Vegna friðaðra kirkna:
Ein friðuð kirkja er í Árneshreppi,en það er Árneskirkja eldri í Trékyllisvík byggingarár hennar var 1850 styrkur vegna hennar nemur 300 þúsundum.
Lista yfir úthlutanir má sjá hér.

Nú er Vegagerðin á Hólmavík að opna norður í Árneshrepp.

Mokað er sunnan frá Bjarnarfirði til Djúpavíkur,en þangað var búið að opna norðanmegin í síðustu viku.

;Að sögn Sigurðar Mar Óskarssonar verkefnisstjóra hjá Vegagerðinni var þessi ákvörðun tekin vegna hversu góð veðurspá er framundan og snjó leysti mikið í síðustu viku og lítill snjór á veginum norður,annars gildir svonefnd G regla áfram;.

Hreppsbúar ættu því að komast í vegasamband seint í dag eftir talsverðan tíma eða síðan í janúar.